انجازات حكومتنا الرشيدة

[مصر عشقى]

احنا بجد نستحق وبلا فخر لقب حكومة الصفر المربع وياريت عمنا شعبان عبد الرحيم يغنى للصفر ونعمل كام نصب تذكارى للصفر دة وياريت نراجع نتيجة امتحان الحكومة مع بعض

صفرالاقتصاد :يتمثل فى تعويم الجنيه المصرى وتسريح الاف العمالة وأغلاق معظم المصانع فى البلد والغلاء الفاحش فى الاسعار وتجويع الشعب - مش مشكلة الصيام صحة --!!

صفر التجارة:صفر تجارى متمثل فى الفشل فى تصدير منتجاتنا الى الخارج ؛ واذا ربنا فتح علينا وصدرنا فأن السوق الغربى يرفض بضاعتنا ويرسلوها لنا مرة أخرى مع أعتذار رقيق وهو-- مش عايزين نشوف وجهكم تانى - الله يسد نفسهم ؛ حتى خالتى أم على أصابها الاحباط من سياسة رفض المنتج كانت مربية جوزين بط عايزة تصدرهم خافت عليهم زبحتهم وبالهناء والشفاء يا أبو على

صفر الزراعة : صفر زراعى وهو مش أى صفر ده صفر مربع لان جدو يوسف والى ------ الله يعمر بيته - ويزيد ملياراته فى الخارج - أستورد لنا مبيدات للقضاء على الافات وعلى الانسان أيضا ؛ أيه يعنى أن يصاب عم عبده بفشل كلوى -؛ ولا كبدة أم حسن تتخرم ؛ ولا مخ أبوسيد يضرب ؛ أو أم سيد تصاب بهبوط حاد فى الدورة الدموية -!!! وطبعا يكون شرف عظيم ليهم أن نكتب على قبورهم شهداء سيدى والى - --؛؛ وأن نجيت من الموت فأنك سوف تقطع الخلف -؛ لان الوزارة الموقرة أستحدثت طرق زراعة وأصناف زراعية تصيب الراجل بالعقم أو الضعف التناسلى ---- وطبعا جميع منتجاتنا الزراعية ماعدا نسبة ضئلة من منتجات معينة لازم كانت ترفضها الدول المصدرة اليها واديها كمان صفر مربع لاول امتحان للوزير الجديد فى مادة الجراد

صفر الاعلام :اصبحنا نسمع نانسى عجرم وهيفاء ومسلسلات وافلام تشبة الافلام اللى بيقولوا عليها ثقافية وبقينا نترحم على اغانى احمد عدوية بس للامانة فية اغنية بتعلم الاحترام اللى هية قوم اقف وانت بتكلمنى ومخبيش عليكم انا انحرفت وبقيت اسمع كمننا

الصفر الصناعى :

الصفر ده بالذات صاحب الفضل فى خراب بيوت كتيرة -؛التخبط الاقتصادى أدى الى هروب رؤوس الاموال الاجنبية من مصر -؛ والجنيه المصرى المسكين كان بيخاف من البحر فعوموه فغرق وأغرق معه معظم شركات الاستثمار وأتى الغول الضرائبى فأجهز على ماتبقى من شركات وحمل العاملون فى هذه الشركات الصاجات والربابة وأصبحوا يجوبون الشوارع يغنون لحن الضياع -- وبالمناسبة زارنى أمس صديق وكان ممسكا بالصاجات والربابة وغنى لى لحن الضياع - انطردناااااا - أنطردنااااااا - وياقلبى لا تحزن

الصفر الكروى:

كبوة وتعدى وبلاش تكبر الامور باأخى ؛ ايه يعنى أنفقنا شوية ملايين - ثمانين ولا تسعين مليون فى الهواء -مش فاهم عاملين من الحبة قبة ليه ؟ - حتى ريحة الفلوس فى الهواء تجنن-- ؛

الصفر الكبير اووووى ( السياسى )

مصر الدولة الكبيرة المقام والكبيرة الطاقة البشرية وذات الثقل السياسى تفشل فى لم الشمل العربى ؛ الله يرحم أيامك يا عبد الناصر ----!!

>أما على مستوى القضية الفلسطينية -؛ وأعذرونى أنى أطلقت عليها القضية الكاندوز -- مثل اللحمة الكاندوز التى لاتطيب أبدا اذا سلقتها -؛ مصر الدولة ذات الثقل السياسى تنتظر الفتات الذى يتمخض عنه شارون ويلقى به فى وجوهنا --- والله عار والف عار--؛ وكانت النتيجة وعلى رأى جدتى الله يرحمها - رضينا بالهم والهم مش راضى بينا

ويجعلة عامربحس حكومتنا الرشيدة صاحبة الصفر الدهبى :blink: :o

تم تعديل 17 ديسمبر 2004 بواسطة مصر عشقى