أمامي تأشيرة وطالب مشورتكم وخاصة أستاذ خالد شحاتة

[waaaf]

معروض علي تأشيرة ( حرة ) بمسمى إختصاصي تسويق

ومطلوب دفع قيمتها مقدماً

السؤال : لا قدر الله في حالة عدم التأشير لأي سبب مثل فيرس أو رفض القنصلية هل يمكن إعادة بيعها لإي مكتب سفريات أو أي شخص في مصر

وما هي المستندات التي أطلبها عند الدفع والخطوات التي أتبعها لكي أتأكد من صحة التأشيرة

ولكم جزيل الشكر

تم تعديل 9 أكتوبر 2012 بواسطة waaaf

[مصر في قلوبنا]

حسب اتفاقك مع المكتب او الجهة اللي باعتلك التاشيرة يمكن بيعها لشخص اخر ممكن تسترجع فلوسك واذا لم تكن واثق من المكتب او اللي باعلك التاشيرة فاحذر من ذلك لان التوكيل بيكون مفتوح يعني ممكن للمكتب المفوض في مصر انه يعطيها لاي احد بدون علمك وتضيع عليك الفلوس يعني العملية اولا واخيرا تعتمد على اتفاقك مع اللي بعلك التاشيرة سواء في مصر او السعودية والله يوفقك وتأشر على جوازك بعدين اعمل test للفيروس في اي معمل بره قبل ما ترتبط بفلوس

[dodlly]

وعايز تتاكد من التاشيرة

للاستفسار عن تاشيرتك ختمت او لا

https://enjazit.com.sa/NewWekakaCommRoom/WekalaMainMenu.asp

رقم السجل اللى هو رقم صاحب العمل

[خالد شحاته]

الاخ الفاضل

عادي جدااا انك تبع التاشير لقدر الله لو معرفتش تسافر بس المشكله الراجل الا هيجي لابد يعرف هينزل علي مين هنا علشان الاقامه والاجراءات الاخري

[dodlly]

استاذ وائل عامر للاسف لست انا من اشترى الفيزا - الفيزا اشترها قريب لى فى السعودية وارسلها الى المكتب فى القاهرة

ولا اعرف اى تفاصيل عن الشراء او الضمانات

[ahmedraslan]

استاذ وائل عامر للاسف لست انا من اشترى الفيزا - الفيزا اشترها قريب لى فى السعودية وارسلها الى المكتب فى القاهرة

ولا اعرف اى تفاصيل عن الشراء او الضمانات

نصيحتي انك ما تدفعش فلوس في حاجه ما اخدتهاش لسه .. وانت كمان بتقول مطلوب دفع المبلغ كله !!!!

ليه تدفع المبلغ كله وانت لسه ما اخدتش تاشيرة ... مش عربون يعني

ثم ان الكفيل هو اللي ماسسك يعني حتي لو ما اخدش ولا جنيه ... وطلعتلك التاشيرة وسافرت ... و برضو ما دفعتش فلوس هو اللي ماسكك لان لسه هيخلصلك اجراءات الاقامه ... انت بتفترض ان العيب ممكن يطلع فيك انت وكشوفاتك لا قدر الله تطلع فيها حاجه ...

طيب ما افترضتش سوء النيه من الكفيل مش من قريبك ... ما افترضتش انه يكون نطاق احمر او اصفر ...

وبعدين حضرتك مؤهلك ايه علشان تطلع علي تاشيرة اخصائي تسويق ؟؟ مش ممكن الجواز يترفض في القنصلية من الاساس

تروي وما تستعجلش ... لسه في اخ منصوب عليه النهاردة بسبب تاشيرة حره ... خذ حذرك وربنا يوفقك للخير

[waaaf]

أخي أحمد رسلان

عندك حق وربنا يبارك فيك

تم تعديل 14 أكتوبر 2012 بواسطة waaaf

[ahmedraslan]

أخي أحمد رسلان

عندك حق وربنا يبارك فيك

ربنا يوفقك للاصلح ان شاء الله .