ماذا تفعل لو كنت مكانى- ترجع مصر ولا لا

[egyptawy]

ياجماعة انا فى حيرة جامدة

انا شغال فى الخليج الحمد لله بقالى 5 سنين وشغل كويس ومرتب كويس وشركة محترمة

دلوقتى جالى عرض فى مصر شركة كبيرة ومرتب محترم

ياترى تعمل ايه لو كنت مكانى

فيه ناس بتقولى ظروف البلد مهببة وخليك احسن وناس بتقولى تعالى عشان ده فرصة ما تتعوضش

ياترى اعمل ايه

[سقراط المصري]

من الآخر..................... لا ترجع مصر

لو انت متزوج وعندك اولاد...... لو كانوا مرتاحين في الغربة.... خلاص خليك هناك

مصر مش مرتب كبير وبس................. مصر جودة حياة معدوووووووووووومة

أنا عملت ذيك كده ورجعت من أوروبا بعد خمس سنين غربة..... وقعدت في المحروسة خمس سنين بعتبرهم وقت ضايع من عمري

معلش انا مبعرفش اذوق الكلام

تم تعديل 22 أكتوبر 2012 بواسطة سقراط المصري

[عادل أبوزيد]

بدون مناقشة ارجع مصر فورافي مصر تعيش انسان عادي تغير شغلك تغير سكنك تغير مدارس الاولاد انت حر بالكامل

ببساطة كفاية خمس سنوات غربة

[Yasser_71]

أحييك أخي العزيز علي فتح الموضوع الذي كانت مثل هذه المواضيع من أعطي زخما وحياة لموقع المحاورات في الماضي القريب حتي أتت السياسة وأضافت جمودا وركودا في الموقع

طبعا لا أحد يستطيع أن يعطيك إجابة ولكن نقاط قد تساعدك أنت في اخذ القرار

مبدئيا أنا تغربت في أمريكا 4 سنوات ورجعت لمصر وقضيت 3 سنوات هربت بعدها للخليج منذ 4 سنوات

في رأيي هذه النقاط يجب عليك أن تدرسها لأخذ القرار الصحيح

1. سن الأولاد...كلما كان الأولاد صغيرين فهذا يسهل الإستمرار في الغربة
   
2. هل تخطط للعودة للغربة مرة أخري....هذا أهم عامل في رأيي...إذا كنت تفكر في العودة لمصر لفترة ثم قد تحتاج للعودة للغربة مجددا فلا أنصحك بالعودة...في رأيي حدد هدفا ماديا ومهنيا للغربة...احصل عليه ثم ارجع لمصر
   
3. هل الوظيفة في مصر أفضل مهنيا لك من وظيفتك الحالية
   
4. سنك!! أعتقد بعد سن ال45 – 50 عندما توجد فرصة ممتازة في مصر يجب دراستها واغتنامها جيدا لأن الفرص تقل مع السن
   

ربنا يوفقك للقرار الصحيح...طبعا الإستخارة ضرورية في مثل هذه القرارات

[egyptawy]

السن 30 سنة

الاطفال سنتين و 3 سنوات

والعرض على شركة عالمية كبيرة

والشغل الحالى شغل فى اكبر شركة فى البلد الا انا فيها

وبصراحة انا محتار

[ابو حودة]

عدت الى مصر قبل سنتين اي قبل الثورة بحوالي شهر

مرتبي في مصر حوالي 8 الاف جنيه اي انه بمعايير مصر يعتبر مرتب محترم

ابحث حاليا عن اي عرض مناسب في الخليج

حتى انني ابحث عن فيزة حرة

المسألة جودة حياة كما اشار عليك بعض الاصدقاء

مع العلم باني سني 42 سنة حاليا

انصحك بالبقاء طالما وضع الوظيفي يسمح لك بالبقاء بشكل جيد

[egyptawy]

عدت الى مصر قبل سنتين اي قبل الثورة بحوالي شهر

مرتبي في مصر حوالي 8 الاف جنيه اي انه بمعايير مصر يعتبر مرتب محترم

ابحث حاليا عن اي عرض مناسب في الخليج

حتى انني ابحث عن فيزة حرة

المسألة جودة حياة كما اشار عليك بعض الاصدقاء

مع العلم باني سني 42 سنة حاليا

انصحك بالبقاء طالما وضع الوظيفي يسمح لك بالبقاء بشكل جيد

طيب هو حضرتك عايز ترجع عشان الفلوس ولا عشان جودة الحياة

بما انى حضرتك جربت الغربة فاكيد عارف مشاكلها هل بعد كل هذه تظل مصر هى الاسوء

[herohero]

الامور نسبية يعني مثلا القيادة والطرق ف مصر لها نظام معين لو انت مرتاح ف الموضوع ده عادي انا زماااااااااان كنت متكيف ع الوضع رغم ان طفولتي وعمري كان خارج مصر لكن لما بدات اسوق بدات ف مصر وكنت تمام جدا لكن لما رجعت مصر زهقت جداااااااااااا من السواقة وهي بتختلف من شخص لاخر

-طبيعة التعامل في بيئة العمل بالفكر المصري بصراحه له حسابات أخرى

-التعامل العام ف عمليات البيع والشراء ف مصر لها نظام غير خارج مصر

- الترابط الاسري ع مستوى العائلة الكبيرة لم يكن كما كان زمااااااااان لان الناس ف مصر مضغوطة وف وسط الزحام بتوه الحاجات الحلوة

------------

مازلت بقول الامور نسبية وبتختلف من شخص للاخر وكل انسان وله طبيعته وظروفه

[ابو حودة]

طيب هو حضرتك عايز ترجع عشان الفلوس ولا عشان جودة الحياة

بما انى حضرتك جربت الغربة فاكيد عارف مشاكلها هل بعد كل هذه تظل مصر هى الاسوء

اكذب عليك لو قلت لك انا عايز اسافر ليه لكن اللي انا عارفه اني مش مبسوط

يعني على سبيل المثال انا لغاية دلوقت بعد سنتين لم اشتري سيارة على الرغم انه معي الفلوس او حتى اقدر بسهولة ادفع القسط

لكن بيني وبين نفسي خايف من السواقة في حالة اللانظام الموجودة سواء في المرور او غيره

على العموم بالتوفيق سواء كان اختيارك البقاء او العودة

[الحياة]

ياجماعة انا فى حيرة جامدة

انا شغال فى الخليج الحمد لله بقالى 5 سنين وشغل كويس ومرتب كويس وشركة محترمة

دلوقتى جالى عرض فى مصر شركة كبيرة ومرتب محترم

ياترى تعمل ايه لو كنت مكانى

فيه ناس بتقولى ظروف البلد مهببة وخليك احسن وناس بتقولى تعالى عشان ده فرصة ما تتعوضش

ياترى اعمل ايه

السلام عليكم اخي الكريم

نصحة مترجعش الي مصر الان واحكي لك تجربتي انا لي شغل في احد اكبر مستشفيات مصر ورغم كدة سافرت من فترة

انا سافرت اكثر من دولة اجلس في كل دولة من 3الي 4 سنين وانزل مصر واقول مش مسافر تاني ابدا وارجع شغلي احس اني مش مبسوط

ومش متكيف مع زملائي واحس اني غريب عنهم ارجع اسافر تاني ونزلت من 4 سنين الي مصر وجلست فيها 4 سنين ودي اكبر فترة اجلس فيها من اول ما بدات السفر

كنت اجلس في مصر سنة وارجع اسافر المرادي قررت البقاء وجلست اربع سنين علي اساس عودة نهائية لكن من كثرة المشاكل والضغوط وعدم الراحة والاضطرابات ايام الثورة اصيبت ذي اكتئاب واخيرا قررت السفر مرة اخري وانا في السعودية الان

فكر جيدا ووازن امورك واستخر الله

وبالتوفيق

[herohero]

ياجماعة انا فى حيرة جامدة

انا شغال فى الخليج الحمد لله بقالى 5 سنين وشغل كويس ومرتب كويس وشركة محترمة

دلوقتى جالى عرض فى مصر شركة كبيرة ومرتب محترم

ياترى تعمل ايه لو كنت مكانى

فيه ناس بتقولى ظروف البلد مهببة وخليك احسن وناس بتقولى تعالى عشان ده فرصة ما تتعوضش

ياترى اعمل ايه

السلام عليكم اخي الكريم

نصحة مترجعش الي مصر الان واحكي لك تجربتي انا لي شغل في احد اكبر مستشفيات مصر ورغم كدة سافرت من فترة

انا سافرت اكثر من دولة اجلس في كل دولة من 3الي 4 سنين وانزل مصر واقول مش مسافر تاني ابدا وارجع شغلي احس اني مش مبسوط

ومش متكيف مع زملائي واحس اني غريب عنهم ارجع اسافر تاني ونزلت من 4 سنين الي مصر وجلست فيها 4 سنين ودي اكبر فترة اجلس فيها من اول ما بدات السفر

كنت اجلس في مصر سنة وارجع اسافر المرادي قررت البقاء وجلست اربع سنين علي اساس عودة نهائية لكن من كثرة المشاكل والضغوط وعدم الراحة والاضطرابات ايام الثورة اصيبت ذي اكتئاب واخيرا قررت السفر مرة اخري وانا في السعودية الان

فكر جيدا ووازن امورك واستخر الله

وبالتوفيق

وفيت وكفيت وقولت اللي جوا اي حد اتغرب ورجع عشان يهرب من غربة المكان الى غربة أشد قسوة

[الفنان]

بص من الاخر كل الاراء مع قيمتها و الكلام الجيد القرار في الاخر عندك لان كل المعطيات لا يعرفها الا انت

و اقول لك رأي حسب طبيعتي و ظروفي انا و انت قارن ظروفك و فكرك بي

انا كنت مدير احدى المؤسسات المحترمة بالسعودية للدعاية و الاعلان و كان راتبي محترم و سكن محترم جدا

لكن قررت النزول نهائي لمصر للاسباب الاتية مضحيا بالراتب العالي و العيشة الفخمة

الاولاد لا يكتسبون مهارات حياتية لانعدام الاحتكاك و حرفية التعامل كالشارع المصري يعني من الاخر كاغلب زمايلنا اللي نزلو بعيالهم كبار من الخارج غالبا بينحرفوا لما بينزلوا مصر لانهم بيكونوا عبط بالنسبة لاقرانهم المصريين فبينضحك عليهم

القطاع الخاص ليس له امان في اي وقت برة و انت وراك اسرة و سنك بيكبر فينبغي البحث عن العمل اللي هيناسب سنك القادم و يكون اعبائه اقل و مشاكله اقل ووقت محدد للعمل لان الاسرة و الاولاد سحتاجونك اكثر عند الكبر

تحياتي

[egyptawy]

بص من الاخر كل الاراء مع قيمتها و الكلام الجيد القرار في الاخر عندك لان كل المعطيات لا يعرفها الا انت

و اقول لك رأي حسب طبيعتي و ظروفي انا و انت قارن ظروفك و فكرك بي

انا كنت مدير احدى المؤسسات المحترمة بالسعودية للدعاية و الاعلان و كان راتبي محترم و سكن محترم جدا

لكن قررت النزول نهائي لمصر للاسباب الاتية مضحيا بالراتب العالي و العيشة الفخمة

الاولاد لا يكتسبون مهارات حياتية لانعدام الاحتكاك و حرفية التعامل كالشارع المصري يعني من الاخر كاغلب زمايلنا اللي نزلو بعيالهم كبار من الخارج غالبا بينحرفوا لما بينزلوا مصر لانهم بيكونوا عبط بالنسبة لاقرانهم المصريين فبينضحك عليهم

القطاع الخاص ليس له امان في اي وقت برة و انت وراك اسرة و سنك بيكبر فينبغي البحث عن العمل اللي هيناسب سنك القادم و يكون اعبائه اقل و مشاكله اقل ووقت محدد للعمل لان الاسرة و الاولاد سحتاجونك اكثر عند الكبر

تحياتي

طيب بصراحة بعد ما نزلت هل ندمت

هل سهل ترجع الخليج تانى لو حبيت

ايه كان تاثير القرار على حياة حضرتك

شكرا

[الفنان]

بص من الاخر كل الاراء مع قيمتها و الكلام الجيد القرار في الاخر عندك لان كل المعطيات لا يعرفها الا انت

و اقول لك رأي حسب طبيعتي و ظروفي انا و انت قارن ظروفك و فكرك بي

انا كنت مدير احدى المؤسسات المحترمة بالسعودية للدعاية و الاعلان و كان راتبي محترم و سكن محترم جدا

لكن قررت النزول نهائي لمصر للاسباب الاتية مضحيا بالراتب العالي و العيشة الفخمة

الاولاد لا يكتسبون مهارات حياتية لانعدام الاحتكاك و حرفية التعامل كالشارع المصري يعني من الاخر كاغلب زمايلنا اللي نزلو بعيالهم كبار من الخارج غالبا بينحرفوا لما بينزلوا مصر لانهم بيكونوا عبط بالنسبة لاقرانهم المصريين فبينضحك عليهم

القطاع الخاص ليس له امان في اي وقت برة و انت وراك اسرة و سنك بيكبر فينبغي البحث عن العمل اللي هيناسب سنك القادم و يكون اعبائه اقل و مشاكله اقل ووقت محدد للعمل لان الاسرة و الاولاد سحتاجونك اكثر عند الكبر

تحياتي

طيب بصراحة بعد ما نزلت هل ندمت ندمت على عيشتي مش سهلة زي هناك حتى لو معاك فلوس لكن مندمتش على الخبرات الحياتية و التعامل و التعليم للاولاد

هل سهل ترجع الخليج تانى لو حبيت صعب لكن بفكر و بعمل دراسة جدوى مادية و معنوية للفكرة

ايه كان تاثير القرار على حياة حضرتك انا سعيد بحياتي و راضي بقضاء الله و ان هذا خيرا لي و لابد ان يكون في الحياة صعود و هبوط لانه لو كان على خط واحد اذا هذا هو الموت زي رسم القلب بالضبط

لابد من حضرتك تمسك ورقة و قلم و تعمل زيي و تشوف المميزات و العيوب المادية و المعنوية لكل قرار و تبص كويس للعيوب ايه اللي هتعرف تصلحه و اللي مينفعش يتصلح يبأة متخطرش و تخطاره

تحياتي

شكرا

تم تعديل 23 أكتوبر 2012 بواسطة الفنان

[الفنان]

طيب بصراحة بعد ما نزلت هل ندمت ندمت على عيشتي مش سهلة زي هناك حتى لو معاك فلوس لكن مندمتش على الخبرات الحياتية و التعامل و التعليم للاولاد

هل سهل ترجع الخليج تانى لو حبيت صعب لكن بفكر و بعمل دراسة جدوى مادية و معنوية للفكرة

ايه كان تاثير القرار على حياة حضرتك انا سعيد بحياتي و راضي بقضاء الله و ان هذا خيرا لي و لابد ان يكون في الحياة صعود و هبوط لانه لو كان على خط واحد اذا هذا هو الموت زي رسم القلب بالضبط

لابد من حضرتك تمسك ورقة و قلم و تعمل زيي و تشوف المميزات و العيوب المادية و المعنوية لكل قرار و تبص كويس للعيوب ايه اللي هتعرف تصلحه و اللي مينفعش يتصلح يبأة متخطرش و تخطاره و طبعا التأثير مش عليك بس حضرتك و الاسرة

تحياتي

تم تعديل 23 أكتوبر 2012 بواسطة الفنان

[نورالعين]

نصيحة لا تعود قبل ان ترجع مصر لشعبها حرة

اذا كان الاخوان ومؤيديهم لا يريدون العودة ومن في مصر منهم يبحث عن السفر

فما بالك بمن يشعر ان الوطن لم يعد وطنه في ظل هذه الأخونة

[egyptawy]

على فكرة انا مجوز ومراتى معاى

السوال بقى هى مصر بقت سيئة قوى كده للدرجة

هى مصر بقت لا تليق بالحياة الادمية

طيب هنعيش فين وولادنا هيعملوا ايه ولو البلد الا انا فيه مشانى فى اى وقت هاعمل ايه

[المطحون]

خى الحبيب انا فى سؤال الشركه اللى مصر عشان تعطيك راتب كويس يبقى ابشر انك هتفقد الحياه الاجتماعيه تماما يعنى وقتك كله هيروح يعنى هيطلع عينك ثانيا ابنائك واهلك اللى اتعودوا منك على مستوى مادى معيا لن يقبلوا ان يقل عن هذا يعنى كمان ضغط مادى غير عادى لان اللى كنت بتعمله فى الاجازه هتعملوه طول السنه ثالثا انا هقول لحضرتك حاجه انا نزلت اجازه شهرين ولسه راجع السعوديه صدقنى انا راجع بالعن بلدى والناس وكل حاجه كل شئ من سئ لاسوء الزحمه الناس المصاريف نختصر ونقول طالما مستقر فى الغربه متفكرش فى النزول لغاية اما يبان لنا ان فى دوله فى مصر ونعرف راسنا من رجلينا يعنى هتنزل فى بلد ممكن يدفعوك ضرايب على الجزمه اللى لابسها يا عم ارحم نفسك ومتفكرش حتى

[kitkat]

السلام عليكم

فيه نقط كتير هاتبني قرارك عليها اخي الكريم واسمع من السادة الاعضاء وخبراتهم

نزلت مصر من السعودية كنت فاكر ان الناس اتغيرت بعد الثورة وفيه اخلاق استغفر الله بدأت تظهر في مصر

صدقني ندمت ندم شديد وصدقني الموضوع مش فلوس بس

تخيل اولادك يتربوا وسط اولاد مصريين مفيش اي وازع ديني او اخلاقي والحرام مباح ومستحب وتحرش وسفالة وقذارة وانحطاط اخلاقي

الثورة ال"مجيدة" دي طلعت اسوأ مافي مصر طلعتهم علي وش الميا

نصيحة لو معاك قرشين اطلع اوروبا او كندا استراليا وعيش اللوجيك شوية يعني مش هاترجع من الخليج علي مصر ! الخليج طبعا احسن واسهل من مصر لو كان فيه شوية حقوق للاجانب الي زينا يعني جنسية تعليم شهادات الخ

والله يوفقك

[أسد]

إذا كانت الفرصة للعمل في مصر فرصة محترمة

لا تفوتها

العمل في الخليج هو حالة مؤقتة تنقضي فوراً لأسباب عديدة

منها إنك لا قدر الله تكون عندك أي ظروف مرضية

أو مديرك يتغير مزاجه أو رأيه

لا توجد قوانين تحميك بالشكل المطلوب

المدارس ..

أنا في السعودية أعاني في المدارس العالمية .. هذا إذا كنت تبحث عن مستوى تعليم مرتفع .. أما من يهتم بمستوى متوسط من التعليم فهو متوفر

تربية الأولاد .. مختلفة

جودة الحياة في مصر أو الخليج ..

تتوقف إنت عايش فين في مصر ...

فلو أنك تعيش في أيمن المدن الجديدة في مصر ... فطبعأً مستوى الحياة جيد جداً ..

وتختلف من مكان لآخر

الوطن هو ملاذ الجميع

من يهاجر إلى الغرب .. يمكنه أن يتردد كثيراً .. هذا من حقه

أما من يعمل في الخليج .. فهو لا يملك رفاهية الإختيار إذا ما تقرر أن يرحل

ملحوظة .. أعمل في الخليج منذ ربع قرن