إبن القرقوشة...كصة واكعية !!!

[حشيش]

كصتى الجديدة (إبن القرقوشة) كصة واكعية وتعتبر من أدب السيرة الذاتية ... وهى كصة مسلية ومغذية فى آن واحد :angry:

فقد نشأت فى أسرة تحب القراقيش بكل أنواعها :D..... وأنا أصنف القراقيش إلى نوع طويل جداً بالسمسم يعرف عندنا نحن المتخصصون بعين الصقر ونوع قصير يعرف بعين الكتكوت :angry: .... وهذا النوع القصير منه أنواع متعددة مثل عين الكتكوت بالكمون وبالينسون وبالشمر..... يوجد على مقربة من بيتنا فى مصر مخبز أفرنجى هايل بيعمل قراقيش خطيرة مما تسبب مع مرور الوقت فى إصابتى بمرض إدمان القراقيش f((: ......وبرغم وجود مخابز كثيرة فى البحرين بشترى منها قراقيش إلا أننى أحرص عند نزول أى صديق لى إلى مصر أن يحضر لى قراقيش من المخبز المجاور لبيتى وأن يضعها فى الهاند باج حتى لا تتحطم أو يمسها أى سوء ... قبل الزواج كنت بكسل فى بعض الأحيان أحضر طعام لنفسى بعد عودتى إلى البيت وكنت أجيب برطمان جبنة Spread أى نوع (مثل بوك أو لافاش كيرى) وأغمسها بالقراقيش ثم أقوم بوضع زيتون أسود مخلى على رأس القرقوشة وأخد قطمة ثم اسقى ما تبقى من القرقوشة فى الشاى وأكرر نفس الشئ مع القرقوشة التانية والتالتة والعاشرة لحد ما أشبع p-:3: ... لم استطع أن أتخلص من إدمان القراقيش بالكامل بعد الزواج وبدأ الإصطدام مع زوجتى بسببها...... فقد لاحظت زوجتى أننى إذا استيقظت بالليل للذهاب إلى الحمام اتحسس طريقى فى الظلام بقرقوشة عين الصقر واستخدم القراقيش عين الكتكوت فى إختبار وجود كهرباء من عدمه فى فيش الكهرباء بالمنزل بدلاً من المفك ال Tester :angry: ... إزدادت الحالة سوءاً لتصل إلى ذروتها يوم الجمعة الماضى ..... عدت إلى البيت بعد صلاة الجمعة وكان الطعام على وشك الإنتهاء ولكنه لم يكن قد إنتهى بعد فقمت بالتسلل إلى المكان الذى أخبئ به القراقيش وسحبت قرقوشتين عين الصقر واربعة عين الكتكوت وانتهزت إنشغال متابعة زوجتى لمسلسل عربى سخيف وذهبت إلى المطبخ لأخرج علبة جبنة بوك من الثلاجة لممارسة هوايتى المفضلة ولكن راودتنى فكرة شيطانية ... رفعت غطاء حلة من الحلل فوجدت بها شوربة ولحمة وعدة بصلات وكان البخارلا يزال يتصاعد منها فقلت فى نفسى أنا لسه حدور فى الثلاجة وقمت بلا تردد بعملية إنزال عدد 2 قرقوشة عين الصقر فى الحلة ولسه حرفعهم لقيتهم باشوا فى الحلة ولم يتبقى فى يدى إلا القدر اليسير منهم ..... راودتنى أفكار عديدة وحالة من الإستغراق والتأمل وأنا أرى فتافيت القراقيش والسمسم وهى طافية فوق الشوربة :blink: .... لماذا لم تحتمل القراقيش حرارة الشوربة برغم أنها تحتمل حرارة الشاى ؟؟؟؟!!!!!......هل درجة غليان الشاى تختلف عن درجة غليان الشوربة؟؟؟!!!!!.......أين الحكيكة؟؟؟؟؟!!!!!!!!! f((: ........أفقت من حالة التأمل لأجد منظر الشوربة بقى بشع......حاولت تدارك الأمر وبخفة الهر أحضرت ملعقة كبيرة لأزيل الفتافيت من الشوربة ولكن فى كل مرة كل حاجة كانت بتطلع إلا الفتافيت !!!!!......قفزت إلى رأسى فكرة جهنمية.....لن يرفع الفتافيت إلا مصفاة الشاى المعدنية أم عيون ضيقة sdm: ....أحضرت المصفاة وسميت وألقيت بها فى الحلة سائلاً الله الرزق الحلال فى لحظة دخول زوجتى إلى المطبخ ..... كانت نظراتها لى وأنا أمسك بمصفاة الشاى وهى فى داخل الحلة والفتافيت متناثرة فى أرجاء المطبخ أبلغ من كل الكلمات....كانت تقول لى بعينيها ( هل تزوجت من نزيل هارب من مستشفى الأمراض العقلية؟؟؟) :angry:

[محمد شلبى]

انت

سككككككككككككككككككككككككككككر :angry: :angry: :angry: :blink: :D

[mwefy]

بس جامده اوي كصة دي اوي

[yasovinas]

ودي اول قصص الابداع الحقيقي ياحشوش

الابداع ياصديقي يبدا بعد الزواج

اتحفنا بالباقي يا زعيم الكصص

[c'est la vie]

[b

.... لماذا لم تحتمل القراقيش حرارة الشوربة برغم أنها تحتمل حرارة الشاى ؟؟؟؟!!!!!......هل درجة غليان الشاى تختلف عن درجة غليان الشوربة؟؟؟!!!!!.......أين الحكيكة؟؟؟؟؟!!!!!!!!!  :blink: :angry:  

حاجه غريبه فعلاً مع انى جربت الموضوع ده بس مع دمعة الباميه وكل حاجه مشيت كويس :angry:

..لكن أعتقد ان حضرتك طولت شويه لما حطيت القرقوشه في الشوربه ؟؟

بدليل اننا لما بنسيبها شويه في الشاي بتبقي مهلبيه ؟؟

أو ممكن علشان الشاى مسكر والشوربه مملحه؟؟!

او ممكن ده بيتوقف علي نوع المرقه اللي في الشربه سواء ماجىاو كوكى او.. ؟؟

او ممكن حسب نوع البروتين اللي فيها (لحوم ام دجاج) ودرجة تفاعله مع القراقيش ؟؟

ممكن الرطوبه تكون اثرت علي القراقيش ؟؟

اوالمدام كانت عامله كمين لحضرتك علشان تكشف موضوع القراقيش دة ؟؟!ودة اللي ممكن قوى :D

لكن يبقي السؤال الاهم ؟ شوربة القراقيش ياترى كان طعمها ايه؟

:angry:

بس طالما هي كصة كصيرة وواكعيه وحكيكه ليه بئي هيا قراقيش مش كراكيش :angry:

تم تعديل 23 ديسمبر 2004 بواسطة c'est la vie

[theblackpirate2005]

سر على بركه الله mc(:

ربنا مع المدام me0:

[حشيش]

بس طالما هي كصة كصيرة وواكعيه  وحكيكه ليه بئي هيا قراقيش مش كراكيش mc(:

الكراكيش دى السنة اللى قبل الحضانة فى المدرسة mc(:

[bodi]

انت محتاج استشارة كيمياية بخصوص تفاعل الكراكيش والشوربة

[se_ Elsyed]

عيبنا نحن العرب بإننا ننظر للأمور بسطحية وباطنية...

يعني ليه الناس ماضحكيتش على نيوتن لما التفاحة وقعت فوق دماغة ؟

نقوم لما يطلع لنا عالم كيميائي جهبذ في زمن ندرت فيه المواهب نقعد نتتريق عليه ونقرقش في سيرته ؟

فين الناس بتوع الكيميا واللي كانوا تخصص علمي علوم في ثانوي يطلعوا لنا بمعادلة كيميائية تغير مسار الكيميا الحيوية من خلال تلك الكصة الواكعية ؟

على العموم س س بتاع أدبي هو اللي هايعملها ويقول للعالم كله إن مصر لسه بخير وولاده :

والمعادلة بتقول : ثاني أكسيد القراقيش + كربوهيدرات البهاريز = لحمه بحب العزيز .

واد يا شيشو .. يعني ماقولتلناش إن المدام وصلت ؟!!!! أتاريك غيرت التوقيع بتاع دلدلة العقيدة وسلوعة مش عارف إيه ..... هنيالك يا عم .. ماشيه معاك يابا

[mb14]

والمعادلة بتقول : ثاني أكسيد القراقيش + كربوهيدرات البهاريز = لحمه بحب العزيز .

عزيزى الفاضل س.س

احترم قدراتك الكيميائية الفذه ولكن هذه المعادله غير متزنه كيميائا

واتزان المعادله هو كالآتى :

القراقيشنيوم(عنصر)+حمض الشوربيك (وهو حمض قوى)= شوربات القراقيشنيوم

حيث ان :

القراقيشنيوم :هو العنصر رقم 104 بالجدول الدورى(مكتشف هذا العنصر هو العالم الفذ حشيش وهذا العنصر غير موجود فى الطبيعه فهومن العناصر ما بعد اليورانيوم حيث يتم تحضيره فى المعامل (بمعنى ادق فى المفاعلات النووية حيث يتم اضافة بعض النيوترونات الى عناصر اقل فى العدد الذرى حتى ينتج العنصر الجديد ) وهو بذلك من أغلى العناصر .لذلك احد اهم استخدامات هذا العنصر هو تصنيع الجنيه القراقيشى لذلك هو عمله قوية جدا ومتينه ولا يتسطيع التغلب عليه اى عمله اخرى حتى العمله اللى بالى بالك .

حمض الشوربيك : وهو حمض قوى ومركز (حيث انه قد اذاب اللحم والدليل هو وجود البهاريز

وبناءا الى ما سبق اليكم البيان التالى