يااخواتي يااهلي يا جيراني : انا عاوز اخدكوا في احضانى

[الجراح المصري]

et:(

يااخواتي يااهلي يا جيراني : انا عاوز اخدكوا في احضاني

اهلا بيكم!!!

انا (الجراح المصري) وده اسم وشغله (!!)

عاوز اشترك معاكوا من زماااااااااااااااااااااااااااان بس الكسل, كمان كل ما افكر اكتب حاجه الاقيها مش في مستوي القعده(عارف القاعدة بالالف بس علشان امريكا ماتحطش المنتدي في دماغها لمل تعمل scan علي كلمه القاعدة في النت!!!! )

عندي قصص وحكايات ومواضيع شيقه للصبح , بس الاول ليا شرط : تصفيق حاد وترحيب كبير بالباشا الجديد (بس علشان اعرف اني مرغوب - هما كده الصعايده )

هااااااه مين قال مراااحب!!

[وليد صفوت]

يا قهلا يا قهلا ...... يا ميت مليون سهلاً ,....

حللت أهلا و نزلت سهلاً و ........... و ............. نسيت بقيت القصيدة m8:

عموماً مرحب بيك و يا ريت تخش فى الموضوع على طول,..... مش عايزين لف و دوران من أولها .......

احنا منتدى جد خالص .......مانحبش الهزار و المداخلات اللى ملهاش لزمة ,....

احنا مش بتوع الكلام ده .....

و إمنع الضحك ..... et:(

بجد : أهلا بيك m8: rs: rs: rs: rs: rs: rs: rs:

[zamalkawy]

لو زمالكوي اهلا بيك من هنا للصبح

لو مش زمالكوي اهلا من غير نفسet:(

[Cleo]

يادى النور.... m8:

نورت مكاك وبيتك ومطرحك.... كبايتين شاى تجيل نحبس بيهم بعد زلعتين المش لحد ما يحطوا العشا وبالمرة تحكيلنا عن كل اللى نفسك فيه... et:(

[SnipeR]

ياهلا وسهلا ياهلا وسهلا

رصاصتين في الجو لاحلي جراح et:(

نورت بيتك ومطرحك يافندم

[yasovinas]

هلا وغلا بالجراحة والجراحين et:(

كده تبقى القاعدة كملت

جزار بشهادة رسمي = جراح صح ولا انا غلطان

معانا ابو السيد حلاق قراري وابن مصر قهوجي وحشيش كصاص وكليو ارستقراطية وفريده استاذه بالجامعه واسو ميكانيكي يعني كل طبقات الشعب الكادحه عمال وفلاحين وفئات اهلا بيك يا جراح

قطع وشرح فينا زي ما يعجبك s-:

[bibo]

اهلا بعم الجراحين كلهم et:(

(شكلنا كده هانتشرح قريب) m8:

انما عدم اللامؤاخذه يا دك سؤال فنى يعنى s-:

هو صحيح العصب التاسع بينقح فى ام راس نفوخ الواحد

لما بيشرب حاجه سخنه؟؟؟؟؟؟؟؟؟؟؟ m8: rs:

لأ بجد مرحبا بك فى المستشفى........ييه قصدى فى المنتدى

rs:

[G.G]

et:(

تم تعديل 1 يونيو 2005 بواسطة G.G

[goold]

اهلا وسهلا ومرحبتين

بحضرت الجراح الفرحان ده

هو لسة فى حد اهو بيغنى لعبد

[محمد شلبى]

:lol: clp:: clp:: clp:: clp:: clp:: clp:: clp:: clp::

ادينا صقفنا يا عم ,احكى يلا بقى

اهلا وسهلا بيك يا دوك وسط اخوانك المصريين ويا ريت نشوفك على طول كل يوم

تقبل تحياتى(زميل مهنة بس لسه صغير شوية )

[ابو يوسف]

ليه تعمل فى نفسك كدة ؟؟؟

ايه الى رماك فى حزيرة الأشرار !!؟؟

clp:: clp::

على العموم انت اللى جبته لنفسك ... :lol:

اهلا و مرحبا بك فى ..

المحاورات

و المناقشات

و الخناقات

و المصالحات

و الاجتماعيات

و الصداقات

و كل ما ينتهى بـ ... ات

clp::

[theblackpirate2005]

اهلين اهلين بيك

انستنا وشرفتنا :D

بت يا طناش ولعى عالشاى ngh:

[Mohammad Abouzied]

شوية على الراجل يا جماعة كده ها ياخد ديله في سنانه ويفر

اهلا بالجراح المصري

فيه مجموعة دكاتره بالمنتدى منهم الي له نشاط ملحوظ زي الدكتور وليد ومنهم الى له مداخله او مداخلتين كل شهر او حتى كل شهرين لظروف المهنة

واحنا مقدرين الظروف لكل مهنة

بس برضه مقلتشي انت زملاكاوي ولا اهلاوي لانها تفرق في المميزات والحوافز عندنا

[bibo]

شوية على الراجل يا جماعة كده ها ياخد ديله في سنانه ويفر

هو لسه ما فرش؟؟؟؟؟؟؟؟دا مظهرش من ساعتها

والظاهر انه ما كانش متوقع كل الترحيب ده mc: B)

فخاف لنكون هانريحووووووووووه ngh: :D

[الجراح المصري]

جميع الاخوه والاخوات

السلام عليكم و رحمه الله

الاخviolinking : تشكر ياولد العم king

الاح زمالكوي : ماعرفش عرفت مننين اني زمالكوي عموما نصيحه من طبيب :التزملك ضارجدا بالصحه و يسبب الوفاه !!!!!

الاخ الطفشان :تشكر عالشاي الصعيدى يابوي(boy)

الاخ:sniper:اخجلتم تواضعنا يا فندم!!

الاخ yasovinas:الفرق بين الجراح والجزار ان الجزار بيسلخ قبل ما يدبح!!!

الاخ bibo:تشكر ياخال !!

الاخ محمد شلبي:ليا واحد صاحبي نفس اسمك بس التاني تخصص اطفال مش مغتربين !!

الاخ محمد ابوزيد: تسلملي يا كبير يا عمدة المنتدي!!

اعمامنا g.g و goold و ابو يوسف :وححححححححدددددددددددددووووووووه

شكرا للجميع ونبدا فورا العمليه....اقصد المشاركه

[yasovinas]

شكرا للجميع  ونبدا فورا العمليه....اقصد المشاركه

لا عمليه نظيفة 100% :P

ومشاركه هاديه قوي bk:

بس ياريت تقولها تاني اصلي سرحت متك :lol:

ياعم قول انت هتبنجنا الاول :rolleyes:

[هشام عبد الوهاب]

اهلا بالجراح .... :)

انما ايه الهمه والنشاط ده ... مداخلتين فى اسبوع :)

مممممممممممم ... طيب نشوف الأسبوع القادم :rolleyes:

[moon7000]

اهه فات اكتر من سنه ونصف ولسه مظهرش شفتوا نتيجة الترحيب الزايد

[صافى]

منور يا جراح مصر نورت منتداك المصرى بس عاوزين بقا القصص والحكايات الى للصبح ب اهم حاجة تكون من غير دم وجرح

[لونا]

منور يا جراح مصر نورت منتداك المصرى بس عاوزين بقا القصص والحكايات الى للصبح ب اهم حاجة تكون من غير دم وجرح

شوفي التاريخ يا صافي

2004

و بعدين الجراح المصري عمل 3 مداخلات

و خرج و لم يعد

* * * * *

إلى فريق الإشراف :

مش برضه مواضيع زي دي الأفضل إغلاقها؟؟

تم تعديل 18 فبراير 2011 بواسطة لونا