سي السيد ...طمّنّا !!!

[mwefy]

سي السيد ايه اخبار الاولاد دلوقتي يا رب يكونو بخير

[Cleo]

أولاد..!!!

هو فيه إيه؟؟؟؟

خير يا سى السيد..!!!!

أتمنى يكون كل شىء على ما يرام....

[mwefy]

سي السيد::

والله العظيم ده احلى خبر سمعته النهاردة بالرغم من إني بأمر بظروف صعبة جداً لا يعلمها إلا الله ثم أخي هاندي كرافت .. حيث مرض اولادي الشديد منذ عدة أيام لدرجة إني نقلت مقر إقامتي للمستشفى.. لكن الحمد لله على كل شيء .

مش عارف يا كليو في ايه بس انا قريت المداخله دي ان اولاده تعبانين قوي مش عارف فقولت اطمن عليهم ؟؟؟

[Cleo]

اللهم اشفهم شفاء لا يغادر سقما...

اللهم اشفهم شفاء لا يغادر سقما...

اللهم اشفهم شفاء لا يغادر سقما...

اللهم اشفهم شفاء لا يغادر سقما...

اللهم اشفهم شفاء لا يغادر سقما...

اللهم اشفهم شفاء لا يغادر سقما...

اللهم اصرف عنهم السوء.... :angry:

[محمد شلبى]

يا ريت تطمنا فعلا يا استاذ س س.

ويا رب يكونوا بخير :angry: :angry:

[se_ Elsyed]

متشكر جداً على مشاعركم يا جماعة .. والحمد لله على كل شيء ..

الأمر وما فيه إن الولدين تعبانين شوية وبقى لنا يمكن حوالي أسبوع بنتردد على المستشفيات المختلفة أكثر من مرة يومياً وتقريباً صاحيين أنا ووالدتهم 24 ساعة لنتناوب على رعايتهم وأحياناً كثيرة نهرع في الفجر إلى مستشفى اخر عندما يشتد المرض عليهما ... ويظهر إنه فيروس إنفلونزا على برد على إلتهاب لوز على إرتفاع درجة الحرارة بس يظهر إنهم جامدين شويه ... حيث إن الرياض تشهد هذه الأيام إنخفاض حاد في درجات الحرارة ووصلت في بعض الأيام إلى 4 درجات مئوية واللي إتبهدل في المواضيع دي هما الأطفال الصغيرين اللي المستشفيات مُكدسة بهم الآن والكل يُعاني من نفس الأعراض..

ونرجع ونقول الحمد لله ...

[mwefy]

ربنا يشفيهم ان شاء الله ويشيل عنهم اللهم امين يا رب العالمين

[Salwa]

لا بأس عليهم وسلامتهم الف سلامة ...

[حشيش]

أخى العزيز سى السيد

أسئل الله العلى القدير أن يمن على أولادك بالشفاء والعافية....اللهم رب الناس إذهب عنهم البأس...إشف وأنت الشافى...شفاءً لا يغادر سقما :angry: :angry: :angry:

[Sherief AbdelWahab]

أسأل الله العلي القدير أن يمن عليهما بالشفاء العاجل شفاءً لا يغادر سقماً..

خلص الكلام

[G.G]

ربنا يشفيهم يا رب.

لو كنت في الجوار كنت عملت معاكم shift للتخفيف عنكم..ربنا يقويكم ,,و يقومهم بالسلامة ..

:angry: :angry:

[yasovinas]

الف سلامه على عمر واخوه يا ابو عمر

قلوبنا كلنا معاك ودعواتنا لله الشافي ان يشفيهم ويشفى كل مرضى المسلمين يا رب

[emmyyy]

انشاء الله هيبقوا كويسين باذن الله

اللهم اشفهم شفاء لا يغادر سقما

[bentmasria]

الف مليون سلامه على اولادك ياسى السيد

ربنا يعينهم على تغيير الجو ويعينك انت ووالدتهم

الاطفال زى الزهور ربنا يحفظهم ويبعد عنهم الشر يارب

طمننا عليهم وسامحنى مابشوفش المنتدى كتير اليومين دول

ربنا يحفظهم ويبارك لك فيهم ويرفع عنهم المرض يارب تقبل

طمننا بارك الله فيك

ام محمد

[SnipeR]

الف سلامة علي الولاد ياسي السيد واتمني يكونو بخير دلوقتي

4 درجات !!!!! في الرياض!!!!!!

18 سنه خدمه هناك ومحصلتش الا مره واحده ...انت بتشهد حدث تاريخي ياسي السيد mc(:

تحياتي الخالصة

[R.M.G.]

قاتل الله الغربة كم هو غالي الثمن الذي نؤديه ثمنا لها

أعانكما الله

ولكن صدقني سيمن الله عليهم بالشفاء بإذن الله ويقر عيونكما بهما انه هو السميع القريب فهو الحنان وهو المنان وابقى طمنا بمجرد تحسنهم بإذن الله

[se_ Elsyed]

الف شكر لكم مرة أخرى يا جماعة على مشاعركم الغالية التي تخفف عني في مثل هذه الظروف .. ولكن صدقوني في مثل تلك المواقف لا املُك إلا أن أسجد لله شكراً عندما أُقارن حالتي بحالة غيري ...

فيشاء السميع العليم إن في أثناء مرض اولادي انا أجد المدير التنفيذي لمجموعة شركاتنا بيطلب مني مساعدة شخصية الأسبوع اللي فات.. فقلت له خير ؟

قال لي عايز حد من السواقين اللي عندك ياخد إسم الدواء ده ويدور لنا عليه في الرياض .. أحسن مش لاقيينه في المنطقة الشرقية خالص .. وده دواء يخص إبن فلان - مدير مبيعات مصري في فرع الشركة بالخُبر - .

فقلت له غريبة .. ده إيه ده اللي مش موجود في عدة مدن بحالها ؟

فقال لي إنت ماتعرفش إن إبن فلان الصغير - عمره لا يتعدى سنتين - مصاب بالسرطان ؟

انا سمعت كده وذهولت فعلاً ولم أستوعب باقي الكلام ...

فقلت له لأ والله دي أول مره أسمع مع إن علاقتي بفلان جيدة جداً وهو شخص دمث الخلق وبتاع ربنا زي ما بيقولوا ..

المهم اخدت إسم الدوا واتصلت بعدة صيدليات أعرفها وسألتهم عليه وكلهم أجمعوا على إنهم أول مره يسمعوا إسم الدواء ده !!!!!!..

لم أسكت ... وبعثت أحد السواقين تكون مهمته إنه يدور في الرياض كلها على الدوا مهما كلفه الأمر ... الولد إتصل بيه وقالي كل ما أدخل صيدلية يقولوا لي إنهم ماسمعوش عن الإسم ده قبل كده ..

قلت مابدهاش ... إتصلت بزميلي في مدينة الخُبر عشان اتأكد منه إذا كان إسم الدوا صحيح ام لا .. فقل لي إن المدير فهم غلط .. وإن الدوا ده عبارة عن تركيبة كيميائية ولا يوجد إلا في مستشفيتين فقط .. مستشفى آرامكو في الخبر ومستشفى الملك فيصل التخصصي بالرياض .. والولد عنده جرعة لازم ياخدها كمان 4 أيام وللأسف مالقيتهوش في مستشفى آرامكو ... وهنا صعب جداً يحصل عليه من المستشفى التخصصي .

المهم قولت له أنا عندي لك حل بإذن الله هايكون فعال ... فنسيبي في رحلة عمل قصيرة بالقاهرة وهايرجع بعد يومين هاكلمه وأخليه يشوف الدوا ده في مصر ....

والحمد لله رب العالمين الراجل ماقصرش وجاب لنا كمية من الدوا للولد الصغير اللي اول ما اتولد يا عيني لقوا عنده فشل كلوي وشالوا له كلية والآن يعاني من هذا المرض اللعين ويُعالج منه ..

المهم بقى عندنا مثل بيقول من بره هلا هالله ومن جوه يعلم الله ... فصديقنا ده بارع جداً ما شاء الله في مجال البيع وكل سنة هو الأول بلا منازع في أرقام مبيعاته ومحسود من جميع من يعملون في نفس المجال سواء في شركتنا او شركات آخرى وما شاء الله عليه إسمه يتصدر الصحف المتخصصة في مجال الحاسب الآلي والبرامج وكل سنة يحصد جوائز عديدة نتيجة مجهودة .. كيلو ذهب ، رحلة إلى اوروبا .. جوائز نقدية ... إلخ .. خاصة من شركة مايكروسوفت ...

ومع ذلك كله من يتكلم عنه او يحسده على شطارته لا يعرف ما يعانية ويكابده مع فلذة كبده وهو يراه يذبل يوماً بعد يوم نتيجة هذا المرض اللعين ...

وانا الحمد لله عندما أقارن نفسي بمثل تلك الحالات اعتبر ما انا فيه الآن ترفيه بالنسبة لهم ...

وفي إحدى مكالمات عريس المنتدى الجديد أخي إكسلنس بالأمس قال لي حكمة غريبة قوي أول مرة أسمعها وإتبسطت منها فبيقولي " عمك الحاج أبو موديست - ما هو موديست اخوه الكبير - دايماً بيقول إن الاطفال بيعييوا كثير .. لكن بيخفوا بسرعه "

وفعلاً يا جماعة فلو الامراض الكثير اللي بتصيب الأطفال دي كانت في حد كبير كان زمانه جه الأرض ..

الحمد لله والف شكر لك من دعا لنا أو إتصل بنا او راسلنا للإطمئنان على الأولاد ..

وأخُص بالذكر السيد رئيس الجمهورية صاحب الضربة الجوية الأولانية ...

[Asat]

الأخ س س,

أتمنى أن الله يشفي أولادك و يعافيهم من المرض.

و بإذن الله سيخرجون بصحة أفضل من ما كانوا.

و أحب أيضا ان أحييك على روحك الصابرة و الطيبة.

[Modest]

ألف سلامة يا أبو عمر و ربنا يشفي أبنائي الأحباء عمر و علي و لا يريك فيهم أي مكروه ... يا عم قاعد تقول الواد عُمَر شقي و مغلبك و مطلع عينيك و و و و و و ... إيه رأيك بقى في نظرة عينيه و هو مش قادر يقوم يتنطط و يتشاقى؟ مش بتتمنى يخف و يتشاقى بسرعة إن شالله حتى يضربك بمطوة ؟

ربنا يطمِّنَّا عليهم و يبعد عنك و عنهم كل سوء.

تم تعديل 24 ديسمبر 2004 بواسطة Modest

[mwefy]

إسم الدواء ده ويدور لنا عليه في الرياض .. أحسن مش لاقيينه في المنطقة الشرقية خالص .. وده دواء يخص إبن فلان - مدير مبيعات مصري في فرع الشركة بالخُبر - .

فقلت له غريبة .. ده إيه ده اللي مش موجود في عدة مدن

المهم اخدت إسم الدوا واتصلت بعدة صيدليات أعرفها وسألتهم عليه وكلهم أجمعوا على إنهم أول مره يسمعوا إسم الدواء ده !!!!!!..

لم أسكت ... وبعثت أحد السواقين تكون مهمته إنه يدور في الرياض كلها على الدوا مهما كلفه الأمر ...

قلت مابدهاش ... إتصلت بزميلي في مدينة الخُبر عشان اتأكد منه إذا كان إسم الدوا صحيح ام لا .. فقل لي إن المدير فهم غلط .. وإن الدوا ده عبارة عن تركيبة كيميائية ولا يوجد إلا في مستشفيتين فقط .. مستشفى آرامكو في الخبر ومستشفى الملك فيصل التخصصي بالرياض ..وللأسف مالقيتهوش في مستشفى آرامكو ... وهنا صعب جداً يحصل عليه من المستشفى التخصصي .

المهم قولت له أنا عندي لك حل بإذن الله هايكون فعال ... فنسيبي في رحلة عمل قصيرة بالقاهرة وهايرجع بعد يومين هاكلمه وأخليه يشوف الدوا ده في مصر ....

والحمد لله رب العالمين الراجل ماقصرش وجاب لنا كمية من الدوا للولد الصغير اللي اول ما اتولد يا عيني لقوا عنده فشل كلوي وشالوا له كلية والآن يعاني من هذا المرض اللعين ويُعالج منه ..

المهم بقى عندنا مثل بيقول من بره هلا هالله ومن جوه يعلم الله ... فصديقنا ده بارع جداً ما شاء الله في مجال البيع وكل سنة هو الأول بلا منازع في أرقام مبيعاته ومحسود من جميع من يعملون في نفس المجال سواء في شركتنا او شركات آخرى وما شاء الله عليه إسمه يتصدر الصحف المتخصصة في مجال الحاسب الآلي والبرامج وكل سنة يحصد جوائز عديدة نتيجة مجهودة .. كيلو ذهب ، رحلة إلى اوروبا .. جوائز نقدية ... إلخ .. خاصة من شركة مايكروسوفت ...

ومع ذلك كله من يتكلم عنه او يحسده على شطارته لا يعرف ما يعانية ويكابده مع فلذة كبده وهو يراه يذبل يوماً بعد يوم نتيجة هذا المرض اللعين ...

وانا الحمد لله عندما أقارن نفسي بمثل تلك الحالات اعتبر ما انا فيه الآن ترفيه بالنسبة لهم ...

وفي إحدى مكالمات عريس المنتدى الجديد أخي إكسلنس بالأمس قال لي حكمة غريبة قوي أول مرة أسمعها وإتبسطت منها فبيقولي " عمك الحاج أبو موديست - ما هو موديست اخوه الكبير - دايماً بيقول إن الاطفال بيعييوا كثير .. لكن بيخفوا بسرعه "

وفعلاً يا جماعة فلو الامراض الكثير اللي بتصيب الأطفال دي كانت في حد كبير كان زمانه جه الأرض ..

الحمد لله والف شكر لك من دعا لنا أو إتصل بنا او راسلنا للإطمئنان على الأولاد ..

وأخُص بالذكر السيد رئيس الجمهورية صاحب الضربة الجوية الأولانية ...

عمار يا مصر رغم كل اللي بيحصل فيها لكن عمااااار ربنا يخلي مصر لكل المصرين

وربنا يكرمك علي انت عملتو مع صاحبك المصري

مش عارف مين اللي كان بيقول المصرين مش كويسين مع بعض حاجه غريبه