اذهب إلى المحتوى
محاورات المصريين

هل خضت من قبل التجربة ( مميزات وعيوب المهنة )

ابا فاطمة

بواسطة ابا فاطمة
في موضوعات شخصية

 مشاركة

Recommended Posts

ابا فاطمة عضو جديد

ابا فاطمة

بتاريخ:
بتاريخ:

السلام عليكم ورحمة الله وبركاته

الاخوة الافاضل

كنت ولازلت بحب اتفرج على برنامج التجربة لما فيه من التعرض لاحد المهن التى يمارسها بعض افراد المجتمع وماهى الصعاب التى تواجهم وماهى مميزات هذه المهنة وهل من الممكن ان نستطيع القيام بهذا العمل ام لا ؟هننبسط لو اشتغلنا الشغلانة دى ولا لاه ؟

انا عايز اقول مثلا فى ناس بتحب الميكانيكا ومجربتش تشتغلها انا الحمد لله ممكن اوضح ليهم مثلا طبيعة الشغلانة باستفاضة مميزاتها وعيوبها ---- كان نفسى مثلا اكون طبيب ممكن الدكتور ياسر يوضح لينا ازاى بيشتغل تحت ضغط وازاى بيبتدى يومه المشحون بالشغل وايه هى المميزات وعيوب المهنة وهكذا

طيب انا فتحت الموضوع ده ليه ؟؟

لاننى بفضل الله ونعمته اشتغل وبلا فخر صبى جزار ودى كان امبارح وهنقل لكم ماذا تعلمت امبارح من فنون الجزارة بمناسبة الايام المفترجة دى

على فكرة انا عندى فكرة كويسة عن السباكة والنجارة وطبعا الميكانيكا التى اعشقها فهى مجال تخصصى وان شاء الله ساروى لحضراتكم تقاصيل هذه المهن الثلاثة من واقع التجربة الحقيقة

نبتدى بالصلاة على النبى ( عليه افضل الصلاة والسلام يانبى )

اتمنى من اخى الفاضل ابوزياد يكون بيتابعنا لانه لغاية دلوقتى لسه مادبحش ربنا يهديله الجزار بتاعه ويظبطه صح وعايزه يستحمل علشان فى ضغط شغل

تخيلوا ياسادة اننا انتهينا امس من دبح العجل ( مشاركة كل سنة وانتو طيبين وخمسة وخميسة فى عين الحسود كان حاجة محترمة كده )الساعة 11 باليل وابتدينا نقطع فى اكياس على الساعة 12 وخلصنا موازين تقريبا على الساعة 2 وام فاطمة الله يبارك فيها قامت تنضف الكرشة والممبار وام الشلتيت (جزء من المعدة ) مع ان فاطمة الله يبارك فيها ويشفيها مغالبنة بقالها 3 ايام زن وعياط على طول

صلينا العيد وفطرنا فطار كده وكده حاجة "فافى" لا ترقى الى مستوى الحدث ماعلينا مش عايز افتكر هذه اللحظات الاليمة لانى كنت بمنى نفسى ادبح واخطف الكبدة والقلب والفشة ونعملهم ونضربهم على الصبح ذى مابيحصل كلة سنة بس لانى كل سنة كنت بدبح لواحدى ( خروف) المرة دى استهوانيى احد الاصدقاء اننا نشارك مع بعض فى عجل قلت ومال اهو كله لله احنا ناكل وحبيبنا ينبسطوا وياكلوا فطبعا لاننا معدومى الخبرة فى دبح العجول فقررننا ان نستعين بصديقtongue.gifجراح عجول

وندبحه فى حظيرة المواشى ( الزريبة) حيث الجراحين الجبابرة والله فعلا الناس دى جبابرة وهاواضح ليكم ليه ؟

المهم طبعا فى ناس كتيرة لها بهايم فى الزريبة هتندبح مع حاجتنا فالرجل كلمنا وقال الدبح ان شاء الله بعد صلاة الجمعة

طبعا قالنا ماشى وماله مع اننا كنا فى الخرفان بنصلى ونقوم نجرح على طول ( ندبح) امبارح اتعلمت شوية اللفاظ هقولكم عليها (نجرح البهيمة ) ندبحها وطبعا كنا زعلانين علشان مش هنافطر منها الصبح

فى الايام العادية لما بندبح خرفان على الساعة 10 بنبقى مخلصين كل حاجة حتى الراس متكسرة والرجول متنضفة احنا وبحمد الله بناكل كل حاجة فى الدبيحة واللى مابنكلوش بنلاقى حبيابنا يكلوها

ولنا عودة باذن الله

تحياتى

بدأ الاسلام غريبا وسيعود غريبا كما بدأ فطوبى للغرباء

" اللهم انى اشكو اليك ضعف قوتى و قلة حيلتى و هوانى على الناس انت رب المستضعفين و انت ربى الى من تكلنى؟ الى بعيد يتجهمنى ؟ ام الى عدو ملكته امرى؟! ان لم يكن بك على غضب فلا ابالى اعوذ بنور وجهك الذى اضاءت له الظلمات و صلح عليه امر الدنيا و الاخرة من ان تنزل بى غضبك او يحل على سخطك لك العتبى حتى ترضى و لا حول ولا قوة الا بك"

قادم قادم يا إسلام حاكم حاكم يا قرآن

رابط هذا التعليق
شارك
ابا فاطمة عضو جديد

ابا فاطمة

بتاريخ:
  • كاتب الموضوع
بتاريخ:

السلام عليكم ورحمة الله وبركاته

الاخوة الافاضل

صلينا الجمعة وبعدين حضرنا مجموعة من الاشوال وجردل فاضى وانطلقنا للننحر العجل وصلنا عند المكان المتفق عليه الموقع (ز)smile.gif

وبعدين حدث مالم يتوقعه احدا منا لقد خدعنا الجزار وصاحب الزريبة الباشا كان معاه شغل( وهم مايتلم) بسم الله ماشاء الله كان فى عجل لسه مدبوح والعجل التانى متعلق ومحدش لسه اشتغل في التشفية مع 3 خرفان بيدبحوا فكان قدامنا على الاقل 3 ساعات كمان المهم انا قعدت ادردش مع حضرات السادة الجزريين ايه جدعان دى برضه مواعيد ينفع كده برضه رح طلع صبى زى حالتى كده بس بجد قالى ايه ياعم الشيخ انت عارف احدنا دابحين من الصبح لغاية دلوقتى قد ايه قالته كام حتة يعنى قالى بالصلاة على النبى ده 8 عجل والخرفان متعدش لغاية دلوقتى قالته اللهم صلى على النبى ربنا يزيد ويبارك احنا قدمنا قد ايه بقى يانجم النجوم قالى مش عارف اسال المعلم

طبعا علشان تسال المعلم ده حوارمفتكس وحلينى عقبال ماتلاقيه وحلينى قبال مايكلمك طبعا ناس كتيرة مستنية وعايزة تجرح دبايحهم وتخلص اليوم طويل

المهم ايه ياعم الحاج امال الشب بتاعنا فين ( شب عجل ) قدامنا كتير ولا ايه؟؟

قالى معلش شوية بس عالية انت شايف الضغط علينا قد ايه المهم قعدنا نناهد معاه علشان نخلص وننجز ونلحق نفرق اللحمة المهم قعد يملص مننا ونتحايل ونتذلل ياعم الحاج خلصنا قالنا المفيد والاخر روحوا صلوا العصر وتعالوا نحط الشب على الميزان ونوزن ونشوف كام كيلو وبعدين هخلى المعلم طارق يشتغلك فيه المعلم طارق دى بقى قصة تانية ده المعلم بتاعى اللى كنت شغال معاه

المهم صلينا العصر فى جامع جنب الزريبة--- الزريبة دى مش بعيدة عن بتنا فبالصلاة على النبى انا عايش وسط العشوئيات والدنيا زى الفل ومبسوط وبناكل وبنشرب والدنيا بسيطة بس مشكلتى انى مش عارف اجرح البهيمة بتاعتى tongue.gif

ولنا عودة باذن الله

تحياتى

بدأ الاسلام غريبا وسيعود غريبا كما بدأ فطوبى للغرباء

" اللهم انى اشكو اليك ضعف قوتى و قلة حيلتى و هوانى على الناس انت رب المستضعفين و انت ربى الى من تكلنى؟ الى بعيد يتجهمنى ؟ ام الى عدو ملكته امرى؟! ان لم يكن بك على غضب فلا ابالى اعوذ بنور وجهك الذى اضاءت له الظلمات و صلح عليه امر الدنيا و الاخرة من ان تنزل بى غضبك او يحل على سخطك لك العتبى حتى ترضى و لا حول ولا قوة الا بك"

قادم قادم يا إسلام حاكم حاكم يا قرآن

رابط هذا التعليق
شارك
الفنان عضو جديد

الفنان

بتاريخ:
بتاريخ:

ده انت طلعت معلم من وراية

ماشي يا معلم

كمل علشانعايزك في موضوع من اللي عارفهم

تحياتي

<p class='bbc_center'><img src='http://sphotos-b.ak.fbcdn.net/hphotos-ak-prn1/46400_454926914564608_821956776_n.png' alt='صورة' class='bbc_img' /></p><br /><span style='color: #0000FF'><strong class='bbc'><span style='font-size: 36px;'><p class='bbc_center'><span style='color: #008000'><span style='color: #2E8B57'>نـعـم للدسـتـور</span></span></p></span></strong></span>

رابط هذا التعليق
شارك
همسة الغامدي عضو جديد

همسة الغامدي

بتاريخ:
بتاريخ:

السلام عليكم ورحمة الله وبركاته

موضوع جميل ابا فاطمة ...بس ياترى هو عام لاي مهنة والا خاص بالجراحين ومهنة الجزارة؟؟

جميل هو تصويرك للحظات ذبح الاضحية تمنيت ان استطيع ان اعيش هكذا شعور لكنني للاسف لا اقدر

اسمحوا لي ان انتقل بكم الى الماضي البعيد لتعرفوا تفاصيل هذه الامنية

والدي رحمه الله كان حريص ان يوثق القيم التي يربينا عليها ومنها ذبح الاضحية بالمشاركة فيها

كان يجمعنا وقت الذبح وكنا نشاهد ونحن اطفال تلك العملية التي يقوم بها الكبار( نساء ورجال) في كرنفال عائلي بهيج

كانت مهمة الابناء الكبار المساعدة في الذبح والاطفال الاصغر المساعدة في المهمات الثانوية

كاحضار الماء او اكياس القمامة او حمل قطع اللحم الى المطبخ وهكذا كنا نشارك بشئ من الحبور الطفولي

ذلك العمل الذي لاتتسع ذاكرتنا لاكثر من كونهاحد طقوس العيد المفرحة

حينها كنت في الصف الاول اعدادي وكنت اقف قريبة من ابي صرخ بي ان احملي الطبق وتعالي ..اقتربت بيدي الطبق

ووضع راس الخروف بشكل مواجه لوجهي وقال (وديه لامك)..في طريقي للمطبخ كانت عين الخروف مركزة نحوي وفيها دموع (هكذا تصور عقلي الطفولي)

شعرت بحزن الدنيا على هذا الخروف وجدت في عينيه تساؤل كبير لماذا يذبحوني ؟؟ اعطيت امي الطبق ولكني لم اعد الى الساحة حيث مراسم الذبح

بل جلست في الصالة وذاكرتي تحتضن تلك النظرة التي اربكت عقلي الصغير ..ومن يومها لا احضر ابدا مراسم ذبح الاضحية

وحتى حين تزوجت كنت اشترط ان يتم الذبح في (المسلخ)وراس الخروف لايحضر مع اللحم ابدا

اليوم ذبحوا عيدنا (طبعا في المحل واتوا بالراس ..وشئ غريب يتكرر السيناريو اخي يطلب طبق وحينما احضرته وانا واقفة وضع الراس

وتوابعه (احشاء الخروف) ..وقال لي وديه المطبخ عشان تعملوه على العشاء ..في ثواني عاد لذاكرتي مشهد الطفولة ولم استطع ان اشاركهم

جلست انظر فقط ..اختي تقول بسخرية (ليش جالسة كذه ..على ايدك نقش الحنا قومي ساعدينا ؟؟)

اكمل اخي الاصغر سخريتها قائلا (خليها ..هذي شاطرة بس تأكل)..اكتفيت بابتسامة..كنت اريد ان اعلق لكن صوت الطفلة بداخلي اكتفى بالنظر

6f77e2f685875263402c6c971910d25a.gif

رابط هذا التعليق
شارك
ابا فاطمة عضو جديد

ابا فاطمة

بتاريخ:
  • كاتب الموضوع
بتاريخ:

السلام عليكم ورحمة الله وبركاته

الاخوة الافاضل

فى البداية لن افعل مثلما يفعل اخوانى الافاضل فى الترحيب بالمحاورين الذين يتطرقون الى متصفحه فانا اختلف عنهم فى اننى عندما اكتب موضوعا لا اعتباره ملكى وحدى فهى مساحات مفتوحة للجميع فالكل اخوانى واحبابى الا فى حالة واحدة فقط ان اغلقه وهذا ايضا لا اعتبره من حقى لان كل من شارك وسجل مداخلة فى مواضيعى القليلة فهى ملكه ايضا فالمتصفح والمساحة ملك الكل فليس من حقى الترحيب به لانه اورد مدا\اخلة فى موضوعى فانا ايضا ضيفا على نفس المتصفح

اخى الفاضل الفنان جزيت خيرا وانا تحت امرك وامر اخوانى الافاضل فى اى شئ كان صغيرا او كبيرا استطيع مساعدته به لانى على ثقة ان اى اخ هنا سيقدم لى المساعدة وقت الحاجة بصدر رحب فاهلا بك وبهم فى اوقت

اختنا الاديبة الفاضلة هذا الموضوع معمول لكل تجربة خضنها او خضها احد معارفنا واطلعنا على كل صغيرة وكبيرة فاليوم تحدثنا عن الجزارة وعندما ننتهى سنتحث عن السباكة والنجارة ورخصة القيادة ----- ثم ساحدثكم عن معشوقتى علم الميكانيكا

ولكنناالان فى موسم الجزارة فكان احرى ان ابدا بها لكى نكون ---- فى قلب الحدثtongue.gif

تحياتى للجميع وكل عام وانتم بخير

بدأ الاسلام غريبا وسيعود غريبا كما بدأ فطوبى للغرباء

" اللهم انى اشكو اليك ضعف قوتى و قلة حيلتى و هوانى على الناس انت رب المستضعفين و انت ربى الى من تكلنى؟ الى بعيد يتجهمنى ؟ ام الى عدو ملكته امرى؟! ان لم يكن بك على غضب فلا ابالى اعوذ بنور وجهك الذى اضاءت له الظلمات و صلح عليه امر الدنيا و الاخرة من ان تنزل بى غضبك او يحل على سخطك لك العتبى حتى ترضى و لا حول ولا قوة الا بك"

قادم قادم يا إسلام حاكم حاكم يا قرآن

رابط هذا التعليق
شارك
ابا فاطمة عضو جديد

ابا فاطمة

بتاريخ:
  • كاتب الموضوع
بتاريخ: (معدل)

السلام عليكم ورحمة الله وبركاته

الاخوة الافاضل

صلينا العصر ورحنا للمعلم كالعادة معلش الحتة دى وبعدين اجرحلكم الحتة بتاعتكم والد صاحبى قالنا لاه ان هاخد منه الضحية وندبح احنا بصراحة والد صاحبى بيدبح كويس بس الموضوع هايخد منا غلبة وقت المهم قالته خلاص ممكن نرووح ونيجى بكره ومفيش مشكلة الناس مطحونة وتعابنة وشغلاين بايدهم وسنانهم قالى برضه انا هدده اننا هناخدها ونمشى ومش نجيب تانى من عنده ( كده وكده طبعا ) انا هشده بصراحة الواحد اتخنق وكنا زهقنا وكل واحد جايب اهل بيته علشان يتفرجوا على الدبح وفاطمة عمالة تزن وتعيط وام فاطمة عايزة تروح والموضوع بقى كله ملل وبقى بايخ عاملين نستعطف الجزاريين علشان يخلصونا

المهم التهديد جاب نتيجة الراجل قاله خلاص ياحج المرة دى بجد احنا هندبح القاعود ( الجمل الصغير) دى وبعدين حاجتك قالنا خلاص ماشى

طبعا اخوكم ابا فاطمة فرحان هشوف بقى المعلم طارق وهو بيجرح القاعود ورحت مسبت الناس اللى معاى( اهو احنا بنتفرج ونتعلم )برضه يمكن نقدر ندبح احنا ومحدش يتحكم فينا

المهم المعلم طارق عرقب (ضربه عند عرقوب رجله) القاعود راح ناخخ (جلس) وهوب شرطه من عند الرقبة سابه يفرفر وراح بعدين مخلص على الرقبة وراح لامم ديله وراح شرطه من عند ديله وخرطوم مياه شغال على القاعود ويمسحوا الدم علشان الجزاريين ميتزحلش من على السيراميك وتعامل مع القاعود تقريبا خلصه فى ساعة ونص وكان معاه خروفين بيدبحوا

على فكرة المعلم طارق اما يبقى عايز يريح شوية يبتدى يشتغل فى الخرفان والجديان عبقال الصبيان يحضروا الشغل الكبير

المهم احنا نزلنا الشب بتاعنا من فوق وحطناه على الميزان ووزنا وبعد كده ربطناه ربطة كويسة فى شجرة امام المنطقة اللى بندبح فيها نقدر نقول عليها مرحلة التجهيز لغاية مايفضوا حجرة العمليات ام السيراميك ويغسلوا الارض من الدم ويشيلوا الكوارع وراس والسقط( الكرشة والممبار)وينضفوا المكان للشب بتاعنا وده معناه ان الدور ده بتاعنا بحق وحقيقى الكلام ده كان فى دخلة صلاة المغرب

ولنا عودة باذن الله

تحياتى

تم تعديل بواسطة ابا فاطمة

بدأ الاسلام غريبا وسيعود غريبا كما بدأ فطوبى للغرباء

" اللهم انى اشكو اليك ضعف قوتى و قلة حيلتى و هوانى على الناس انت رب المستضعفين و انت ربى الى من تكلنى؟ الى بعيد يتجهمنى ؟ ام الى عدو ملكته امرى؟! ان لم يكن بك على غضب فلا ابالى اعوذ بنور وجهك الذى اضاءت له الظلمات و صلح عليه امر الدنيا و الاخرة من ان تنزل بى غضبك او يحل على سخطك لك العتبى حتى ترضى و لا حول ولا قوة الا بك"

قادم قادم يا إسلام حاكم حاكم يا قرآن

رابط هذا التعليق
شارك
ابا فاطمة عضو جديد

ابا فاطمة

بتاريخ:
  • كاتب الموضوع
بتاريخ:

السلام عليكم ورحمة الله وبركاته

الاخوة الافاضل

صلينا المغرب وبعدين ربطنا العجل كويس علشان نجرحه فى هذه الاثناء كنت تعرفت على المعلم طارق كويس وضربنا صحبية معاه الرجل ده اصغر منى فى السن تقريبا يتمتع بقوة بدنية (احد شروط المهنة ) انا كنت فاكر الجزارين جامدبن علشان كل يوم بياكلوا لحمة وبياكلو من اللحمة المميزة ( ساتطرق الى هذا المعنى باستفاضة ) الراجل ده كان صعبان على بجد كان بيتفصد عرق من كل حته فى جسمه وروحه بقيت فى مناخيره روحت جايبله عصير وقالته خد ياعم طارق نفسك واهدى شوية وقالتله مالك بتتعصب جامد على الناس ليه

قالى والله ياشيخ انا خلاص مش قادر امسك البروة( سكينة صغيرة عريضة خاصة بالسلخ ) انا حاسس انها هتقع من ايدى قالتله معلش تلاقيك منمتش من امبارح والشغل كبس عليكوا راح ضاحك ضحكة استهزاء وتهكم وقالى امبارح انا بقالى اسبوع على الحال ده احنا بندبح للجزاريين فى المنطقة وبندبح لمحلاتنا والموسم كابس وعندنا مشكلة فى الصنايعيية اللى مش عايز يجى ولى تعبان ولى بيدلع علينا

قلته طيب خد نفسك وريح شوية ربع ساعة كده وتعال تانى احنا عايزنك تشتغل بمزاج علشان عايزين شوية طلبات منك لاقيته بصلى جتة بصة وزغرلى بعينه وقالى

انت عارف انا لو قعدت خمس دقايق ايه اللى هيحصل قلتله ايه قالى هنام وراح استدرك كلامى وقالىايه طلباتك ياعم الحاج وهو بيسن السكين روحت ضاحك وقلتله روق ياحج طارق السلاح يطول راح ضاحك قالى طيب انتو عايزين ايه

قالتله حاجة بسيطة ( بالمناسبة نسيت اقولكم هما كانوا لا يدبحون باحسان يعن ايه " يعنى مش بيحطوا البيهمة على القبلة ولا بيرحوها على الارض " كانوا يشرطوها وهى واقفة فتنزف وتبرك على الارض ثم يكمل على رقبتها بالسكينة كل ده بيتم فى خمس ثوانى لااكثر وهذا ليس من الاحسان ) عموما احنا اتصلنا باحد مشايخنا وقلنالهم هما بيعملوا ايه قالوا عادى مفيش مشكلة ولكن الافضل الاحسان فى القتلة

قالتله بص ياعم طارق احنا موكيلينك عننا فى الدبح يعنى تسمى وتكبر وتقول على ملة محمد ( بسم الله الله واكبر وعلى ملة محمد) قالى مانا بقول قلتله انا معاك من الصبح انت فى بقك السيجارة ومش شايفك عايزك تريح البيهمة قالى كل اللى انت عايزه هعملوه الا موضوع تريح البيهمة احنا لو عملنا كده ياعم الشيخ مش هنخلص انا هكبر وسمى قدامك وانتو كمان كبرو وسمو ا وماريحش البيهيمة

وراح دابح واحنا الصبيان قعدنا نغسلها بمياه وننضفها وبعدين جرجرناها لغاية (chain block) البلنكو وده عبارة عن جنزير بيتم رفع المواد الثقيلة بيه وربطنها فيه ورفعنا رجل واحدة وابتدى يسلخ بسم الله ماشاء الله دكتوراه فى السلخ على فكرة اللى بيدبح لازم يكون معاه اكثر من سلاح لان السكاكين بتتلم (بتقى باردة مش حامية ) فلازم يغير السلاح او يسنه كل شوية وبعدين هو ليه طريقة فى السن احنا كنا بتعمل زيه كده بالضبط لما بندبح الخرفان وبرضه السكينة بتبقى تلمة ففى طريقة لسن السلاح وممكن تغيره بسلاح تانى يساعدك على الدبح والسلخ وبعد ماسلخ جنب راح حاطط الراس تحت الجنب ده وراح قالب البيهمة علىالراس فظهر لينا الجنب التانى

ونزلنا الرجل دى ورفعنا الرجل التانية ( على فكرة الرفع مش عالى ولا حاجة) حاجة بسيطة عن الارض واشتغل فى الجنب التانى

بعدين راح رافع البيهمة من الرجلين معا الى اعلى بمعنى افضل راح معلق البيهمة من رجلها الاتنين ورفعها خلاص من على الارض

وبعدين جه من وراء عامل حركة جامدة راح من عند دبر البيهمة وراح مقور ( زى لما بيتقور محشى البذنجان والكوسة) هو بيفصل الجهاز الهضمى من الدبر كده السقط ساقط كله جوه البطن وبعدين شق البطن لاقينا السقط واقع على البلاط قدامنا فصل بعض الدهون البسيطة وراحت انا راكنه على جنب وجايب خرطوم مياه اغسل بطنها وظهرها علشان البيهمة ممكن تكون متوسخة من روثها ورحت على طول جايب شوال وحاطط فيه الجلد علشان نتبرع بيه لمجمع اسلامى بيتبنى عندنا فى المنطقة

على فكرة اوعى تسيب الجلد للجزار لازم تاخده وتتصدق بيه لاى مسجد لو مش محتاجه لانه لايجوز لك بيعه هو بيبيعه لو انت نسيته عنده فخد حقك كامل ولاتفرط فيه فهى كلها لله

المهم انا وهو بيسلخ لازق فيه علشان اشوف حركة ايديه وامسك معاه الجلد وساعده بس طبعا الجلابية الجديدة باظت وبقى شكللى بجد شبه الواد شغته صبى الجزار

المهم فصل البيهيمة جزئين بالطول وقالى احنا هنسبها تبرد نص ساعة لغاية لما يفضى على تربيزة التشفية مكان ليكم قالتله تبرد يعنى ايه قالى يعنى البيهمة لحمها حامى دلوقتى تهدئ شوية علشان تريح الناس وهما بيشفوها من العضم ووقف ياكل باكو بسكويت فرحت ضاحك فقلى بتضحك عليه ياشيخ قالته جزاريين اخر زمن بتاكل بسكويت ياعم طارق قالى تصدق بالله احنا ماعندنا وقت ناكل لقمة الفطار بالعافية ومدخلش بطنى حاجة طول اليوم غير البسكويت والشاى والقهوة والعصير بتاعك ومياه وسجاير

مفيش وقت نهرش ولاناكل يدوب بنشرب الشاى واحنا واقفين وبناكل بسكويت بعد ماخلص الباكو قالى عن اذنك ياعمنا وكل سنة وانت طيب هروح اجرح الخروفين دول قالتله ربنا يديك العافية ويعينكو ا

بجد صعبوا على انا كنت خايف يعور نفسه او يعورنى من الاجهاد والتعب والمنهادة مع الناس الناس دى فعلا جبابرة احنا خروف واحد وبعدين بنفرفر لغاية لما العيد يخلص

وهو يمكن دبحلوا 10 حتت ده غير الخرفان انتقالنا الى المرحلة الاخيرة مرحلة التشفية ودى بقى هاستعرض معكوا ايه الاماكن المميزة فى البيهيمة

وللحديث بقية ان شاء الله

تحياتى

بدأ الاسلام غريبا وسيعود غريبا كما بدأ فطوبى للغرباء

" اللهم انى اشكو اليك ضعف قوتى و قلة حيلتى و هوانى على الناس انت رب المستضعفين و انت ربى الى من تكلنى؟ الى بعيد يتجهمنى ؟ ام الى عدو ملكته امرى؟! ان لم يكن بك على غضب فلا ابالى اعوذ بنور وجهك الذى اضاءت له الظلمات و صلح عليه امر الدنيا و الاخرة من ان تنزل بى غضبك او يحل على سخطك لك العتبى حتى ترضى و لا حول ولا قوة الا بك"

قادم قادم يا إسلام حاكم حاكم يا قرآن

رابط هذا التعليق
شارك
ابا فاطمة عضو جديد

ابا فاطمة

بتاريخ:
  • كاتب الموضوع
بتاريخ:

أنا من أنصار التخصص

و خاصة إننا في بلد نسبة الفقر فيها كبيرة

فبدي العيش لخبازه منها يأدي ليا الخدمة و منها يأكل عيش

السلام عليكم ورحمة الله وبركاته

الاخوة الافاضل

استاذنا الفاضل احمد انور يبدو من كلام حضرتك اننى ادعو ان نترك اعمالنا وتخصصتنا ونشتغل مهن الاخر يينما نحن ياسيدى الفاضل لا نقوم باعمال الجزارة الا يوم واحد فى العام وهو من السنن ثم اذ حضرتك اوقعك الله فى مثل هذا اليوم وحدث ماحدث مع الاخريين لتمنيت ان تقوم بنفسك وتنجز اعمالك سيدى الفاضل اخونا الفاضل ابو زياد فضل مستنى لغاية تانى يوم العيد لبعد الظهر مش عارف يدبح من ضغط الشغل عند الجزاريين

النساء تجديد فن الطبخ ومع ذلك نذهب الى المطاعم لتاكل اشهى والذ الاصناف وهذا لايتعارض مع هذا

الموضوع ببساطة سيدى الفاضل ان فى اعمال يجب ان نتعلمها ولا اقول نجيدها لنمشى بها امور الحياة

تقبل اختلافى معك بكل الود والمحبة give_rose.gif

وعيد سعيد عيك وعلى اسرتك الكريمة

تحياتى

بدأ الاسلام غريبا وسيعود غريبا كما بدأ فطوبى للغرباء

" اللهم انى اشكو اليك ضعف قوتى و قلة حيلتى و هوانى على الناس انت رب المستضعفين و انت ربى الى من تكلنى؟ الى بعيد يتجهمنى ؟ ام الى عدو ملكته امرى؟! ان لم يكن بك على غضب فلا ابالى اعوذ بنور وجهك الذى اضاءت له الظلمات و صلح عليه امر الدنيا و الاخرة من ان تنزل بى غضبك او يحل على سخطك لك العتبى حتى ترضى و لا حول ولا قوة الا بك"

قادم قادم يا إسلام حاكم حاكم يا قرآن

رابط هذا التعليق
شارك
ابا فاطمة عضو جديد

ابا فاطمة

بتاريخ:
  • كاتب الموضوع
بتاريخ:

السلام عليكم ورحمة الله وبركاته

الاخوة الافاضل

طبعا زى مالمعلم طارق قال هنسيب اللحمة تهدى شوية نص ساعة دخلت فى ساعة ونص لغاية لما تربيزة التشفية تخلص الشغل اللى معاها

موضوع نشمع البيهيمة (نريح اللحمة) ده صح علشان وانت بتشفى اللحم ينفصل عن العضم بسهولة المهم جيه دورنا وقسم البيهيمة الى اربع تربع واشتغل عليهم

خلى الريش من العضم بمناسبة الريش احلى حاجة تتعمل طواجن وعلى فكرة كل مااللحم كان فيه عضم كان طعمه احلى بمعنى اخر كل ماكان اللحم قريب من العضم كان احلى

حضرنا ثلاث انواع من الاشوال واحد للحمة المميزة ( عرقين الفلتو ودول موجودين عند بيت الكلواى "وراء الكلواى" - اربع عروق تريبينكو ( كل عرق من دول موجود فى ربع ومستخبى تحت اللحم "النربينكو بيتعمل منها اللحمة الباردة"- الموزة - 2 وش الفخدة - الكبدة - القلب -الكلواى - العكاوى "ديل البيهيمة " )

وشوال للعضم المميز ( الماسورة وعضم الزند والفخد ---) ودى بتتكسر بالسطور وتتسوى مع اللحمة وتخلى طعم اللحمة جامدة ودسمة بالاضافة ان النخاع بتاع العضم ده بيطحط على الارز وبالهنا والشفاء بالظبط كانك بتاكل كوارع

معلش فى ناس هتقرف من النخاع والعضم بس احب اقول ليهم امال لو شوفته الكرشة والممبار والمخاصى هتعملوا ايه tongue.gif

شوال اللحمة والدهن وبسوأل السادة الافاضل جراحيين الزريبة ايه احلى حتة تحب تاكلها جاءات الاراء متابينة ومتفقة فى بعض الاحيان

واحد قال الرقبة مع جزء من الريش ( الدش ) وواحد قالى بيت الكلواى وده عبارة عن جزء شبه الريش موجود على ظهر البيهيمة تحت الكتف وقبل الفخدة بيبقى فيه فقرات عريضة متصلة بالعمود الفقرى

وواحد زى حالتى مابيحبش السمين قووى قالى وش الفخدة وده كل الناس عيبية عليه مع انه ذوقه ذى ذوقى كلهم بيحبوا اللحمة الملبسة ( فيها سمين جالس مع لحم احمر )والناعمة فى الاخر واحد قالى مالكش دعوة بكلمهم احلى حتة فى الدبيحية اللى انت تحبها الاذواق مختلفة بس كل اللى جنب العضم

قطعنا اللحمة جزل كبيرة كيلو ونص كيلو وقالنا لما نروح نسلكها من بعضها حتت صغيرة

حسابنا الناس ولمينا الكرشة والممبار فى شوال والراس والرجول ( الكوارع ) فى شوال وانطلقنا الى المنزل الساعة الحادية عشر علشان نوزن ونحط فى اكياس لتصبح جاهزة للتوزيع ( هذا ليس فرضا انت حر فى موضوع التوزيع لكنه جرى العرف انها تفسم الى ثلاث اقسام ثلث لاهل البيت وثلث للاقارب وثلث لعباد الله ) فى ثانى ايام العيد

وكل عام وانتم بخير والعام القادم ان شاء الله نضحى فى بلاد الله الحرام

تحياتى

بدأ الاسلام غريبا وسيعود غريبا كما بدأ فطوبى للغرباء

" اللهم انى اشكو اليك ضعف قوتى و قلة حيلتى و هوانى على الناس انت رب المستضعفين و انت ربى الى من تكلنى؟ الى بعيد يتجهمنى ؟ ام الى عدو ملكته امرى؟! ان لم يكن بك على غضب فلا ابالى اعوذ بنور وجهك الذى اضاءت له الظلمات و صلح عليه امر الدنيا و الاخرة من ان تنزل بى غضبك او يحل على سخطك لك العتبى حتى ترضى و لا حول ولا قوة الا بك"

قادم قادم يا إسلام حاكم حاكم يا قرآن

رابط هذا التعليق
شارك
AbuZeyad عضو جديد

AbuZeyad

بتاريخ:
بتاريخ:

السلام عليكم ورحمة الله وبركاته

الاخوة الافاضل

كنت ولازلت بحب اتفرج على برنامج التجربة لما فيه من التعرض لاحد المهن التى يمارسها بعض افراد المجتمع وماهى الصعاب التى تواجهم وماهى مميزات هذه المهنة وهل من الممكن ان نستطيع القيام بهذا العمل ام لا ؟هننبسط لو اشتغلنا الشغلانة دى ولا لاه ؟

انا عايز اقول مثلا فى ناس بتحب الميكانيكا ومجربتش تشتغلها انا الحمد لله ممكن اوضح ليهم مثلا طبيعة الشغلانة باستفاضة مميزاتها وعيوبها ---- كان نفسى مثلا اكون طبيب ممكن الدكتور ياسر يوضح لينا ازاى بيشتغل تحت ضغط وازاى بيبتدى يومه المشحون بالشغل وايه هى المميزات وعيوب المهنة وهكذا

طيب انا فتحت الموضوع ده ليه ؟؟

لاننى بفضل الله ونعمته اشتغل وبلا فخر صبى جزار ودى كان امبارح وهنقل لكم ماذا تعلمت امبارح من فنون الجزارة بمناسبة الايام المفترجة دى

على فكرة انا عندى فكرة كويسة عن السباكة والنجارة وطبعا الميكانيكا التى اعشقها فهى مجال تخصصى وان شاء الله ساروى لحضراتكم تقاصيل هذه المهن الثلاثة من واقع التجربة الحقيقة

نبتدى بالصلاة على النبى ( عليه افضل الصلاة والسلام يانبى )

اتمنى من اخى الفاضل ابوزياد يكون بيتابعنا لانه لغاية دلوقتى لسه مادبحش ربنا يهديله الجزار بتاعه ويظبطه صح وعايزه يستحمل علشان فى ضغط شغل

تخيلوا ياسادة اننا انتهينا امس من دبح العجل ( مشاركة كل سنة وانتو طيبين وخمسة وخميسة فى عين الحسود كان حاجة محترمة كده )الساعة 11 باليل وابتدينا نقطع فى اكياس على الساعة 12 وخلصنا موازين تقريبا على الساعة 2 وام فاطمة الله يبارك فيها قامت تنضف الكرشة والممبار وام الشلتيت (جزء من المعدة ) مع ان فاطمة الله يبارك فيها ويشفيها مغالبنة بقالها 3 ايام زن وعياط على طول

صلينا العيد وفطرنا فطار كده وكده حاجة "فافى" لا ترقى الى مستوى الحدث ماعلينا مش عايز افتكر هذه اللحظات الاليمة لانى كنت بمنى نفسى ادبح واخطف الكبدة والقلب والفشة ونعملهم ونضربهم على الصبح ذى مابيحصل كلة سنة بس لانى كل سنة كنت بدبح لواحدى ( خروف) المرة دى استهوانيى احد الاصدقاء اننا نشارك مع بعض فى عجل قلت ومال اهو كله لله احنا ناكل وحبيبنا ينبسطوا وياكلوا فطبعا لاننا معدومى الخبرة فى دبح العجول فقررننا ان نستعين بصديقtongue.gifجراح عجول

وندبحه فى حظيرة المواشى ( الزريبة) حيث الجراحين الجبابرة والله فعلا الناس دى جبابرة وهاواضح ليكم ليه ؟

المهم طبعا فى ناس كتيرة لها بهايم فى الزريبة هتندبح مع حاجتنا فالرجل كلمنا وقال الدبح ان شاء الله بعد صلاة الجمعة

طبعا قالنا ماشى وماله مع اننا كنا فى الخرفان بنصلى ونقوم نجرح على طول ( ندبح) امبارح اتعلمت شوية اللفاظ هقولكم عليها (نجرح البهيمة ) ندبحها وطبعا كنا زعلانين علشان مش هنافطر منها الصبح

فى الايام العادية لما بندبح خرفان على الساعة 10 بنبقى مخلصين كل حاجة حتى الراس متكسرة والرجول متنضفة احنا وبحمد الله بناكل كل حاجة فى الدبيحة واللى مابنكلوش بنلاقى حبيابنا يكلوها

ولنا عودة باذن الله

تحياتى

موضوع جميل يا ابا فاطمة

دبحنا الحمد لله تاني يوم العيد

بصراحة انا معرفش اعمل عشر اللى انت عملته دا حتى من زمان لما الجزار يطلب منى مساعدة في الدبح باعمل عبيط لحد ما يياس من مساعدتي او يلاقي حد يساعده

انا بس بعرف اكل زي ما قالت همس

وعلشان كدا بروح عند الجزار اللى بندبح عنده دا علشان معاه صبيان كتير والدبح والتقطيع بيتم وانا زي الباشا وبالمناسبة كنا دابحين عجل زيكم

وكل سنة وانت طيب

سُبْحَانَكَ اللَّهُمَّ وَبِحَمْدِكَ أَشْهَدُ أَنْ لا إِلهَ إِلأَ انْتَ أَسْتَغْفِرُكَ وَأَتْوبُ إِلَيْكَ

رابط هذا التعليق
شارك
ابا فاطمة عضو جديد

ابا فاطمة

بتاريخ:
  • كاتب الموضوع
بتاريخ:

السلام عليكم ورحمة الله وبركاته

الاخوة الافاضل

موضوع جميل يا ابا فاطمة

"دبحنا الحمد لله تاني يوم العيد "

بصراحة انا معرفش اعمل عشر اللى انت عملته دا حتى من زمان لما الجزار يطلب منى مساعدة في الدبح باعمل عبيط لحد ما يياس من مساعدتي او يلاقي حد يساعده

انا بس بعرف اكل زي ما قالت همس

وعلشان كدا بروح عند الجزار اللى بندبح عنده دا علشان معاه صبيان كتير والدبح والتقطيع بيتم وانا زي الباشا وبالمناسبة كنا دابحين عجل زيكم

وكل سنة وانت طيب

اخى الفاضل ابو زياد وحضرتك طيب يافندم وان شاء الله السنة الجاية تتبدح فى بلد الله الحرام وربنا يوسع عليك وعلينا وندبح عجولنا من غير شريك

على فكرة موضوع الدبح ممتع ومشيق حاول تشارك مع الجزاريين واحدة واحدة الموضوع بسيط انا كنت زى حضرتك كده بالظبط من ايام والدى الله يرحمه هما يدبحوا وانا اطلع انام وسايبهم يعملوا كل حاجة ويصحونى افطر معاهم وخلاص على كده واحدة واحدة بقيت احط ايدى معاهم ابتديت انى اطلع اشد الفروة فوق السطح وارش عليها ملح علشان ماتبوظش

على فكرة قبل مااخلص موضوع الجزارة فى حاجة بسيطة مختلفة عن العجل بتم مع الخرفان

بندبح الخروف ونيجى من جانب رجله ( عند عرقوبه ) ونخرم خورم ونوسعه بالكزلك وبعدين نحط خرطوم وننفخ الخروف لغاية لمابطنه تنتفخ وتجمد ونفسنا يتقطع وبعدين نضربه على بطنه بعصا او بعرض السكينة الكبيرةعلشان نسهل عملية السلخ لان سلخ الخروف متعب شوية وخصوصا ديل الخروف ( اللية ) ممكن نجيب منفاخ هواء( بتاع عجلة او بتاع العربية )

بدل لما تنفخ عايز لان النفخ اعيز واحد صحته مساعده

بعدين فى طريقتين للراس اما تغلى مياه و وتتجرد بالسكينة علشان تزيل الشعر واما تسلخها بالبروة ( سكينة مخصصة للسلخ )

فروة الخروف ممكن تملحها بملح كتير ( بتجيب كيسين ملح كبار ممكن نص كيلو او كتر ( مش ملح طعام ملح خشن )) لو معندكش يبقى ملح طعام وتفرد الفروة وتشدها بخيوط من اطرفها وتربط كل طرف فى حجر او تمسمرها على الارض او على جدار علشان الهواء ميخلهاش تطير وتفضل مشدودة وبعدين تغطى كل الجلد ماتسبيش فيه حتة فاضية الا وتغطيها بالملح وتسبها معرضة للشمس والهواء لغاية لما تنشف كويس (من اسبوعين الى اربعة ) وجلده يبقى جامد زى جلد الجزم الميرى ( البيادة ) بعدين تاخدها وتغسلها وتنضفها وتقدر تستعملها كدواسة فى المنزل وقت الشتاء

تحياتى

بدأ الاسلام غريبا وسيعود غريبا كما بدأ فطوبى للغرباء

" اللهم انى اشكو اليك ضعف قوتى و قلة حيلتى و هوانى على الناس انت رب المستضعفين و انت ربى الى من تكلنى؟ الى بعيد يتجهمنى ؟ ام الى عدو ملكته امرى؟! ان لم يكن بك على غضب فلا ابالى اعوذ بنور وجهك الذى اضاءت له الظلمات و صلح عليه امر الدنيا و الاخرة من ان تنزل بى غضبك او يحل على سخطك لك العتبى حتى ترضى و لا حول ولا قوة الا بك"

قادم قادم يا إسلام حاكم حاكم يا قرآن

رابط هذا التعليق
شارك
ssmaly عضو جديد

ssmaly

بتاريخ:
بتاريخ:

السلام عليكم ورحمة الله وبركاته

الاخوة الافاضل

موضوع جميل يا ابا فاطمة

"دبحنا الحمد لله تاني يوم العيد "

بصراحة انا معرفش اعمل عشر اللى انت عملته دا حتى من زمان لما الجزار يطلب منى مساعدة في الدبح باعمل عبيط لحد ما يياس من مساعدتي او يلاقي حد يساعده

انا بس بعرف اكل زي ما قالت همس

وعلشان كدا بروح عند الجزار اللى بندبح عنده دا علشان معاه صبيان كتير والدبح والتقطيع بيتم وانا زي الباشا وبالمناسبة كنا دابحين عجل زيكم

وكل سنة وانت طيب

اخى الفاضل ابو زياد وحضرتك طيب يافندم وان شاء الله السنة الجاية تتبدح فى بلد الله الحرام وربنا يوسع عليك وعلينا وندبح عجولنا من غير شريك

على فكرة موضوع الدبح ممتع ومشيق حاول تشارك مع الجزاريين واحدة واحدة الموضوع بسيط انا كنت زى حضرتك كده بالظبط من ايام والدى الله يرحمه هما يدبحوا وانا اطلع انام وسايبهم يعملوا كل حاجة ويصحونى افطر معاهم وخلاص على كده واحدة واحدة بقيت احط ايدى معاهم ابتديت انى اطلع اشد الفروة فوق السطح وارش عليها ملح علشان ماتبوظش

على فكرة قبل مااخلص موضوع الجزارة فى حاجة بسيطة مختلفة عن العجل بتم مع الخرفان

بندبح الخروف ونيجى من جانب رجله ( عند عرقوبه ) ونخرم خورم ونوسعه بالكزلك وبعدين نحط خرطوم وننفخ الخروف لغاية لمابطنه تنتفخ وتجمد ونفسنا يتقطع وبعدين نضربه على بطنه بعصا او بعرض السكينة الكبيرةعلشان نسهل عملية السلخ لان سلخ الخروف متعب شوية وخصوصا ديل الخروف ( اللية ) ممكن نجيب منفاخ هواء( بتاع عجلة او بتاع العربية )

بدل لما تنفخ عايز لان النفخ اعيز واحد صحته مساعده

بعدين فى طريقتين للراس اما تغلى مياه و وتتجرد بالسكينة علشان تزيل الشعر واما تسلخها بالبروة ( سكينة مخصصة للسلخ )

فروة الخروف ممكن تملحها بملح كتير ( بتجيب كيسين ملح كبار ممكن نص كيلو او كتر ( مش ملح طعام ملح خشن )) لو معندكش يبقى ملح طعام وتفرد الفروة وتشدها بخيوط من اطرفها وتربط كل طرف فى حجر او تمسمرها على الارض او على جدار علشان الهواء ميخلهاش تطير وتفضل مشدودة وبعدين تغطى كل الجلد ماتسبيش فيه حتة فاضية الا وتغطيها بالملح وتسبها معرضة للشمس والهواء لغاية لما تنشف كويس (من اسبوعين الى اربعة ) وجلده يبقى جامد زى جلد الجزم الميرى ( البيادة ) بعدين تاخدها وتغسلها وتنضفها وتقدر تستعملها كدواسة فى المنزل وقت الشتاء

تحياتى

تحياتى على الموضوع القيم

تابعت هذا الموضوع وانا مستمتع بسردك الشيق

رابط هذا التعليق
شارك
ابا فاطمة عضو جديد

ابا فاطمة

بتاريخ:
  • كاتب الموضوع
بتاريخ:

السلام عليكم ورحمة الله وبركاته

الاخوة الافاضل

فى البداية احب اشكر اخى الفاضل ssmaly على مجملته الرقيقة

بعد انتهاء موضوع الجزارة كنت وعدت الافاضل انقل لهم مااعرفه عن السباكة

باذن الله هنبسط الموضوع بحيث تستطيع اخى واختى الفاضلة عمل بعض الاصلاحات البسيطة فى بيتك دون اللجؤ الى السباك او على الاقل عدما يأتى السباك الى المنزل يبقى حضرتك فاهم هو بيعمل ايه والشغلانة تستاهل المبلغ اللى مطلوب فيها ام لا

انا تعرفت على السباكة عن قرب نظرا لاننى اعمل فى الصحراء وبنحتاج شغل سباكة كثير من امداد مواسير وتغير (lines) باستمرا لان المواسير دائما ماتصدى وتبوش علشان المياه المارة بيها غالبا ماتكون مياه بنسب ملوحة عالية وطبعا عندنا فى العمل ماكينة قلوظة المواسير والاحجام المختلفة من الكعيان والتيه والمواسير والبلوف ----)

طبعا فى موضوعنا هنا لن تطرق الى الاستفاضة ولكن ايه الاعمال التى استطيع ان افعلها بدون الحاجة الى سباك

المفروض ان اى بيت فيه مجموعة من العدد الاساسية فى البيت مثل شنطة الاسعافات الاولية التى لاغنى عليها

مفتاح بسن ( انجيليزى - pipe wrench )من 12"او 14" مقاس 12 بوصة او 14

مفتاح فرنساوى (adjustable wernch) من 10" او 12"

مفك عادى ومفك صليبة

شاكوش

بكرة تيفلون او شعر كتان موجود عند السباك

فى البداية قبل ماتعمل اى حاجة فى السباكة يجب ان تقفل محبس المياه العمومى الخاص بالشقة المدفون فى الحيطة

ماينفعش تربط حديد فى حديد من غير ماتحط تيفلون او شعر مواسير على السن علشان المياه ماتنقطش بعد الرباط مهما تحرق ( تاخذ عزم بالمفتاح او تربط جامد عليها )عليها بالرباط لانه سيحدث تسريب بين السنون وبعضها الافى حالة واحدة وهى النحاس

برضه ماينفعش تركب اى خلاط او حنفية او مداد مياه الموجود تحت الحوض من غير ماتضع جوان جلد ( شبه جلدة الانبوبة ) برضه علشان التسريب

كل انواع السن اللى موجودة فى المواسير سنها سن يمين مش سن شمال وده معناه لما تعوز تربط تربط فى اتجاه عقارب الساعة ولما تعوز تفك تفك عكس اتجاه عقارب الساعة الحاجة الوحيدة اللى موجودة فى الشقة عكس الكلام ده

يعنى لما تعوز تربط يبقى اتجاه الربط عكس عقارب الساعة ولما تعوز تفك الربط يبقة اتجاه عقارب الساعة هى الانبوبة فقط ( سنها سن شمال )

لازم تربط الاول اى حاجة عايز تغيرها بايديك للاخر وبعدين تستخدم المفتاح لانك ممكن تكون مش رابط السن صح وبعدين تبوظ السن وده هيخليك تربطه على العاصى ويبوظ منك

فلازم تربط اى حاجة بايدك الاول ووحدة واحدة لازم السن العاشق والمعشوق يكونون نفس الخطوة ويدخلوا مع بعض بالراحة ويبقى الرباط سهل وبعد كده تحرق عليه بالمقتاح

Straight_Pipe_Wrench_3C.jpgمفتاح بسن ( انجليزى )

IRE-10206.jpgمفتاح فرنساوى

وللحديث بقية بأذن الله

تحياتى

بدأ الاسلام غريبا وسيعود غريبا كما بدأ فطوبى للغرباء

" اللهم انى اشكو اليك ضعف قوتى و قلة حيلتى و هوانى على الناس انت رب المستضعفين و انت ربى الى من تكلنى؟ الى بعيد يتجهمنى ؟ ام الى عدو ملكته امرى؟! ان لم يكن بك على غضب فلا ابالى اعوذ بنور وجهك الذى اضاءت له الظلمات و صلح عليه امر الدنيا و الاخرة من ان تنزل بى غضبك او يحل على سخطك لك العتبى حتى ترضى و لا حول ولا قوة الا بك"

قادم قادم يا إسلام حاكم حاكم يا قرآن

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...