العلاقة بين هاملت و الشعب المصرى

[Salwa]

وانا ايضا اضم صوتى لصوت المقتنعين بالتحليل المقنع ..

مجهود تشكر عليه ...واجمل ما فيه ربطك الموضوع المحدود لموضوع اعمق ..

يعنى شوف مثلا عمق تحليل شكسبير ...لامزيد عليه ..

وانت نقلت الجبهة لجبهة اخرى فيها كثير من الصحة ...

عموما انا اعتبر مجرد تفكيرك فى المقارنة هو بحد ذاته صحوة جميلة تدل على وعى كامل بكل حدث يدور حولنا ..

ياخوفى لو فضلت دائما تقارن بين ما تقرأ وما يحدث على الساحة من احداث ....ستصل لنتيجة اكيدة وهى ان كل الاحداث دائما متكررة فى الخيال وفى الحقيقة وعلى حقبات متتالية ومتتابعة ..

حقيقة استمتعت بما اقرأ....ولعل هذا نابع من فرحتى بتفكير شباب المحاورات ...وكيف لا ؟؟

[وليد صفوت]

وانا ايضا اضم صوتى لصوت المقتنعين بالتحليل المقنع ..

مجهود تشكر عليه ...واجمل ما فيه ربطك الموضوع المحدود لموضوع اعمق ..

يعنى شوف مثلا عمق تحليل شكسبير ...لامزيد عليه ..

وانت نقلت الجبهة لجبهة اخرى فيها كثير من الصحة ...

عموما انا اعتبر مجرد تفكيرك فى المقارنة هو بحد ذاته صحوة جميلة تدل على وعى كامل بكل حدث يدور حولنا ..

ياخوفى لو فضلت دائما تقارن بين ما تقرأ وما يحدث على الساحة من احداث ....ستصل لنتيجة اكيدة وهى ان كل الاحداث دائما متكررة فى الخيال وفى الحقيقة وعلى حقبات متتالية ومتتابعة ..

حقيقة استمتعت بما اقرأ....ولعل هذا نابع من فرحتى بتفكير شباب المحاورات ...وكيف لا ؟؟

مدام سلوى ......

اشكر لكى مروروك الكريم على موضوعى المتواضع ... B) :o :o

و الحقيقة كل القصص و المسرحيات الدرامية و حتى الفكاهية هى منقولة من حياتنا الواقعية .... حتى و إن احتوت على أشباح و عفاريت و ساحرات ... فتلك اشياء تعتبر رموز لضغوطات و مواقف ........

حياتنا لا تحتاج لعافريت و لا ساحرات و لا أشباح ......... فهى مرعبة بما فيه الكفاية !!!!!

تحياتى و تقديرى .......

[إبن مصر]

الله الله

تعالى هنا يا عم انت .. انت مثقف وانا ماعرفش والا ايييييييييييييييه!!!!!!!

هاملت مره واحده وبالاسلوب الجميل ده ...

ماشى يا عم.

المهم بقى حضرتك وقعت فى الاخطاء التاليه:

1- الموضوع ده مكانه عندى انا فى باب الثئافه والعلوم مش هنا حتى ولو اسقطت البعد السياسى التوجيهى فى استنتاجاتك القويه من تحليل القصه.

2- انت مطالب الان وبسرعه ان تستعد لعمل نفس المجهود الجميل مع رائعه اكثر دقه وصعوبه لشكسبير وتضم صراعات نفسيه اكبر..

صح

الى فى بالك

هى دى

ماكبث

يا بتاع الادب الانجليزى

اتفضل على مكتبك

وما تخرجش الا لما تخلص.

اتفضل يا استاذ.....

حاجه غريبه والله .... بيكتب زى ما هو عايز...

اعضاء اخر زمن

[mwefy]

التحليل اكتر من رائع انا عملت ديكور ل 4 مرحيات لشكسبير منهم هاملت و ماكبث و روميو وجوليت بس دي كانت بمعالجه مختلفه و الملك ليير وسمعت التحليل والشرح ده من الدكتور محمد عناني لان الاربعه كانو لطلبه اداب انجليزي فعلا الشرح والتحليل يدل علي فهم الخط الدرامي للمسرحيه وكمان الخط الدرامي لكتبات شكسبير كلها وان شاء الله اتمني ان احنا نستغل كل الموجودين في المحاورات بكل الطاقات والامكانيات ونعمل مسرحيه احنا مش اقل منها خالص

[وليد صفوت]

اخى العزيز إبن مصر ( أبو إمتثال ) ....

تعالى هنا يا عم انت .. انت مثقف وانا ماعرفش والا ايييييييييييييييه!!!!!!!

ليه ؟ هما بيدبحوهم اليومين دول و لا ايه ؟ :)

مرورك على موضوعى المتواضع أعطانى دفعة الى الامام ( شلوت كبير إلى الامام ) مما يشجعنى على الاقدام على تحليل قصة أخرى أكثر تعقيداً من الناحية النفسية ............

أيوة ........

مضبوط هى دى ......

رائعة " الحاج متولى " mfb:

:P sdm:

و بإذن الله ساعتها ححطها فى باب الثقافة و العلوم ( بس حضرتك توافق الاول mfb: )

و دول علشان تشجيعك ليا ( بجد ) rs: rs: rs:

....... أنا رايح على مكتبى .... عشان أذاكر ( حضرتك عارف الشباشب اليومين دول بقت ناشفة و تقيلة مش عارف ليه ؟ :rolleyes: )

و بإذن الله لنا موعد مع رائعة شكسبير ( ماكبث Macbeth ) بعد انتهائى من الامتحانات ........ ربنا يستر ......

تحياتى ..

تم تعديل 22 ديسمبر 2004 بواسطة Violinking

[وليد صفوت]

التحليل اكتر من رائع انا عملت ديكور ل 4 مرحيات لشكسبير منهم هاملت و ماكبث و روميو وجوليت بس دي كانت بمعالجه مختلفه و الملك ليير  وسمعت التحليل والشرح ده من الدكتور محمد عناني لان الاربعه كانو لطلبه اداب انجليزي فعلا الشرح والتحليل يدل علي فهم الخط الدرامي للمسرحيه وكمان الخط الدرامي لكتبات شكسبير كلها وان شاء الله اتمني ان احنا نستغل كل الموجودين في المحاورات بكل الطاقات والامكانيات ونعمل مسرحيه احنا مش اقل منها خالص

عزيزى mwefy ......

د/ محمد العنانى أكثر دكتور خبرة و تمكن و حرفية و إحتراماً وسط أساتذة كلية الآداب على الاطلاق ......

و قد كان لى شرف مناقشته اليوم فى الكلية ...... على نفس موضوع اليوم ..... و الحمد لله الراجل عجبته الفكرة و أثنى عليها ...( أحمدك يا رب )....

و بإذن الله تعدى فترة الامتحانات ,... و أبدأ فى سلسلة ( يا رب يوفقنى فيها ) من القصص التى أعجبتنى و أحاول على قدر علمى تحليلها من وجهة نظر مصرية ...

تحياتى و تقديرى ...

[c'est la vie]

أحب أن أقول شيئ أخير .......

وهو ان كل دقيقة نضيعها فى التردد ...... ندفع ثمنها ( بالفوائد ) لاحقاً ... حتى لو قررنا ان نفعل ........

من غير كلام طبعاً مجهود رائع ..تُشكر عليه mc(:

واستوقفتى كثيراً تلك الجمله المقتبسه , والتى اعتبرها هى اساس العبره..

فكرت فيها كثيراً , حقاً فلابد وان ندفع ثمن التردد ,لكن ماذا لو كان التردد في صالحنا , ماذا لو الوقت المناسب لم يحن بعد , او حتى ظروفنا نحن لا تسمح ؟ وهناك حاجة "لتعديلنا " نحن اولاً قبل تعديل ماحولنا ..لكننا نأخذ التردد كقاعده ونتردد حتى عن تعديل انفسنا..

[Cleo]

بالحق يا فايلوين...

لسة النهاردة كان فيه برنامج بيعرض لفكرة غريبة أوى...

بيقولوا إن شكسبير كان مجرد واجهة، وإن الكاتب الحقيقى لأعماله هو فرنسيس بيكون، والدليل ن شكسبير مكانش متعلم أوى، وماسفرش كتير وبالتالى كانت تنقصه الخبرات اللى تؤهله لكتابة هذه الروائع.

[وليد صفوت]

بالحق يا فايلوين...

لسة النهاردة كان فيه برنامج بيعرض لفكرة غريبة أوى...

بيقولوا إن شكسبير كان مجرد واجهة، وإن الكاتب الحقيقى لأعماله هو فرنسيس بيكون، والدليل ن شكسبير مكانش متعلم أوى، وماسفرش كتير وبالتالى كانت تنقصه الخبرات اللى تؤهله لكتابة هذه الروائع.

كليو .... انا مارديتش أجاوب إلا لما أتأكد الأول :closedeyes:

و الحمد لله مرت الأيام و السنين و اتأكدت ان الكلام ده ما هو إلا إضافة لكلام عمنا القذافى الكبير اللى بيقول ان شكسبير أساساً كان عربى بلدياته و كا اسمه( الشيخ زبير ) ... :huh:

و إليكى نبذة عن Francis Bacon فى هذة الوصلـــة و اللى منها هتتأكدى ان فرنسيس بيكون أصلاً راجل غنى و عنده أطيان و كان بارون كبير . بإلإضافة الى انه كان راجل مرتشى ... يعنى كان من المستحيل منطقياً انه يكتب المسرحيات التى كانت وقتها درباً من السحر بإسم الرجل الفقير الذى لا ينتمى الى طبقته الإجتماعية لينال هو الشهرة التى صنعها بيكون ! ليس منطقياً .

بينما من يتبنى وجهة النظر التى تحدثتى عنها يعتمدون على نقطتين احدهما التى ذكرتيها فى مداخالتك و الثانية هى ان فرنسيس لم يكن موثوقاً به من قٍبل الملكة إليزابيث و لم يكن - بمعنى آخر - مرحباً به فى البلاط الملكى ... و كان إزدهاره الحقيقى بصعود الملك جيمس الأول على عرش المملكة .

الف تحية و سلام ...

[jasmina english]

السلام عليكم ورحمة الله

بجد جزاك الله كل خير على المجهود الرائع ده

ما شاء الله ربنا يباركلك والله

انا بجد استفادت كتير وعلى فكرة انا كمان بدرس هاملت الترم ده في مادة الدراما اكيد لاني في كلية التربية قسم انجلش

وبجد يبقى كتر خيرك لو جبتلي اهم المصطلحات وتطبيقها في المسرحية دي وملخص للحبكة بس بالانجلش لاني بعمل عليها بحث

وانا عجبني جدا فكرة الربط بين هاملت والشعب المصري وده يدل على عقليتك المتفتحة واللامة بكل الاحوال الجارية فعلا

وتصدق انا شكلي حكتب الفكرة دي في البحث بتاعي لان الدكتور بتاعنا بيحب الربط بالواقع جدا

وعقله مليان افكار وتشبيها وتوريات واستعارات

ومفيش مشهد يقراه من المسرحية معانا الا ويطلع ميت صورة وخيال وتشبيه بما يحدث في الواقع

معلش انا طولت بس بجد لاعجابي الشديد بالموضوع وفكرته

اترككم في حفظ الله