إلحقووووووونى !,................ موبايلى اتسرق !!!

[وليد صفوت]

أعضاء المحاورات الافاضل ,....

بعد التحية و اللازم منه ,..... clp::

آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ

آآآآآآآآه ! clp::

موبايلى ! موبايلى ! موباااااااااااااااااااااااااااااااااايلىىىىىى!!! cbyb:

موبايلى لسة مسروق من ثلث ساعة فقط ...... و مش عارف أعمل ايه بالضبط ؟؟؟

و النبى يا جماعة ( إلهى مايتسرقلكم موبايل ابداً ) أى حد يدلنى على الاجرائات اللى ممكن اعملها .....؟؟؟؟

الموبايل اتسرق من أتوبيس عام القاهرة 6077 .....و هو الاتوبيس المكيف رقم 360 خط الجيزة النزهة الجديدة ............

و فتشت الاتوبيس حتة حتة ........... مافيش فايدة !

و طبعاً ولاد الحلال لما حاولوا يتصلوا عالموبايل ........... مقفول taz::

أعمل ايه الله يكرمكم ساعدونى ........

آآآآآآآآآآآآآآآآه ... مكانش يومك يا بوبو ( إسم موبايلى ) :lol:

[عصام]

إييييييييه .. دنيا ..

ولا دايم إلا وجهه .. (وش واحد هايموت م السعادة) ..

شوف يا حبيبى ..

أول حاجة تعملها إنك تروح أى فرع من فروع شركة التليفون (أم نبيل أو كلبك) وتبلغ عن فقدانه علشان يوقفوا الخط .. (اللى هاتدفع بعد كدا 150 جنيه عشان تاخد غيره :lol: )

أما العدة ...

فعوضك على الله clp:: clp::

معلش اللى خد منك الفيل .. قادر يرجعهولك ..

clp::

[وليد صفوت]

أستاذ إسو :lol:

يعنى أنت شايف واحد هارى نفسه من العياط ,.... و مش مستحمل كلمة من حد ...

بدل ما تحطله وردتين يعزوه فى وحدته بعد رحيل موبايله .......... clp::

تقوم حاطتله وش واحد مطلع لسانه !!!! clp::

ماشى ....... أنا مش حنسى لك هذا الموقف ..... trch: clp::

بجد : طيب لما اروح لفرع أم نبيل ...... هل من المطلوب منى أنى أجيب وصل النور clp:: ..... قصدى أجيب الإيصال اللى أنا أشتريت بيه الخط ؟؟؟؟

و لا مش مطلوب منى أى حاجة اجيبها ....... عشان بس ما اروحش و ارجع تانى عالفاضى ؟؟؟؟؟

و العدة .......... مسيرى حاجيبها ....... clp::

[عصام]

وجه متجهم تماما .. صوت أجش .. + شوية فحيح

إسمع يا فيولين ..

مش مطلوب منك أى حاجة غير إثبات شخصية ..

أما بخصوص العدة ..

إبقى قابلنى :lol: clp:: clp::

[وليد صفوت]

إبقى قابلنى  clp::  clp::  clp::

يعنى ................... يعنى ..........

مافيش أمل ؟؟؟؟ clp::

clp::

.......... يعنى أنا احوش و اجيب موبايل محترم تمنه جنيه و نص دلوقتى .....يقوم يتسرق منى فى لحظة كده ؟؟؟؟

حسبى الله و نعم الوكيل :lol:

لأ و عندى إمتحان بكرة ....و العيال اللى بيذاكروا معايا بيكلمونى عليه عشان نتقابل ...... clp::

إسو ................

إنبى يا إسو الله يكرومك و ينجحلك المقاصد ....و يرزقك من حيث لا تحتسب .....

ألاقيش عندك عدة زيادة أمشى بيها حالى لحد الامتحانات ماتخلص ؟؟؟؟

و هنيالك يا فاعل الخير sdm:

و أرحموا عزيز قوم ذلوا ...... cbyb: cbyb:

[عصام]

عدة زيادة ؟ :lol:

تكونش يابنى فاهم إكمنى مشرف .. يبقى لازم أمسك الستة ستومية وفيه اتنين غيرها سبير مرميين فى الدرج؟ clp::

إطلاقا .. أنا مبدئى .. عدة بتقول ألو .. وبترن .. وشكلها عادى .. ومش غالية ..

ليييييييييه؟ clp::

علشان لما تتسرق .. ما انشرلهاش نعى فى الجرايد .. وامشى أدلل على عدة زيادة ..

إنما يبقى سهل أنزل وقتى كدا أشترى واحدة تانية ...

بكرامتى clp:: clp::

[c'est la vie]

ممكن حضرتك تصبر شويه ..وتتطلبك كل شويه mfb: يعنى تتصل بتليفونك يمكن هو ضاع والا وقع والاحاجه ..

يمكن اللي أخده يرد عليك وهنا بئا تحاول تهاوده وتعرف لُب الموضوع ..فلو كان حرامى ربنا يعوض عليك بس حاول انك تهدده يمكن يخاف :blink: ..ولو حد ابن حلال يبقي الحمد لله خد الموبايل واديله اللي فيه النصيب:D

[theblackpirate2005]

أول حاجة تعملها إنك تروح أى فرع من فروع شركة التليفون (أم نبيل أو كلبك) وتبلغ عن فقدانه علشان يوقفوا الخط .. (اللى هاتدفع بعد كدا 150 جنيه عشان تاخد غيره  :P )

.

الله جاب الله خد الله عليه العوض

بالبسبه لفلوس عشان تجيب شريحه جديده بدل المرحومه

لو انت ام نبيل هتكع 55 جنيه (حار ونار فى جتتهم)

لو انت كلبك هتكع 110 جنيه (الهى يخدوهم منك من اليمين يصرفوهم بعد كده على الدكتره) :blink: mfb: :D

ولو ليك كمان رصيد يا عم مش هيروح عليك ;)

ولو العقد بتاع الخط خده معاك ليتلككو ha)

تم تعديل 27 ديسمبر 2004 بواسطة theblackpirate2005

[وليد صفوت]

إسو ........... ماشى ...... مسيرك تتسرق و ساعتها إبن مصر مش حينفعك

سى لا فى.....

الحقيقة انا غفيت بضع ثوانى و انا راكب الcta بتاع النزهة الجديدة ...... و لما فوقت نزلت من الاتوبيس عادى خالص ...........و فجأة أكتشفت أن أيدى فاضية !!!!

الموبايل فييييييييييييييييييييييين ؟؟؟؟

الموبايل راااااااااااااااااااااااح ؟؟؟؟

طبعاً أنا قلبت الدنيا ......... و طلعت الاتوبيس تانى ....و رفّعت كل اللى راكبين و بصيت تحت الكراسى و فوق الكراسى و جوة جيوب الناس ....... مافى فايدة ....

فأغلب الظن أن اللى ينطس فى نظره ..... لما شافنى نايم شد الموبايل من أيدى ( اللى يحب النبى بلاش يشمت و النبى ) .. أو الموبايل وقع منى فأخذه السارق ....

عموماً ..... أنا الان فى فترة الحزن العميق .......... فقد أثر الفقيد فى حياتى النفسية و الإجتماعية كثيراً ...........فقد كنت من غيره و لا أسوى .........

عليه العوض و منه العوض ...... :blink:

[وليد صفوت]

بلاك بايرت ..........

ميرسى على النصيحة الحلوة المفيدة دى ...... أهى هيا دى النصايح !! سامعين يالى فى بالى

بس ممكن أعرف المصاريف اللى حتتصرف على عملية إيقاف الخط و بعدين شراء كارت جديد ؟

و لو فيها غتاتة ممكن أعرف : هل صحيح أنى ممكن اروح فرع الشركة و هما يعرفولى مكان الشريحة بالتحديد فين ؟؟؟ لان كتير من صحابى قالولى كده ؟؟؟ فهل ده صح ؟؟؟

و لو صح و عرفت مكانه ,,, أعمل أيه ؟؟؟

متشكر جداً يا جماعة على الارشادات دى ...... بجد انا مش مرتبك جدا و مش عارف أعمل أيه ؟

[montaser]

المبايل ضاع والحمد لله ، ومش ده المهم دلوقتي .....

ولكن المهم أن ينسرق المبايل في أتوبيس شبه الخصوصي ، يعني بتقول مكيف ، وعال العال .

موضوع آخر اذاي ينسرق منك المبايل ، لم تحكي لنا عن وضعك والهيئة التي كنت عليها وأنت راكب في الأتوبيس .

[c'est la vie]

لأ خير إن شاء الله mfb:

ممكن حضرتك تتصل بخدمة العملاء موبينيل او كليك حسب نوع الخط وتستفسر منهم وهما هيقوللك ايه الاجراءات المطلوبه..

دى نمرة موبينيل ==> 7609090

ودى نمرة فودافون==> 5292888

أو===>5292000

ودة طبعاً من التليفون العادى :blink:

تم تعديل 27 ديسمبر 2004 بواسطة c'est la vie

[وليد صفوت]

المبايل ضاع والحمد لله ، ومش ده المهم دلوقتي .....

ولكن المهم أن ينسرق المبايل في أتوبيس شبه الخصوصي ، يعني بتقول مكيف ، وعال العال .

موضوع آخر اذاي ينسرق منك المبايل ، لم تحكي لنا عن وضعك والهيئة التي كنت عليها وأنت راكب في الأتوبيس .

الحقيقة انا غفيت بضع ثوانى و انا راكب الcta بتاع النزهة الجديدة ...... و لما فوقت نزلت من الاتوبيس عادى خالص ...........و فجأة أكتشفت أن أيدى فاضية !!!!

الموبايل فييييييييييييييييييييييين ؟؟؟؟

الموبايل راااااااااااااااااااااااح ؟؟؟؟

طبعاً أنا قلبت الدنيا ......... و طلعت الاتوبيس تانى ....و رفّعت كل اللى راكبين و بصيت تحت الكراسى و فوق الكراسى و جوة جيوب الناس ....... مافى فايدة ....

فأغلب الظن أن اللى ينطس فى نظره ..... لما شافنى نايم شد الموبايل من أيدى ( اللى يحب النبى بلاش يشمت و النبى ) .. أو الموبايل وقع منى فأخذه السارق ....

الحقيقة انا زى ماقلت .... مجرد غفوة بسيطة ........... وفقت و انا لم استوعب بعد انى يدى فارغة ! و لما نزلت من الاتوبيس وجدت أن يدى فارغة .........!

و انا لا اريد ان اظن فى احد ......... و لكنى بالفعل لو كنت غفوت ........ لما كنت استيقظت أبداً ......

و ذلك لانى ( مطبق ) من امبارح مع اصدقائى بنذاكر ... و لسة مانمتش بالمناسبة ... فلما استلمت مقعدى داخل الاتوبيس غفوت ... ثم استيقظت ..... ثم غفوت ..... ثم استيقظت .... و هكذا ...... و كان الموبايل فى يدى و انا من النوع اللى بيقبض على اى حاجة فى ايده بشدة ..... بحيث انه من المستحيل ان ينتزعه منى احد حتى و انا نايم ........

و لذلك فاغلب الظن ان الشخص جلس بجانبى و حاول ان ينتزعه منى ... وفلح بعد عذاب ...... فإستيقظت انا بسرعة لأجده يغادر الاتوبيس ( علماً بأن الاتوبيس كان فى آخر محطة ,.. يعنى الموقف بتاعه ) ........

طب انا غلطان انى نمت ؟؟

طب ماهو انا كده كده كنت حنام و انا فى الاتوبيس ...... لانى مطبق ! يعنى بقالى أكتر من 24 ساعة مستيقظ ......!!!!

على العموم انا كنت زعلان على موبايلى جدا .... لكن الان مبقيتش زعلان .....

أنا مفروس mfb: :D :blink:

[c'est la vie]

انا كتبت مداخلة فوق مداخلتك يأخ فيولين وأحسب ان حضرتك ماشوفتهاش

لأننا حطينا المداخلتين في نفس اللحظة ..ياريت تبص فوق مداخلة حضرتك الأخيره :blink:

تم تعديل 27 ديسمبر 2004 بواسطة c'est la vie

[وليد صفوت]

لأ خير إن شاء الله :P

ممكن حضرتك تتصل بخدمة العملاء موبينيل او كليك حسب نوع الخط وتستفسر منهم وهما هيقوللك ايه الاجراءات المطلوبه..

دى نمرة موبينيل ==> 7609090

ودى نمرة فودافون==> 5292888

              أو===>5292000

ودة طبعاً من التليفون العادى ha)

c'est la vie

je suis tres contont avic ton assisster ,.... merci

متسألنيش عن الكلام اللى وفق ده ...... أصلى نقلته من جريدة le monde و معرفش هوا بيقول أيه ........

بجد : ميرسى كتير ...... ربنا يجعله فى ميزان حسناتك .. :blink: mfb: :D

[عصام]

برضه ابقى قابلنى ..

:blink: mfb:

[theblackpirate2005]

شوف يا سيدى

انت مش هتكع غير الفلوس اللى انا قلتهالك

انت هتروح هناك تقلهم انا الموبايل بتاعى انسرق وعايز اغير الشريحه

توريهم العقد بتاع الخط وبعد كده هيقلولك ادفع معرفش كام

هتدفع وهيدولك الشريحه ويقولولك كمان 24 ساعه شغل الموبيل (ده لو انت كام معاك واحد تانى)

عما يكون الخط اشتغل وطبعا الشريحه القديمه هتتلغى

اما انهم يعرفوا مكان اللى سرق الموبيل فانا معرفش ينفع ولا لا بس طبعا حتى لو عرفوا مش هيقولوا عشان يلفهو فلوس سيادتك

[Th!nk]

عزيزى فيولين:

الموبيل نفسه فى عامل أمان لحماية الموبيل من السرقة. ممكن طبعا ضبط الموبيل بخمسة أرقام ككلمة سر... هذه الأرقام هى 12345 ك default تأتى من شركة nokia المصنعة للموبيل... طبعا المفروض صاحب الموبيل يغير هذه الأرقام الى خمسة أرقام أخرى والتى يطلبها الموبيل ك security code فى حالة تغيير الشريحة... وأنا أتكلم عن موبيلات nokia ... ولا أعرف النظام فى بقية الأنواع... لكن الحماية من السرقة لهذه الآلآت أصبح common sense... طبعا لو أنت حامى موبيلك بكلمة سر سيجعل هذا الموبيل بلا قيمة فى يد صاحبه بعد تغيير الشريحة التى ستقوم أنت بألغائها...

لكن أثناء زيارتى لشارع عبد العزيز قبل كده لقيت ناس ممكن تتعامل مع النقطة دى.. ال security code يعنى لكن لا أعلم أذا كانوا بينجحوا ولا لأ...

عموما ياريت تكون حميت جهازك على الأقل لتكبد الأعداء بعض الخسائر...

بالمناسبة أنت آداب أيه؟ أوعه تكون حلوان!!!

[METALLICA]

عزيزي الكينج . . .

أصابني خبر سرقة موبايلك بصدمة كبيرة . . . .

أعتقد ديه تاني مرة يتسرق منك !!

لا حول والا قوة إلا بالله . . .

عوضك على الله في الموبيل . . . أما الشريحة تبقى تطلع بدل فاقد ب 50 جنيه ( غير شاملة الضرائب 15%)

ابقى الموبيل اللي جاي سميه برعي علشان ما يضعش تااني . . . . . .

تم تعديل 27 ديسمبر 2004 بواسطة METALLICA

[ابو يوسف]

انت اتسرق منك الموبايل مرة واحدة بس ؟؟؟؟؟ :blink: mfb:

يا بختك !!!!

:D ha)