ماذا تفعل لو كنت مكانى- ترجع مصر ولا لا

[egyptawy]

إذا كانت الفرصة للعمل في مصر فرصة محترمة

لا تفوتها

العمل في الخليج هو حالة مؤقتة تنقضي فوراً لأسباب عديدة

منها إنك لا قدر الله تكون عندك أي ظروف مرضية

أو مديرك يتغير مزاجه أو رأيه

لا توجد قوانين تحميك بالشكل المطلوب

المدارس ..

أنا في السعودية أعاني في المدارس العالمية .. هذا إذا كنت تبحث عن مستوى تعليم مرتفع .. أما من يهتم بمستوى متوسط من التعليم فهو متوفر

تربية الأولاد .. مختلفة

جودة الحياة في مصر أو الخليج ..

تتوقف إنت عايش فين في مصر ...

فلو أنك تعيش في أيمن المدن الجديدة في مصر ... فطبعأً مستوى الحياة جيد جداً ..

وتختلف من مكان لآخر

الوطن هو ملاذ الجميع

من يهاجر إلى الغرب .. يمكنه أن يتردد كثيراً .. هذا من حقه

أما من يعمل في الخليج .. فهو لا يملك رفاهية الإختيار إذا ما تقرر أن يرحل

ملحوظة .. أعمل في الخليج منذ ربع قرن

هو ده الا انا خايف منه العمر يضيع وفجاءة الاقى نفسى 50 سنة ولسة فى الخليج

[ابو حودة]

هو ده الا انا خايف منه العمر يضيع وفجاءة الاقى نفسى 50 سنة ولسة فى الخليج

الكلمة دي انا باسمعها كتير وانا نفسي كنت باقولها

لكن الحقيقة لما نفكر بجد سنجد ان الانسان ( المصري ) يجب ان بيعيش في اي مكان في الدنيا

طالما انه يستبعد فكرة معينة الا وهي ان الحياة مؤجلة حتى العودة الى مصر

حيث ان اليوم الذي يذهب لا يعود وبناء عليه طالما ان الانسان اختار الحياة بشكل متوازن ( مصروفات - سكن - مدارس - ادخار ) فلا فرق سواء في الخليج

او مصر او في غيرها من بلاد الله

اذا كنت تبحث عن مستقبل اولادك فمن باب اولى تبحث عن حاضرك انت والمستقبل بيد الله

عيش حياتك بالشكل الذي تشعر انه يسعدك ويسعدهم سواء في الخليج او في مصر واترك الباقي على الله فهو اقدر على ترتيبه ( اعقلها وتوكل على الله )

[الفنان]

يا حبيبي الناس سودتلك العيشة في وشك

انا شايف كلام الفاضل اسد معقول

و في الاول و الاخر كل واحد بيحكي اللي مناسب لتفكيره هو انت شوف نفسك

هقولك الخلاصة

لو معاك فلوس اسكن في المدن الجديدة راقية و نظيفة و كانك في السعودية

المدرسة للاولاد المعهاد الازهرية التجريبية و الخاصة ممتازة جدا

الاكل و الشرب بالمدن الجديدة سهل لوجود هايبر

بس اللي هيتعبك في مصر تربية الاولاد هتتعب شوية معاهم لانهم هيختلطوا باهلك و اولاد الجيران و هيكتسبوا خليط من السلوكيات المختلفة عن تريتك ليهم و لكن صدقني طالما رميت البذرة الولى و العيل اتعلم منك الصح مش هيتغير بسهولة لو حضرتك متابعه و بتفهمه ان الناس لما تعمل الغلط منقلدهاش فيه

المجاملات هتكون كتير شوية حاول تلم الدور

بس خلاص و البلد جميلة و زي الفل و مفيش ضرايب على الجزم و لا حاجة و الامور عادية جدا و متخدش اخبار مصر من التليفزيون و لا المضلمتية اللي بيسودوا العيشة على اللي عيشنها

لا تنسى كلامي الاول قارن بين المميزات و العيوب المادية و المعنوية

و لا تنسي ان الخليج في اي وقت برة و مفيش حقوق للاجانب و انت عارف

استخير و اتوكل على الله

و خلي عندك يقين ان بعد اخذك بالاسباب و دراسة المميزات و العيوب و صلاة الاستخارة

خد قرار و الله لن يقدر لك الا الخير

ده يقين المسلم حتى لو رأيت بعدها تعثر في حياتك هتعرف بعدين لما اليسر يجي انه كان خير خير

تحياتي

[egyptawy]

هو ده الا انا خايف منه العمر يضيع وفجاءة الاقى نفسى 50 سنة ولسة فى الخليج

الكلمة دي انا باسمعها كتير وانا نفسي كنت باقولها

لكن الحقيقة لما نفكر بجد سنجد ان الانسان ( المصري ) يجب ان بيعيش في اي مكان في الدنيا

طالما انه يستبعد فكرة معينة الا وهي ان الحياة مؤجلة حتى العودة الى مصر

حيث ان اليوم الذي يذهب لا يعود وبناء عليه طالما ان الانسان اختار الحياة بشكل متوازن ( مصروفات - سكن - مدارس - ادخار ) فلا فرق سواء في الخليج

او مصر او في غيرها من بلاد الله

اذا كنت تبحث عن مستقبل اولادك فمن باب اولى تبحث عن حاضرك انت والمستقبل بيد الله

عيش حياتك بالشكل الذي تشعر انه يسعدك ويسعدهم سواء في الخليج او في مصر واترك الباقي على الله فهو اقدر على ترتيبه ( اعقلها وتوكل على الله )

بما انى حضرتك مريت بنفس الظروف تقريبا

هل حضرتك شايف قرار العودة بالمعطيات ده قرار ليس سىء جدا وانى ممكن اتاقلم واعيش زى الناس وخلاص

[egyptawy]

يا حبيبي الناس سودتلك العيشة في وشك

انا شايف كلام الفاضل اسد معقول

و في الاول و الاخر كل واحد بيحكي اللي مناسب لتفكيره هو انت شوف نفسك

هقولك الخلاصة

لو معاك فلوس اسكن في المدن الجديدة راقية و نظيفة و كانك في السعودية

المدرسة للاولاد المعهاد الازهرية التجريبية و الخاصة ممتازة جدا

الاكل و الشرب بالمدن الجديدة سهل لوجود هايبر

بس اللي هيتعبك في مصر تربية الاولاد هتتعب شوية معاهم لانهم هيختلطوا باهلك و اولاد الجيران و هيكتسبوا خليط من السلوكيات المختلفة عن تريتك ليهم و لكن صدقني طالما رميت البذرة الولى و العيل اتعلم منك الصح مش هيتغير بسهولة لو حضرتك متابعه و بتفهمه ان الناس لما تعمل الغلط منقلدهاش فيه

المجاملات هتكون كتير شوية حاول تلم الدور

بس خلاص و البلد جميلة و زي الفل و مفيش ضرايب على الجزم و لا حاجة و الامور عادية جدا و متخدش اخبار مصر من التليفزيون و لا المضلمتية اللي بيسودوا العيشة على اللي عيشنها

لا تنسى كلامي الاول قارن بين المميزات و العيوب المادية و المعنوية

و لا تنسي ان الخليج في اي وقت برة و مفيش حقوق للاجانب و انت عارف

استخير و اتوكل على الله

و خلي عندك يقين ان بعد اخذك بالاسباب و دراسة المميزات و العيوب و صلاة الاستخارة

خد قرار و الله لن يقدر لك الا الخير

ده يقين المسلم حتى لو رأيت بعدها تعثر في حياتك هتعرف بعدين لما اليسر يجي انه كان خير خير

تحياتي

جزاك الله خير يافنان انت وكل الناس المحترمة التى لا تبخل بمعلومة او خبرة حياتية على اى شخص

انا برضه شايف كلام ايتاذ اسد جزاه الله خير معقول

[kitkat]

!!!فيه انضف من الرحاب ؟

:))

[egyptawy]

!!!فيه انضف من الرحاب ؟

:))

مش فاهم يافندم تقصد ايه

[kitkat]

!!!فيه انضف من الرحاب ؟

:))

مش فاهم يافندم تقصد ايه

أقصد ان مابقتش تفرق انت عايش فين طالما انك لسه جوه مصر

زمان كان فيه فرق بين السبتية وهليوبوليس دلوقتي كل البلد تخوف والبقاء للاقوي لغياب القانون

أقصد ان جنابك حتي لو عايش في الرحاب ارقي كومباوندات مصر فانت

1-مضطر تتفاعل مع القيادة في وسط القاهرة او علي طريق السويس

2-مضطر تتعامل مع الموظفين في كل ربوع مصر وتخلص اوراقك ورخصة سيارتك

3-مضطر تخاف علي زوجتك واولادك لان مبقاش فيه امان حتي داخل الرحاب

الناس توحشت يا باشمهندس

الخليج مش جنة ولكنه لا يزال افضل كثيرا من مصر

مصر كان فيه أمل ان حالها ينصلح قبل انطلاق حالة الفوضي الحالية

مثال : هل فيه تحرش بالسيدات في قطار الدمام مثلا ؟؟؟! شوف الي بيحصل في مواصلات مصر

والله الذي لا اله الا هو ، واللي سافر اوروبا هايفهم كلامي ، الكفار في الغرب مش بيعملوا الي المصريين بيعملوه

استخير وتوكل علي الله يمكن تعرف تتاقلم هنا :)

تم تعديل 24 أكتوبر 2012 بواسطة kitkat

[ahmedbanany]

طيب بصراحة بعد ما نزلت هل ندمت ندمت على عيشتي مش سهلة زي هناك حتى لو معاك فلوس لكن مندمتش على الخبرات الحياتية و التعامل و التعليم للاولاد

هل سهل ترجع الخليج تانى لو حبيت صعب لكن بفكر و بعمل دراسة جدوى مادية و معنوية للفكرة

ايه كان تاثير القرار على حياة حضرتك انا سعيد بحياتي و راضي بقضاء الله و ان هذا خيرا لي و لابد ان يكون في الحياة صعود و هبوط لانه لو كان على خط واحد اذا هذا هو الموت زي رسم القلب بالضبط

لابد من حضرتك تمسك ورقة و قلم و تعمل زيي و تشوف المميزات و العيوب المادية و المعنوية لكل قرار و تبص كويس للعيوب ايه اللي هتعرف تصلحه و اللي مينفعش يتصلح يبأة متخطرش و تخطاره و طبعا التأثير مش عليك بس حضرتك و الاسرة

تحياتي

[ahmedbanany]

أستاذي الفاضل ردى ده من خبرة 15 سنه غربه اول شى عاوز تنبسط في مصر اهم شي تماماً السكن حاول تسكن في التجمع او الشروق لو في إمكانيات التجمع يبقي أحسن بكتير جميع المدارس فيه ومن أرقي ما يمكن اشتراك في نادى محترم في التجمع مثلا او الشروق حسب مكان مهتسكن وابتدى عيش حياتك مصر جميله جداً للي عاوز يشوفها جميله صدقني أنا استمتعت جداً دلوقتي طبيعة الناس في المدن الجديدة زينا بالظبط اللي عاش في الغربة من حيث الأمان محستش باي مشكله بسمع ومشوفتش وده من ايام المخلوع الحياه حلوه في مصر بس الفلوس ثما الفلوس تبقي تملك مصر يعنى جرب يوم تسهر في الدوان تاون كده في التجمع هتحس انكمش في مصر تربية ولادك في ايدك اشترى عربيه لانسر ومتحاولش تتفاخر با أغلي من كده حتى لو معاك ممكن حاجه صغيره مستعمله للمدام لزوم المدارس وغيره خلص شغلك لو في البلد وارجع التجمع او الشروق وحاول تنسي البلد باللي فيها حاول تحدد علاقتك بالاقارب متفتحش علي البحري المجاملات في أضيق الحدود. روح النادي أسبوعيا وحاول تسترخي في حمام السباحة او تجرى شويه في التراك هتخرج من قرف الحياه كل شهرين اخطف ايام في العين السخنه والعروض كتيره ورخيصة جداً او الساحل في الصيف هتنبسط نظم حياتك هتنبسط ان شا الله

[AbuZeyad]

انا حاليا في مصر في اجازة قصيرة وبجد مستعجل الايام تخلص علشان ارجع تاني

انا عشت في مصر نسبة كبيرة من عمري ومتعود على السلبيات اللي فيها بس اللى انا حاسه ان المشكلة بجد اصبحت اخلاقية في المقام الأول

بسمع في الشارع احط الالفاظ من ناس من فئات مختلفة وملاحظ كمان العصبية الزايدة في العديد من الامور

حتى لما رحت النادي قلت ارفه عن نفسي في مكان يفترض انه من أرقى نوادي مصر لقيت فيه اللى بيشتم بكلام غريب

طبعا مش كل الناس بتشتم بس للاسف السئ هو اللى بيظهر واللي بيضايقني اكتر ان الكلام دا ممكن اسمعه في وجود زوجتى واولادي

وفعلا حسيت زي ما قال كيت كات ان الثورة طلعت أسوا ما في الناس

نيجي بقى لموضوعك

من وجهة نظري علشان تاخد قرار ترجع مصر يبقى لازم تكون كونت عناصر الحد الادنى من الحياة الكريمة في مصر ودا بالنسبة ليا يتكون من

- شقة بمساحة كويسة في مكان كويس

- سيارة

- مبلغ في البنك للطوارئ

لو عندك العناصر دي بالاضافة الى وظيفة في مصر بدخل ميقلش عن تلت دخلك في السعودية يبقى المسالة من الناحية المادية منطقية انك ترجع مصر تاني أو لو ان وظيفتك في مصر ممكن توفرلك العناصر دي يبقى خير وبركة ارجع وانت الكسبان رغم كل السلبيات اللى في مصر واللي بتزيد للاسف مع الوقت

في الاخر مصر هي بلدنا اللى شايلين جواز سفرها وراجعينها راجعينها شئنا ام ابينا وان مرجعناش يبقى ولادنا هايرجعوا الا لو كنت عندك خطة للهجرة في الحالة دي عودتك لمصر ضياع وقت على الفاضي وخليك عندك أحسن

الموضوع عامل زي ما يكون لك اخ او ابن سئ السلوك في الاخر لازم تستحمله علشان ملكش غيره مهما رحت ولفيت ودرت في بلاد الله

خلينا نشوف الموضوع من ناحية تانية

شوفنا ناس كتير في المحاورات بيستحملوا ما لا يتحمله بشر في الخليج في سبيل لقمة العيش ودخل احسن

حالتك انت العكس في دخل كويس في مصر مع ظروف معيشة بتصعب يوم عن يوم الموضوع متوقف عليك هل هاتتحمل الظروف دي مع وجود الدخل المناسب ومع ذلك هتاخد مزايا انك في الاخر عايش في بلدك وسط اهلك بدون غربة انك في عمل تترقى فيه وتكبر وتوجد لك ولاولادك مكان في المجتمع اللى مسيرك يوم ترجع له؟؟ دا قرارك يا صديقي

لو مكانك في الغالب كنت هارجع واضحي بجزء من راحة بالي في سبيل اني ارجع وانا عندي مستقبل في بلدي ونقطة بداية كويسة بدل ما ارجع في يوم بعيد شوية على اللاشئ وابتدي من جديد

وراجع رد الفنان

تحياتي لك

[egyptawy]

انا حاليا في مصر في اجازة قصيرة وبجد مستعجل الايام تخلص علشان ارجع تاني

انا عشت في مصر نسبة كبيرة من عمري ومتعود على السلبيات اللي فيها بس اللى انا حاسه ان المشكلة بجد اصبحت اخلاقية في المقام الأول

بسمع في الشارع احط الالفاظ من ناس من فئات مختلفة وملاحظ كمان العصبية الزايدة في العديد من الامور

حتى لما رحت النادي قلت ارفه عن نفسي في مكان يفترض انه من أرقى نوادي مصر لقيت فيه اللى بيشتم بكلام غريب

طبعا مش كل الناس بتشتم بس للاسف السئ هو اللى بيظهر واللي بيضايقني اكتر ان الكلام دا ممكن اسمعه في وجود زوجتى واولادي

وفعلا حسيت زي ما قال كيت كات ان الثورة طلعت أسوا ما في الناس

نيجي بقى لموضوعك

من وجهة نظري علشان تاخد قرار ترجع مصر يبقى لازم تكون كونت عناصر الحد الادنى من الحياة الكريمة في مصر ودا بالنسبة ليا يتكون من

- شقة بمساحة كويسة في مكان كويس

- سيارة

- مبلغ في البنك للطوارئ

لو عندك العناصر دي بالاضافة الى وظيفة في مصر بدخل ميقلش عن تلت دخلك في السعودية يبقى المسالة من الناحية المادية منطقية انك ترجع مصر تاني أو لو ان وظيفتك في مصر ممكن توفرلك العناصر دي يبقى خير وبركة ارجع وانت الكسبان رغم كل السلبيات اللى في مصر واللي بتزيد للاسف مع الوقت

في الاخر مصر هي بلدنا اللى شايلين جواز سفرها وراجعينها راجعينها شئنا ام ابينا وان مرجعناش يبقى ولادنا هايرجعوا الا لو كنت عندك خطة للهجرة في الحالة دي عودتك لمصر ضياع وقت على الفاضي وخليك عندك أحسن

الموضوع عامل زي ما يكون لك اخ او ابن سئ السلوك في الاخر لازم تستحمله علشان ملكش غيره مهما رحت ولفيت ودرت في بلاد الله

خلينا نشوف الموضوع من ناحية تانية

شوفنا ناس كتير في المحاورات بيستحملوا ما لا يتحمله بشر في الخليج في سبيل لقمة العيش ودخل احسن

حالتك انت العكس في دخل كويس في مصر مع ظروف معيشة بتصعب يوم عن يوم الموضوع متوقف عليك هل هاتتحمل الظروف دي مع وجود الدخل المناسب ومع ذلك هتاخد مزايا انك في الاخر عايش في بلدك وسط اهلك بدون غربة انك في عمل تترقى فيه وتكبر وتوجد لك ولاولادك مكان في المجتمع اللى مسيرك يوم ترجع له؟؟ دا قرارك يا صديقي

لو مكانك في الغالب كنت هارجع واضحي بجزء من راحة بالي في سبيل اني ارجع وانا عندي مستقبل في بلدي ونقطة بداية كويسة بدل ما ارجع في يوم بعيد شوية على اللاشئ وابتدي من جديد

وراجع رد الفنان

تحياتي لك

صدقنى انا نفسى فى كده اوى لكن للاسف كل الناس بتقولى الوضع فى مصر سيى جدا ولا يحتمل حتى لو عايش كويس

تخيل بقيت مرعوب ارجع بلدى

مش عارف اعمل ايه بجد

[ابو حودة]

يا اخي الموضوع ليس سئ الى هذه الدرجة

كل المسألة انها راحة نفسية سواء في مصر او في غيرها

موضوع الامن عاد بشكل كبير ففي المنطقة التي اسكن فيها ينزل ابني وعمره 9 سنوات

لشراء بعض الاشياء من البقالات القريبة في الساعة الثانية عشر مساءا

اي ان الامان موجود والحمد لله

كل المسألة هي عدم راحة نفسية قد تكون عائدة الى التعود على الخليج

مسألة المدارس صحيح مدارس الخليج افضل في رأيي الا انه

في حالة ابني الكبير في مدرسة تجريبي لغات عدد الاطفال في الفصل لا يزيد عن 31 طفل

اي ان المدرسة ليست مشكلة

كما قلت في ردي السابق لا اعرف تحديدا سبب عدم الراحة وهو ما يدفعني للبحث عن

السفر مرة اخرى تلك الاشياء بالتأكيد تختلف من شخص لاخر كما اني والحمد لله لدي عملي الذي

استطيع ان احتفظ به حتى في حالة السفر كاجازة بدون مرتب

موضوع السكن في المدن الجديدة كالشروق وغيرها

فان تكلفة السكن هي نفسها تكلفة السكن في منطقة شعبية في القاهرة

لكن من الصعب على انا شخصيا ان انقل حياتي واولادي للعيش في منطقة بعيدة

عن الاسرة الكبيرة حيث ساعتبر في هذه الحالة السفر افضل لانه برأيي

السكن بعيدا عن الاسرة الكبيرة يعتبر اغتراب داخلي

توكل على الله ولن يكون الا ما قدره الله

تم تعديل 26 أكتوبر 2012 بواسطة ابو حودة

[egyptawy]

يا اخي الموضوع ليس سئ الى هذه الدرجة

كل المسألة انها راحة نفسية سواء في مصر او في غيرها

موضوع الامن عاد بشكل كبير ففي المنطقة التي اسكن فيها ينزل ابني وعمره 9 سنوات

لشراء بعض الاشياء من البقالات القريبة في الساعة الثانية عشر مساءا

اي ان الامان موجود والحمد لله

كل المسألة هي عدم راحة نفسية قد تكون عائدة الى التعود على الخليج

مسألة المدارس صحيح مدارس الخليج افضل في رأيي الا انه

في حالة ابني الكبير في مدرسة تجريبي لغات عدد الاطفال في الفصل لا يزيد عن 31 طفل

اي ان المدرسة ليست مشكلة

كما قلت في ردي السابق لا اعرف تحديدا سبب عدم الراحة وهو ما يدفعني للبحث عن

السفر مرة اخرى تلك الاشياء بالتأكيد تختلف من شخص لاخر كما اني والحمد لله لدي عملي الذي

استطيع ان احتفظ به حتى في حالة السفر كاجازة بدون مرتب

موضوع السكن في المدن الجديدة كالشروق وغيرها

فان تكلفة السكن هي نفسها تكلفة السكن في منطقة شعبية في القاهرة

لكن من الصعب على انا شخصيا ان انقل حياتي واولادي للعيش في منطقة بعيدة

عن الاسرة الكبيرة حيث ساعتبر في هذه الحالة السفر افضل لانه برأيي

السكن بعيدا عن الاسرة الكبيرة يعتبر اغتراب داخلي

توكل على الله ولن يكون الا ما قدره الله

شكرا يابو حودة على جرعة الامل والتفاؤل ده

خصوصا انك مريت بنفس التجربة

يعنى رايك اتوكل على الله واتحمل شوية المعاناة الا فى الاول وان شاء الله بعد كده الامور ترجع طبيعية

[elrasy]

ارجع فورا

الغربة حياة بدون اى طعم

[elrasy]

انا حاليا فى اجازة بمصر و بزعل على كل يوم بيعدى و بيقربنى من رجوعى للسعودية

على فكرة انا وضعى كويس فى السعودية و فى سكن محترم و عربية محترمة

لكن كنت فى مصر بحس باقل رفاهية وبستمتع بيها

هنا فى السعودية مهما زادت الرفاهية تبقى بدون طعم و كفاية فقدك انت و اطفالك لحياتك الاجتماعية

تم تعديل 26 أكتوبر 2012 بواسطة elrasy

[egyptawy]

انا حاليا فى اجازة بمصر و بزعل على كل يوم بيعدى و بيقربنى من رجوعى للسعودية

على فكرة انا وضعى كويس فى السعودية و فى سكن محترم و عربية محترمة

لكن كنت فى مصر بحس باقل رفاهية وبستمتع بيها

هنا فى السعودية مهما زادت الرفاهية تبقى بدون طعم و كفاية فقدك انت و اطفالك لحياتك الاجتماعية

طيب هل بتقابلك فعلا المشاكل الا الاخوة بيقلوا عليها وازاى بتتغلب عليها

[elrasy]

انا حاليا فى اجازة بمصر و بزعل على كل يوم بيعدى و بيقربنى من رجوعى للسعودية

على فكرة انا وضعى كويس فى السعودية و فى سكن محترم و عربية محترمة

لكن كنت فى مصر بحس باقل رفاهية وبستمتع بيها

هنا فى السعودية مهما زادت الرفاهية تبقى بدون طعم و كفاية فقدك انت و اطفالك لحياتك الاجتماعية

طيب هل بتقابلك فعلا المشاكل الا الاخوة بيقلوا عليها وازاى بتتغلب عليها

انا بقالى 3 سنين فى السعودية

و قبلها كنت فى مصر و مرتبى كان اقل من ربع مرتبى فى السعودية لكن والله كنت حاسس انى عايش سعيد ومبسوط

و بخصوص المشاكل زى الزجمة وغيرة بتتغلب عليها بالتعود والسكن فى مكان جديد انا خدت شقة فى العبور و اول ما اقساطتها تخلص هفكر بجدية شديدة للرجوع للوطن

[التونسى]

رأيى من راى الاستاذ الفاضل أسد .. الخليج مش بلاد هجره واستيطان .. عكس الغرب ((اوربا اميركا كندا استراليا )) يعنى مهما حتقعد فى الخليج حتفضل غريب ولن تحصل على المواطنه او الجنسيه او ما شابه . عكس دول الغرب السالف ذكرها .. ده معناه انك راجع مصر راجع .. اللهم الا اذا وجدت فرصه للهجره لدول تمنح الجنسيه والحقوق الكامله .. لذا مدام العرض اللى جايلك كويس يبقى تتكل على الله وترجع .. وربك هنا ربك هناك .. انا عن نفسى بحاول بقالى خمس سنين اسيب انجلترا وارجع اعيش فى مصر .. بس مش قادر ... بسبب انى معايا الجنسيه البريطانيه .. لكنى لسه بحاول رغم ذلك .. ونفسى أقدر أقنع نفسى واسايس وامشى امورى فى مصر .. لاعتبارات كثيره .. اجتماعيه ودينيه وثقافيه

ربنا يوفقك فيما هو فيه خير لك ولاسرتك

[egyptawy]

رأيى من راى الاستاذ الفاضل أسد .. الخليج مش بلاد هجره واستيطان .. عكس الغرب ((اوربا اميركا كندا استراليا )) يعنى مهما حتقعد فى الخليج حتفضل غريب ولن تحصل على المواطنه او الجنسيه او ما شابه . عكس دول الغرب السالف ذكرها .. ده معناه انك راجع مصر راجع .. اللهم الا اذا وجدت فرصه للهجره لدول تمنح الجنسيه والحقوق الكامله .. لذا مدام العرض اللى جايلك كويس يبقى تتكل على الله وترجع .. وربك هنا ربك هناك .. انا عن نفسى بحاول بقالى خمس سنين اسيب انجلترا وارجع اعيش فى مصر .. بس مش قادر ... بسبب انى معايا الجنسيه البريطانيه .. لكنى لسه بحاول رغم ذلك .. ونفسى أقدر أقنع نفسى واسايس وامشى امورى فى مصر .. لاعتبارات كثيره .. اجتماعيه ودينيه وثقافيه

ربنا يوفقك فيما هو فيه خير لك ولاسرتك

انت جيبت على الجرح قوى

انا عارف اه انى الوضع صعب والناس مش طايق نفسها وعارف انى مصر بقت بلد غير صالح للحياة الادمية

لكنى جربت الغربة ومررارتها وعارف يعنى ايه غربة

لكن واضح من كلام الناس انى مرارة الغربة بقت احلى من مررارة العيش فى مصر

وانا عارف انى كل الاخوة هنا محترمين وعايزينلى الخير عشان كده باستشير وباخد الاراء

وفى النهاية ربنا يوفقنا جميعا

وانا متشكر ليكم ياجماعة بجد وكل ما احتك بحد منكم او اشوف رد عقلانى منكم باقول ما هى مصر زى الفل اهو ولسة فيها ناس محترمين

ياترى لو نزلت ممكن الاقيكم فى الشارع او الاقى زيكم جيرانى مثلا مش عارف

وبعدين يظل السوال هل العودة وبناء مستقبل وظيفى فى مصر مع تحمل كل المشاكل المحيطة ده

ولا الانتظار لحد ما يضيع نص العمر برة وفى النهاية ترجع معاك فلوس تصرفها على علاجك

شكرا ياجماعة

تم تعديل 27 أكتوبر 2012 بواسطة egyptawy