سوال بعد العيد

[eng man]

السلام عليكم اخوانى المصريين فى كل مكان

وكل عام وانتم بخير

لى سوال واستفسار مين اهل الخبرة اللى عايشين فى السعودية

واتمنى الرد عليا فى اقرب وقت

سوالى الاول

انا مهندس خريج 2010 وجالى عرض عمل للرياض والشركة اتصلت بيا والمسئول قالى انه هاسافر على انى فنى مش مهندس لانه لازم يعدى 5 سنوات على عام تخرجى حتى يتم اعتمادى كمهندس

هل هذا الكلام صحيح

هل هذا هو النظام المتبع فى السعودية؟

سوالى التانى

بالنسبه لعرض هو 3600ريال شامله (راتب-اتصالات-سكن-انتقالات)كل شى مع العلم انى متزوج ومستقبلا اكيد هاجيب الزوجه تعيش معايا

كنت عايز اعرف الردود فى اقرب وقت

شكرا للجميع

[herohero]

انا مهندس واول مرة اسمع عن موضوع ان لازم يكون مر على تخرجك 5 سنوات والكلام ده بيحكمه الجمعية السعودية للمهندسين وغير مذكور الكلام ده

ومسمى التأشيرة ده بتتحكم فيه الشركة وحسب ما بتطلب من مكتب العمل

[eng man]

استاذى العزيز صاحب الرد

حضرتك قولت انك مهندس فهل حضرتك لسه موجود فى السعودية يمكن اللى بلغتنى بيه الشركة نظام جديد متبع

انا مهندس اجهزة طبية والموظف المسئول فى الشركة قالى هذا الكلام بالحرف الواحد

قالى انه هاسافر على تاشيرة فنى لغايه ماكمل ال5 سنوات بعد سنة التخرج من الجامعةولو كملت فى الشركة معاهم هاتتغير التاشيرة الى مهندس

وبالنسبه كمان للراتب هو 3600 شامل كل شى من سكن واتصالات وانتقالات وجميع الالتزامات الاخرى

هل هذا الراتب ضعيف ؟

ارجو الافادة

شكرا للجميع

[خالد شحاته]

الاخ الفاضل

الكلام ده غير صحيح نهائيا

[anwerbasha]

و المرتب لا يكفي اذا كنت ناوي تجيب اسرتك معاك

غير كافي بالمرة

شقة صغيرة علي الاقل 15000 في السنة

[حسام الغرباوي]

كلام غير صحيح نهائيا

والراتب دا العمال العاديين بياخدو

انا في عمال عادية خالص يعني لا يقرأ ولا يكتب شغالين براتب 2500 و 3000 وبنوفرلهم كل حاجة سكن واكل وشرب وانتقال

نصيحة ابعد عن الشركة دي اطلاقا لان بدايتها مش كويسة

[eng man]

شكرا لكل من واحد داخل وشارك فى الردود

وجزاكم الله خيرا فاغاثة الملهوف صدقة

مشكورين وكل عام وانتم بخير

[waaaf]

<div align="center"><font color="#0000ff" size="7"> حرام عليك يابشمهندس</font></div>

تم تعديل 3 نوفمبر 2012 بواسطة waaaf

[mtawfeek]

كلام فارغ و الشركه تبدأ التعاقد بالكدب ياريت تبعد عنها احسن

و بغض النظر عن كل شئ الراتب لا يكفى و لا يتناسب مع شهادتك

اللى قالك حرام عليك يا باشمهندس ده ابلغ رد

[AbkaReno]

شكل الي اتصل عليك مصري وللاسف بيحاول يقنعك بالكذب