لحمة تاني بس المرة دي أثيوبي

[se_ Elsyed]

المساء 23/12/2004 م

اللحوم الأثيوبية بالمجمعات..بعد أسبوعين

الكيلو ب 15.5 جنيه والخروف ب ..500 معارض السلع أوائل يناير

كتب علي فاروق:

تقرر البدء في طرح صفقة اللحوم الاثيوبية بالمجمعات الاستهلاكية بعد اسبوعين لتوفير احتياجات المواطنين خلال عيد الأضحي المبارك.. أكدمصدر مسئول بوزارة التموين ان زيارة د. حسن خضر وزير التموين والتجارة الداخلية وفايزة أبوالنجا وزيرة التعاون الدولي نجحت في التعاقد مع الجانب الاثيوبي علي توريد كميات كبيرة من اللحوم إلي مصر اعتباراً من الاسبوع القادم مشيراً إلي انه سيتم طرح اللحوم بسعر 15.5 جنيه للكيلو.. بينما سيتم طرح الخراف الحية بسعر 13 جنيها للكيلو.. حيث سيصل سعر الخروف الذي يبلغ وزنه 40 كيلو جراماً حوالي 500 جنيه.

ويعرض الوزيران خضر وأبوالنجا اليوم خلال اجتماع مجلس الوزراء تفاصيل صفقة اللحوم الاثيوبية.. والجهود المبذولة للحد من ارتفاع اسعار اللحوم خاصة قبل بدء عيد الاضحي المبارك.

من ناحية أخري تقرر البدء في اقامة معارض لسلع مستلزمات عيد الاضحي اوائل شهر يناير القادم.

بصراحة لا أملك إلا ان اوجه الشُكر لحكومتنا الفاشلة برئاسة السيد الرئيس القائد صاحب الضربة الجوية على مجهودها الضخم الذي تبذله من اجل تسمين الشعب المصري وتوفير اللحوم والمرقة له حتى لو كلفها الأمر بأن تُرسل البصاصاين والمنادين إلى شتى بقاع الأرض وأعالي الجبال وأعماق البحار للبحث عن هذا المخلوق الخرافي والذي يسمونه " لحمه " فبعد ان غرقت الحكومة البلد باللحمه السوداني لدرجة إن الشعب جاله النقرس من كثر لغه في اللحمه والفته ومشتقاتها ...

وحرصاً من الدولة على ان تكون اللحمة هي الوجبة الرئيسية للشعب المصري فهاهي تطالعنا بخبر تعاقدها على لحوم أثيوبية سوف تغزو الأسواق قريباً ..

لتصبح حياتنا لحمه X لحمه ....

ومش عارف ليه الحكومة ما بتجيبلناش لحمة من نيوزلندا أو أستراليا ؟ على الأقل الخرفان والبقرهناك شكلها حلو واهو يبقى في تنويع ؟

وبجد بقى هانتعب نفسنا ليه ونسمن مواشي ونزغط بتلو .. ما الإستيراد احسن وربنا يخلي القروض والإعتمادات المستندية والكويز ...

يا راجل بلا إنتاج بلا قرف !!!

دي حتى العجول والخرفان بيعملوا بيبية ويوسخوا الأرض وإحنا شعب مرفه ونواعم وماشي بمبدأ " شراء العبد ولا تربيته " وبفلوسي أشتري لحمه إن شالله من جزر البهاما .. وفراخ إن شالله من بلاد الواك واك ...

نفسي ومنى عيني أشتغل في وزارة الزراعة قسم البروتين ويا سلام لو لقيت واسطه يزقني في أي لجنة من بتوع اللحمه دول وأقعد بقى كل يوم في زيارات لمختلف البلدان وأدوق اللحمة أرجع من كل سفريه معايا هاديا وفخذه وكوارع وأقب على وش الدنيا والعيال الهفتانة المرضانة تاكل وتتغذى ...

[Cleo]

ودى يا ترى زى أختها السودانى؟؟؟ يعنى نظام نحلف عليها بس وبل ممكن ندوق؟؟؟ كل واحد ياخد قطمة 2*3 ملل3 ؟؟؟

[theblackpirate2005]

والنبى هى اثيوبيا لقيا تاكل عشان تصدرلنا اللحمه

هو احنا الى عندنا مجاعه ولا هما :angry:

وربنا يسهل المرادى واللحمه ميكنش فيها دود فى العظم زى المره اللى فاتت me0:

[c'est la vie]

ودى يا ترى زى أختها السودانى؟؟؟ يعنى نظام نحلف عليها بس وبل ممكن ندوق؟؟؟ كل واحد ياخد قطمة 2*3 ملل3 ؟؟؟

شهادة لله وكلمة حق :angry: أنا شوفت اللحمه السودانى بعنيا دى ومسكتها بإديا الاتنين وكلتها بسنانى :angry: شهاده للزمن كان طعمها جميل جداً وذا جوده عاليه من حيث الطعم والسواء والمواضيع دى ..لكن القيد الوحيد انه متوسط كميات الشراء مابين 2-4 كيلو ولا يزيد عن هذا, الا اذا كان لك صله بمفتش تموين :blink: ..نعمة ورضا , احسن من مافيش :angry:

تم تعديل 23 ديسمبر 2004 بواسطة c'est la vie

[Sherief AbdelWahab]

سمعت إن فيه لحمة برازيلي في السكة!

افرح يا كابرال! mc:

خلص الكلام

[ابو يوسف]

سمعت إن فيه لحمة برازيلي في السكة!

افرح يا كابرال! :P

خلص الكلام

ليه فى السكة ؟؟؟ ...

انا شفتها مرة بعينى ...

ولأنى من المحظوظين اللى ليهم ضهر واصل ....

مش ح تصدقوا !!!!!

دقتها كمان !!!

mc: :blink: :P

[se_ Elsyed]

c'est la vie وأبو يوسف ...

حيث إنكم بقيتوا من المهمين في المجتمع المصري ومن ذوي النفوذ .. فلو سمحتوا ممكن كرت شخصي بس .. فإسم الله على مقامكم الواد إبن اخويا مقدم في معهد أُمناء الشرطة فلازم له واسطه جامدة عشان نفتح قدامه آفاق المستقبل وينفع نفسه ويبقى عضو صالح في المجتمع .

[ابو يوسف]

c'est la vie وأبو يوسف ...

حيث إنكم بقيتوا من المهمين في المجتمع المصري ومن ذوي النفوذ .. فلو سمحتوا ممكن كرت شخصي بس .. فإسم الله على مقامكم الواد إبن اخويا مقدم في معهد أُمناء الشرطة فلازم له واسطه جامدة عشان نفتح قدامه آفاق المستقبل وينفع نفسه ويبقى عضو صالح في المجتمع .

معلش يا سى السيد ...

أنا الواسطة بتاعتى آخرها .....

كيلو لحمة !!! et:(

[c'est la vie]

c'est la vie وأبو يوسف ...

حيث إنكم بقيتوا من المهمين في المجتمع المصري ومن ذوي النفوذ .. فلو سمحتوا ممكن كرت شخصي بس .. فإسم الله على مقامكم الواد إبن اخويا مقدم في معهد أُمناء الشرطة فلازم له واسطه جامدة عشان نفتح قدامه آفاق المستقبل وينفع نفسه ويبقى عضو صالح في المجتمع .

شهاده اخرى لله وللوطن ان اللحمه كانت من غير واسطه m8:

معقوله ؟ أى والله لأن الدنيا ساعتها كانت رايقه لأن اللحمه كانت لسه جايه ومافيش حد لسه شم خبر وبعدين احنا لم نتعدى العدد المسموح بيه فمزودناش عن 2 كيلو مش قلة فلوس لا سمح الله وإنما درءاً للشُبهات (الواسطه يعنى) m8:

ومعلومه قد تكون خافيه عن البعض et:( إن اللحمه بتيجى يومين في الاسبوع فقط الاربعاء والسبت وفي العيد بإذن المولى طوال الاسبوع rs: وربنا يخلي السيد وزير الصحة rs:

[Mohammad Abouzied]

الموضع دا فيه لحمة يبقى اقتصاد لازم يروح هناك

[ابو يوسف]

لاحظت ان عدد المشاركين فى الموضوع ده مش كتير ..

قعدت أفكر ليه ..

ليه يا ابو يوسف ... :lol:

ليه يا ابو يوسف ... clp::

ليه يا ابو يوسف ... clp::

نحن لم نشرح ماذا نعنى بكلمة " لحمة " ؟؟

و الا يعنى علشان ربنا فتحها علينا بكيلو ننسى اخوانا الغلابة !!!! clp:: clp::

[METALLICA]

معلش يا جماعة . . . لم أشارك بهذا الموضوع . . .

أصلي نباتي .. .. . :lol:

[c'est la vie]

سمعت من مصادر موثوقه عن وصول اللحوم البرازيلي mfb: ويُقال ان جودتها أقل بمراحل من اللحوم السودانيه ونصح البعض بعدم شراءها وقالوا انها تسبب لون غير مرغوب في الطعام بالاضافه لأنها بتسود الحلل ..

لكن الاثيوبى ماجاش عنها اى اخبار :blink:

[Cleo]

بجد سؤال محيرنى...

انتوا بتعرفوا جنسية اللحمة اللى بتاكلوها منين....!!!!! mfb: بتشتروها بالباسبور يعنى؟؟ :blink:

[ابو يوسف]

بجد سؤال محيرنى...

انتوا بتعرفوا جنسية اللحمة اللى بتاكلوها منين....!!!!! mfb:  بتشتروها بالباسبور يعنى؟؟ :blink:

حلوة حكاية الباسبور دى يا كليو ...

بس صدقينى ...

اللحمة هى اللحمة !!!

الشعب ده غلبان جدا جدا ومش ح أنسى فى رمضان اللى فات منظر الناس و هى بتقاتل من وقت الفطار للساعة 10 و 11 علشان يخرجوا من وسط الزحمة الرهيبة دى بكيلو لحمة !!! و ده بالنسبة ليهم منتهى الانتصار !!

بحد كان منظر محزن !

تفتكرى لو اتضح انها حتى لحمة حمير ؟؟

ح تفرق ؟؟

[Tafshan]

اثيوبيا بتصدر لحمه .... و احنا قاعدين :blink:

يعنى مش عارفين نربي خرفان حتى ...

ما علينا ..

على فكره ، للى عايزين يعملوا مشاريع : تربية الخرفان تعتبر اسهل و افضل المشروعات حيث انها مقاومه للامراض و اقصاها تأخذ حقنه على شان الاسهال .. اما الاكل .. فبرسيم او اي حاجه خضراء .. و البيع مضمون قبل العيد و مكسب ميه ميه ...

و سلم لي على اللحمه الاثيوبي !!

[c'est la vie]

بجد سؤال محيرنى...

انتوا بتعرفوا جنسية اللحمة اللى بتاكلوها منين....!!!!! mfb:  بتشتروها بالباسبور يعنى؟؟ :blink:

حلوة حكاية الباسبور دى يا كليو ...

بس صدقينى ...

اللحمة هى اللحمة !!!

الشعب ده غلبان جدا جدا ومش ح أنسى فى رمضان اللى فات منظر الناس و هى بتقاتل من وقت الفطار للساعة 10 و 11 علشان يخرجوا من وسط الزحمة الرهيبة دى بكيلو لحمة !!! و ده بالنسبة ليهم منتهى الانتصار !!

بحد كان منظر محزن !

تفتكرى لو اتضح انها حتى لحمة حمير ؟؟

ح تفرق ؟؟

غريب اوى السؤال دة :D

لكن معرفة جنسية اللحمه لها عدد من المصادر:

1-مصدر اللحمه(المجمع الاستهلاكى المقصود)

2- الخبرة الشخصيه..

3- مصادر اخرى ha)

أو كما قال الاستاذ ابو يوسف فالمهم اللحمة اثيوبى بئي لب سودانى برازيلى , أهو كله عند العرب صابون.. :P

تم تعديل 27 ديسمبر 2004 بواسطة c'est la vie

[solimano]

الفول وا للحمة

عن موضوع الفول واللحمة صرح مصدر قال مسئول

ان الطب اتقدم جدا والدكتور محسن بيقول

ان الشعب المصري خصوصا من مصلحته يقرش فول

حيث الفول المصري عموما يجعل من بني ادم غول

تأكل فخده في ربع زكيبه والدكتور محسن مسئول

يديك طاقة وقوة عجيبة تسمن جدا تبقى مهول

ثم اضاف الدكتور محسن ان اللحمه دي سم أكيد

بتزود أوجاع المعدة وتعود على طولة الايد

وتنيم بني ادم وتفرقع منه المواعيد

واللي بياكلوا اللحمة عموما حيخشوا جهنم تأبيد

يادكتور محسن يامزقلط يامصدر ياغير مسئول

حيث ان انتو عقول العالم والعالم محتاج لعقول

مارأى جنابك وجنابهم فيه واحد مجنون بيقول

احنا سيبونا نموت باللحمة وانتو تعيشوا وتاكلوا الفول

مارأيك ياكابتن محسن مش بالذمة كلام معقول

[se_ Elsyed]

مفاجأة تكشفها "المساء"الخراف الأثيوبية..تصل قبل العيد بيومين!!المجمعات تشكو من عدم وصول اللحوم إليها

كتب - محمد عبدالمعين وأمل حمدي:

رغم تأكيدات المسئولين بوزارة التموين عن وصول شحنة الخراف والعجول المستوردة من أثيوبيا والبدء في بيعها للجمهور من خلال المجمعات الاستهلاكية والشوادر بمناسبة عيد الأضحي المبارك اكتشفت "المساء" أن الشحنة الأثيوبية لم تصل إلي ميناء الأدبية بالسويس حتي الآن!! ومن المنتظر وصولها يوم الثلاثاء أو الأربعاء القادمين أي قبل العيد بيومين! أكد مصدر مسئول بالحجر البيطري أن الشحنة سيتم الإفراج عنها فور وصولها بعد أن تم فحصها ببلد المنشأ بمعرفة لجنة من الهيئة العامة للخدمات البيطرية ومعهد بحوث صحة الحيوان وسيرد مع الرسالة شهادات صحية بخلوها من الأمراض وصلاحيتها للاستهلاك. من ناحية أخري أكد مديرو المجمعات الاستهلاكية أنه لم تصلهم أي شحنات من اللحوم الأثيوبية حتي الآن وليس لديهم أي معلومات عن موعد وصولها.. مما يسبب لهم الكثير من المشاكل مع الجمهور الذي يتردد علي المجمعات ويسأل عن هذه اللحوم.

--------------------------------------

الحمد لله وشهد شاهد من اهلها ... ومش أي شاهد ... ده كبير المنافقين سموره العجيب ... تعرفوا الجملة بتاعت إستغاثة مديرين الجمعيات دي بتفكرني بإيه ؟

بالمشهد بتاع فيلم الناصر صلاح الدين لما الصليبيين كانوا محاصرين عكا .. والناس اللي في الحصون عمالين يصرخوا " أين السلاح ؟ أين السلاح ؟ "

بس على فكرة ومن غير تريقه ... عيب بقى دي مهما كان حكومتنا والدم عمره ما يبقى شوربه ...

الحكومة يا جماعه عندها بُعد نظر - ومحتاجة عملية ترقيع قرنية - فهما قالوا : طب ما أحنا لو وفرنا اللحمة للناس في الجمعيات قبل العيد بإسبوعين مثلاً . هايجروا ورا بطنهم ويخلصوا اللحمه ومش هايلاقوا العضم حتى ياكلوه في العيد ... يبقى أحنا ننشف السوق ونزل اللحمه تاني يوم العيد .. بحيث يكون اللحمة لها قيمة وطعم وفرحه عند الناس ....

ولا عزاء لخرفان الحزب الوطني أبو ليه ..