بلاها مرسي ..... إختار شفيق

[ام سلمي]

وبعدين إذا كان مبارك وجمال وعلاء والعادلي وعز وسرور والشريف وباقي العصابة موجودين في السجن ومعظمهم يتم محاكمته بتهمة قتل المتظاهرين وموقعة الجمل، سابوا ليه شفيق لو كان هناك شيئ يدينه؟

الاستاذ الفاضل محمد

شفيق اتقدم فيه اكتر من تلاتين بلاغ للنائب العام و من زمان ، و كلهم اتقفل عليهم الدرج ،

و الكلام ده بشهادة علاء الاسواني اللي كلناعارفين انه مش اسلامي علشان نشك ان ليه

هدف من تشويهه

طيب وبلاغ عصام سلطان اللي قدمه فيه ومعاه اوراق عليها امضته ، حصل فيه ايه ؟

برضه اتقفل عليه الدرج لحد ما يبقي رئيس رسمي ،

و ازاي اصلا يبقي مرشح للرئاسة وعليه بلاغات ؟

العسكر ضحوا بناس زي عز والعادلي علشان الشعب ساعتها ما كانش حيسكت

لكن شفيق طبعا ما ضحوش بيه لان محتاجينه لان هو مرشحهم للرئاسة اللي

حيضمن لهم انهم ما يتحاسبوش و يحكموا البلد من خلاله

[طارق مصرى]

العجيب ان من اعطوا اصواتهم للفريق لم يخرج منهم كلمه خارجه ضد الاخرين

تعال للطرف الاخر المفروض ان مايسمى طرف اسلامى او طرف ثورى تجد البذاءه والتهجم والسفه ضد من اختار شفيق

ملاحظة فى محلها تماما

ولكن

أنت لا تعرف معنى الحرية

الحرية هى أن تكون حرا فى أن تشتم خصمك

وأن تقتله إذا رد عليك

فعلا انصار شفيق مش بتوع كلام و لا شتيمة دول بتوع بلطجة زى بلطجة موقعة الجمل و نشوف عملوا ايه فى نقابة الصحفيين لما النقابة عملت مؤتمر لفضح شفيق

http://www.youtube.com/watch?v=D4e__pI4Fj8

[Abu Reem]

العجيب ان من اعطوا اصواتهم للفريق لم يخرج منهم كلمه خارجه ضد الاخرين

تعال للطرف الاخر المفروض ان مايسمى طرف اسلامى او طرف ثورى تجد البذاءه والتهجم والسفه ضد من اختار شفيق

ملاحظة فى محلها تماما

ولكن

أنت لا تعرف معنى الحرية

الحرية هى أن تكون حرا فى أن تشتم خصمك

وأن تقتله إذا رد عليك

ممكن حضرتك والاخ ابو هنا تقول لنا من هنا تكلم ببذاءة عن مؤيدي شفيق ؟؟؟

وهل كلمة ضد الثورة تعتبر بذاءة ؟؟

وسؤال اخير ..ألم تجدوا بذاءة في القاء التهم على الاخوان ومؤيديهم ووصفهم بانهم كذا وكذا ...وكل هذا على اساس افتراضات في علم الغيب يلقيها. كارهي الاخوان ؟؟؟

معلش يا بو ريم .. ولا يهمك

فيه طعون على عدد أصوات شفيق

وبكده عدد الخونة والعبيد والوسخين والذين يستحقون

الازدراء والاحتقار

ممكن يقل شوية أو كتير

وبكده تهدأ نفوس الثوار ومن يتمحكون فيهم

ما بلاش الاسلوب ده يا استاذنا

انا لم اقل عبيد ولم اقل وسخين ولم اقل خونة.....انا قلت انهم يستحقون الازدراء والاحتقار من مؤيدي الثووة...وهذا الكلام يتساوى مع من يرى الاخوان يستحقون الازدراء والاحتقار لانهم شياطين يريدون الاستيلاء علي البلد لعقود طويلة ويريدون تحويلها الى افغانستان و و. و. و

ولا هو بس الطعن في الاخوان ومؤيديهم حلال عليكم ولما نرد يبقى حرام علينا.......

على العموم الله يسامحك يا أبو محمد ...انا مكنتش عاوز اشارك في مواضيع الاستاذ محمد اساسا ......

وعلى العموم استأذنكم...واترك هذا الموضوع لكم

[moamana]

طيب معلش ممكن حضرتك يا ابو الريم تخبرنى لماذا اخترت شفيق و لو حضرتك قلت لى انجازانه فارجو ان تتمعن فى كتابتها لان و الحمد لله خطيب اختى مهندس فى مصر للطيران من 9 سنين و شاهد على انجازات شفيق الرائعة اللى جابت المطار و الشركة كلها ورا

و على فكرة و عن تجربة لمصر لمدة شهرين نسبة تقدر بحوالى 50% ممن كانوا سيصوتون لشفيق اقسم بالله كانوا مكسوفين من نفسهم و مش بيقولوها صراحة

[moamana]

سؤال تانى على الماشى ليه المجلس العسكرى و الفلول و المسيحيين اختاروا واحد زى شفيق مفضلينه على موسى و حرقوا موسى امام ابو الفتوح

على اساس ايه ان شفيق افضل منموسى اذا كان الرجل مبيعرفش يتكلم كلمتين على بعض

شخص بيقولك

للاسف الثورة نجحت

ايه

اسرائيل مش عدوتنا و عيب نقول على اليهود كده احنا بينا معاهدة

و كل حوار تلفزيونى له تلاقيه ملىء بالهبل و التخلف

..................الخ

لانه ببساطة معلش زى ما حسنى مبارك استعان به كواجهة و هو اساسا اهبل المجلس العسرى هيعينه كواجهة لهم و هو برده لهبل يعنى من الاخر لو مرسى استبن و الكلمة للمرشد و الجماعة فشفيق اهبل و الكلمة للعسكرى

[الدكتور ياسر]

بإذن الله لن يحدث هذا ..

لن نسمح إن شاء بقائد موقعة الجمل الذى سمح للجمال بالرقص !! مع الثوار في الميدان أن يحصل على ترقية

من منصب رئيس للوزراء في عهد المخلوع إلى رئيس للجمهورية بعد مجهوداته المباركة في خدمة الثورة !!

لن نسمح لمن كان يهزأ بهم ويدعوا لتوزيع البونبونى عليهم ويأسف لنجاح ثورتهم ان يعتلى صدورنا مرة اخرى

لن نسمح لمن أعلن على العلن بأن مبارك هو مثله الأعلى بأن يكون رئيسا لنا في الوقت الذى يحاكم

مثله العلى بتهمة قتل الثوار العزل ..

لن نسمح لمن هدد بالاستعانة بالجيش لضرب التظاهرات في حالة الاعتراض على فوزه ..

لن نسمح لمن صرح لوسائل الاعلام بعد نجاحه في المرحلة الأولى بان الثورة قد انتهت أن يتولى الحكم

ليستكمل فعليا انهائها بما سيمتلكه من وسائل البطش والقمع ..

لن يحدث هذا أبدا بإذن الله الواحد الأحد ..

[أبو محمد]

العجيب ان من اعطوا اصواتهم للفريق لم يخرج منهم كلمه خارجه ضد الاخرين

تعال للطرف الاخر المفروض ان مايسمى طرف اسلامى او طرف ثورى تجد البذاءه والتهجم والسفه ضد من اختار شفيق

ملاحظة فى محلها تماما

ولكن

أنت لا تعرف معنى الحرية

الحرية هى أن تكون حرا فى أن تشتم خصمك

وأن تقتله إذا رد عليك

ممكن حضرتك والاخ ابو هنا تقول لنا من هنا تكلم ببذاءة عن مؤيدي شفيق ؟؟؟

وهل كلمة ضد الثورة تعتبر بذاءة ؟؟

وسؤال اخير ..ألم تجدوا بذاءة في القاء التهم على الاخوان ومؤيديهم ووصفهم بانهم كذا وكذا ...وكل هذا على اساس افتراضات في علم الغيب يلقيها. كارهي الاخوان ؟؟؟

معلش يا بو ريم .. ولا يهمك

فيه طعون على عدد أصوات شفيق

وبكده عدد الخونة والعبيد والوسخين والذين يستحقون

الازدراء والاحتقار

ممكن يقل شوية أو كتير

وبكده تهدأ نفوس الثوار ومن يتمحكون فيهم

ما بلاش الاسلوب ده يا استاذنا

انا لم اقل عبيد ولم اقل وسخين ولم اقل خونة.....انا قلت انهم يستحقون الازدراء والاحتقار من مؤيدي الثووة...وهذا الكلام يتساوى مع من يرى الاخوان يستحقون الازدراء والاحتقار لانهم شياطين يريدون الاستيلاء علي البلد لعقود طويلة ويريدون تحويلها الى افغانستان و و. و. و

ولا هو بس الطعن في الاخوان ومؤيديهم حلال عليكم ولما نرد يبقى حرام علينا.......

على العموم الله يسامحك يا أبو محمد ...انا مكنتش عاوز اشارك في مواضيع الاستاذ محمد اساسا ......

وعلى العموم استأذنكم...واترك هذا الموضوع لكم

ما هو لكل مقام مقال يابو ريم

وبعدين ملاحظة أبو هنا كانت عامة وتعليقى عليها عام

حضرتك طلبت التخصيص

دخلت أنا خصصت البذاءات ولم أذكرك

حضرتك دخلت ووضحت إن نصيبك منها هو فقط استحقاق الازدراء والاحتقار

إيه بقى اللى مش عاجبك فى الأسلوب ؟

وبما إننا بنتكلم عن الحرية

فبالنسبة لى ، هناك بعض المواضيع لا أدخلها (حرية)

وأنت قررت ألا تدخل هذا الموضوع (حرية)

لا عدم دخولى يؤذى أحدا

ولا عدم دخولك يؤذى أحدا

هذا مثال على الحرية

ولكن لا يصح أن تزدرينى أو تحتقرنى لأنى لا أدخل تلك المواضيع

ولا يصح أن أزدريك أو أحتقرك لأنك قررت الخروج من هذا الموضوع

"أنت حر ما لم تضر"

بالعند فى أبو عمر الذى لايقبل هذا القول

[moamana]

افغانستان و ايران و السودان

يا استاذ محمد حرام عليك الاخوان مختلفون تماما عن كل هذه المناهج ...و نعم الى الان لا يمكن مقارنتهم بالاخوان فى تونس او الحزب الاسلامى فى تركيا لكنهم الى الان ليسوا اقصى الشمال او اقصى اليمين انهم وسطا بين دول و دول فمنهجنا لن يكون علمانى لاننا لا زى تركيا التى عانت من ارهاب العلمانيين للاسلاميين و لا عندنا يهود و ديانات مختلفة و دولة صغيرة و منفتحة زىى تونس

الاخوان اللى اغلبهم دكاترة و مهندسين و رجال اعمال و التى تحظى عندهم المراة بالاحترام و يشجعوها على التعليم الى الوصول الى الدكتوراة ليسوا كافغانستان

اما عن ايران فاننا ليس عندنا خلافات طائفية او نحن اساسا شيعة

اما السودان فحكاية تقسيم الشمال و الجنوب مثارة من زمان و هذا هو المنهج الذى تتمناه اسرائيل و هذا هو ايضاما حذرنا منه مبارك و لكن ان اثبت الاخوان شيئا الى الان فقد اثبتوا انهم تيار اسلامى محافظ و ليس تيار اسلامى متطرف

و اثبتوا ايضا انهم اكثر قوة و ذكاءا على الارض بكثير مما يحسب الجميع

[نوران]

[ام سلمي]

العجيب ان من اعطوا اصواتهم للفريق لم يخرج منهم كلمه خارجه ضد الاخرين

تعال للطرف الاخر المفروض ان مايسمى طرف اسلامى او طرف ثورى تجد البذاءه والتهجم والسفه ضد من اختار شفيق

ملاحظة فى محلها تماما

ولكن

أنت لا تعرف معنى الحرية

الحرية هى أن تكون حرا فى أن تشتم خصمك

وأن تقتله إذا رد عليك

الاستاذ الفاضل ابو محمد

الامر بالنسبة لشفيق او غيره لا يتعلق بالحرية

الامر يتعلق بانه لا يصح ان نذكر انسان بسوء اللا في حالات

و التي منها بالتأكيد ان نكون تعرضنا لظلم من هذا الانسان

‏{‏لَا يُحِبُّ اللَّهُ الْجَهْرَ بِالسُّوءِ مِنَ الْقَوْلِ إِلَّا مَنْ ظُلِمَ وَكَانَ اللَّهُ سَمِيعًا عَلِيمًا ‏}‏

شفيق كلنا بنعتبره ظلمنا لانه جزء من النظام السابق و لانه كان المسئول وقت موقعة الجمل ،

و لان عليه بلاغات بسرقات لم يتم التحقيق معه فيها بنزاهة حتي نتأكد انه لم يسرقنا في

و قت كان اغلب المسئولين يسرقون ،

اما بالنسبة لمؤيدي شفيق ، فما نقدرش نعمم الحكم عليهم لانهم مختلفين

في منهم مخدوعين فيه ، في منهم فعلا من الحزب الوطني و بتوع اسف يا ريس و الفلول

في منهم ناس عاديين عايزين الاستقرار و خلاص

في منهم اللي مدفوع لهم فلوس

فما ينفعش التعميم و اتهامهم كلهم ، لكن ما نستطيع قوله فقط

انهم حيتسببوا في ضياع الثورة و رجوع النظام السابق بكل مساوؤه

تحياتي

تم تعديل 26 مايو 2012 بواسطة ام سلمي

[أبو محمد]

حضرتك عارفة يا أم سلمى أنى لست من مؤيدى شفيق

ولكن

أنا متأكد أن جزءا كبيرا من الأصوات التى حصل عليها

كانت نتيجة التعاطف معه مما ناله من بذاءة وضرب أحذية

خاصة أن كل ما رد به كان

عيال قليلى الأدب والتربية (وله الحق فى كل هذا)

كلما زادت البذاءة (بالذات من الملائكة الأطهار) زاد التعاطف معه

إستمروا

والله الموفق والمستعان

[آل مصريم]

أتفق معك تماما

لم نرى تجربه واحده لما يسمى بالدوله الإسلاميه من بعد عهد سيدنا عمر بن عبد العزيز .. كُتب لها و لو بعض النجاح

الكل مجرد صراعات على الحكم.. و يتخذون الدين شعار ... و يبأه اللى ضدهم كافر و علمانى و ليبرالى عايز نسوانهم يمشوا بالمايوه فى الشارع... و مسيحى و يهودى ضد الإسلام... مش ده الكلام الفارغ اللى ضحكوا بيه على عقول السُذج أيام إنتخابات مجلس الشعب و الشورى

شفنا سودان الترابى ... المحسوب على الإخوان

و شفنا حماس غزه

و شفنا طلبان أفغانستان... و فيهم برضه دكاتره و مهندسين و مليارديرات علشان اللى بيقول فيه فرق

و شفنا القاعده فى اليمن... و العراق

و شفنا دولتين... شيعيه... إيران و سنيه... المملكه... و الحالتين يساندهم كم هائل من المال.. لولاه ما صمد النظام ال (دينى) و لإنهار من زمن

يا ترى اى تجربه شيفينها نجحت؟؟؟؟

ثم إن تركيز السلطه فى يد واحده هى ما أدى للمفاسد السابقه

الحزب الوطنى الديموقراطى... منه

رئيس الدوله

مجلس السعب

مجلس الشورى

مجلس الوزراء

و حكم و طغى و بغى

الإخوان الآن

منهم مجلس الشعب

و مجلس الشورى

و بعدين حيشكلوا الوزاره بعد الإنتخابات الرآسيه

و كمان رئيس الدوله

و إيه بأه... مرجعيه دينيه... إسلاميه!!!! آل يعنى الباقى المعارض لهم... مرجعيه بوزيه ولا هندوسيه

ليسوا ملائكه... ولا ملائكه على الأرض .....هم يكررون ما فعله الحزب الوطنى الديموقراطى... لإنتاج حزب الحريه و العداله الوطنى الديموقراطى... الحاكم بأمره الأوحد.. ذو المرجعيه الدينيه اللتى لا تُصد ولا تُرد

لابد من وجود رئيس من خارجهم حتى لو كان عفريت أزرق... سأختاره

[Alshiekh]

وبعدين إذا كان مبارك وجمال وعلاء والعادلي وعز وسرور والشريف وباقي العصابة موجودين في السجن ومعظمهم يتم محاكمته بتهمة قتل المتظاهرين وموقعة الجمل، سابوا ليه شفيق لو كان هناك شيئ يدينه؟

الاستاذ الفاضل محمد

شفيق اتقدم فيه اكتر من تلاتين بلاغ للنائب العام و من زمان ، و كلهم اتقفل عليهم الدرج ،

و الكلام ده بشهادة علاء الاسواني اللي كلناعارفين انه مش اسلامي علشان نشك ان ليه

هدف من تشويهه

طيب وبلاغ عصام سلطان اللي قدمه فيه ومعاه اوراق عليها امضته ، حصل فيه ايه ؟

برضه اتقفل عليه الدرج لحد ما يبقي رئيس رسمي ،

و ازاي اصلا يبقي مرشح للرئاسة وعليه بلاغات ؟

العسكر ضحوا بناس زي عز والعادلي علشان الشعب ساعتها ما كانش حيسكت

لكن شفيق طبعا ما ضحوش بيه لان محتاجينه لان هو مرشحهم للرئاسة اللي

حيضمن لهم انهم ما يتحاسبوش و يحكموا البلد من خلاله

أنا لغاية دلوقتي مش شايف إن شفيق على رأسه ريشة، او تاج مرصع بالألماس علشان يحبسوا الاجعص منه ويسيبوه

ممكن قوي الخمسميت بلاغ تكون كلها بلاغات عبيطة لاتستحق ان يضيع فيها النائب العام وقته زي اللي قدمه عصام سلطان كده بأمارة قانون العزل اللي قعدوا يفصلوه ولحد دلوقت لاعزل ولا غزل وكل الفقهاء القانونيين قالوا انه غير دستوري.

[نوران]

فعلآ.. 60 سنة من حكم العسكر مش كفاية ..عايزين سيادة الفريق .

فعلآ .. 5 تريلليون دولار منهوبة مش كفاية ..تعالى يا شفيق كمّل .

فعلآ .. طيّار خربها 30 سنة مش كفاية.. إزاى نعيش من غير طيّار !!!!

منقول

[الدكتور ياسر]

الفرق بين رجالة مرسي ورجالة شفيق

شوف حضرتك وقارن ..

[نوران]

الكلام ده من 2010 !!!!!!!!!

[عبير يونس]

لا أعتقد أن هناك من هو أكثر مني رفضا للدولة الدينية

بمفهوم ايران وافغانستان

و لكنني أيضا لا اقبل شفيق رئيسا

لو طبق الاخوان الدولة الدينية بهذا المفهوم و أشك أن يسمح الشعب بذلك

فالحل عندي - على أسوأ الفروض - هو البقاء خارج مصر او الهجرة

لكن لو ظل النظام السابق متمثلا في شفيق

فأشك أننا سنبقى أحياء حتى نفكر بالهروب !!!

لو كان الاختيار بين مرسي و عمرو موسى

لاخترت عمرو موسى بلا أدنى تفكير

فهو في رأيي لم يكن امعة و لا واجهة

و هذا ما جعلهم يخرجونه من السباق

و دي وجهة نظر

[طبيبة بالخارج]

المستشار / أحمد مكي على قناة الحياة مع محمود سعد كان رده على نختار إزاي:

قال: السؤال هو انت حتضرب النار على مين اللي ضرب أم اللي سكت؟

حتختار النظام السابق أم نظام جديد تخاف منه؟

[الدكتور ياسر]

لا أعتقد أن هناك من هو أكثر مني رفضا للدولة الدينية

بمفهوم ايران وافغانستان

و لكنني أيضا لا اقبل شفيق رئيسا

لو طبق الاخوان الدولة الدينية بهذا المفهوم و أشك أن يسمح الشعب بذلك

الكلام دا غير وارد يا مدام عبير ..

الاخوان المسلمون معروفون بالاعتدال وهذا ما يميزهم عن الفصائل الأخرى الاكثر تشددا ..

حضرتك تصدقى ان لى زميل سلفي قاطع المرحلة الاولى ويفكر جديا في مقاطعة الاعادة مع

إنها بين مرسي وشفيق ؟؟

هو يرى بان الاخوان ليسوا جادين في مسألة الشريعة بخلاف ابو اسماعيل الذى كان واضحا في تلك النقطة ..

و حاولت مرارا اقناعه بفداحة ما يفكر فيه من اهماله لصوته و أن هذا يصب في مصلحة شفيق بلا جدوى

وآخر ما استطعت الاتفاق عليه معه بأن يحتفظ برأيه هذا لنفسه وألا ينشره حتى لا يؤثر في قرار من يستمع إليه

لعله يرجع الى صوابه قبل فوات الاوان ..

الاخوان كرروها مرارا يا مدام عبير الى سعيهم الى اقامة دولة مدنية وكل تصريحاتهم وأفعالهم في الفترة

الماضية ومن خلال أدائهم في البرلمان كانت بعيدة كل البعد عن التشدد ..

مظاهر التشدد كانت تظهر فقط من بعض المحسوبين على التيار السلفي اما الاخوان فلا ..

[tarek hassan]

من الأدبيات في الانتخابات الرئاسية في هذه الأيام ... استباحة المنافسين .. وإهانتهم .. والسخرية منهم وبملابسهم ......والتنابز بألقابهم وأسمائهم .... وقذفهم بالفساد .... يعني الخلاصة رميهم بكل رزيلة ونفي عنهم كل فضيلة ..... ولا شك هذه أخلاق لا صلة لها بالإسلام ولا بالمنافسة الشريفة ......فليس شرطا أن نكون مؤيدين للشخص لكي نعطيه حقه أو ننطق بكلمة حق فيه أو نحترمه ..... واللي بيحترم بيحترم نفسه

...النغمة السائدة الآن هي أن فوز شفيق بالمركز الثاني معناه الخراب والدمار والعار ...... فماذا لو فاز بالمركز الأول ...... البعض الآن يسعى للخلطة السحرية في الانتخابات الرئاسية وعمال يشرق ويغرب ... يا كرام الأمر هين جدا ...ومش مستاهل كل هذا الخوف والرعب ... لا تنسوا إننا كلنا مصريين ....وإنكم خوفتونا من حاجات كتير وطلع كلامكم غلط ... خوفتونا من التزوير ومن العسكري ومن اللجنة القضائية والوقتي من شفيق .... والحمد لله الأمور كلها بتعدي على أحسن وجه .... خلوا المنافسة شريفة ... وليفز من يفز .... وكل واحد يبقى مسئول عن نفسه وعن خياره ولا يحاسب الناس على خيارتهم .. بل يحترم خيارات غيره أيا كانت ....ويا ريت نتحلى بروح السماحة والإنصاف يرحمكم الله ... وليس معني إننا نكون عادلين في حكمنا إننا ضد خياراتكم .. أبدا .. ولكن كل ما ننشده العدل حتى مع من نكره

( يا أيها الذين آمنوا كونوا قوامين لله شهداء بالقسط ولا يجرمنكم شنآن قوم على ألا تعدلوا اعدلوا هو أقرب للتقوى واتقوا الله إن الله خبير بما تعملون)

تم تعديل 26 مايو 2012 بواسطة tarek hassan