الورد جميل ... جميل الورد

[حشيش]

كنت قد حدثتكم من قبل عن صديقى المتزوج من فلبينية وهو كما ذكرت من قبل عقله ضارب خالص وإليكم آخر نوادره rs:

مرض صديق لنا بإلتهاب رئوى حاد وأدخل إلى المستشفى للعلاج بمضادات حيوية فى الوريد ثم شك الأطباء بأن هذا قد يكون سرطان بالرئة وأبقوه عدة أيام فى تحاليل وفحوص بأشعة خاصة بالكمبيوتر ثم قاموا بعمل منظار على الرئة وأخذوا عينات وكنا خلال الأسبوعين الماضيين فى شدة القلق عليه ولكن حمداً لله جميع النتائج كانت طيبة..... ما علينا إتفقت مع عمر وشريف أن نذهب سوياً لزيارته لأن كلاً منا كان يذهب لزيارته فى أوقات مختلفة عن الأخرين حسب ظروفه الشخصية وفى الطريق توقفت عند محل ورد لأشترى له بوكيه جديد فصاح عمر قائلاً:

عمر: وقفت ليه ؟!

أنا: حشترى ورد لأيمن rs: h):

عمر: يادى أم الورد اللى إنته طالع لنا فيه !!!... إنته عبيط !!...ورد إيه يابابا... الورد يومين تلاتة وحيدبل ويترمى فى الزبالة!!!...إشتريله حاجة تنفعه!!!...

أنا: زى إيه يعنى؟!

عمر: أى حاجة...هات له ماكنة حلاقة دقن بالكهرباء مثلاً...أنا عندى ماكنه براون هايلة وشغالة ميه ميه بقالها تلات سنين دلوقتى.

أنا: يابنى هوه أنا رايح عيد ميلاده...فى المستشفى الورد هو الهدية المتعارف عليها...الورد يدخل البهجة والتفائل على المريض :blink:

عمر: الكلام ده لما تكون رايح تزور بنت !!!

أنا: إشمعنى بنت يعنى؟

عمر: الراجل لما تروح تزوره تجيب له حاجة ليها معنى...لكن أى بنت حتى لو كانت شبه فاروق جعفر تفرح بالورد!!! ... يعنى إنته تمشى من هنا ومفيش فى دماغك أى حاجة خالص من ناحيتها غير عمل الواجب وهيا عقلها يودى ويجيب !!!... ياترى يقصد إيه بالورد rs: ؟؟؟....أكيد عايز بالورد ده يقول كلام rs: .... والكلام وراه كلام...والكلام وراه كلام... وتفضل على الحالة دى لحد ما تخف وتخرج من المستشفى أو ربنا ياخدها !!!....حتى لو ربنا خدها الورد حينفع برضه... أهو تطلع بيه عليها فى القرافة !!!....تصدق ياحشيش الورد بيتسرق فى القرافة!!!....أنا مرة كنت رايح أزور ميت عزيز عليا وخدت معايا ورد.............

أنا مقاطعاً: خلاص ياعم... يخرب بيت سنينك ... مش حشترى ورد rs: وبالفعل حودت على محل با نافع للأجهزة الكهربائية واشتريت له ماكنة حلاقة دقن كهرباء براون زى ما أفتى سى عمر...الغريب إن الولد ده برغم إنه ضارب خالص لكن فى أحيان كثيرة بقتنع بوجهة نظره بعد جدل طويل معه :) .... وسؤالى هو هل تفضل أن تزور المريض ومعك بوكيه ورد أم من الأفضل أن تأخذ له أو لها شئ يعيش لمدة أطول من الورد كتذكار ينتفع به rs: ؟؟؟؟

تم تعديل 19 ديسمبر 2004 بواسطة حشيش

[emmyyy]

صاحبك عنده حق طبببعا

اهو انا بنت بحب الورد اه لاكن لو حد جاب لي حاجه تنفعني هتبسط بيها اكتر

[حشيش]

كل حلفائك خانوك يا شيشو.....حتى أنتى يا إيمى :blink:

[emmyyy]

معلش يا ريتشارد....قصدي يا حشيش rs:

طيب هحكي لكم حكايه و انت احكم واحد اعرفه في السعوديه اتجوز وبقي كل حد يروح يزوره يجيب له وردtotal بتاع الورد كان 1000ريال مش كان اولي يجيبوا له حاجه تنفعه الراجل بقي هيتجنن بيقول رميت 1000ريال في الزباله :blink:

[se_ Elsyed]

بصراحة أنا مع الافكار العملية في مسألة المجاملات دي .. ويا سلام لو كانت فلوس ... يا عيني يا عيني .. تبقى العملية مِحرزة قوي وتستاهل .. وعلى فكرة ده اللي إحنا متعودين عليه في الفلاحين تدي للمحروس فلوس وهو يتصرف بقى .. لكن اهل البندر لهم تصرفات تانية عجيبة .. زي موضوع الورد كده .

يعني تصوروا واحد متجوز جديد .. طبعاً بيبقى على الجنط ومامعاهوش اللضه .. فمش يبقى من الاحسن اجيب له حاجة تنفعه في حياته ... وعلى فكره باتبسط جداً من الناس اللي تقوم متصله بصاحب المناسبة وتقول له إنت محتاج إيه نجيبهولك ...... بس ما بتبسطش لو حد طلع فيها وقالي انا محتاج عربية مرسيدس أو شقة على النيل مثلاً ساعاتها مالوش عندي غير حزمة ورد من ام 5 جنية من اللي بتتباع في الكُشك اللي قدام كلية التجارة جامعة عين شمس ..

فالموضوع ده انا باعتبره تكافل إجتماعي مطلوب .. وده على فكره شوفته هنا فكثير من هدايا الزواج بالذات بتلاقيها عبارة عن ثلاجة او بوتاجاز أو غسالة أو أي حاجة مُعمره .

أما بصراحة حكاية الورد وفازات الورد والكلام ده .. فمابيكولش معايا ..

فوجئت عنده ولادة الواد عمر بناس بصراحة في منتهى الغرابة ... مع إنهم عارفين إن المولود ولد إنما جايبين له كمية دهب .. إشي ما شاء الله وإشي حروف وحاجات غريبة ... بصراحة ومن غير كسوف .. أنا قولت لزوجتي إنها تلم الغله دي وتعمل حركة فاير باك وتردها لناس تانية في مناسبات لهم.. وحصيلة الغنائم اللي إتبقت نروح نبدلها بحاجة تنفعها .. خاتم او كردان دهب أو حتى خُلخال ...

[عصام]

فوجئت عنده ولادة الواد عمر بناس بصراحة في منتهى الغرابة ... مع إنهم عارفين إن المولود ولد إنما جايبين له كمية دهب .. إشي ما شاء الله وإشي حروف وحاجات غريبة ...

:blink:

rs:

إسم الله على مقامك يا سى السيد (حاسس إنى ست أمينة) .. دى بتيقى حاجات - لا مؤاخذة - قديمة عندهم ومالهاش عوزة .. فبيقرروا إنهم يجاملوا بيها ... أهو بدل ما يحرجوا نفسهم ويبيعوها وما تجيبش فلوس وشكلهم يبقى وحش قدام الصايغ ..

rs: rs:

[Cleo]

أنا شخصيا أفضل أجامل بشوكولاته.... عشان طبعا أول حاجة هايعملها الشخص ده إنه يفتح العلبة و يعزم عليا بيها... :blink:

بجد أنا بطلت أجامل بورد لأنه فعلا يومو التانى ويبقى عاوز يترمى.. إنما الشوكولاته ممكن تفضل فى البيت فترة و يستخدمها الشخص صاحب المانسبة فى إنه يعزم بيها على الزوار الكتير اللى بيجوله...

إنما لو عيد ميلاد أو جواز أفضل أجيب حاجة صاحب المناسبة يكون محتاجها... أو بيحبها و نفسه فيها..

[se_ Elsyed]

إسم الله على مقامك يا سى السيد (حاسس إنى ست أمينة) .. دى بتيقى حاجات - لا مؤاخذة - قديمة عندهم ومالهاش عوزة .. فبيقرروا إنهم يجاملوا بيها ... أهو بدل ما يحرجوا نفسهم ويبيعوها وما تجيبش فلوس وشكلهم يبقى وحش قدام الصايغ ..

بس على مين .. مانا قولت لك .. نفذنا عملية الهجوم المرتد وباصيناها لأصحاب النصيب ... :blink:

[حشيش]

خلاص يعنى معدش فيه أى رومانسية :o ......لازم حاجة تتاكل أو تتشرب أو حاجة كهربا :angry: ......الله يرحمك يا عبد المطلب ويرحم أغنية (الورد جميل...جميل الورد) ويرحمك ياست ليلى مراد بتاعة (الوردة دى سر غرامى...حكيت لها عن أحلامى) :blink: ........ كل الناس بقت عايزة حاجة تتاكل.......شئ مخيف :blink:........يعنى الناس وهيا فى الكوشة بتتجوز بدل ما يحطوا لهم فى الخلفية بوكيهات ورد يحطوا بدالها غسالة كريازى وبوتاجاز مصانع حربية f((:

[Cleo]

الله يرحمك يا عبد المطلب ويرحم أغنية (الورد جميل...جميل الورد) :angry: 

قصدك زكريا أحمد... :o

[ابو يوسف]

أنا أتفق مع سى السيد تماما فى موضوع " الفلوس " رغم ان البعض بيشوفه "ياى بلدى" بس مش معقولة أخش على عيان مش لاقى ياكل ببوكيه ورد ... ؟؟؟

أنا لو مكانه ح آكل الورد نفسه !! :angry:

و بعدين أنا شايف ان موضوع التهادى بالفلوس ده فكرة فلكلورية عبقرية تعبر عن أسمى أنواع التكافل الاجتماعى ...

و نوع من أنواع التحويش ...

يعنى لما اروح النهاردة لعيان أو واحد متجوز أو مخلف .. و (أنقطه) فدى فلوس متشالة ...

لكن أروح له بورد ...

يبقى عمره ما ح يعبرنى بعد كدة فى أى مناسبة !!!

أو ح يتعمد يغيظنى و يرد الصاع بوكيهين ....

و يجيبلى ورد !!! :o

[se_ Elsyed]

الله يرحمك يا عبد المطلب ويرحم أغنية (الورد جميل...جميل الورد) :angry: 

قصدك زكريا أحمد... :o

معليش عشان التاريخ .. هو لا عبمطلب .. ولا زكريا احمد .. ده صالح عبد الحي .

[حشيش]

بس مش معقولة أخش على عيان مش لاقى ياكل ببوكيه ورد ...

أنا لو مكانه ح آكل الورد نفسه !! :blink:

يعنى لما اروح النهاردة لعيان أو واحد متجوز أو مخلف .. و (أنقطه) فدى فلوس متشالة ...

لكن أروح له بورد ...

يبقى عمره ما ح يعبرنى بعد كدة فى أى مناسبة !!!

تنقطه إزاى يعنى يابو يوسف :o ...حتدخل عليه تقول له: العيان...كمان مرة العيان...الممرضات الحلوين آه...الوحشين لأ...وانا وانته...رقصنى بقه ياجدع...وتروح حاطط له عشرين دينار فى سدره :angry:

[SnipeR]

ممكن تجرب الورد المجفف.....

بيعيش كتير وجميل بردو ..... mc:

[Scorpion]

حشيش يا خالتي العزيزة..

من قواعد البروتوكول و الكتاكيت .. أن عند زيارة رجل لصديقه المريض فمن المفضل أن يصحب معه كتاب يقضي بيه الوقت اللي عمره ما بينتهي في المستشفيات.. لو مافيش كتاب في سكتك مافيش مانع من مجلة ميكي أو تان تان...

قفلت معاك .. علبة من الحلوي و يا ريت شيكولاتة ....

و يا حبذأا .. لو كانت قصة روائية كوميدية .. فالضحك هو اسرع طريق للشفاء.. و في هذه الحالة يا بتاع الكصص.. تنفع الغريب ليه و انت ممكن تهاديه بكصتك الرائعة شيكولاتة ..

و بكده تضرب عصفورين.. لأ 3 عصافير بحجر واحد .. حيتسلي و حيحلي و مش حيحتاج يشتري ورق تواليت ...

أما اذا كانت الزيارة خاصة بواحدة من الجنس الناعم .. يعني واحدة ست ... فلا محيص عن الورد ....

[se_ Elsyed]

... فلا محيص عن الورد ....

أي حد هايجيب لي سيرة الورد بعد كده هابطحه ومالوش ديه عندي ... انا أتعقدت من الورد ومن شمامين الورد يا جدعان ...

إمبارح هاندي كرافت جالي المكتب بعد العشا عشان يزورني ... بالصدفة لقيت أخو رئيس مجلس إدارة الشركة وهو دكتور مهندس ومدير إحدى شركاتنا باعت لي فاتورة اعتمدها .. إتصلت به إيه يا عم الفاتورة دي ؟ قالي إن اخوه كلفه إنه يشتري بوكيه ورد عشان واحد صديق البيج بوس راجل مهم وبيتجوز النهاردة ( إمبارح يعني ) فقلت له لأ يا عم انا باتكلم عن الفاتورة أم 2400 ريال ( 640 دولار ) فقال لي أيوه ما هي دي ... انا أشتريت بوكية ورد بـ 2400 ريال et:( ... فالراجل عشان صديقي وسنه صغير فأحنا قريبين من بعض .. فقلت له يا دكتره إنت غلطان .. إنت تقصد إنك إشتريت للعريس غيط الورد اللي في الحوض البحري وقولت عليه من التواضع بوكيه ..قالي والله هو بوكيه واحد من اللي بتشوفهم دول بس ثمنه كده ...

قلت حسبنا اله ونعم الوكيل .. بقى تحويشه سنة بحالها تجيبوا بها حزمة ورد تترمي تاني يوم يا جبابرة ...

فينك يا حشيش كان زمانه مش جايب ماكينة حلاقة .. لأ .. ده كان وضب صالون حلاقة وإداه هدية للعريس يمشي إيده بعد الضهر ويزود دخله .

[yasovinas]

على راي المثل لكل مقام مقال

اذا انت بتجامل مريض وبرضه حسب ظروف هذا المريض فمثلاً يا شيشو لوانت رايح تزور مدير البنك او مدير الفرع حتى ودخلت علية بماكينة حلاقه هتلاقيه اول ما يخرج من المستشفى حالقلك ومع السلامة يا باشا

ده لازم يبقى ورد شيك جداً او شيكولاته معتبرة (باتشي مثلاً بحبها جداً)

اما لو صديق كحيتي من اصحابك وانت عارف عنده ايه فممكن فعلاً تجيب ماكينة حلاقة ولو ان برضه لسه الشيكولاته افضل واشيك على راي كليو هتاكل منها وهو هيقدمها لكل اللي ييجي له وكمان العيال اولاده هيدعولك

طبعاً لو من الجنس اللطيف يبقى الورد ولا شيء غير الورد وكلام صديقك اللادع صح هتفكر في معنى الورد ويا سلام لو الوان كل لون له معنى على راي محمد فوزي (بالمناسبة يا ابو السيد زكريا احمد هوملحن اغنية الورد جميل وغناها وكان ناقص يجيب خرزانه يضرب بيها المستمعين علشان يشوفوا الزهور بقى واتعلم )

اما لو رايح تجامل عرسان فاحسن حاجه تعملها النقطة كاش في ظرف انيق وعليه من بره حشيش والعائله

بعدها انك تجيب له شيء من كهربائيات البيت او احسن لو تساله هو محتاج ايه في البيت

المواليد كله بيجيب لهم ذهب امر مفروغ منه غير الاهل ممكن يجيبوا عربية الاطفال وطقم البيبرونات مع طشت الحمام مع لفتين بمبرز وممكن 2 كيلوا مغاط و2 كيلو سكر

وعقبال مانجيب لك عن قريب يارب

[bibo]

حيتسلي و حيحلي و مش حيحتاج يشتري ورق تواليت ...

ههههههههههههههههههههههههههههههههههههههههه

mfb: :D ha) :P

:blink: