في الموضوع الفلاني كنت هاتعمل إيه؟

[Set_Amina]

كل واحد فينا لما يشوف حد من اللي حواليه بيمر بوضع معين أو مشكلة معينة بتلاقيه بطريقة تلقائية يحط نفسه مكان الشخص ده ويبدأ في انتقاده بينه وبين نفسه انه ماعرفش يتصرف بالشكل المناسب في موضوعه وان الواحد لو كان هو اللي في الموقف ده كان هايتصرف بشكل احسن وكان هايعمل كذا وكذا ويبتدي يفنط المواقف

فايه رأيكم ان كل واحد فينا يتخيل موقف ماحصلوش وشاف انه لو كان حصله كان هايعمل كدا ويسوي كذا

يعني اهو موضوع هايفيدنا اكيد من خلال تخيل المواقف واستعراض الخبرات

ده غير انه الموقف لن يؤخذ على أحد منا لانه من محض الخيال

انا هاقول اللي نفسي فيه وكان لازم اعمله بعد ما ارجع من اجازة السنة الجديدة

كل سنة وانتوا كلكوا بالف خير

سلام مؤقت كده كام يوم :rolleyes:

تم تعديل 31 ديسمبر 2004 بواسطة Set_Amina

[yasovinas]

في عملي السابق كان عندنا مدير صعب شويتين من ناحية الترقيات وذهب له احد العاملين ويعمل سائق على رافعه شوكية وهو صومالي

وطلب منه ترقيه على اساس انه له 15 سنة يعمل في المصنع وابنائه كبروا ومحتاج سكن اكبر والدرجه سوف تعطية فرصه في سكن اكير

المدير الله يكرمه قال له انت تحمد ربنا اتك بتشتغل هنا ولك 15 سنة وبتاخد الراتب ده هو انت لو كنت في الصومال كنت هتاخد كام ؟؟ طبعا اخينا اخد الكلمتين وطلع فبيشتكي منه بصراحه ماعجبنيش الموقف ودارت الايام وبعد اكتر من سنة جلس المدير معنا جلسة صفا وبيشتكي من انهم في المؤسسه مش عايزين يزودو راتبه فقلت له نفس الكلمه اللي قالها للصومالي،، بعد الجلسه بيعاتبني على انفراد على هذا الكلام قلت له انا قلتها لك لانك قلتها لفلان من سنه فهم الكلام