الجيم الاسلامى

[جويرية]

الجيم الاسلامى

السلام عليكم

((كُلُّ سُلاَمَى مِنَ النَّاسِ عَلَيْهِ صَدَقَةٌ كُلَّ يَوْمٍ تَطْلُعُ فِيهِ الشَّمْسُ؛ تَعْدِلُ بَيْنَ اثْنَيْنِ صَدَقَةٌ، وَتُعِينُ الرَّجُلَ فِي دَابَّتِهِ فَتَحْمِلُهُ عَلَيْهَا، أَوْ تَرْفَعُ لَهُ عَلَيْهَا مَتَاعَهُ صَدَقَةٌ , وَالْكَلِمَةُ الطَّيِّبَةُ صَدَقَةٌ، وَبِكُلِّ خُطْوَةٍ تَمْشِيهَا إِلَى الصَّلاَةِ صَدَقَةٌ، وَتُمِيطُ الأَذَى عَنِ الطَّرِيقِ صَدَقَةٌ)). رواه البخاريُّ ومسلِمٌ.

السلامى هي العظام ، أو مفاصل العظام ، يعني أنه يصبح كل يوم على شكل واحد من الناس صدقة في كل عضو من أعضائه ، في كل مفصل من مفاصله ، قالوا : والبدن فيه ثلاثمائة وستون مفصلاً ، ما بين صغير وكبير ، فيصبح على كل إنسان كل يوم ثلاثمائة وستون صدقة .

ولكن هذا الصدقات ليست صدقات مالية ، بل هي عامة ، كل أبواب الخير صدقة ، كل تهليلة صدقة ، وكل تكبيرة صدقة ، وكل تسبيحة صدقة ، وكل تحميدة صدقة ، وأمر بالمعروف صدقة ، ونهي عن المنكر صدقة ، حتى إن النبي صلى الله عليه وسلم قال : ( إنك إذا أعنت الرجل في دابته وحملته عليها أو رفعت له عليها متعة فهو صدقة )(108) كل شيء صدقة ، قراءة القرآن صدقة ، طلب العلم صدقة ، وحينئذ تكثر الصدقات ، ويمكن أن يأتي الإنسان بما عليه من الصدقات ، وهي ثلاثمائة وستون صدقة

الطاقة المهدرة في صالات الجيم يا تري نقدر نقيسها بقد ايه ، يعني لو حسبنا الطاقة

المفقودة في جيم واحد لمدة اسبوع يا تري تبني عمارة ولا عمارتين طيب و صالات الجيم اللي في المدينة كلها او في الدولة كلها ، يعني ممكن الطاقة المفقودة في صالات الجيم تبني مدن كاملة بحدائقها بشوارعها بمدارسها بمصانعها

ده غير المليارات اللي بتنفق علي مستوي العالم علي اجهزة انقاص الوزن

عشان كدة انا فكرت في فكرة جديدة محدش فكر فيها قبل كدة و عشان كدة بخص منتداي الحبيب المحاورات بيها ، انا مرضيتش اكتبها في منتدي تاني

الفكرة دي بتقوم علي التوفيق بين الناس اللي بتروح الجيم عشان تخس او اي ان كان الهدف و بين الناس اللي محتاجة حد يساعدها بالمجهود البدني

يعني مثلا بدل ما الواحد يتعب نفسه في الجيم و يشيل حديد ، لا ممكن يشتغل مع عمال البناء يشيل ظلط و طوب ، و ممكن الستات اللي بيروحوا عشان يجروا علي المشاية ممكن مثلا يشتغلوا في اي غيط عشان مفيش مواصلات جوة الزرع فممكن يشيلوا البرسيم او يشيلوا الغلة

يعني صالات الجيم ميبقاش فيها اجهزة يبقي فيها بس سكرتارية تبقي وسيط بين المتبرع بمجهوده وبين طالب المعونة ، يعني ممكن ست عجوزة تتصل تقول عايزة حد ييجي ينضفلي عشة الفراخ يبعتلوها بقي اي واحدة من سيدات المجتمع اللي بيروحوا الجيم تروح تنضفلها العشة ، او ممكن واحد عايز ينزح الصرف الصحي عشان في اماكن لسة مفيهاش صرف ممكن يبعتلوا اي واحد من رجال الاعمال اللي بيروحوا الجيم يروح يساعده

و بكدة يبقي ضربنا عصفويين بحجر

كمان الولاد اللي بيروحوا دول عشان ينفخوا ايديهم دول برضو لازم برضو ياخدوا اعادة تأهيل عشان يرجعوا رجالة تاني و يبطلوا تضيع وقت في التفاههة دي ، و دول بقي يشغلوهم في الاعمال الشاقة يروحوا يكسروا حجارة في الجبل عشان يبقي عندهم عضلات طبيعي بدل العضلات اللي بينفخوها بمنفاخ

ذكاء لا يفيد

دخل رجل علي (( هارون الرشيد ))

وقال : انني استطيع ان اعمل عملا يعجز عنه الناس

قال الرشيد : هات ما عندك .

فاخرج الرجل علبه بها كثير من الابر . فغرس احداها ف الارض ثم اخذ يرميها ابره بعد ابره

فتشبك كل ابره في ثقب الابره السابقه .

وقف الرجل سعيد بما فعل . منتظر من الخليفه جائزه .....

فأمر (( هارون الرشيد )) بضربه مائه جلده ومنحه مائه دينار

فدهش الحاضرون

فقال الرشيد : اعطيته مائه دينا ر مكافأه علي حذقه ... وضربته مائه جلده لانه

يصرف ذكائه فيما لا يفيد

تم تعديل 23 نوفمبر 2012 بواسطة جويرية

[عبير يونس]

جوجوووووووووووو

عودٌ أحمد

جيتي في وقتك يا بنتي

عجبتني دي اوي

يعني صالات الجيم ميبقاش فيها اجهزة يبقي فيها بس سكرتارية تبقي وسيط بين المتبرع بمجهوده وبين طالب المعونة ، يعني ممكن ست عجوزة تتصل تقول عايزة حد ييجي ينضفلي عشة الفراخ يبعتلوها بقي اي واحدة من سيدات المجتمع اللي بيروحوا الجيم تروح تنضفلها العشة ، او ممكن واحد عايز ينزح الصرف الصحي عشان في اماكن لسة مفيهاش صرف ممكن يبعتلوا اي واحد من رجال الاعمال اللي بيروحوا الجيم يروح يساعده

[جويرية]

اهلا يا عبورة ماشي حضحكم شوية قبل ما اختفي تاني

[جويرية]

انا حقول منين جاتلي الفكرة العبقرية دي حكم انا افكاري مفيش زيها اما رحت مرة صالة جيم ، و بصراحة مبحبش الحركة السريعة علي الاجهوة اللي تقطع النفس و بحب اتحرك بالراحة ، المهم المشرفة اللي في الجيم كانت مصرة تقطع نفسي و تيجي و تكلمني بكل حزن و اسي و زعلانة عشان انا مبطأة سرعة الاجهزة و كل شوية تيجي تعلي عندي السرعة و انا اقولها انا مش جاية عشان اخس انا عايزة اتحرك بس

المهم ان هي كانت عاملة زي اللي كان بيعمل لأسماعيل ياسين مساج بالعافية في الفلم و هو يصرخ و يقول كفاية

المهم خدت بالي من مشكلة عويصة خلقتها اليسا و نانسي و هيفا بصراحة حيدمروا الاسر المصرية و يضروا بالامن القومي في البلد ، الستات كلهم عايزين يبقوا زي وزن نانسي و هايفا ، والاقي الستات اتقطع نفسهم في الجيم و احس ان الواحدة خلاص شوية و حتموت ليه ده كله يعني

انا بقي مكملتش عدد الجلسات بتاعتي و قلت لأ اما احب اعمل مجهود يبقي اعمل مجهود في البيت ليه اروح الجيم ، انا محبش اجيب حد يساعدني و دايما بعتمد علي نفسي في شغل البيت ، كمان شفت واحدة بتشتغل في جمعية خيرية قلتلها لو عندك ست كبيرة محتاجة حد يساعدها انا ممكن اساعدها

و من هنا جاتللي الفكرة المهمة بتاعة الجيم الاسلامي

تم تعديل 23 نوفمبر 2012 بواسطة جويرية

[جويرية]

التجميل دلوقتي اختلف عن زمان ، زمان كان جسد الانسان و بيجملوه دلوقتي في اخر الزمان اللي احنا فيه بقي التجميل تغير في جسد الانسان عشان يبقي اجمل

و يا تري فعلا الانسان بيبقي اجمل ، طيب حيبقي اجمل في عنيين مين و الناس كلها كل واحد في حاله و بيجري في دنيته ،

ممكن الواحد بفلوسه يشتري شكل جميل لكن مش حيشتري حد يقوله انت اجمل الناس

لو فيه حب و خير بين الناس الناس حتشوف بعضها حلوة حتي من غير تجميل

زي القصة اللي سمعتها عن ا لملك اللي في ايده تفاحة و قال للعبد الزنجي بتاعه خد التفاحة دي و اديها لأجمل الاولاد ، كان ساعتها ابن الملك بيلعب مع ابن العبد ، العبد مسك التفاحة و اداها لأبنه ، الملك قاله ازاي تديها لأبنك و معاه ابن الملك ن قاله انا شايف في عنيا ابني اجمل الاولاد

[عبير يونس]

اهلا يا عبورة ماشي حضحكم شوية قبل ما اختفي تاني

وليه بس تختفي تاني يا قمر

الفكرة جميلة جدا جدا جدا

بس الاقتباس اللي اقتبسته بجد كان كوميديا فارس يا جوجو

يعني مفيش مجهود لرجل أعمال غير نزح مياه الصرف الصحي

و تنضيف عشة فراخ لسيدة مجتمع ؟؟؟

ما في أعمال تانية

يعني سيدة المجتمع دي ممكن ترتب بيتها يعني من ان لاخر

و رجل الاعمال ممكن يتمشى اكتر ما يركب عربية

كل يُسر لما خُلق له

و ليس ذلك تحقيرا لتلك الأعمال و لا لمن يقومون بها

لكن المسألة قدرات و استعداد نفسي و جسدي

في ناس ما شاء الله طاقتها البدنية عالية جدا

و ناس طاقتها الفكرية عالية

وناس طاقتها الروحية عالية

وهكذا

كل واحد يساعد بما حباه الله

و سيدة المجتمع ورجل الاعمال ممكن يساعدوا الناس بالأموال

و المعلمون بالعلم

وهكذا

المجتمع محتاج للكل

و لو أهدرتي طاقة رجال الأعمال بأعمال بدنية ليسوا على استعداد للقيام بها

لما وسعهم العمل لكسب المال

و بكده نبقى ضيعنا المساعدة الحقيقية اللي همة يقدروا فعلا يقدموها

على جنب

عجبني جدا انك عرضت المساعدة لست كبيرة عن طريق جمعية خيرية

أكثر الله من أمثالك

[جويرية]

اهلا بيكي يا عبورة شكرا علي كلامك الطيب

لكن المسألة قدرات و استعداد نفسي و جسدي

في ناس ما شاء الله طاقتها البدنية عالية جدا

و ناس طاقتها الفكرية عالية

وناس طاقتها الروحية عالية

ايوة بس الطاقة الروحية و الذهنية مش بتخسس و الناس بتروح الجيم عشان تخس ، يعني لازم مجهود عضلي ، فانا قلت بدل ما تضيع الطاقة دي في الهوا يبقي تروح في حاجة مفيدة

تعرفي اللي اوحي ليا بالفكرة دي صديقة مسيحيية ، جوزها برغم انه بيعمل في وظيفة مرموقة لكن كان بيعملوا توسعات في الكنيسة فكان بيشتغل مع البنايين يشيل الاسمنت و الظلط

تم تعديل 23 نوفمبر 2012 بواسطة جويرية

[جويرية]

هو ممكن استعانة بالمختصين من الاطباء او اخصائيين العلاج الطبيعي عشان يقرروا ان الجهاز الفلاني مثلا ممكن الواحد يفقد بيه طاقة قد ايه و ان العمل الفلاني ممكن الواحد يفقد بينه نفس الطاقة

[عبير يونس]

اهلا بيكي يا عبورة شكرا علي كلامك الطيب

لكن المسألة قدرات و استعداد نفسي و جسدي

في ناس ما شاء الله طاقتها البدنية عالية جدا

و ناس طاقتها الفكرية عالية

وناس طاقتها الروحية عالية

ايوة بس الطاقة الروحية و الذهنية مش بتخسس و الناس بتروح الجيم عشان تخس ، يعني لازم مجهود عضلي ، فانا قلت بدل ما تضيع الطاقة دي في الهوا يبقي تروح في حاجة مفيدة

ما اختلفناش يا جميل

ما انا قلت ممكن يعملوا ايه عشان يخسوا

تعرفي

واحدة اعرفها هنا في مكة

ما شاء الله بيتها 12 غرفة

و عندها هوس بالريجيم و الخسسان

ولما قلبت دماغ زوجها بالمواضيع دي

راح طرد لها الشغالة وقال لها اشتغلي انتي في البيت عشان تخسي

[جويرية]

راح طرد لها الشغالة وقال لها اشتغلي انتي في البيت عشان تخسي

ههههههه ايوة هو ده لب الموضوع

[جويرية]

يقول رسول الله صلى الله عليه وسلم في الحديث الصحيح الذي رواه البخاري: “على كل مسلم صدقة. فقالوا: يا نبي الله فمن لم يجد؟ قال: يعمل بيديه فينفع نفسه ويتصدق. قالوا: فمن لم يجد؟ قال: يعين ذا الحاجة الملهوف قالوا: فمن لم يجد؟ قال: فليعمل بالمعروف. ويمسك عن الشر فإنها له صدقة”

[نورالعين]

والله يا جوجووووو ولا ليك عليا حلفان كنتى على بالى وبقول ليه مختفية

وحشتينا بجد

وطبعا كعادتك افكار من الخيال العلمي :)

شوفي يا جوجو انا حضم صوتي لصوتك

بس عايزين نعمل كتيب نحدد كل شغلانة من اياهم حتركز على اي جزء بالجسم

يعنى زيادة في طمأنة رجال ونساء المجتمع وتحقيق طلباتهم :closedeyes:

[الترجمـان]

الطاقة المهدرة في صالات الجيم يا تري نقدر نقيسها بقد ايه ، يعني لو حسبنا الطاقة

المفقودة في جيم واحد لمدة اسبوع يا تري تبني عمارة ولا عمارتين طيب و صالات الجيم اللي في المدينة كلها او في الدولة كلها ، يعني ممكن الطاقة المفقودة في صالات الجيم تبني مدن كاملة بحدائقها بشوارعها بمدارسها بمصانعها

كان استاذنا الفاضل عادل ابوزيد قد اضاف موضوعا يشمل احد البحوث العلميه التي تهتم باستغلال مثل تلك الطاقه المهدره من خلال النشاطات اليوميه للتجمعات البشريه وتحويلها إلى مصدر طبيعي ومتجدد للطاقه ..

الحصول على الطاقة من حفيف الأقدام على الأرصفة

بالطبع استغلال صالات الجيم الكبيره في مثل توليد طاقه متجدده للحي الذي تقبع فيها مثل تلك الصالات هو شئ عظيم وشئ يدعوا للخيال ...

ولكن لا اعلم حقا ماهو المدخل الفقهي الذي يمكننا من أن نأسلم أمر كهذا في مثل تلك الحاله..؟

على العموم اترك لك الإجتهاد في تلك القضيه ..

تحياتي

تم تعديل 24 نوفمبر 2012 بواسطة الترجمـان

[جويرية]

والله يا جوجووووو ولا ليك عليا حلفان كنتى على بالى وبقول ليه مختفية

وحشتينا بجد

وطبعا كعادتك افكار من الخيال العلمي :)

شوفي يا جوجو انا حضم صوتي لصوتك

بس عايزين نعمل كتيب نحدد كل شغلانة من اياهم حتركز على اي جزء بالجسم

يعنى زيادة في طمأنة رجال ونساء المجتمع وتحقيق طلباتهم :closedeyes:

اهلا يا اختي نور و انتو كلكم وحشتوني بجد

ايوة انا عايزة ابتدي افكر في تأليف الكتيب ده ، يبقي متحدد فيه بالرسم بدائل للأجهزة يعني بدال كل جهاز يبقي العمل البديل اللي بيخلي الواحد يفقد نفس الطاقة

حفكر كل يوم في افكار اضمها للكتاب ده ، مثلا جهاز السونا دي ممكن يبقي بدالها ان الستات يحموا الفرن ، عارفة يحموا الفرن يعني ايه ، زمان كان الفرن من غير غاز فبيولعوا في الخشب و يحطوه تحت الفرن ، الافران دي لسة موجودة في الارياف

و برضو فيه جهاز اللي بيحرك الايدين ده ممكان يبقي مكانه ان الواحد ينضف الشبابيك

تحياتي لكي

تم تعديل 24 نوفمبر 2012 بواسطة جويرية

[جويرية]

كان استاذنا الفاضل عادل ابوزيد قد اضاف موضوعا يشمل احد البحوث العلميه التي تهتم باستغلال مثل تلك الطاقه المهدره من خلال النشاطات اليوميه للتجمعات البشريه وتحويلها إلى مصدر طبيعي ومتجدد للطاقه ..

الحصول على الطاقة من حفيف الأقدام على الأرصفة

يا ريت تبقي في ابحاث عشان تقلل الاعتماد علي البترول شوية ، عشان حتى تقل الاطماع الاستعمارية في العالم شوية ، كنا بنقول زمان اهل الصحراء سعداء محدش حيطمع في اللي ايديهم و نقول صحراء جرداء لا زرع فيها ولا ماء ، لكن دلوقتي البترول اهم من المية و الهوا

انا كتبت هنا موضوع عن استغلال طاقة الدواب ، بس محدش صدقني و اعتبروا الموضوع موضوع كوميدي

http://www.egyptiantalks.org/invb/index.php?showtopic=112648

[جويرية]

بالطبع استغلال صالات الجيم الكبيره في مثل توليد طاقه متجدده للحي الذي تقبع فيها مثل تلك الصالات هو شئ عظيم وشئ يدعوا للخيال ...

ولكن لا اعلم حقا ماهو المدخل الفقهي الذي يمكننا من أن نأسلم أمر كهذا في مثل تلك الحاله..؟

على العموم اترك لك الإجتهاد في تلك القضيه ..

تحياتي

و انا برضو مش عندي حكم صالات اللياقة البدنية ، بس اللى اعرفه ان حرام الواحد يشغل وقته فيما لا يفيد ، ده من بلاغة الرسول صلي الله عليه و سلم ان كلامه لا يوجد به كلمة واحدة زائدة عن المعني ، يعني المفروض حتي في كلامنا منكلمش كلام ملوش فايدة ، فما بالنا بالافعال اللي بتبقي بدون فائدة

لقيت بعض من احكام صالات الالعاب الرياضية اذا كانت تحتوي علي مفاسد زي الموسيقى او كشف العورات لكن حكم الالعاب دي في حد ذاتها لا اعرفه بس حدور عليه

بس ممكن يكون حكمها زي النرد و الشطرنج هما محرمين ليه غير عشان بيضيعوا الوقت

[جويرية]

الكفارة اما الواحد يخطأ يكفر عن ذنبه بعتق رقبه او اطعام مساكين

ما كان ممكن يكون الامر مجرد اي عقوبة ، لكن الكفارات جعلها الله عز وجل باب رزق للمحتاجين

يبقي مفيش حاجة في الاسلام ان نعمل جهد بلا فائدة

http://www.almodarresi.com/books/684/0x0v4ltx.htm