اللمبي مرشحاً للرئاسة!

[Sherief AbdelWahab]

طالما أن الترشح لرئاسة المحروسة صار هكذا ، فمن حق شخص ما أن يرشح نفسه لرئاسة مصر ، حتى ولو كان اللمبي!..

فقط نريد أن نتخيل كيف ستكون حملته للترشيح ، كيف ستكون خطاباته ، كيف سيحكمنا اللمبي؟

خلص الكلام

[Set_Amina]

طالما أن الترشح لرئاسة المحروسة صار هكذا ، فمن حق شخص ما أن يرشح نفسه لرئاسة مصر ، حتى ولو كان اللمبي!..

فقط نريد أن نتخيل كيف ستكون حملته للترشيح ، كيف ستكون خطاباته ، كيف سيحكمنا اللمبي؟

خلص الكلام

تصدق انها هاتبقى جمهورية افتكاسية عسل بجد

يعني هايكون شعارنا شيشة معمرة لكل مواطن واهو بدل ما ندور على رغيف العيش ساعتها هاندور على شوية غرا لزوم الشم

ونسمي بلدنا جمهورية مصر العالمية :blink: :o

[linux]

فقط نريد أن نتخيل كيف ستكون حملته للترشيح ، كيف ستكون خطاباته

ماشي ... أه ...

أسمعوا يا بنى آدمين ...

أحب الأول أرحب بجمعية حموم الأنسان ...

لو أنتختونى (قصده أنتخبتونى) ريس ليكم يا كتاكيت ها وزع عليكم كبدة ببلاش من عربية أبويا ... و ها نقتكم ف الأفراح ... و حأروح مع العيال بتوع كوبرى الملك الصالح و أجيب لكم شنداوتشات حلاوة بالقشطة ... بس ياعم بخ، ماتلعبش ف وشي يا عم بخخ.

ماشي كدة يا بنى آدمين؟

[ابو حلاوه]

طالما أن الترشح لرئاسة المحروسة صار هكذا ، فمن حق شخص ما أن يرشح نفسه لرئاسة مصر ، حتى ولو كان اللمبي!..

فقط نريد أن نتخيل كيف ستكون حملته للترشيح ، كيف ستكون خطاباته ، كيف سيحكمنا اللمبي؟

خلص الكلام

مسألة ان اللمبي يكون مرشح للرئاسة لا اجد فيها مشكلة ... المهم في الموضوع ان احنا عارفين انه لمبي و ان هو نفسه عارف انه لمبي ........ المشكلة لما يكون اللمبي نفسه في الحكم و هو مش عارف انه لمبي .........

فهمت حاجة ..... لو ما فهمتش مش مشكلة ان نفسي مش فاهم .... و كل سنة و انت طيب

[Sherief AbdelWahab]

ما انتوش غرب.. اللمبي ممكن يترشح للرئاسة لو خد موافقة س و ص من الناس من مجلس الشعب ، يعني نظرياً ممكن يبقى رئيس الجمهورية..

تخيلت فقرة من نشرة الأخبار في العهد اللمباوي.. عشان تحسوا الفرق mc: :

تصدر خطاب الزعيم اللمبي وسائل الإعلام العالمية والعربية ، وأولت شبكة سي ان ان الأمريكية اهتماماً خاصاً بالفقرة التي أوضح فيها الزعيم حفظه الله أن الرجولة أدب وليست هز أكتاف..

خلص الكلام

[nouve]

وياريت يكون من ضمن البرنامج الانتخابى للمبى

ان يكون المشروب الوطنى هو البيرة

وكل واحد مطوته فى جيبه عشان لو امريكا فكرت تدخل مصر نقطعها s-:

[عوف]

يعني احنا لسة بنقول يا هادي

وبدات الاصوات المعارضة لفكرة الانتخاب الحر المباشر تحت دعوى ان اللمبي ممكن يصبح رئيس جمهورية

اذا اختار الشعب اللمبي

فاهلا به من رئيس

[Sherief AbdelWahab]

قرأت وسمعت برامج العجرودي والصباحي..

صعب عليا حبيبي وأخويا اللمبي..

اللمبي مش أقل من الناس دي يا اخواننا..

ما تيجوا تقترحوا عليا الحملة الرئاسية للمبي .. أخوكم ومزنوق!.. :angry2:

خلص الكلام

[Alshiekh]

واليكم مرشح آخر

اشمعنى اللمبى يعنى ،

أضغط على الصورة للتكبير

[se_ Elsyed]

أومال لما دول كلهم لمبي ... أومال الصباحي يبقى إيه ؟

علي الكسار ...

[ابو صلاح]

بس انتو ناسين حاجة ياجماعة مين هتبقا سيدة مصر الأولى

يا نهار اسود أوعى يكون اللى بيدور فى مخى هوا اللى هيحصل تبقا أم اللمبى ( فرنسا ) سيدة مصر اللأولى ، وتمسك بقا مشروع القراءة للجميع واللى ما يجبش الكتاب فى معادة تاخد منو الشبشب رهن وتعلقو فى المحل قصدى المكتبة

لا ياعم بلاش اللمبى يمسك الحكم والنبى :lol:

[ابو صلاح]

احنا اتصيتنا يا جدعان ...... فى برنامج شبابيك امبارح اللى بيجى على دريم قالو عن الموضوع دة وقالو المدخلات اللى احنا بنقولها بالنص وقالو ان دة من منتديات ومن أراء الشباب

بس ما قالوش كل المدخلات للأسف قالو بالتحديد

مداخلة (ست أمينة )

تصدق انها هاتبقى جمهورية افتكاسية عسل بجد

يعني هايكون شعارنا شيشة معمرة لكل مواطن واهو بدل ما ندور على رغيف العيش ساعتها هاندور على شوية غرا لزوم الشم

ونسمي بلدنا جمهورية مصر العالمية   

ومداخلة (ابو حلاوة )

طالما أن الترشح لرئاسة المحروسة صار هكذا ، فمن حق شخص ما أن يرشح نفسه لرئاسة مصر ، حتى ولو كان اللمبي!..

فقط نريد أن نتخيل كيف ستكون حملته للترشيح ، كيف ستكون خطاباته ، كيف سيحكمنا اللمبي؟

خلص الكلام 

مسألة ان اللمبي يكون مرشح للرئاسة لا اجد فيها مشكلة ... المهم في الموضوع ان احنا عارفين انه لمبي و ان هو نفسه عارف انه لمبي ........ المشكلة لما يكون اللمبي نفسه في الحكم و هو مش عارف انه لمبي .........

فهمت حاجة ..... لو ما فهمتش مش مشكلة ان نفسي مش فاهم .... و كل سنة و انت طيب

بس للأسف ما جابوش سيرة مداخلتى خالص :)

يعنى معنى كدة ان ممكن الواحد يلاقى الكلام اللى بيقولو فى المنتدى اتذاع تانى يوم فى (سى ان ان )

ربنا يستر علينا

[ابو صلاح]

ما حدش شاف البرنامج ولا أية

[عصام]

قرأت تحقيق كامل عن هذا الموضوع فى جريدة اسمها الفجر ..

التحقيق شمل النص الكامل لكل المداخلات .. لكن للأسف مش فاكر تاريخ ذلك العدد من الجريدة ..

وإن كنت أعتقد إنه أحد أيام الأسبوع الماضى أو اللى قبله ..

[وليد صفوت]

عقلى الباطن : أما ألحق أكتب حاجة عشان تتذاع و إسمى يبقى مكتوب ...  :D  .., و الله هتبقى عالمى يا فايولن ... :D

أنا شايف ان اللمبى فيه ميزة واحدة بس ..... إنه من جيل الشباب , يعنى عارف كويس إحتياجاتنا و عارف متطلبات أى شاب ,.. :D

زائد إن منصب الرئيس أصلاً لا يتطلب خبرات فى كل المجالات - كما يصور لنا الناس اللى بالى - و إنما هو منصب إدارى و يتطلب رجل محترف فى إصدار القرارات المناسبة فى الوقت المناسب , و ليس منصب لرجل سوبر مان !

تحياتى ,.....

[Alshiekh]

سؤال برئ قوى

هو مين اللى حايفوز فى الانتخابات ،

اللمبى والا حد من المعارضة؟

[عبدوس الوزير]

على الأقل اللمبي كان ليه برنامج واضح:

يا توفروا للشباب فرص العمل، يا توفرولهم الكلة

[قرشى]

بعد تقديم اوراق ترشيحه و الموافقة عليها , وقف مرشح الرئاسة الحادى عشر المشهور ب"اللمبى " امام الجماهير فى المنطقة ليعلن عن الشغل بتاعه فى المصلحة الانتخابية

" مع السلامو عليكو و كل عام و انتم بخير و بعودة الايام

و انتو عاملين ايه دلوقت

اسمعوا يا بنى ادمين

و انا لما نزحت الى القاهرة و رايت ما يحدث من سبوبة النص مليون شعرت ببهجت و قررت امصلح زى الباقيين

انا حطيت ايدى على نقطة الموضوع

احنا شعب مسرف و لازم نظبط المسائل

يعنى لو مسكنا واحد بيلعب فى القوت بتاعنا او من بتوع الفوساد

لازم نمسكه و نرنه علقه لحد ما يعترف انه عمل الفحشاء دى فى انى منطقة

و حمسك موضوع الفلوس ل" مليجى " اخو " اوشة " خطيبتى راجل امين و بتاع قمار و مش مسرف

و انا بقول دلوقت للعيال بتوع امريكا و اسرائيل ان الرجولة ادب مش هز كتاف و اذا كنت حتعملهوملى نيللى نيللى ...حعملهوملك شريهان شريهان

و بعدين احنا مش قليلين ...احنا كبار قوى

و انا حاخد الكلام من العظمة " ثومة ":

" وقف الناس يبصون كيف بظبط قواعد المجد بنفسى " ...

علشان دى منطقة مافيهاش راجل

و احب اعرفكم بالست الاولى " خالتى فرنسا " يعنى الامن فى الامان و كله مضبوط

و حتدى كل بنى ادم مطواة و خمسة جنيه لزوم مشروع ازازة البيرة للجميع

انا خدت و اديت مع "اولاد ابو اسماعيل" فى موضوع البوطالة

و عايز افهمكم ان البوطالة مش فى مصر بس ...دى فى كل حته فى العالم

ميدان رمسيس ...و ميدان العتبة ...و ميدان الديزة

و انشأ الله حنعمل شغل جامد و حوزع عربية كبدة على كل شب و كل فيتاه مش فضيين يشتغلوا

اعانة بوطالة كده و بتاع و شاى بالنعناع

و اى حاجة بتحصل ورا اى باب خوشب حعرفها

و العيال الى زى "مبارك علوكة " و " جمال كخة " حنلمهم و ندخلهم و نسيب البراغيت و النوموس يبهدلهم

و بالنسبة للزراعة ... حنزود الأرض و نزرعها مزاج علشان نكتر البضاعة فى البلد ...يعنى الكيف حيبقى عال العال

و حمسك الموضوع ده لعم " بخ "

و النقطة بتاعة البلد حنجمعها من الاغنيا علشان ننقط الغلابة المضروبين فى الخلاط

و على رأى خالتى "اطاطا " الهى لا يربحك و لا يخسرك يا بعيد و تفضل كده من الى عامله فى الناس

و بعدين الزى حيبقى " الترنك بتاع ميخا " لكل بنى ادمين ماشى يا طرابيش

و علشان نقطع الشورت بالبيسين

لازم نبلغ كل الكيادات ان احنا تحت امر الوطن و كلهو تمام

و صبح صبح يا عم الحج "

تفتكروا لو اللمبى رشح نفسه بجد ينجح ؟؟؟؟؟؟؟؟؟؟؟؟؟؟؟؟؟؟؟ :wub: :D :D

[doha]

للرفع بمناسبة اعلان توفيق عكاشة احتمال ترشحه لرئاسة الجمهورية ha)

[م تيمور المراغي]

حقيقي لو حق ,,

تاريخة الحركي فعلا مشرف :happy:

على قولة الساري

ماتيجوا نشوف ,,

حقيقة توفيق عكاشة رئيس قناة الفراعين

https://www.youtube.com/watch?v=gMS6teRifAY&feature=player_embedded

https://www.youtube.com/watch?v=1wYbMv36ACg&feature=related