اتدحرج واجرى يا رمان

[هشام الجنيدى]

اتدحرج واجرى يا رمان

وتعالى على حجرى يا رمان

اسمع موالى يا رمان

وابكى على حالى يا رمان

ولا اضحك حتى يا رمان

يالا اشمعنا انتا يا رمان

دى فى البى ربابة يا رمان

بعشقها صبابة يا رمان

نغمتها حزينه يا رمان

قارب بلا مينا يا رمان

بيسافر بيّا يا رمان

تايه فى الميه يا رمان

بيخدنى ويبعد يا رمان

بمشاعرى الخايفه يا رمان

ولا عارف احوّد يا رمان

ماهو من غير دفة يا رمان

طيب عاموصل يا رمان

هحكيلك نكته يا رمان

دى جابتلى الخوته يا رمان

قالهالى خواجه يا رمان

من يومها بفكر يا رمان

كان يقصد حاجه يا رمان

ولا ده بيهزر يا رمان

بيقولك واحد يا رمان

كان ماشى فى حاله يا رمان

قام قابل واحد يا رمان

مش فاكر ماله يا رمان

سكه على قفاه يا رمان

وصحبنا الاول يا رمان

قام واخده معاه يا رمان

راح يعمل محضر يارمان

اخدو اقواله يا رمان

راح نادى التانى يا رمان

التانى اجاله يا رمان

قالو ليه ضربتو يا رمان

راح قاله وماله يا رمان

ماهو اصلو يا باشا يا رمان

مش واخد باله يا رمان

ارجو انها تعجبكم ................. fsh:: tot:: mfb: flx:

[ragab2]

يمشى الحال

بس

ايه حكاية الرمان معاك

[Salwa]

هى مش الرمان بالظبط يعنى فاكهة الرمان..

هى كلمات بيقولها الناس تعبير عن حالهم...وكأنك بتكلم واحد اسمه رمان...شخص يعنى ...كأنك بتدلعه.

والكلمات دى مشهورة فى الزفة الاسكندرانى ...

اعتقد مازال الأكثرية يرددوها للآن فى الأفراح ...

وآهو كل شئ بيتقال فى المواويل ...وعلى اى نغمات ....

[ragab2]

أولا

الحمد لله على السلامة ياحاجة سلوى

والشيئ اللى لفت نظرى ابتداء التغنى والإشعار بالفواكه

وشاهدنا أغنية البرتقالة والرمانة

وكنا فى الخليج نتعجب من تسميتهم للبنت .. موزة

وهنا فى مصر يطلق اسم الدلع خوخة

ومازالت لستة كبيرة من الفواكه تنتظر التغنى بها

تحياتى

[هشام الجنيدى]

يا جماعة الفكره مش انى بدلع الرمان او البطيخ

الفكره انى بخاطب الناس برمز

يعنى مثلا قصيده بقره حاحا للشاعر الكبير احمد فؤاد نجم

بعد كل جمله كان يقول حاحا ده بيدى موسيقى فى الكلام

بدليل انها اتغنت كده

والقصيده بتناقش موضوع مهم

بس استخدام الرمز فى القصايد الى زى دى بثير الشعور

بالسخريه يعنى القصيده بتكون قصيده ناقده لوضع معين

بطريقه ساخره بسيطه يسهل فهمها

وانا مش بقارن نفسى بشاعر كبير زى احمد فؤاد نجم

انا شاعر بسيط على ادى بحاول اعبر عن الى جوايا

ببساطه واسلوب سهل

شكراااااااا

:o :o :blink:

[G.G]

و لو أني قرأت كل القصيدة على أنه "زمان" :o ,,اتدحرج و اجرى يا زمان,,اسمع موالي يا زمان و ابكي على حالي يا زمان..

و كنت أشعر أن الكلام حزين و باكي..

و ...تو ما انتبهت من مداخلات الأعضاء أنه"رمان" .. eey:: أعدت القراءة فوجدت الكلام الحزين اصطبغ فجأة بالإبتسامة بل و سمعت الضحكات الساخرة "المطنشة" بين السطور..

سبحان الله نقطة واحدة تعمل كل ده! :blink:

بس إجمالا,,الكلام جميل فعلا, و له نكهة خاصة جدا :o

[هشام الجنيدى]

شكرا لك يا يا اخت g,g ,ولك يا استاذ رجب وللاخت سلوى

على هذه المداخلات

واهتمامكم بما كتبت

بالمناسبه يا اخت g.gانا كان عندى نفس المشكله دى

بس الحمد لله اتحلت .................

.....

....

بعد ما غيرت النضّاره rs: rs: :blink: rs:

[ragab2]

استمر

يا عم هشام

أسعد بالقراءة لك

أردت فقط المزاح معك