استقدام الأسرة و اشتراك الهيئة السعودية للمهندسين ! ! !

[ajdyc]

ببساطه انا مهندس مدني اعمل في مؤسسه مقاولات في الطائف متخرج عام 2008

دي تاني سفرية ليا للسعوديه و اول سفريه قضيت سنتين سنه في الرياض و سنه في جده

و حالياً ليا هنا في الطائف 4 شهور تقريباً

بدأت اجراءات الاستقدام من تجهيز خطاب التعريف و ملئ طلب الإستقدام

و بالصدفه عرفت ان لازم خطاب من الهيئة السعودية للمهندسين

و لازم يتوثق من الغرفه التجاريه زيه زي خطاب التعريف و طلب الاستقدام

و الشخص الي عرفني الحكايه دي أكد على انهم مش هيقبلو طلب الاستقدام من غير خطاب الهيئه

و استغرب جدا ان انا اقامتي طلعت من غير ما اكون مشترك في الهيئه

علما بان اقامتي طلعت بعد اسبوع تقريبا من دخولي السعودية

و قال ان عنده في الرياض عشان تجدد او تطلع اقامه كمهندس لازم تكون مشترك في الهيئه

هل الكلام ده (بخصوص الاستقدام) صحيح ولا لأ ؟

و لو الكلام ده صحيح ايه اقرب فرع ليا ؟

و ايه هي تكاليف الاشتراك و شروطه و اجراءاته ؟

و بياخد وقت اد ايه عشان يخلص ؟

مش عارف الاستقدام منحس ليه كده !

دنا سبت شركتي القديمه بسبب رفضهم اني استقدم أسرتي

و فضلت في مصر سنه و نص من بعد الثوره

و كان شرطي الوحيد في اي انتر فيو اني اخد بدل سكن و تذاكر

و عدم الممانعه في الاستقدام

يا ريت تفيدوني في القصه دي و مشكورين مقدماً

[EslamSaeed]

انا مش مهندس بس اعتقد ان ده كلام فاضي لان كل الناس بتستقدم عادي جدا هانيجي على المهندس وهي مهنة محترمة واضيقها عليه

طبعا لا

[AbuZeyad]

عمرى ما سمعت عن حاجة زي كدا

لو ورقك كله جاهز

اتكل على الله وروح مكتب الاستقدام في جدة ممكن تخلص على طول حتى لو كانت الورقة دي مطلوبة

وكلها مشوار من الطائف لجدة وترتاح ان شاء الله

الغريب فعلا ان اقامتك طلعت من غير اشتراك الهيئة

وشوف الموقع دا فيه شروط الاشتراك في الهيئة

http://www.saudieng.org/sites/SeArabic/upskills/Pages/regterm.aspx

وتفائل خير انك هاتخلص الاستقدام بدون مشاكل

[ajdyc]

شكرا لردودكم يا شباب

و شكرا يا اخ ابو زياد على اللينك

و انا فعلا زرته قبل كده و سجلت كل حاجه في الموقع بتاع الهيئه

بس فاضل لي خطاب التعريف من الكفيل

ده خطاب تاني موجه للهيئه السعوديه للمهندسين

غير خطاب التعريف بتاع الاستقدام :)

و الغريب فعلا ان الاقامه طلعت من غير اشتراك في الهيئه دي

و الكفيل بيتكلمني في النقطه دي و بيستغلها

و بيقول لي دي مش حاجه حكوميه ولا رسميه اصلا

و ضحك على الدقون و لم فلوس و خلاص بدليل اني طلعت لكل المهندسين اقامات من غير ما اشترك لكم فيها

و طبعا هيرفض يدفع ال 1250 ريال لو العمليه تأزمت او ان الاشتراك اصبح ضروره

و انا خايف اخبط مشوار جده و ارجع تاني

و الله ما عارف اعمل ايه

[خالد شحاته]

الاخ الفاضل

اتوكل علي الله والاستقدام هيقبل عادي جداااا ومفيش فيه اي مشكله ومش تقلق

[AbuZeyad]

وبعدين انت قلقان من ايه دا المسافة من الطائف لجدة ساعتين بس مش كتير يعني

طيب الناس اللى بتيجي من نجران او جيزان لجدة حوالي 700 كيلو يعملوا ايه؟؟

وبعدين من تجرب تروح احسن من انك تدفع اشتراك الهيئة وتدخل في حوارات ملهاش لازمة في الشغل عندك؟

روح الاستقدام ولو الامور مميشتش يبقى لينا كلام تاني.

[ajdyc]

سيدي الفاضل

اهل مكه ادرى بشعابها

و انا بس الي عارف يعني ايه اسيب شغلي هنا يوم عشان الاستقدام

و ارجع اسيبه يوم تاني لو اترفض الاستقدام عشان اعمل اشتراك الهيئه الزفت دي في يوم تاني

و بعدين ارجع اروح يوم تالت عشان استقدام

مش كل صوابعك زي بعضها

ابو المؤسسات على الي عاوزها :)

و عموماً كلامكم شجعني و هنطلق على جده :D

تم تعديل 24 نوفمبر 2012 بواسطة ajdyc

[ajdyc]

انهيت اجراءات الاستقدام خلاص الحمد لله من جده

و خدت الورقه الصفرا خلاص

مسألوش عن اشتراك الهيئه السعوديه للمهندسيه ولا طلبو خطاب منها

حتى مشافوش اصل الاقامه ولا اصل الباسبور

ولا شافو صور باسبورات مراتي ولا بنتي

و تقريبا طلب الاستقدام مش لازم يبقى متوثق من الغرفه مع اني كنت موثقه زي خطاب التعريف

كمان في واحد مكنش موثق شهادات الميلاد ولا قسيمة الجواز من القنصليه

كان موثقهم خارجيه بس

و خد التأشيره عادي جدا

عمار يا جده

[AbuZeyad]

مبروووووك

[ajdyc]

مبروووووك

الله يبارك فيك يا باشا

نخدمكم في الافراح كده يا رب

[ajdyc]

دلوقتي المدام راحت يوم الاثنين الي فات

عملت تحليل الفيرس و عملت الكشف الطبي بعد تطويحه محترمه لمستشفى علاج في مدينة نصر

و عملو لها كل التحاليل و الكشوفات و الاشعات الموجوده في المستشفى :)

ضمير ضمير يعني :)

هل نقدر نعرف نتيجة التحليل او الكشف ولا لازم نستنى التأشيره ولا ايه

لان المكتب بيقول لها معدناش بنعرف الا من خلال التاشيره

انا مش مقتنع بالقصه دي بصراحه

و لو فرضنا ان الامور هتمشي تمام

خلال كام يوم تكون التأشيره في الباسبور

عشان ابدأ احجز طيران بأه

تم تعديل 14 ديسمبر 2012 بواسطة ajdyc

[MAZ]

دلوقتي المدام راحت يوم الاثنين الي فات

عملت تحليل الفيرس و عملت الكشف الطبي بعد تطويحه محترمه لمستشفى علاج في مدينة نصر

و عملو لها كل التحاليل و الكشوفات و الاشعات الموجوده في المستشفى :)

ضمير ضمير يعني :)

هل نقدر نعرف نتيجة التحليل او الكشف ولا لازم نستنى التأشيره ولا ايه

لان المكتب بيقول لها معدناش بنعرف الا من خلال التاشيره

انا مش مقتنع بالقصه دي بصراحه

و لو فرضنا ان الامور هتمشي تمام

خلال كام يوم تكون التأشيره في الباسبور

عشان ابدأ احجز طيران بأه

معرفة تحليل الفيرس من اللينك دهhttp://www.healthlabs.net/Default.aspx?uc=./UI/Certificates/ViewCertificate2

الكشف من اللينك ده https://enjazit.com.sa/VisaPerson/CheckMedicalResult

مستشفى علاج كل النتايج متاخرة من يوم السبت الى فات فيه مشكلة فلى الربط مع القنصلية

هيبتدوا يدخلوا نتائج الاسبوع من يوم الاحد القادم

يارب التوفيق للجميع

[ajdyc]

بالفعل انا عرفت موضوع موقع معامل وزارة الصحه ده يافندم

مراتي كلمت الهوت لاين بتاع معامل وزاة الصحه و قال لها على الموقع

و لما دخلت عليه و دخلت رقم الباسبور

لقيت مكتوب

سعادة قنصل السعوديه

تم فحص السيد فلان الفلاني

و مكتوب تاريخ الفحص (اليوم الي مراتي كشفت فيه)

وذلك لانهاء الإجراءات المطلوبة

بس مش مكتوب نتيجة الكشف ايه اصلا

و مكتوب

على المفحوص مراجعة القنصلية وانهاء اجراءات التعاقد خلال شهر من تاريخ الشهادة الصحية

كده يبقى التحليل سلبي و مفيش فيرس ؟

بالنسبه لموقع انجاز بصراحه ده حضرتك الي فدتني فيه لاني مكنتش اعرفه

و دخلت عليه و دخلت رقم النت و رقم الباسبور

و اتكتب لي

هل كده خلاص كل حاجه وصلت القنصليه ولا لسه ؟

تم تعديل 16 ديسمبر 2012 بواسطة ajdyc