زى اليومين دول كنت....

[c'est la vie]

تسير بنا الحياه بحلوها مرها ..وتمر علينا فترات كنا نحسبها وقتها شدائد ومحن ..وما ان ننظر اليها بعد مرور الزمن وتغير الحياه نتمنى رجوعها مره أخرى , بعد ما جد علينا ازمات ومحن اشد منها , وهكذا..

فلنسترجع ماكنا نفعله " زمان " علي طريقة "حدث في مثل هذا اليوم " :angry: ..

الايام دى أيام امتحانات نص السنه ..فماهى ذكريات الامتحانات :angry:

[c'est la vie]

زى اليومين دول في في سنه اولى ابتدائي

كان الامتحان (نص السنه بالذات )لا يمثل لي اى اهميه ..بس اهم حاجه قبل الامتحان اجهز كرتونة النتيجه بتاعة السنه اللي فاتت عشان اسند عليها :angry: لانهم كانوا بيدونا الورقه كده فردانى والتخته بتبقي مليانه مطبات كانت بتخلينى مش عارفه اكتب .. :angry:

ياترى كان فيه حد كان بيعمل حكاية النتيجه بتاعة السنه اللي فاتت دى ؟ :angry:

[محمد شلبى]

طبعا النتيجة دى كانت شئ اساسى,وافتكر انت كانت بتحصل خناقة كبيرة قوى يوم الامتحان الصبح لانى كنت بدور عليها كتير قوى وادايما ماكنتش بلاقيها

ياه ايام جميلة :angry:

[se_ Elsyed]

ياه ايام جميلة :angry:

بالعكس دي كانت أيام سودا خصوصاً في فترة الإبتدائي ...

تصوروا الجبابرة الأشاكيف اللي إسمهم مدرسين كان بيصعب عليهم يسيبونا نلعب في أجازة نص السنة اللي بين التيرمين ويفتروا علينا ويثقلوا كاهلنا بواجب يقطم الظهر ...

والله العظيم أنا فاكر كويس زي الأيام دي كده الأبله بتاعت العربي أعتقد في سنة خامسة أو رابعة حاجة زي كده ... إديتنا واجب في الأجازة عبارة عن إننا نجيب قصة " عُقلة الإصبع " ونكتبها كلها في الكشكول ... ويا ويله يا سواد ليلة اللي يرجع من الأجازة ومش عامل الواجب fsh:: :angry: ... تصوروا القصة كاملةً نكتبها من الجلدة للجلدة ..

وطبعاً إزاي مُدرس او مُدرسة الحساب يسيبنا في حالنا .. ده حتى يبقى إفترا .. فكانوا يخلونا نكتب من 1 إلى ما شاء الله يعني ممكن الف ممكن أكثر زي ما تطق في دماغه ..

عالم كانوا ساديين وهوايتهم تعذيب البشر .

[محمد شلبى]

ياه ايام جميلة :angry:

بالعكس دي كانت أيام سودا خصوصاً في فترة الإبتدائي ...

تصوروا الجبابرة الأشاكيف اللي إسمهم مدرسين كان بيصعب عليهم يسيبونا نلعب في أجازة نص السنة اللي بين التيرمين ويفتروا علينا ويثقلوا كاهلنا بواجب يقطم الظهر ...

والله العظيم أنا فاكر كويس زي الأيام دي كده الأبله بتاعت العربي أعتقد في سنة خامسة أو رابعة حاجة زي كده ... إديتنا واجب في الأجازة عبارة عن إننا نجيب قصة " عُقلة الإصبع " ونكتبها كلها في الكشكول ... ويا ويله يا سواد ليلة اللي يرجع من الأجازة ومش عامل الواجب fsh:: :angry: ... تصوروا القصة كاملةً نكتبها من الجلدة للجلدة ..

وطبعاً إزاي مُدرس او مُدرسة الحساب يسيبنا في حالنا .. ده حتى يبقى إفترا .. فكانوا يخلونا نكتب من 1 إلى ما شاء الله يعني ممكن الف ممكن أكثر زي ما تطق في دماغه ..

عالم كانوا ساديين وهوايتهم تعذيب البشر .

ys): ys):

طبعا ده كمان كان شئ اساسى

مدرس العربى كان بيقولنا نكتب الدروس كلها 20 مرة,احسبها انت .

تم تعديل 23 ديسمبر 2004 بواسطة se_ Elsyed

[سهيلة]

الامتحانات

كلمة بكرهاااا جدااااااااااااا

لكن ف الابتدائى كنت بستنى الامتحانات دى بفارغ الصبر

عارفين لية؟؟؟؟؟؟؟؟؟

ماما ربنا يخليها كانت دايما تجينى بين الامتحانات المدرسة

ومعاها شنطة فيها ما لذ وطاب

فيها كل الحاجات اللى كنت بحبهاااااا وهما تلاتة بس

الشيكولاتة دة اساسى

البيبسى mc:

وسندوتش المربى

عافين كنت بخلص الامتحان وبدل ما اراجع

كنت اقعد افكر زمان ماما جت ولا لسة

طب جابت الحاجات ؟؟عيال بقى

اما حكاية النتيجة دى اساسية طبعا وبتكون محجوزة قبل الامتحان بفترة

طبعا من اخواتى

يااة واللة ايام لذيذة

[c'est la vie]

طبعا النتيجة دى كانت شئ اساسى,وافتكر انت كانت بتحصل خناقة كبيرة قوى يوم الامتحان الصبح لانى كنت بدور عليها كتير قوى وادايما ماكنتش بلاقيها

ياه ايام جميلة mc:

أكيد كنت بتاخد النتيجه الجديدة بتاعة السنادى يعنى :P

~~~~

إقتباس (se_ Elsyed @ Dec 23 2004, 01:05 PM)

تصوروا الجبابرة الأشاكيف اللي إسمهم مدرسين كان بيصعب عليهم يسيبونا نلعب في أجازة نص السنة اللي بين التيرمين ويفتروا علينا ويثقلوا كاهلنا بواجب يقطم الظهر ...

لا داعى لسوء النيه , هما بس كان قصدهم اننا مننساش اللي هما قاعدين يحفظونا فيه طول السنه:blink:

كانت كل ما ماما تروح تشتكى للأبله تقولها الكلمتين دول ..

بس مين :P انا كنت انام علي الكراريس يجى في المره الرابعه كده لحد ما بابا يجى يلاقينى مكملتش الواجب يروح مكملهولى :P

وكان الموضوع ده في الاعياد كمان , وكأحد السمات المصريه المتأصله تلك العاده اللى تكره العيل في التعليم ولا يصبح الا ناقل يشف الكلام من غير مايفهم حاجه..

مازالت موجوده حتى الان الظاهر عاوزين يطلعوا جيل جديد من هيئة النقل العام :P

تم تعديل 25 ديسمبر 2004 بواسطة c'est la vie

[c'est la vie]

الامتحانات

كلمة بكرهاااا جدااااااااااااا

لكن ف الابتدائى كنت بستنى الامتحانات دى بفارغ الصبر

عارفين لية؟؟؟؟؟؟؟؟؟

ماما ربنا يخليها كانت دايما تجينى بين الامتحانات المدرسة

ومعاها شنطة فيها ما لذ وطاب

فيها كل الحاجات اللى كنت بحبهاااااا وهما تلاتة بس

الشيكولاتة  دة اساسى

البيبسى :P

وسندوتش المربى

عافين كنت بخلص الامتحان      وبدل ما اراجع

كنت اقعد افكر زمان ماما جت ولا لسة 

طب جابت الحاجات  ؟؟عيال بقى

اما حكاية النتيجة دى اساسية    طبعا    وبتكون محجوزة قبل الامتحان بفترة

طبعا من اخواتى       

يااة واللة ايام لذيذة

ys): ys):

ولا كأننا طالعين رحله :P

بس ليه كلنا كده حدفنا علي الابتدائي..؟؟ mc:

افتكر في الوقت ده في الثانويه العامه مكنتش أحب اذاكر الماده كلها إلا آخر يومين قبل الامتحان مع إن ممكن يكون قبل الامتحان اسبوع مثلاً :blink:

اما في الجامعه بئي فالسمه الغالبه هى الاوراق :P اوراق في كل مكان , وكتب وملازم , واللى علينا واللي ملغى ودايماً احب اذاكر الحاجات الملغيه معرفش ليه, ويوم الامتحان في قاعة الامتحانات احب اقعد ع اليمين جمب الشباك اللى بيطل ع الكوبري :P بس دايماً بيقيدنى رقم الجلوس الى بيحطنى في مركز القاعه :D

[أنـفـــال]

ياااااااااااااااااااه..

أيام الامتحانات.. :rolleyes:

أنا كنت موس زي مابيقولوا..

كانت العيال كلها تيجي خايفة بتترعش.. :)

و أنا زي الامورة اجي الصبح مع بابا و معايا علبة عصير و شكولاتة عشان بتخفف التوتر ..:)

و لا معايا حتى ورقة !! العيال بتذاكر قبل الامتحان و انا واقفة بمنتهى البراءة.. :) مستنية اللجنة.

و كنت اول ما ارجع البيت اشرب كباية كاكاو و انام و اصحى اتغدى مع بابا و اذاكر..

كنت طفلة مطيعة موت و هادية اوييييييي.. :)

لنا عودة ..:)

أنفال

[METALLICA]

زي اليوميين دول بتوع الإمتحانات . . . كنت ببقى مغروس في جو الإمتحانات و كانت أحلى أيام السنة الدراسية ليا :rolleyes: خلاص خلاص محدش يحدف بالبطاطس :)

أما الوضع ده اختلف من حوالي 5 سنين كدة . . . بقيت أنا اللي بتفرج على اللي بيمتحنوا من أحسن مكان تشوف منه كويس جداً ...

وأنا واقف جوا اللجنة براقب عليهم vmp: