تخفيض سعر المكالمات لأوروبا وأمريكا.. ... إشمعنى ؟

[se_ Elsyed]

الجمهورية 30/12/2004م

تخفيض سعر المكالمات لأوروبا وأمريكا.. الدقيقة ب 90 قرشاً

قررت الشركة المصرية للاتصالات تخفيض أسعار المكالمات الدولية لأوروبا وأمريكا إلي 90 قرشا فقط للدقيقة بالنسبة للتليفونات الثابتة والمحمولة بدءا من منتصف يناير القادم.

صرح المهندس عقيل بشير رئيس الشركة بأن تقديم هذه الخدمة الجديدة والمتميزة يتم من خلال بروتوكول "VOIP" لمشتركي الخدمة الدولية في التوقيت من الساعة 11 مساء وحتي السابعة صباحا من خلال الاتصال برقم 101 الذي تم تخصيصه لذلك وللاستفسار يمكن الاتصال برقم خدمة العملاء 111 كما يمكن الاشتراك من خلال موقع الشركة علي الإنترنت.

90 قرش يا أستاذ يبقى انت زبوني النهاردة !!!!

إشمعنى بقى أوروبا وامريكا مع إن اللي عايشين في الدول العربية أكثر ؟

وبعدين لازم اكون مشترك في الخدمة الدولية عشان يتخرب بيتي خراب مستعجل والناس تنسى نفسها وهي بتتكلم ويفاجأ بفاتورة تبيعه اللي وراه واللي قدامه واللي جنبه كمان ... هو احنا قادرين على الفاتورة العادية لما نضيف دولي يا جبابرة ؟

صحيح شغل تل أبيب بجد

[SnipeR]

سيدي الفاضل ده ربط بالفويس اوفر اي بي..

يعني زي النت تو فون كده

وتسعين قرش دي غاليه موت لان الدقيقة اصلا تكلفتها اقل من 5 سنت للدقيقة يعني مجابتش 30 قرش

يعني حرامية بردو

واغلي تكلفة في الفويس اوفر اي بي للدول العربية مجابتش 20 سنت يعني بردو اقل من جنيه وربع

[Mohammad Abouzied]

في مصر ممكن يشتغل النتوفون

انا بنتي بتكلفني مبالغ كتير في الاتصال بأمها فهل ممكن تركيبه على الياهو في مصر زي السعودية او حتى من خلال برنامج كالسريفس

[SnipeR]

اخي الاكبر محمد ابو زيد

يمكن تزويد الخدمة اما عبر جهاز زهيد التكلفة يشبه الهاتف قيمته في حدود 200 او 300 دولار ويتم شحنه بكروت مدفوعه مقدما وتكون المكالمات عبره هي الارخص والاعلي جودة وكفاءة وتماثل جودة اجهزة الهاتف العادية وتوجد شركات عربيه متعدده تعمل في هذا المجال انا استخدم اجهزة احدها وهي www.phone2arab.com لانها كانت تمنحني اتصالا مجانيا تماما باهلي في مصر عندما كنت في الخارج مقابل ان اشتري جهازين احدهم يركب في مصر والاخر لدي

كما يمكن ان تكون عن طريق خدمه call back وهي اعلي في التكلفة ولكنها لاتحتاج اي اتصالات

فقط يتم الرن علي رقم هاتف دولي في اميركا ويقوم تلقائيا باغلاق الخط واعادة الاتصال علي رقمك ومنحك خط دولي مفتوح بتكلفة اعلي قليلا من الشركه السابقه وافل من تكلفة الاتصال الدولي المحلي

واعتقد ان نفس الشركة السابقة توفر نفس الحل لااعلم علي وجه التحديد..

[se_ Elsyed]

كما يمكن ان تكون عن طريق خدمه call back وهي اعلي في التكلفة ولكنها لاتحتاج اي اتصالات

إنتشرت هذه الخدمة في السعودية ويتزعمها الهنود ... حيث إن كل مُتصل بيبقى له أكونت خاص وبيشترك برصيد يبدأ من 100 ريال وسعر الدقيقة لأي دولة في العالم هو 2 ريال وميزته إن فيه كاونتر بيعرفك إنت أتكلمت قد إيه وفاضل لك رصيد كام دقيقة ..

هو مش مجزي قوي لمكالمات مصر لإن الدقيقة أساساً بقت 3 ريال قبل الساعة 11 بالليل و2.6 ريال بعد 11 ... بس بينفعني في مكالمات أوروبا .

[SnipeR]

دول حراميه

الدقيقة لمصر ب 30 سنت يعني ماجابتش ريال واحد يا س س