احلى خبر في 2004

[Tafshan]

عام 2004 مر بما له و ما عليه ...

للأسف الاخبار الحلوه في 2004 قليله جداً يعنى لو كان الموضوع اسوء خبر في 2004 كان ح يبقى مليان بالمداخلات ... بس بجد .. كفايه نكد !

انا عن نفسي - الحمد لله - ربنا وفقنى جداً فى 2004 في مجال شغلى ، و اتوفقت مدياً جداً - الحمد لله ..

اما عن الاخبار العالميه .. مش فاكر و لا خبر يستاهل انه يطرح هنا .. يمكن فوز اليونان ببطولة أمم أوروبا الكروية، والخروج المبكر لعمالقة اللعبة من البطولة يكون خبر حلو ... (لليونان بس !)

اما مصر ، فاحلى خبر سمعته عنها السنه دي هو التغير الوزارى .. ( اي تغير و خلاص !! ) - مع انى وحشنى قوي "تفاؤل" عاطف عبيد bk:

و الخبر التانى الى فعلاً بأعتبره خبر حلو هو استقرار سعر الجنيه امام الدولار - مع ان السبب قد يكون انخفاض سعر الدولار نفسه عالميا ً :lol: و يرجع بعض المحللين هذا الانخفاض الى اصرار مصر على ربط عملتها " الجنيه " به مما ادى الى هذا "النحس" :rolleyes:

ما علينا !

مين يبدأ بأحلى خبر سمعه في 2004 ؟؟؟

[bentmasria]

bk: :P :P :P

طبعا احلى خبر ان ابنى محمد نور الدنيا بضحكته الحلوة

وتانى احلى خبر

ان الدنيا لسه بخير وابنى ماعادش يتيم

وولاد الحلال كتير بجد

لان محمد فلوس جراحته اللى دفع معظمها اغراب شافوا ايميل ف موقع او اتنين وتسابقوا للخير قبطى ومسلم

يبقى فيه اخبار حلوة

الدنيا لسه بخير يا اهل الخير

محمد ومامته :rolleyes: :lol:

يارب تم شفاك يا محمد

[c'est la vie]

اكيد فيه حاجات كويسه تحت ركام الاخبار الاخرى منها مثلاً وبدون ترتيب:

*- اشتراكى بالمحاوارات .

*- خبر عدم شرعية الجدار العازل .

*- ودرجات كويسه في امتحانات الميد تيرم والحمد لله . :lol:

*- صلاة التراويح في رمضان

*- فوز مصر بالبطوله العسكريه والفوز في اثينا للمصريين فرحت اوى ساعتها علي فكرة bk:

*- انى جبت برينتر :rolleyes:

*-ماهى اخبار حلوة اهى صحيح ماحدش عاجبه حاله :P

تم تعديل 31 ديسمبر 2004 بواسطة c'est la vie

[Scorpion]

لا استطيع ان ادع 2004 ترحل بدون ان اقول لها.......

اللهي لا يرجعك يا بعيدة.... سنة سودة من كل ناحية....

سواء عالميا او محليا او شخصيا ...

و ختامها فيه بهاريز الشر كله ... موت و دمار وحروب ... حتي الطبيعة قرفت مننا ...

و لو 2005 حتشبه اختها .... يبقي ما تجيش احسن....

يا رب غير الاحوال ... و هدي النفوس ... و اشملنا بعطفك و رحمتك .....

[yasovinas]

2004 كانت من اسوء السنوات الغريب ان كل سنة بتيجي اسوء من اللي قبلها يعني لو كان في موضوع مثل هذا الموضوع في نهاية 2003 هتلاقي برضه السيء اكتر من الجلو

كان زمان في فيلم اسمة يوم حلو ويوم مر لكن المشكله ان الواقع اصبح يوم حلو وباثي السنة مرار في مرار

احسن حاجه في 2004 بالنسبه لي شخصيا هو انتقالي لعمل جديد بدرجه اعلى وراتب اعلى

وايضاً كاس افريقيا العسكري اهو بيض وشنا شوية وكمان فوز مصر ببطولة الالعاب العربية اما سياسياً في مصر فهو تغيير الوجوه الكئيبة والعتيقة في الوزارة مش تغيير الوزارة لاني مش متباشر منهم خير ويارب يارب اخلف ظني واجعل 2005 احسن من اللي قبلها يارب

شوفوا كنت هنسى

وعلى صعيد بيني التاني (المزرعة) المحاورات

الامل في شفاء محمد القريب باذن الله

شفاء وعودة سكوب الغالي

زواج الاستاذ حشيش ربنا يرجعه لينا بالسلامه هو وكل اخوانه

تم تعديل 31 ديسمبر 2004 بواسطة yasovinas

[Tafshan]

و الله طلعت سنه بنت حلال و في ناس مبسوطه بيها!!!

و من ضمن الاخبار "اللطيفه" : عودة ليبيا الى "الحظيره الدوليه "

ربنا يخلي لنا "الحظيره " و كل يوم " الخرفان" يزيدوا واحد !!!

خبر عاجل :

ارتفاع نسبة مبيعات "القلل القيناوي" مع نهاية عام 2004 نظراً لأرتفاع نسبة كاسروا القلل وراء السنه المذكوره

:rolleyes:

[homer]

احلى حاجة فى 2004 ان احنا دوقتى فى 2005

أحيانا يكون أجمل ما فى الأيام التى مرت أنها مرت.

على المستوى المهنى الحمد لله تعادل أو واحد صفر لينا لأن الجون بتاعهم أوفسايد

على المستوى العائلى الحمد لله تمكنت من زيارة ست الحبايب مرتين.

على مستوى مصر 3-صفر ليهم و"كويز" انها وقفت لحد كده وان السنة ما "عزمتش" اكتر واللا كانت "عامت" مننا.

على المستوى العربى 6- صفر ليهم

على المستوى الاسلامى 6- صفر لصالح الاسلام رغم خسارة المسلمين

على مستوى المنتدى أزمة وتعدى مش عارف هل هى الديك المنتوف واللا الحكيم والذهب وربنا يستر.

والحمد لله الذى مد فى أعمارنا ونسأله أن يعيننا جميعا على تحقيق ما نصبو اليه فى السنة الادارية الجديدة وأن يوفقنا جميعا للعودة اليه فى هذه الأيام المباركة.