عاوز رأيكم فى العرض دا ضرورى لانى محتار جدا

[moustafa wagdy]

صباح الفل على عيون شباب احلى منتدى

انا جايلى عرض فى جده منطقة البلد - عمارة الملكة فى شركة نجارة وعقارات محاسب ب 2500 ريال شامل البدلات والتأشيرة محاسب

فكنت عاوز اعرف اية رأيكم فى العرض ولما قعدت مع الكفيل قال ان فى زيادة بعد 3 شهور

انا بصراحة قولت هدخر الف ريال شهريا والباقى هقسمة بمعنى 500 ريال سكن و 800 أكل وشرب

الشركة اللى كنت شغال فيها بتصفى وكل الشغل اللى جاى بمرتبات ضعيفة علم ان عندى خبرة كويسه بالمحاسبه

[حسام الغرباوي]

قليل اوي اوي

ملهاش لازمة الغربة بالراتب دا

حساباتك بتاعة توفير الف دي مش صح كل شهر هتلاقي مصاريف بتزيد وبعدين انتا عندك خبرة

انا شخصيا بالنسبالي العرض اقل من العادي

[AbuZeyad]

وفين بند المواصلات يا زعيم؟؟؟

منطقة البلد صعب تسكن فيها يعني في الغالب هاتحتاج تركب مواصلات ودا بند في حدود 500 ريال لوحده علشان مفيش مواصلات عامة في جدة تقريبا غير اتوبيسات ومش لازم تلاقيها

الـ 1000 ريال دي يمكن تعرف توفرها لو ان العمل موفر سكن ووسيلة انتقال

الزيادة بعد الـ 3 شهور دي كام؟؟ ولازم تتكتب في العقد علشان ميرجعش في كلامه

وربنا يوسعها عليك ويرزقك بعمل خير من العمل دا

[moustafa wagdy]

شكر وتقدير لكل من ساهم بالرد فى الموضوع وادعو من الله ان بوفقنا جميعا للخير