شوف يا فندي شوف يا بيه رحلة المليون جنيه

[mwefy]

شوف يا فندي شوف يا بيه رحلة المليون جنيه

يبتدي عيضه وجيفه

ينتهي لابس قطيفه

والغريبه والمخيفه

كلنا بنقول يا بيه!!

يبتدي عامل بسيط

ينتهي في كرشه المحيط

واللي كان زي العبيط

ينتهي داهيه ومصيبه

شوف يا فندي شوف يا بيه رحله المليون جنيه

اللي كان مشّه بدود

ينتهي باكل السي فود

شفت بقه زمن القرود

والصفاقات والقروض

وهو ده الاقتصاد !!

ايش بتفهم انت ياض !!

حسب تصريح الحكومه

انا كنا في التراب

وهما اللي طلعونا واكلونا وشربونا

والا اقولك ما علينا

خلينا فيلف ايدينا

مش عيلنا حوالينا

ايه اهم من دا ايه.

شوف يا فندي شوف يا بيه سبب اكتأبنا أيه !!؟؟؟

محمد ويفي 17/12/04

[هشام الجنيدى]

الله عليك ولد :blink:

بجد جميله وتلقائيه جدا

[ragab2]

يبتدي عيضه وجيفه

ينتهي لابس قطيفه

والغريبه والمخيفه

كلنا بنقول يا بيه!!

يبتدي عامل بسيط

ينتهي في كرشه المحيط

واللي كان زي العبيط

ينتهي داهيه ومصيبه

حلوة

الله ينور

[mwefy]

للرفع

[بنت شعنونة]

جمييييلة جدا اخي موافي.. :huh:

فكرتني بكلام كنت كاتباه من اكترمن سنتين بيقول h):

تشتري مني ياهانم..تشتري مني يا بيه..!

انا ابيع المشاعر..محدش عايز يشتري والا ايه؟

الناس نسيت المشاعر والمودة..بس يا ترى ليه؟

.

تشتري مني يا هانم.. تشتري مني يا بيه؟؟

.

معايا بواقي حب غلبانين

جار عليهم الزمن..واصبحوا في قلبي متوارين

متبهدلين..متعورين..وكمان عيانين..

بس والله همه حبة حب اصيلين..

.

تشتري مني يا هانم.؟تشتري مني يا بيه...؟

.

معايا شوية اخلاص باقيين..

اصلوا اللي كانوا معايا اخدوهم ناس تانيين..

ناس ما تستهلش ..ناس ماصانوش العيش و الملح وكانوا خاينين..

بس معلش.. ماهي التجارة شطارة.. وانا اشطر الخايبين..

تاخودش مني يا سيدي حبة الأخلاص دول؟؟ والله دول نادرين..

.

تشتري مني يا هانم..تشتري مني يابيه..

.

معايا كمان ادب واخلاق يا ناس يا طيبين..

انا عارفه انهم مالهمش لازمة في زمن المشعوذين..

بس يمكن ينفعوا حد..بدل ماهمه كد1 مرميين؟!

شوية ادب على اخلاق يخلوا حياتكوا حلوين...

محدش قال هات..

محدش قال عاوزيين؟؟

.

تشتري مني يا هانم.. تشتري مني يا بيه...!

.

خلاص.. بضاعتي ملهاش لازمة

تمام زي صاحبتها..عاملين ازمة..

هيييه..

خلينا جنب الحيط مرميين..

يمكن تيجي ايد حنونة.. تعطف علينا بكلمتين...

.............وعجبي.............

[وليد صفوت]

متبهدلين..متعورين..وكمان عيانين..

ايه يا شانا ؟؟؟

انتى كتبتيها و انتى فى المستشفى و لا ايه ؟؟ :huh:

............................

بس انا شايف انه رغم انها كلها مكسورة و مش موزونة و فكرتها مأخوذة من فيلم ارض النفاق بتاع الباشمهندس , .........

إلا انها مشعننة زى شعنونة اللى كاتباها بالضبط .....

و عشان كده يا شانا يا بنتى قررنا نعطيكى تااااااااااااااج الجزيرة

إيه رأيك ؟؟؟

[mwefy]

شكرا يا شانا مع انها جت متاخره مني اوي بس انتي عارفه الظروف