انفجار ضخم يهز العاصمة السعودية الرياض

[Masrawy Abroad]

حسب موقع الجزيرة

ويقال انه قرب وزارة الداخلية

طمنونا عليكم

سي السيد!؟ مجرمون ؟ هاندي؟ انتو فين؟

تم تعديل 29 ديسمبر 2004 بواسطة Masrawy Abroad

[Mohammad Abouzied]

أفادت مصادر عدة بوقوع انفجار ضخم وسط العاصمة السعودية الرياض مساء اليوم الأربعاء 28-12-2004. وأفاد مراسل "العربية" في الرياض أن الانفجار وقع على الأرجح في نفق بالقرب من وزارة الداخلية السعودية.

وأضاف مراسل "العربية" أن عددا من الأشخاص كانوا في مقهى قريب من موقع الانفجار أصيبوا بجروح، في حين تصاعدت سحابة من الدخان عقب الحادثة. ولفت إلى أن سيارات الاطفاء والشرطة هرعت إلى المكان وطوقته.

ولم يتسن حتى الآن معرفة ما إذا كان الهجوم أسفر عن ضحايا أو الجهة التي تقف وراء الانفجار

[Mohammad Abouzied]

سي السيد سليم والحمد الله

[Mohammad Abouzied]

وقال الصحفي السعودي علي القحطاني الذي كان متواجدا قرب الموقع إن الانفجار ألحق أضرارا بمباني مجاورة لكنه لم يؤد لإلحاق أذي بالوزارة المذكورة. وأضاف لـ"العربية" أنه لم تقع اصابات كثيرة في صفوف المواطنين.

ويأتي هذا الانفجار بعد اعلان سلطات الامن السعودية اليوم الاربعاء مقتل اثنين من المتطرفين الاسلاميين في الرياض بعد تبادل لاطلاق النار مع قوات الامن مساء الثلاثاء وصباح الاربعاء علاوة على القبض على متطرف ثالث في جدة على البحر الاحمر

[Mohammad Abouzied]

وأفاد مراسل قناة "العربية" في العاصمة السعودية أن محاولة فاشلة جرت لاقتحام البوابة الشمالية لوزراة الداخلية كما جرت محاولة ثانية لاقتحام مقر لقوات الطواريء في حي السلي (شرق الرياض) وفقا للمعلومات الأولية التي تلقاها

[ماجد]

لا أدرى ما المنطق و ما الفائده من عمليات كهذه العمليه ...

هل تقرب بين المنفذين و الشعب ..... ابدا

هل تقنع احدا بالمبادىء التى يعتنقونها أو بمنطقهم ... اطلاقا

هل تكسبهم تعاطفا ... مستحيل

جل ما تفعله انها تحاول ان تثبت وجود معارضه مسلحه لنظام الحكم .... و هى ليست اكثر من مجرد محاوله ساذجه لذلك .

فالدول و الأنظمه لا تهتز من محاولات كهذه .

لا أفهم منطقهم اطلاقا ....

اللهم اذا افترضنا وجود مؤامره امريكيه لاضعاف و افزاع نظام الحكم السعودى و جعله يرتمى فى الأحضان الأمريكيه اكثر مما هو فيه لكى يتم تنفيذ بنود أخرى فى أجندة السياسه الأمريكيه

تم تعديل 30 ديسمبر 2004 بواسطة ماجد

[se_ Elsyed]

الحمد لله رب العالمين .. فبالرغم من الأحداث العديدة التي أصابت مدينة الرياض في الشهور الماضية إلا إن الحادث بتاع إمبارح ده الوحيد اللي كنت هاروح فيه فطيس ...

فالسيناريو حصل بالشكل الآتي بالظبط وهاحكيه مع بعض اللمسات السينسينية :

- إمبارح قبل الظهر إتصل بي أحد زملاء العمل المصريين بيبلغني إنه مش هايقدر ييجي الشغل النهاردة عشان زوجته أُصيبت بحالة تسمم غذائي بالليل وأصطحبها سريعاً إلى المستشفى واتحجزت هناك - وزوجته حامل في الشهر التاسع وعلى وشكل ولادة - فروحت البيت في وقت الغداء وقلت لزوجتي إن صاحبتها محجوزة في المستشفى فقالت لي لازم نروح نزورها النهاردة ..فقولت ما بلاش النهاردة ونزورهم بكره الخميس على الأقل عندي نص يوم وكمان لو روحنا المستشفى بالليل الجو بيبقى ثلج وده غلط على الاطفال اللي عيانين أساساً - درجة الحرارة امبارح بالليل كانت 10 - ، فقالت لي لأ عيب أنا قولت النهاردة يعني النهاردة ، فزعقت فيها بعلو صوتي وقولت لها انا قلت بكره يعني بكره ده انا سي السيد والاجر عالله فقالت لي إنت بتكلم نفسك وبتقول إيه ؟ .. فقلت لها لأ يا حبيبتي انا بأقترح إقتراج حهنمي وهو إننا فعلاً نزورهم النهاردة ونعملهم مفاجأة وناخد بوكية ورد للست العيانة وماكينة حلاقة ناسيت ومعجون إنجرام لزوجها وبكده يبقى ادخلنا البهجة والسعادة على حياتهم الزوجية .. فقالت لي إيه الأفكار البلدي دي إنت مش هاتنسى بقى شغلانتك القديمة وقرفصتك تحت كوبري الملك الصالح تحلق للي رايح واللي جاي ؟

ما علينا المهم

هنا بقى جت لحظة الحسم ، إتفقت مع صديق في العمل إنه هايجيب أولاده ونروح كلنا وقالي لي أنا هامشي وراك لأني ماعرفش المستشفى ( المستشفى تقع في طريق وزارة الداخلية اللي الإنفجار حصل عندها بالظبط ولازم كنا نعدي من هناك ) .. قلت له ماشي .. فقال لي هاتلاقيني منتظرك قدام ماكدونالد اللي جنب بيتك في شارع الستين بعد صلاة العشاء ... وفعلاً روحت إصطحبت اولادي وقولت لزوجتي إن فلان وزوجته جايين معانا وهما في إنتظارنا عند ماكدونالد الستين ... ومشينا .. وفي نص الطريق زوجتي سألتني بإستغراب : إنت رايح فين ومنين ؟ فقلت لها رايح ماكدونالد الستين ... فقالت: لا حول ولا قوة إلا بالله ... ده انت كده ماشي عكس الإتجاة ورايح الفرع اللي في شارع الضباب .. في نفس اللحظة إتصل اخينا وقال لي إنت فين يابني أنا وصلت قبلك مع إن المحل جنب بيتك .. فقلت له على اللي حصل وقلت له 3 دقايق بالظبط هاتلاقيني عندك ... لفيت بالعربية وروحت شارع الستين وفضلت ماشي على طول لحد ما فوقت على مكالمته وهو بيقولي : يابني حرام عليك أنا نشفت في الشارع عيب عليك كده ... وفجاة والله يا جماعة لقيت نفسي عديت المحل بمراحل وبقيت في منطقة تانية بعيدة خالص إسمها طريق المنطقة الصناعية القديمة فمراتي قالت لي : إنت في إيه ؟ إيه التصرفات العجيبة اللي إنت بتعملها دي فقلت لها : انا نفسي مش عارف في إيه وزي ما يكون العربية هي اللي سيقاني مش انا اللي سايقها ، فأعتذرت للراجل وقولت له أنا كده بعدت جداً وهاخد طريق تاني للمستشفى وإنت إمشي في الطريق الفلاني - ووصفت له طريق الهلاك - هاتلاقي نفسك هناك ..فقال ماشي ونتقابل عند بوابة المستشفى .. خصوصاً إن خلاص وقت الزيارة قرب ينتهي ..

- المهم قربت ناحية الأحداث كده وكل ده مانعرفش في إيه وإيه اللي بيحصل وكل اللي لاحظناه أثناء مرورنا بجوار مقر الدوريات الامنية وهو المكان اللي بتنطلق منه سيارات الشرطة إن في حركة غير عادية والعربيات بتجري ورا بعض وإحنا بنوسع لهم .. فقلت لزوجتي الظاهر إن في حادثة عربيات جامدة وطالعين يعاينوا ... أقتربنا أكثر من طريق الملك فهد الذي تقع فيه وزراة الداخلية وفجأة عمدان النور إنطفت والشوارع بقت ضلمة وسيارات إسعاف كثير وشرطة ومطافي بتجري في الشوارع ..فقلت لأ بقى ده كده اتوبيسات اللي خبطت في بعض مش عربيات... وإحنا ماشيين في الإتجاه العكسي الجنوبي للوزارة مرينا جنب مبنى قوى الأمن اللي انفجر من كام شهر كده وشاورت عليه لمراتي وقولت لها هو ده المبنى اللي فجروه الأشرار - حوالي 10 ادوار كده - المهم وصلت المستشفى لقيتهم قافيلن الشوارع حوالينها ومخليينها فقط لعربيات الإسعاف اللي بتنقل الجرحى .... والشرطة حولتني في حتة تانية خالص بعيد عن البوابة اللي أنا عايزها والمفروض ادخل منها ...

ولسه داخل من باب المستشفى لقيت إتصال من أحد أصدقائي في مدينة الخُبر واول حاجة سألني : إنت فين ؟ فقلت له في الرياض قال لي مانا عارف يا لمض .. إنت فين دلوقت؟ قلت له في منطقة كذا ...في إيه يابني قال ده حصل كذا كذا وفي عربية مفخخة إنفجرت عند وزارة الداخلية وواحدة تانية في مقر قوات الامن الخاص في شمال الرياض وواحدة ثالثة في شرق الرياض في منطقة تُسمى السُلي ...

قولت يا نهار أبيض ... الف حمد وشكر لك يارب .. اتاري الوقت اللي انا كنت مصاب فيه بحالة توهان هو اللي حصل فيه الإنفجار وانا وصلت بعدها والدنيا متدربكة..

المهم إن صديقي بالرغم إن وصفت له الطريق الصحيح إلا إنه تاه برضوا -سبحان الله - وراح منطقة تانية خالص وفجأة لقى نفسه عند المستشفى بس بدل ما يورح لها من إتجاة وزارة الداخلية وهو من الشمال إلى الجنوب لقى نفسه رايح من الجنوب إلى الشمال وبذلك تفادى المرور عند تلك المنطقة تماماً ...

وبعدها بلحظات قليلة إتصل أستاذ محمد أبو زيد عشان يسألني نفس السؤال : إنت فين ؟

والله يا جماعة الأحداث حصلت بنفس التسلسل ده ...

وفعلاً ...

وإذا العناية لاحقتك عيونها ... نم فالمخاطر كلهن امانُ

الحمد لله رب العالمين وربنا يعافينا جميعاً

وشكراً لجميع اللي أتصلوا يسألوا علينا .

[ماجد]

الف حمد الله على سلامتك ياse_ Elsyed و سلامة الأسره الكريمه .....

ياريت تطمنا على باقى الأعضاء الأصدقاء بالرياض

[se_ Elsyed]

الف حمد الله على سلامتك ياse_ Elsyed و سلامة الأسره الكريمه .....

ياريت تطمنا على باقى الأعضاء الأصدقاء بالرياض

الله يسلمك يا ماجد

أنا حقيقةً ماعرفش غير هاندي كرافت في الرياض...

وهاندي راجل ذو دماغ عالية و كان نايم وفي سابع نومه وبعد ما صحي لقيته بيتصل بي بعد ما روحت البيت وإتعشيت وكل واحد راح لحاله وبيقولي أخبار المحاورات إيه ؟.. قولت له يا عم فوق بقى من حالة الادمان اللي إنت فيها دي وشوف إيه بيحصل إيه جنبك ... وصُعق لما حكيت له وقالي طب عن أذنك بقى أروح ألبد جنب التلفاز ...

[yasovinas]

حمداً لله على سلامتك يا ابو عمر

ده بس علشان انت راجل طيب وربك كريم

بس فعلاً سؤال اخونا ماجد الناس دي بتعمل كده ليه هل ده من الاسلام في شيئ هل ترويع الآمنين من الاسلام

طيب لو كان ما حدث بغرض الاعتراض على نظام الحكم الملكي او النظام السعودي تحديداً انا اظن انهم بهذه الطريقة بيزداد كرة الشعب لهذه الجماعات وايضاً بيقووا ويدعموا حجج الحكومه في التضييق على الحريات

[محمد شلبى]

سى السيد :rolleyes:

لا يا حبيبى

ما اتفقناش على كده

انت قولتلى مش هأسيبك الا لما تبقى غنى ومليونير كمان

يعنى حركات غدر وخيانة مش عايزوالآ :lol:

عموما الحمد لله على سلامتك وسلامة الاسرة الكريمة bk: :P :P :P