ام سلمى تدخل الالفية لها منا كل التحية

[ام سلمي]

والله عالى.. بقى الدكتور ياسر يقف دلوقت على أرض صلبة ويفتح توبيكات تهنئة لى أساس إنه بقى من ذوي الأملاك

ماشي ماشي

شكراً يا دوك

وام سلمى تستاهل ..... ربنا يبارك في قلمك يا فندم

عبير ... ياسر خد منك التوكيل ... الحقي نفسك

الاستاذ الفاضل سي السيد

شكرا لحضرتك ، و ربنا يبارك فيك و في الاسرة و الاولاد

و اسمح لي بما انكم قلبتم الموضوع سياسة بقي :) ، اني انتهز الفرصة

و أحيي حضرتك علي موقفك من شفيق في الانتخابات و الاعادة

و حقيقي هو ده اللي كنا متوقعينه من انسان وطني

زي حضرتك بيحط مصلحة مصر فوق اي اعتبارات اخري

و طبعا باحيي مدام عبير برضه علي نفس الموقف الشجاع

و عقبال باقي اعضاء المحاورات الافاضل جميعا اللي بنأمل

انهم يغيروا رأيهم قريبا بإذن الله

و تحياتي لحضرتك

[ام سلمي]

ألف مبروك يا أم سلمى .... على المشاركات الطيبة ..... وعلى ردود الفعل عليها الإيجابي .... وربنا يجعلك موفقة دائما .....ودائما تلقى مشاركاتك استحسان الجميع وتقديرهم ......

الاستاذ الفاضل طارق حسن

ربنا يبارك في حضرتك و في اسرتك واولادك و يجزيك خير

و ربنا يجعل كل ما تكتبه في ميزان حسناتك

واتمني ما تكونش مداخلاتي سببت لحضرتك اي ضيق

خاصة اللي بيبقي فيها اختلاف عن رأي حضرتك

ولا يضر الخلاف في الرأي طالما في النهاية جميع النوايا حسنة

و لحضرتك كل التحية والاحترام

[ام سلمي]

عبير ... ياسر خد منك التوكيل ... الحقي نفسك

انا ضعت خلاص

ده خلاص حايزيحني

و بمنتهى السهولة

خلاص الاسلاميون قادمون بالفعل:unsure:

و شكلي حارجع لاجئة في باب كندا زي زمان

يا اما حاتحجب واقعد في البيت

بلا نقط خضرا بلا زرقا

الدنيا منفاتة يا جماعة

يالله حسن الختام

:closedeyes:

أختي الغالية عبير

بما انك فتحتي الموضوع الشائك ده فخلينا نتكلم بصراحة :)

اولا احنا شعارنا كاسلاميين هنا في المحاورات مشاركة لا مغالبة flrt:

و مش هدفنا ابدا اننا نكوش علي التقييمات دي اخر حاجة بنفكر فيها -_-

و بعدين الموضوع مش مستاهل فتح قهوة ولا اللجوء عند باب كندا ، الموضوع ابسط من كدة بكتير

ما هو الواحد بيتعلم برضه من الوضع اللي احنا فيه

شوفي يا ستي لو لقيتوا اي اسلامي حيقرب منكم ببساطة جدا اعملوا كام اكونت

جداد من بتوع الجيش والشرطة دول و كل يوم تزودوا عدد اصواتكم قصدي تقييماتكم

بحيث ما حدش يزيد عنكم

طيب لو فشلت الخطة دي برضه تعملوا ايه ؟ ممكن ببساطة ساعتها تكلموا اعضاء من المنتدي

علي جنب و تشتروا اصواتهم قصدي نقاطهم

طيب لو بعد ده كله ما نفعش برضه و حد حيحصلكم تعملوا ايه ؟

ما فيش ساعتها اللا انكم تخترعوا اي مشكلة في المحاورات و بناء

عليها تفرضوا التقييمات العرفية :) ، بمعني انكم توقفوا التقييمات

فترة علشان يفضل الوضع علي ما هو عليه

بس الامر بسيط اهه و ادينا بنتعلم من الظروف اللي احنا فيها دي حاجات تنفعنا :)

و شكل الموضوع حيتنقل باب السياسة ، بس اعمل ايه ، الاناء بما فيه يطفح قصدي ينضح :)