مساعدة كل من سافر السعووودية من قبل ارجووو الدخول

[karimaliwa]

السلام عليكم ورحمة الله وبركاته

اريد مساعدتكم (عن تجربة شخصية-عن رأى قانونى) ان امكن فى موضوعى وهو ان معى عرض سفر الى السعودية-جدة فنى حاسب الى وانا بكالوريوس نظم معلومات إدارية

مسمى التاشيرة عامل او سائق خاص لى ان اختار

بينهم

الراتب 2000

مددة العقد 12 شهر فقط

اهم بنود العقد :

1 - الراتب : يتقاضى الطرف الثانى راتب اساسى قدرة 2000 ريال فقط

ومش مكتوب بدل السكن كام مع ان المكتب قالى ان فى بدل سكن 1000 ريال لو محبتش السكن عندهم

وغير مذكور بدل مواصلات ولا اقامة ولا التاميين الصحى

2- الاجازة : يمنح اجازة لمدة شهر بعد مرور سنة كاملة (اى بعد انتهاء العقد ) ؟؟؟

ومش مكتوب اذا كانت على حسابى ولا على حساب الشركة اللى اعمل بها

3 - يمكن للطرفيين ابطال العقد بشرط اخطار الاخر قبل 60 يوم من ترك العمل

ويحرم من مكافاة نهاية العمل

** وهناك بند ارجو افادتى بة وهو :

يلتزم الطرف الثانى - فى حال طلب منة الطرف الاول ذلك بإحضار كفالة غرم واداء تضامنية ويكون بموجبها الطرف الثانى وكفيلة مسئولان (مجتمعين او منفرديين ) مسئولية كاملة وتضامنية عن سداد جميع المبالغ او المستحقات المترتبة على الطرف الثانى لدى الطرف الاول ايا كانت اسبابها ؟؟؟؟

وباقى بنود العقد عادية

ارجو افادتى فى هذا العرض وبنود العقد وهل يمكن بعد سنة اعمل فى مكان اخر ام لا طالما مددة العقد 12 شهر فقط واذا لم اترك العمل هل يمكن تجديد العقد بمرتب اخر ؟؟

وهل من الممكن نقل كفالة بعد سنة او تغير المهنة فى حال ترك العمل

ارجوووووووو الافادة ايها السادة الكرام ...... وشكراااااااا

[حسام الغرباوي]

تعبااااان

مسمي التأشيرة مينفعش لا زيارة ولا استقدام

لكن عامل افضل

مجمل العقد تعبان جدا ومفيش حاجة اسمها هيبقوا يدولك بدل سكن ...يتكتب في العقد بدل سكن 3 أشهر اللي هما 6 الاف ريال اللي هما متعرفش تتأجر بيهم غرفة مشتركة لمدة سنة !!!

الاجازة بتكون بعد 11 شهر مش بعد 12 شهر ....يعني القانون انك تشتغل 11 شهر وتاخد شهر اجازة مدفوع الراتب وشامل تذاكر السفر

البند بتاع العقد دا بند غريب ...بس شرحة انك بتجيب واحد زي ضامن بحيث لو اخدت فلوس او كدا الضامن يدفع بس معرفش اول مرة اشوفة

بس العقد مجملا تخليك في مصر احسن

[حسام الغرباوي]

حاجة اخيره

عامل الشاي والقهوه في المكتب عندنا راتبه 2000 ريال في الشهر وكل حاجة علي الشركة ..سكن وتأمين طبي واقامات وتذاكر سفر ...الخ ...ومش عاجبة عايز راتبه يزيد ومش متعلم وجنسية بنجالي

ارجو ان يكون الفكرة وضحت

[karimaliwa]

متشكر جداا على الافادة

ولكن بالنسبة لو ينفع اترك العمل بعد سنة ما هى العواقب التى ستواجهنى ؟؟؟

[حسام الغرباوي]

متشكر جداا على الافادة

ولكن بالنسبة لو ينفع اترك العمل بعد سنة ما هى العواقب التى ستواجهنى ؟؟؟

مينفعش

ياما تجدد عقدك مع الكفيل ياما هينزلك مصر

[waaaf]

عقد فاشل وكدة هاتتبهدل .... حبيت أكون صريح وواضح معاك

تم تعديل 16 أكتوبر 2012 بواسطة waaaf

[AbuZeyad]

نفس الآراء السابقة

العرض فعلا مايستاهلش

[karimaliwa]

مشكورين ياجماعة على النصائح

ولكن بقى سؤال اخير لو انا بعد سنة مكملتش العقد بينزلنى مصر هل ممكن بعد كدة ادخل بعقد تانى فى شركة تانى اى بكفالة تانية

وما هى الفترة الازمة بين الدخول والخروج ؟؟؟؟

[حسام الغرباوي]

مشكورين ياجماعة على النصائح

ولكن بقى سؤال اخير لو انا بعد سنة مكملتش العقد بينزلنى مصر هل ممكن بعد كدة ادخل بعقد تانى فى شركة تانى اى بكفالة تانية

وما هى الفترة الازمة بين الدخول والخروج ؟؟؟؟

تقدر تنزل بس مش بسهولة زي منتا متخيل كدا

لو الكفيل وحش ممكن يعمل اي حاجة

اصلا اللي يدي عقد زي دا يبقي شكلة مش كويس ..والله اعلم

[AbkaReno]

2000 ريال مصاريف اكلك وشربك ونومتك

طيب انت متغرب ليه ؟

اقل راتب 3500 ريال ومتقلش هجرب حظي سنة وارجع او احتمال الاقي حاجه احسن وخد بنصايح الناس الي سافرت قبليك

التأشيرة سائق خاص وعامل ملهمش غير ترحيل وذهاب وعوده وشكرا

تم تعديل 17 أكتوبر 2012 بواسطة AbkaReno