حالة ضحك هيستيري هههههههههههه : "شفيق" يحتل المركز الأول فى نتيجة الفرز بفارق 160 ألف صوت

[se_ Elsyed]

تفتكروا ممكن شفيق يعملها ويطلع كسبنا بـ 50 % + 1 ؟

لأ وإيه .. مع أصوات المصريين بالخارج

العب يا طنطاوي .. وسلم لي عالمادة 28 بشرطة

علم "اليوم السابع" من مصادر مطلعة أن الفريق أحمد شفيق المرشح لرئاسة الجمهورية حصل على المركز الأول بعد الفرز النهائى لأصوات الناخبين، متجاوزا منافسه الدكتور محمد مرسى، مرشح جماعة الإخوان بـ 160 ألف صوت. وأوضحت المصادر أن نتيجة الفرز النهائى لأصوات الناخبين سيتم إعلانها خلال ساعات.

[AbuZeyad]

ااااه يا سين سين

دي حالة من البكاء الهستيري cr((: cr((: cr((: cr((: cr((: cr((:

الله يهدي اللى كانوا السبب

[ام سلمي]

الخبر علي اليوم السابع فعلا

بس علي الاهرام نفي بجاتو للخبر

بجاتو: لم نصل إلى نتائج نهائية حتى الآن.. ولا صحة لاحتلال شفيق المركز الأول

قال المستشار حاتم بجاتو، أمين عام اللجنة العليا لانتخابات الرئاسة، إن اللجنة لم تنته بعد من حصر جميع النتائج الخاصة باللجان العامة بشكل نهائي، وأنه لن تظهر أي مؤشرات إلا بعد الفصل في الطعون الخمسة المقدمة ومراجعة النتائج بشكل دقيق، نافيًا ما تردد من أن الحصر النهائي أظهر احتلال المرشح أحمد شفيق المركز الأول متقدمًا على بقية المرشحين.

وأضاف بجاتو في تصريح لـ"بوابة الأهرام" ليس لدي أي نتيجة نهائية كي أعلنها الآن والنتائج النهائية تظهر بعد الفصل في الطعون لأنه من الوارد حدوث أي تغيير بناء على تلك الطعون، موضحًا أن ما يثار عن أي مؤشرات لا تعبر عن اللجنة في شيء والنتائج النهائية ستعلن للجميع وبالتفاصيل في مؤتمر صحفي.

[ssmaly]

ده بالون اختبار وتمهيدا لأعلان فوزه فى الاعادة

[se_ Elsyed]

ده بالون اختبار وتمهيدا لأعلان فوزه فى الاعادة

والله العظيم أنا قولت كده برضوا ..

ده شغل كبير وما فيش حاجه تيجي كده ... إهدى حبيبي كده وأرجع زي زمان

[Alshiekh]

أول أو ثاني مش حتفرق كتير

ولا يجب أن نعول على ذلك كثيرا.

[se_ Elsyed]

أول أو ثاني مش حتفرق كتير

ولا يجب أن نعول على ذلك كثيرا.

يا عم محمد الموضوع مش كده خالص

انا هاتجنن ..

من ساعة إعلان النتائج في اللجان الفرعية وأنا باتصل باهلي في مصر .. وتحديداً في دائرتي تخيل يطلع فيها الثاني ؟ وفي محافظة الشرقية حيث مسقط رأسي يكتسح بـ 110 الف صوت فرق عن مرسي ؟

وبقيت اشك في إخواتي وأصحابي وأهلي في البلد وقرايبي إنهم باعوا القضية وصوتوا للقاتل الفاسد

أقسم بالله ولا واحد فيهم فكر فيه أصلاً ...

طب تخيل ما يعرفوش ولا قعدوا ولا سمعوا عن حد إنتخب شفيق ولا عدى من جنبهم حتى

أيوه مش لازم الواحد يعرف أسامي 5 مليون بني أدم او يعدي على كل بيت وكل قهوة ويسأل الناس ..

لكن على الأقل من الجانب الإجتماعي وحيث إن الناس هجرت الفرجة على المسلسلات التركي ولاميس ومهند والناس دي وما بقوش يتكلموا إلا في الإنتخابات .. فالواحد بيبقى عارف كل اللي حواليه إنتخبوا مين وكل واحد بيفتخر إنه شارك في الحدث ده ...

وأزيدك من الشعر بيت ... في الشغل هنا .. وفي محيط الأصدقاء .. والزملاء .. و و و .. ولا واحد أعطى صوته لشفيق .. فدي الغُربة وأنا عارف نتيجة السعودية ومتأكد كانت هاتبقى إزاي ...

يعني بإختصار كل اهلي وقرايبي وأصحابي في مصر أنقسموا ما بين مرسي وابو الفتوح وحمدين صباحي .. وفي الأيام الاخيرة القليلة قبل الإنتخابات حمدين فرق كتير قوي .. وعيال أخواتي الجامعيين سواء بنات او صبيان كانوا عاملين ثورجية ومجمعين الاف الأصوات من أصحابهم ومن زمايلهم المقتنعين بالراجل الغريبة انهم أقنعوا أهاليهم .. ولقيت كل عيل مفعوص من دول ههههههههه واخد أبوه وأمه وجيرانه ورايح لحمدين

يبقى الشفشق ده جه منين ؟

أنا باتكلم جد مش هزار والله

[hakeem]

انا هتجنن من حال دى بلد ومن اللى بتعمل بينا ده احنا لو اقول ايه بس..كانوا احترمونا وملعبوش بينا كده..

ياترى ده غضب ربنا علينا..!!

ولا ليه بيحصلنا كده..الموضوع ده على ما يخلص يكون نص الشعب ضرب وعايز علاج لاعصابة..وانا اولهم

[se_ Elsyed]

انا هتجنن من حال دى بلد ومن اللى بتعمل بينا ده احنا لو اقول ايه بس..كانوا احترمونا وملعبوش بينا كده..

ياترى ده غضب ربنا علينا..!!

ولا ليه بيحصلنا كده..الموضوع ده على ما يخلص يكون نص الشعب ضرب وعايز علاج لاعصابة..وانا اولهم

غضب ربنا بيكون بين الكاف والنون .. والأرض ممكن تنشق وتبلعنا .. أو ييجي تسونامي يطيرنا كلنا ...

لكن اللي بيحصل الأن كله خير .. ودروس وعِبر

اللي بيوصل لهدفه بعد معاناة وصراع .. بيعرف قيمة هدفه وبيعض عليه بإيديه وسنانه ... غير اللي بيلاقي كل حاجه جت له على الجاهز .. يا راجل بُص على مثلاً يعني حالات الطلاق وشوف اكتر حالات طلاق بتحصل فين ؟ بالتأكيد بين اللي بابا وماما بيجهزوهم ويصرفوا عليهم من الالف الى الياء .. إنما اللي طفح الدم وبناها طوبة طوبة .. هايبقى سهل عليه يهد ده كله في لحظة ؟

بعيداً عن الثورة ودوشتها بقى .. إسمع كده

تفتكر يا حكيم .. مش ربنا سبحانة وتعالى كان ممكن بعث سيدنا محمد بالرسالة ..وشرح قلب الناس في لمح البصر .. وفضل الرسول 30 او 40 سنة بينهم يعلمهم دينهم بلا حروب بلا ضحايا بلا تضحيات بلا مؤامرات وصلت للعديد من المحاولات لقتل الرسول الكريم سواء في الحرب او في الحياة العادية لدرجة التأمر بتسميمه ؟ ..

مش كان ممكن ده يحصل ؟

طب .. قولنا خلاص والرسول أكمل مهمته والناس اهدت والحمد لله وبقى عندنا نواة لمجتمع صالح مؤمن ممكن ينطلقوا منه لهداية الناس اجمعين .... ما شوفنا إلا بعد أيام بسيطة من وفاته .. إلا وحصلت أحداث الردة ... وبدأت الحروب تاني

تفتكر ليه ده كله ؟ ما خلاص الدين اهو والدعوة اكتملت .. ليه حروب مالهاش أي لازمه يروح فيها معظم حافظي القرأن والناس اللي كانوا أشبة بالملائكة في سلوكهم ؟

بالتأكيد عشان حكمة ربنا .... وعشان ربنا يبين لنا قد إيه الرسالة دي غالية ووصلت لنا على اكتاف وأرواح ناس ضحوا بالغالي والرخيص وبدمهم وبحياتهم عشان الواحد مننا دلوقت يمسك الريموت كنترول بتاع التليفزيون .. ويلاقي قنوات قرأن كريم وأحاديث ودروس و و و و .. ويسمع وهو بيشرب الشاي او بيتغدا لكن لو ظن في يوم من الأيام إنها سهله ووصلت له بسهولة ... فهايبقى من السهل عليه إنه يفرط فيها لأنه ما قدرش ولا عرف ولا قرأ عن تضحيات الأولين

-------------

نرجع بقى للثورة

تصور لو كنا خرجنا وبخينا في المخلوع .. ومن أول يوم قال لنا حاضر هاسمع الكلام وراح ماشي ... تفتكر كان هايبقى لها طعم ؟

قصدي تفتكر كانت الناس هاتحس الإحساس اللي جالنا بعد الـ 18 يوم والضحايا والشهداء والمصابين وكانت معنوياتنا في السما إننا أتخلصنا من المحتلين المختلين الغاصبين .. وحسينا إننا ممكن نشيل الجبال دي شيل

لكن ربنا عشان يعطينا دروس ويعرفنا إن الصراع بين الخير والشر .. بين النظافة والقذارة اللي في ناس بيحنوا لها ومتكيفين من ريحتها ومش طايقين الجوالنضيف أبداً وعاوزين يرجعوا لقديمة ... ربنا عاوز يعرفنا ويعلمنا إن السماء لا تُمطر ذهباً ولا فضة .. وإن الطريق طويل .. ولازم تمشية خطوة خطوة ويكون لك في كل خطوة إنجاز والا تبقى بتتسكع مش بتمشي مش مفيد وجاد ...

تخيل بعد كام سنة اللي بعدنا لما يقرأوا عن الدماء اللي سالت في التحرير وفي كل ميادين مصر ... او عيون زهور ورجالة مصر اللي ضاعت عشان إحنا نشوف ... او البنات ... تخيل .. البنات اللي اتسحلوا وأتعروا عشان باقي البنات تعيش في شرف وعفة .... هل بعد ده كله يفرطوا في مكتسبات الثورة ويحنوا لعصور الظلام ؟

وهل لو عملوا كده ... يستاهلوا يبقوا بني ادمين ويتصنفوا من ضمن البشر ؟

ما تقلقش يا عزيزي ... الثورة دي غربال كبيرررررررررررررررررررررررررر ...

فَأَمَّا الزَّبَدُ فَيَذْهَبُ جُفَاءً وَأَمَّا مَا يَنْفَعُ النَّاسَ فَيَمْكُثُ فِي الأَرْضِ

وكل اللي أنت شايفه ده زبد .. رغاوي على السطح مالهاش عُمر ولا حياة .. ومن اول نفخة هاتطير ما تقلقش ... لكن الخير هو اللي بيبقى ... والحق والعدل هو اللي بينتصر في النهاية .. دي سُنة الله في الأرض .... ودايماً لو بتغربل أو زي ما بنقول بالبلدي بتنخل حاجه رز او عدس او فول .. بتلاقي الهيش والريش والكلام الفاضي اللي كان متجمع جنب بعضه وفاكر نفسه قوة .. ده أول حاجه بتطير والهوا بياخدها بعيد في أي مصيبة .. لكن اللي بيفضل هو الحاجة اللي بتنفع وبتفلح .

تصدق بالله ؟

حتى لو ظبطوها لشفيق وأفتكروا أنهم انتصروا علينا ... برضوا هانكمل ... لانها مش هوجه وخلصت ... دي رسالة وقضية

فإما ان تؤمن بها حتى النهاية ولا تهدأ حتى تنتصر مهما كانت التضحيات ..

او تريح وتأنتخ وتنتظرك دورط في طابور الدبح

[Simba]

الناس علي حلم ان فيه اعادة وانا شايف ان مفيش اعادة حتي لو فيه

فذوق عافية شفيق رئيس ومش هيجي غيره رئيس

[اثار]

أول أو ثاني مش حتفرق كتير

ولا يجب أن نعول على ذلك كثيرا.

يا عم محمد الموضوع مش كده خالص

انا هاتجنن ..

من ساعة إعلان النتائج في اللجان الفرعية وأنا باتصل باهلي في مصر .. وتحديداً في دائرتي تخيل يطلع فيها الثاني ؟ وفي محافظة الشرقية حيث مسقط رأسي يكتسح بـ 110 الف صوت فرق عن مرسي ؟

وبقيت اشك في إخواتي وأصحابي وأهلي في البلد وقرايبي إنهم باعوا القضية وصوتوا للقاتل الفاسد

أقسم بالله ولا واحد فيهم فكر فيه أصلاً ...

طب تخيل ما يعرفوش ولا قعدوا ولا سمعوا عن حد إنتخب شفيق ولا عدى من جنبهم حتى

أيوه مش لازم الواحد يعرف أسامي 5 مليون بني أدم او يعدي على كل بيت وكل قهوة ويسأل الناس ..

لكن على الأقل من الجانب الإجتماعي وحيث إن الناس هجرت الفرجة على المسلسلات التركي ولاميس ومهند والناس دي وما بقوش يتكلموا إلا في الإنتخابات .. فالواحد بيبقى عارف كل اللي حواليه إنتخبوا مين وكل واحد بيفتخر إنه شارك في الحدث ده ...

وأزيدك من الشعر بيت ... في الشغل هنا .. وفي محيط الأصدقاء .. والزملاء .. و و و .. ولا واحد أعطى صوته لشفيق .. فدي الغُربة وأنا عارف نتيجة السعودية ومتأكد كانت هاتبقى إزاي ...

يعني بإختصار كل اهلي وقرايبي وأصحابي في مصر أنقسموا ما بين مرسي وابو الفتوح وحمدين صباحي .. وفي الأيام الاخيرة القليلة قبل الإنتخابات حمدين فرق كتير قوي .. وعيال أخواتي الجامعيين سواء بنات او صبيان كانوا عاملين ثورجية ومجمعين الاف الأصوات من أصحابهم ومن زمايلهم المقتنعين بالراجل الغريبة انهم أقنعوا أهاليهم .. ولقيت كل عيل مفعوص من دول ههههههههه واخد أبوه وأمه وجيرانه ورايح لحمدين

يبقى الشفشق ده جه منين ؟

أنا باتكلم جد مش هزار والله

معني كده ان النتيجة محسومة حتي لو مصر كلها دعمت مرسي

والانقلاب علي النتيجة انقلاب علي الديمقراطية

والثورة انسي يا عمرو

خصوصا بعد استمرار زيادة اعداد الناس اللي بدأت تكره الثورة

مش ممكن يعني اكيد في حل وسط ممكن يحل الازمة دي

هو محمد نجم كان بيقول ايه اه

انا اركب دقن