انارايحه زياره كندا ومتلخبطه جدا !رجاء المساعده

[engaged]

بص انا حاليا بشتغل عن النت وبشتغل ف مؤسسه بس مؤسسه مسجله تجاريه وبشتغل ويب ديفلبور وويب ديزينر وهجيب خطاب منهم باذن الله مختوم بختم المؤسسه بس هي انت عارف فمصر موضوع التامين دا مش موجود الا فالحكومه

انا من سنه كدا كنت ناويه اعمل هجره علطول بس لمافكرت حسيت اني الافضل اروح زياره لان الوضع ممكن ميعجبنيش وهبقا عملت مغامره كبيره ووقت طويل علي شيء مشوفتوش فعليا واخويا كمان قالي تعالي شوفي لان مش كل الناس بتستريح م تجي زياره الاول تشوفي الاوضاع لانها ممكن مش تعجبك خصوصا ان بفضل الله انادخلي هناكويس وهناك اصلا ممكن دخلي يكون اقل

وفعلا لاغيت فكره الهجره لان شغلي اتطور عن الاول بفضل الله وصعب اوفر نفس المستوي هناك وقولت اناهروح زياره اغير جو وكمان اشوف البلد ونزل مع اخويا لانه نازل ف 7 الجاي اجازه لو عجبتني هرجع معاه اصفي شغلي لان انت عارف قرار الهجره لازم وقت عقبال ماضبط اموري وكمان اعتقد هيكون صعب اعمل هجره دلوقتي لاني لسه مش اتجوزت او كدا ولو روحت هجره اكيد مش هرجع قبل 5 سنين

لذلك قررت اني اعمل زياره وموضوع وجود اخويا هناك كمان هيدعمني في نقط الهجره انت عارف وبردو شهاده الخبره انابشتغل من واناعندي 16 يعني شهاده الخبره بتاعتي ممكن اخدها معديه 4 سنين في مجال بشتغل فيه

كمان موضوع الزياره مش هتفرق معايا كتير كماديات لاني معنديش التزمات لاني مش ولد يعني الفلوس اللي هتروح فالزياره مش مشكله كمان الفتره اللي هعد فيها هناك اخويا اللي هيصرف مثلان عليا لاني هعد معاه فالبيت ومع اسرته يعني الموضوع مش هيكلفني الا التذكره تقريبا

هو الورق بتاع الدعوه لسه مش وصل حتي الان تقريبا جي ع رجليه اي تطورات هعرفكم وهمشي خطوه خطوه عشان الكل يستفيد وبفضل الله وامره ربنايوفقني ادعيلي

[engaged]

انت قابلت مين فالسفاره لماعملت المقابله؟

واي الاسئله اللي سئلها لك؟ بالعربي ولابالانجليش؟

وروحت الاول من غير معاد ولا بمعاد يعني ممكن اروح اقدم الورق عادي في اي وقت ؟

وهل لازم اترجم الورق في مركز معتمد وبعد الترجمه اختم عليه من المؤسسه ؟

[ViralMind]

ما هو المشكلة ان انتى معندكيش التزامات مادية او اجتماعية.. علشان كده مفيش حاجة تجبرك انك ترجعى.. ده من وجهة نظرهم.

كمان وجود اخوكى ممكن يسبب مشكلة لانه هيكون دافع قوى انك تقعدى.

يعنى هى ميزة و عيب فى نفس الوقت.

لو فيه حد تعرفيه عنده شقة, خليه برضه يكتب لك عقد ايجار كده و كده على انه مكتب, و خليه يعمله بتاريخ قديم شوية.. يعنى 9 شهور مثلا.. و خلى مدته 5 سنين مثلا.

و قولى لهم فى السفارة انك بتشتغلى فى المكتب ده كشغل جانبى و ان ده خاص بشغلك انتى..

و خدى معاكى العقد ده زائد عقد تمليك الشقة.

لو فيه اشتراك نادى او عضوية فى مكان زى رسالة او اى مكان تانى, برضه الحاجات دى بتحط عامل...

برضه روحى اضربى لك عضوية فى اى حزب بس يكون محترم.. و اكيد هما ما هيصدقوا و هيعملوا لك العضوية على طول.

لو معاكى قرشين مش محتاجاهم لمدة سنة.. يعنى مبلغ 5 الاف مثلا.. روحى اعملى كريديت كارد.. هتفيدك برضه.

برضه خلى صاحب الشغل يكتب فى الورقة اللى هيديهالك انهم موافقين انك تروحى كندا و ترجعى و انهم محتاجين خبرتك ضرورى و ميقدروش يستغنى عنها... الحتة دى ضرورى جدا, لان ده معناه ان شغلك عارف انك هتسافرى و انك واخدة اجازة و ان مكانك فى شغلك مضمون.

لو خطاب الشغل متعملش بالطريقة دى, نسبة انك تاخدى التأشيرة هتقل..

و خليه يكتب رقم معقول.. زى الفين جنيه مثلا.

و ماتنسيش تاخدى تأشيرة تركيا.. سهلة جدا و لو قطة معدية فى الشارع بيدوهالها. :closedeyes:

مهمة جدا علشان يشوفو ان الباسبور مش ابيض و ان فيه تأشيرة قبل كده.

كل الورق لازم يكون مترجم ترجمة بختم مكتب.

فيه مكتب ترجمة كويس فى عمارة رمسيس.. الدور التانى تقريبا.. الورقة ب30 او 35 جنيه.

بمجرد ما الورق يتترجم, ممنوع منعا باتا اى ختم او كلمة تتضاف و الا هتعتبر تزوير و الورقة هتبقى باطلة.

اى اختام عايزة تعمليها, اعمليها قبل الترجمة.

اوعى تتهاونى بالكلام اللى انا كاتبه فوق ده.. هما ميعرفوكيش.. هما يعرفوا بس الورق اللى قدامهم.

كل ورقة بتعبر عن حاجة فى حياتك عندهم.. و بتكون الصورة.. لو فيه ورقة مش موجودة, الصورة بيبقى شكلها وحش و مشكوك فيها.

هو الانسان ايه غير شوية ورق فوق بعضيهم؟

المقابلة بتكون من 8 و نص ل10 و نص الصبح.. بس اتاكدى من الايام على موقع السفارة.

بتروحى من غير تحديد معاد و تستنى فى الطابور... و تاخدى رقم و تدخلى عادى.

بيتأكدوا انك عاملة الابلكيشن صح و معاكى الورق كله مترجم.. اى ورقة مش مترجمة مش هتتقبل.

فيه حاجة تانية برضه هضيفها بس المشاركة الجاية.

[ViralMind]

قبل ما اتكلم عن المقابلة, هوضح حاجة مهمة جدا.

وريهم انك مهمة و مش فاضية و مطحونة شغل.. و يا دوب عايزة تاخدى راحة و ترجعى على طول.

بمعنى.. خلى الفترة بتاعت الاجازة 3 اسابيع بالكتير.. مش اكتر من كده.

اوعى تقولى انك رايحة تقعدى لغاية شهر 7 و الكلام ده.. هيدوكى استمارة 6 وش.

هيقولوا انك فاضية و موراكيش حاجة تعمليها.. و القعدة هناك اكيد هتعجبك و تاخدى الاقامة.. خصوصا ان اخوكى موجود و سهل جدا انك تاخدى الاقامة بمجرد ما تدخلى كندا... و اتخن واحد فى كندا مش هيعرف يخرجك... و دى حاجة هتقلقهم بشكل كبير انهم يدوكى التأشيرة.

اثبتى الكلام ده برضه فى الشهادة اللى هتاخديها من الشركة.

خليهم يكتبوا انك واخدة اجازتك السنوية و اللى هى عبارة عن 3 اسابيع او 20 يوم.. و ان ده الحد الاقصى للاجازة بتاعتك... و انك لازم ترجعى الشغل بعد 3 اسابيع على طول.

بالنسبة للمقابلة..

مفيش مقابلات مع قنصل ولا حاجة.

هما شباكين.. عليهم اتنين ستات موظفين مصريين كنديين مستعبطين.

الشباك التالت بتدفعى فيه الفلوس.

الاسئلة بتبدأ بالانجليزى.. مش فاهمة, هى هتقلب عربى لوحدها.

يعنى مثلا فى مقابلتى كان فيه كلمة مفهمتهاش.. قامت قالتهالى بالعربى.. و قمت رادد بالانجليزى و كملنا عادى بالانجليزى.

هتسألك شوية اسألة عادية جدا.. بس مش هى اللى بتاخد القرار.. ولا بتساعد فيه.

مجرد موظفة بتملى البيانات اللى قدامها عالكمبيوتر و خلاص.

القرار فى ايد القنصل فقط.. و ده مش هتشوفيه ولا هتحتكى بيه اصلا.

علشان كده بأكد عليكى انك تحطى اكبر ورق و معلومات عنك ممكنة, علشان القنصل يقدر ياخد فكرة مظبوطة عنك, لانه مش شايف قدامه غير شوية ورق.

نادر جدا انهم يطلبوكى لمقابلة بالمعنى المفهوم.. خصوصا انها تأشيرة زيارة و مسألة الرفض دى بجرة قلم و بضمير مستريح.

هما فى دماغهم و فى قانونهم ان اى حد بيقدم ناوى يهاجر.. ولازم القنصل يبقى مستريح نفسيا ان مفيش حاجة غلط.

و بصراحة هما عندهم حق.. لان الوضع فى كندا مخنوق و مش ناقص.

تم تعديل 7 يناير 2013 بواسطة ViralMind

[engaged]

قبل ما اتكلم عن المقابلة, هوضح حاجة مهمة جدا.

وريهم انك مهمة و مش فاضية و مطحونة شغل.. و يا دوب عايزة تاخدى راحة و ترجعى على طول.

بمعنى.. خلى الفترة بتاعت الاجازة 3 اسابيع بالكتير.. مش اكتر من كده.

اوعى تقولى انك رايحة تقعدى لغاية شهر 7 و الكلام ده.. هيدوكى استمارة 6 وش.

هيقولوا انك فاضية و موراكيش حاجة تعمليها.. و القعدة هناك اكيد هتعجبك و تاخدى الاقامة.. خصوصا ان اخوكى موجود و سهل جدا انك تاخدى الاقامة بمجرد ما تدخلى كندا... و اتخن واحد فى كندا مش هيعرف يخرجك... و دى حاجة هتقلقهم بشكل كبير انهم يدوكى التأشيرة.

اثبتى الكلام ده برضه فى الشهادة اللى هتاخديها من الشركة.

خليهم يكتبوا انك واخدة اجازتك السنوية و اللى هى عبارة عن 3 اسابيع او 20 يوم.. و ان ده الحد الاقصى للاجازة بتاعتك... و انك لازم ترجعى الشغل بعد 3 اسابيع على طول.

بالنسبة للمقابلة..

مفيش مقابلات مع قنصل ولا حاجة.

هما شباكين.. عليهم اتنين ستات موظفين مصريين كنديين مستعبطين.

الشباك التالت بتدفعى فيه الفلوس.

الاسئلة بتبدأ بالانجليزى.. مش فاهمة, هى هتقلب عربى لوحدها.

يعنى مثلا فى مقابلتى كان فيه كلمة مفهمتهاش.. قامت قالتهالى بالعربى.. و قمت رادد بالانجليزى و كملنا عادى بالانجليزى.

هتسألك شوية اسألة عادية جدا.. بس مش هى اللى بتاخد القرار.. ولا بتساعد فيه.

مجرد موظفة بتملى البيانات اللى قدامها عالكمبيوتر و خلاص.

القرار فى ايد القنصل فقط.. و ده مش هتشوفيه ولا هتحتكى بيه اصلا.

علشان كده بأكد عليكى انك تحطى اكبر ورق و معلومات عنك ممكنة, علشان القنصل يقدر ياخد فكرة مظبوطة عنك, لانه مش شايف قدامه غير شوية ورق.

نادر جدا انهم يطلبوكى لمقابلة بالمعنى المفهوم.. خصوصا انها تأشيرة زيارة و مسألة الرفض دى بجرة قلم و بضمير مستريح.

هما فى دماغهم و فى قانونهم ان اى حد بيقدم ناوى يهاجر.. ولازم القنصل يبقى مستريح نفسيا ان مفيش حاجة غلط.

و بصراحة هما عندهم حق.. لان الوضع فى كندا مخنوق و مش ناقص.

اي الاسئله اللي سئلتها ليك؟

[ViralMind]

اسئلة شخصية..

سافرت قبل كده فين و امتى

رايح كندا ليه

بتشتغل ايه

ابوك و امك شغالين فين

دى الاسئلة اللى انا فاكرها

و فى آخر المقابلة انا سألتها.. انا هاخد التأشيرة ولا لا.. قالت لى بالنسبة لى ورقك كويس, بس الاوفيسر هو اللى بيحدد و بيقتنع او لا.

[engaged]

اسئلة شخصية..

سافرت قبل كده فين و امتى

رايح كندا ليه

بتشتغل ايه

ابوك و امك شغالين فين

دى الاسئلة اللى انا فاكرها

و فى آخر المقابلة انا سألتها.. انا هاخد التأشيرة ولا لا.. قالت لى بالنسبة لى ورقك كويس, بس الاوفيسر هو اللى بيحدد و بيقتنع او لا.

اه ماشي

انت مهنتك كانت فالباسبور اي؟

[ViralMind]

طالب.. و كنت مقدم اثبات انى طالب فى الكلية زائد اثبات عمل.

و بشكل عام, اى طالب بيقدم على اى تأشيرة بياخدها, لان الدراسة اثبات قوى.

تم تعديل 9 يناير 2013 بواسطة ViralMind

[engaged]

انامعايا باسبوري فيه طالب بردو بس من قديم الباسبور دا من 4 سنين باين

بس المهنه دلوقتياتغايرت في البطاقه لمصممه ومطوره مواقع

اغير الباسبور عليها ويبقوا زي بعض ولااخليها طالب

بس بقولك الباسبور بتاريخ قديم شويه بس ساري

اي رائيك؟

[ViralMind]

طالما مش هتقدرى تجيبى اثبات انك طالبة, يبقى غيريها افضل.

وظيفة مطورة و مصممة مواقع وظيفة كويسة و مرموقة الى حد كبير.

هتروحى المجمع او المكان اللى انتى تبعه, و هتطلبى تغيير الباسبور بكل سهولة.

و ماتنسيش تاخدى تأشيرة تركيا.

[engaged]

طالما مش هتقدرى تجيبى اثبات انك طالبة, يبقى غيريها افضل.

وظيفة مطورة و مصممة مواقع وظيفة كويسة و مرموقة الى حد كبير.

هتروحى المجمع او المكان اللى انتى تبعه, و هتطلبى تغيير الباسبور بكل سهولة.

و ماتنسيش تاخدى تأشيرة تركيا.

انامش هقدر اروح تركيا لوحدي هاخد التأشيره ليه ووبعدين انامش عاوزه اعمل اجراء الايام دي يشكوا فيا اناهوضحلهم كل شيء

والصدق خير هادي ان شاء الله

[ViralMind]

خلاص بقى انا نصحتك و انتى مش عايزة تسمعى الكلام

انتى حرة

[engaged]

الله المستعان

[ViralMind]

ربنا يوفقك ان شاء الله.

قدمى فى شهر فبراير او مارس.. لان الدنيا بتبقى هادية فى الوقت ده, و نسبة حصولك عالفيزا تبقى اقوى ان شاء الله.