مشكلة تأشيرة الخروج و العودة

[alisayed]

بسم الله الرحمن الرحيم

الاخوة الاعزاء انا اسف ان كنت هناقش الموضوع ده للمرة الالف من وجهة نظر البعض لكني بصراحة قرأت الكثير لكن معظمها كانت اراء مختلفة و تواريخها قديمة شوية و انا مش عارف ارسى على بر ... و طبعاً أملي في ربنا و فيكم انكم تساعدوني يا أهل الخبرات .. مشكلتي هي:

انا حاليا في المملكة السعودية و عاوز اسيب العمل اللي انا فيه و ارجع على فيزا تانية جديد لكن الكفيل مش عاوز يسيبني هو انسان كويس بس المشكلة ان الراتب ضعيف جداً و هو مش هيعطي زيادات فهل من الممكن ان:

- اخد تأشيرة ذهاب و عودة و مرجعش و بعدين ارجع على فيزا تانية بمهنة تانية؟؟؟

- انا هغير جواز السفر لما انزل مصر

- انا طبعا عامل البصمة

- الاقامة هتكون لسة سارية المفعول لو حبيت ارجع تاني في الوقت اللي انا محددهلان هيكون لسة باقي فيها حوالي 5 شهور

طيب في ظل وجود العقبات دي هل الموضوع عادي و لا انسى رجوعي السعودية خلال الفترة دي لان انا سمعت ناس بتقول ممنوع من دخول السعودية 5 سنوات او 2 سنتين و هكذا وانا مش عارف الصح فين ... من فضلكم اللي عنده معلومات تفيدني يا ريت يكتبلي بسرعة ... و شكراً لكم و كل عام و انتم بخير

[AbkaReno]

مفيش مشكله ان شاء الله

موضوع البصمة لو سألوك عليه قلهم جيت بتأشيرة جديده ومفيهاش مشاكل

موضوع سنتين و5 سنين متقلقش منه حاول محدش يشوفك لما ترجع فى شغلك القديم علشان ميحصلش مشاكل

[alisayed]

الف شكر لجضرتك على الاهتمام مع خالص اهتمامي بالتوفيق بس من فضلك هو لازم التأشيرة يمر على انتهائها 6 شهور ولا ال 6 شهور دي من وقت انا ما اخرج من المملكة؟

[اسامه نور]

بص يا عزيزى الكلام الفصل لازم الاقامة تنتهى وانت واخد خروج وعوده علشان تعرف تيجى لان ليك اقامه وسارية المفعول لازم تسقط علشلن تعرف تيجى بتاشيرة جديده