سؤال مادي من شخص مادي

[sokra]

معلش يا جماعة حد يرد على البوست يتاعى طيب

انا مقدرتش اسكت على الى انا قريتو ده

الاستاذة سكره واضح انك فى الامارات

و الى عايشين فى الامارات دايما بتبقى ماديتهم متعذره عشان مغريات الشراء كتير عن السعودية ده غير غلاء المعيشة ولكن دلوقتى خلاص اعتقد السعودية فى خلال سنة سنتين هتعدى الامارات و قطر بمراحل لان النمو هنا رهيب

ما علينا

النقطة الى ما عجبتنيش فى كلامك بصراحة موضوع ان الهنود بيشتغلو بجنيه و عندهم خبرة احسن من المصريين معلش انا اسف انى اقولك لا انتى غلطانة

اذا كان الهندى او الباكستانى بيشتغل بجنيه فا داه لان خبرته تساوى جنيه و الانسان هو الى بيصنع نفسه فى سوق العمل مش جنسيته و فيه حالاات كتير جدا المصريين فيها عندهم خبرة احسن من مليون هندى و بيحطو المرتبات الى هما عايزنها و بينافسو و بياخدو المرتبات ديه

الموضوع مش بالى بياخد مرتب اقل الموضوع بجودة العمل و اتقاء ربنا فيه

مع الشكر

مع احترامي لكلام حضرتك بس حضرتك لسه عايش في القصه الخيبانه اللي بيضحكو علينا بيها في مصر " المصري و جبروته " اللي يروح اي مكان الناس تقول وااااااااااااو مصري ده العبقري بتاع الكره الأرضيه ... هي دي المشكله انكو بتستقلو بباقي البشر على الكره الأرضيه و العنصريه بتجري في دمنا كرات دم حمرا و بيضا و عنصريه ... زي ما فيه مخ عند المصريين الهنود برده عندهم مخ ولا الا مكنوش اقوى رابع جيش على العالم ... مكنوش صنعو عربيات السوزكي... مكنش بقى ليهم سمعه في مجال الألكترونيات

انا مش جايه ادافع عن الهند انا بس جايه اصحح معلومه ... ثانيا بقى و ده الأهم اه فيه ناس بتاخد ارقام زي كده بس عشان تدخل لصاحب العمل اضعافها و ده بقى مش بالجنسية زي ما انت ما قلت ده بالمهارة و الكواليتي بتاعة الشغل و دي برده تقدر تلاقيها في كل الجنسيات مش في الجنسية المصريه بس

و زي ما حد وضح قبل كده للأسف فيه ناس عشان بس تخرج بره مصر بترضى باقل المرتبات و للأسف بتنزل من الحد الأدنى للمرتبات بتاعة المهنه ... يعني لو الحد الأدنى للمهندس 10000 درهم او ريال او جنيه مصري ... ممكن تلاقي واحد يرضى ب 5000 عشان بس يبعد عن البلد و قرفها و بكده يقلل رنج المرتبات من 10000 ل 5000 لمجرد ان فيه ناس قبلت بالرقم ده

تم تعديل 3 يناير 2013 بواسطة sokra

[ViralMind]

مع احترامي لكلام حضرتك بس حضرتك لسه عايش في القصه الخيبانه اللي بيضحكو علينا بيها في مصر " المصري و جبروته " اللي يروح اي مكان الناس تقول وااااااااااااو مصري ده العبقري بتاع الكره الأرضيه ... هي دي المشكله انكو بتستقلو بباقي البشر على الكره الأرضيه و العنصريه بتجري في دمنا كرات دم حمرا و بيضا و عنصريه ... زي ما فيه مخ عند المصريين الهنود برده عندهم مخ ولا الا مكنوش اقوى رابع جيش على العالم ... مكنوش صنعو عربيات السوزكي... مكنش بقى ليهم سمعه في مجال الألكترونيات

انا مش جايه ادافع عن الهند انا بس جايه اصحح معلومه ... ثانيا بقى و ده الأهم اه فيه ناس بتاخد ارقام زي كده بس عشان تدخل لصاحب العمل اضعافها و ده بقى مش بالجنسية زي ما انت ما قلت ده بالمهارة و الكواليتي بتاعة الشغل و دي برده تقدر تلاقيها في كل الجنسيات مش في الجنسية المصريه بس

و زي ما حد وضح قبل كده للأسف فيه ناس عشان بس تخرج بره مصر بترضى باقل المرتبات و للأسف بتنزل من الحد الأدنى للمرتبات بتاعة المهنه ... يعني لو الحد الأدنى للمهندس 10000 درهم او ريال او جنيه مصري ... ممكن تلاقي واحد يرضى ب 5000 عشان بس يبعد عن البلد و قرفها و بكده يقلل رنج المرتبات من 10000 ل 5000 لمجرد ان فيه ناس قبلت بالرقم ده

اى حد بيسافر بمرتب قليل, غالبا بيكون خريج جديد او خبرة قليلة.. و بيروح يقعد فترة العقد بالعافية و يرجع.. و اعرف كتير حتى رجعوا من قبل ما يكملوا العقد علشان مش جايبه همها.

اقل تحويش شهرى 5 الاف جنيه..

الموضوع برضه مرتبط بالوظيفة.. يعنى مفيش مقارنة بين عامل و دكتور.. الدكاترة بتاخد بال20 الف و ساعات بتوصل ل40 الف فى الشهر... انا بتكلم عن السعودية.

مفيش حد اعرفه قاعد فى الخليج الا و جاب شقة تمليك و اتنين.. حتى لو بالقسط.

امال مين اللى بيشترى كل الشقق اللى فى القاهرة الجديدة و المعادى؟

انا عندى شقتى فى المعادى الجديدة.. معظم الابراج شقق فاضية و مقفولة لان اغلبهم قاعدين فى الخليج.

اما بقى اللى بيدور عالحياة الكريمة.. بصراحة ماشفتش اى حياة كريمة فى تعامل الخليجيين مع المصريين.. باستثناء اللى بيشتغل فى حكومة او وزارة لانها وضع مختلف.. لكن مفيش اى راحة و التعامل كله جليطة و قلة ذوق.

[ViralMind]

بعد التحيه،،،

بصراحة شديده وبسبب نظرتى الماديه المجرده للأشياء كنت عايز أعرف هل مدخرات المهاجرين إلى كندا والدول الأوروبيه أكثر أو أقل من مدخرات المصريين فى دول الخليج

يعنى مثلاً لو متوسط (صافي)مدخرات المصري فى الخليج لاتتعدى 100,000 جنيه مصري سنويا ممكن تكون كام فى الدول الأوروبيه؟؟!!

وانا بتكلم عن السواد الأعظم من الناس وليس الحالات الإستثنائه فهناك من يتعدى صافي مدخراته بالخليج سنويا 300,000 ج.م

اتمنى يكون سؤالي واضح

للاسف المعادلة لا يمكن حسابها بالطريقة دى.

اذا كنت تقصد ماديا يعنى فلوس بس, فانت لازم تكون مؤهل لسوق العمل الكندى, علشان تعمل فلوس.

اولا بالنسبة للحسابات المادية..

اذا كنت هتضع فى الاعتبار انك هتتعالج و اسرتك مجانا مدى الحياة, و اولادك هيدخلوا اعلى تعليم فى العالم مجانا برضه..

و اذا كنت هتضع فى الاعتبار امكانية شراء بيت بالقسط, اذا كان معاك down payment معقولة..مع العمل الشاق و الجاد لمدة لا تقل عن 10 سنوات انت و زوجتك..

و اذا كنت هتضع فى الاعتبار ان هيبقى معاك باسبور له شنة و رنة, و ستعيش فى بلد فيها قانون يحترم.. لا يمكن التعدى عليك, و اذا تم لا قدر الله, حقك هيرجع لك تالت و متلت..

لو وضعت كل الاعتبارات اللى فوق دى كمكتسبات مادية بالاضافة للفلوس.. فطبعا كندا افضل من الخليج و اى دولة بمراحل.

ايه فايدة ان معاك مليون جنيه و تصحى الصبح تلاقى قيمتهم نزلت 5% لان قيمة الجنيه فى الحضيض و اترهس قدام الدولار؟

ايه فايدة ان معاك مليون جنيه و نصح الصبح تلاقيهم اتأمموا ولا ظهر قانون يتعدى على فلوسك.. او حتى البلد تفلس و يبقى معاك رقم على ورق؟؟!

نرجع بقى لمسألة هل انت مؤهل لسوق العمل الكندى؟

علشان تبقى مؤهل لسوق العمل الكندى, لازم تتعب, علشان الشهادة بتاعتنا متسواش تلاتة ابيض..

لازم تدرس من اول وجديد.. و تاخد خبرة من اول و جديد.. ده من الاخر.

عندك استعداد تتعب و تدرس سنتين او تلاتة لغاية اما تبقى مؤهل لسوق العمل.. يبقى اتوكل على الله..

معندكش استعداد, يبقى خدها من قصيرها احسن و خليك فى الخليج.

مفيش حاجة ببلاش كده.. كل شىء بمقابل.

العيب الوحيد فى كندا هو الضرايب المرتفعة بشكل جنونى, و ده راجع لانها دولة ذات طابع اشتراكى رأسمالى مختلط.

تم تعديل 4 يناير 2013 بواسطة ViralMind

[herohero]

عموما كندا مستقبل دائم اما الخليج فهو مسكن او حل مؤقت او هروب مؤقت جدا انما كندا فقصة مختلفة طبعا وماينفعش تحسب هجرة كندا او استراليا بحسابات الفلوس

تم تعديل 4 يناير 2013 بواسطة herohero

[mohamedta]

معلش يا جماعة حد يرد على البوست يتاعى طيب

انا مقدرتش اسكت على الى انا قريتو ده

الاستاذة سكره واضح انك فى الامارات

و الى عايشين فى الامارات دايما بتبقى ماديتهم متعذره عشان مغريات الشراء كتير عن السعودية ده غير غلاء المعيشة ولكن دلوقتى خلاص اعتقد السعودية فى خلال سنة سنتين هتعدى الامارات و قطر بمراحل لان النمو هنا رهيب

ما علينا

النقطة الى ما عجبتنيش فى كلامك بصراحة موضوع ان الهنود بيشتغلو بجنيه و عندهم خبرة احسن من المصريين معلش انا اسف انى اقولك لا انتى غلطانة

اذا كان الهندى او الباكستانى بيشتغل بجنيه فا داه لان خبرته تساوى جنيه و الانسان هو الى بيصنع نفسه فى سوق العمل مش جنسيته و فيه حالاات كتير جدا المصريين فيها عندهم خبرة احسن من مليون هندى و بيحطو المرتبات الى هما عايزنها و بينافسو و بياخدو المرتبات ديه

الموضوع مش بالى بياخد مرتب اقل الموضوع بجودة العمل و اتقاء ربنا فيه

مع الشكر

مع احترامي لكلام حضرتك بس حضرتك لسه عايش في القصه الخيبانه اللي بيضحكو علينا بيها في مصر " المصري و جبروته " اللي يروح اي مكان الناس تقول وااااااااااااو مصري ده العبقري بتاع الكره الأرضيه ... هي دي المشكله انكو بتستقلو بباقي البشر على الكره الأرضيه و العنصريه بتجري في دمنا كرات دم حمرا و بيضا و عنصريه ... زي ما فيه مخ عند المصريين الهنود برده عندهم مخ ولا الا مكنوش اقوى رابع جيش على العالم ... مكنوش صنعو عربيات السوزكي... مكنش بقى ليهم سمعه في مجال الألكترونيات

انا مش جايه ادافع عن الهند انا بس جايه اصحح معلومه ... ثانيا بقى و ده الأهم اه فيه ناس بتاخد ارقام زي كده بس عشان تدخل لصاحب العمل اضعافها و ده بقى مش بالجنسية زي ما انت ما قلت ده بالمهارة و الكواليتي بتاعة الشغل و دي برده تقدر تلاقيها في كل الجنسيات مش في الجنسية المصريه بس

و زي ما حد وضح قبل كده للأسف فيه ناس عشان بس تخرج بره مصر بترضى باقل المرتبات و للأسف بتنزل من الحد الأدنى للمرتبات بتاعة المهنه ... يعني لو الحد الأدنى للمهندس 10000 درهم او ريال او جنيه مصري ... ممكن تلاقي واحد يرضى ب 5000 عشان بس يبعد عن البلد و قرفها و بكده يقلل رنج المرتبات من 10000 ل 5000 لمجرد ان فيه ناس قبلت بالرقم ده

يا ستى انا و لا عايش فى قصة خيبانه و لا حاجة و ولا بستقل بباقى البشر و لا حاجة بس على الاقل مبستقلش بالمصريين

هحكيلك قصة ظريفة جدا حصلت معايا انا شخصيا انا كان عندى مدير المانى الجنسية

كان كل ما بيناقش شغلى يقولى انتو المصريين دايما كده على طول بصين للدنيا وردى و كان مفيش مشاكل خالص و ادانى مثل ان المصرى و المصريه ممكن ينامو جعانين بس على اساس ان بكره احسن و انا كنت دايما اقوله على الاقل بينامو مرتاحين البال

كان فيه منظره ما بينى و بينو على حاجة معينة فى الشغل انى ادى كرديت ابروفال لشركة و هو متاكد ان الشركة ديه مش هتدفع لنا و قعد يقول بأ انتو المصريين دايما كده مبتفكروش بعقلكم " على فكرة الالمان عنصريين شويه " المهم الشركة دفعت لينا قبل ميعاد الدفع الفعلى بى 30 يوم

و من ساعتها كل ما بشوف المدير الالمانى ده بقوله ايه رايك فى المصريين دلوقتى ردو دايما

"i never understood you , so i will never underestimate you again !!!"

ممكن تكون ديه قصه خيبانه بس انا متاكد ان فيه مصريين كتير ذى بيثبتو نفسهم الحمد لله و الهندى او لباكستانى مش اوحش مننا

بس مش احسن مننا بردو

مع الشكر

تم تعديل 5 يناير 2013 بواسطة mohamedta

[المخنوق دائما]

"i never understood you , so i will never underestimate you again !!!"

رائعه وأعجبتني

[كيموكيمو]

السلام عليكم ورحمة الله

انا لي تجربتين واحدة في الخليج دبي والسعودية لمدة تلات سنين اشتغلت فيهم ليل ونهار ....تعبت جدا ..عملت فلوس كويسة ..بس مينفعش اضيع عمري في ظروف عمل وحياة زي اللي شفتها في دبي والسعودية.....حتي لو مصر ام البهدلة اللي يعمل قرشين بالخليج يرجع يكمل بهدلة بمصر احسن بيهم .

التجربة التانية انا دلوقتي فيها من اوربا ومن السويد تحديدا

الغربة قوية جدا جدا ولاتقارن بالغربة في الخليج ..

هنا مفيش بهدلة خالص

الحياة هنا مترفها جدا وراقية جدا احترام .....و رقي .... نظام اجواء رائعة...و رفاهية .... خدمات رائعة

الفلوس في اوربا انا من تجربتي طبعا افضل بكتير يعني العامل هنا في السويد او النرويخ او حتي المانيا وهولندا لو اشتغل في مطعم بيتزا بيعمل 1500 يورو شهريا يعيش ب 500 يورو عيشة ملتزمة متوسطة ويحوش 1000 يورو..بس مهم يكون عنده اوراق اقامة رسمية

اما اصحاب المهن المهارة والشهادات بخبرة كويسة معقولة بيوصل مرتبهم من 2500 يورو الي 7000 الف يورو

وعلي فكر الحد الادني للرواتب في السويد 23 الف كرونة يعني حوالي 3500 دولار ممنوع اي حد يشتغل اقل من كدة

اقدر اعيش 1500 دولار الي 2000 دولار كعائلة زوجين وطفلين.. بس طبعا انا في مدينة عادية مش العاصمة وبعيش عيشة كويسة ملتزمة بالسكن والمعيشة والسكن رخيص شوية لاني مش في العاصمة ولا في مركز مدينة كبري انا عايش بضواحي مدينة كبيرة.. و اقدر اشتري عربية كويسة جدا العربيات المستعملة رخيصة جدا ومع وشوية رفاهية وادخر الباقي.... وكمان المدام بتشتغل فبنقدر نعمل فلوس كويسة جدا كل شهر

.....

ملحوظة اي طفل بالسويد مقيم او متجنس او لاجيء لة راتب من يوم والدته الي ان يتم 18 عام ....وعلشان كدة اطفالي عندهم رواتب من الحكومة السويدية ؟؟؟

معلومات سريعة عن الفرق بين السويد والخليج

مدارس اطفالي خمس نجوم مجانا

العلاج والصحة كلها مجانا سواء اشتغلت او لا لان الضمان الصحي للكل

اجازة 40 سوم بالسنة مدفوعة الاجر مع مكافاة نص شهر

بالسويد هنا لو اطردت من العمل وانا مقيم يعني اجنبي وافد بس معايا اقامة دائمية

نظام السوسيال ومكتب العمل السويدي بيوفرو ليا فور ايجار السكن وبيدفعوا مرتب شهري لكل فرد بالاسرة يخلينا اعيش حياة كويسة وادخر شوية مش زي لو اشتغلت بس طبعا انا كدة باشاا وانا عاطل

وتامين صحي مجانا الخ

حاجات كتير قوي فرق كبير

كفاية الجنسية السويدية بعد خمس سنيين اقامة دائمة

هنا بالسويد انا بعمل فلوس اربع اضعاف اللي كنت بعملة في الخليج وعايش مترفة حياة كريمة

بعمل سياحة زي خلق الله الاوربيين بس بمزانية محدود في كل اوربا وبنزل مصر سنويا

انا عايش الحمدالله حياة غاية في الروعة اوقات عمل محددة 8 ساعات بيئة عمل ممتازة انا وزوجتي واولادي تعليم راقي مجانا مستحيل يتوفر في مصر في المدارس الاجنبية

زوجتي ولدت طفلنا التاني هنا لو تشوفو الرعايا 9 شهور ومجانيا زي الفل وولدت فيصري فاتورة المستشفي 47 الف كرونة 7 الف دولار التامين الصحي بيدفعها ..علي فكرة التامين الصحي مجانا يعني الشغل بيدفعة لك ولو عاطل الدولة هيا اللي تتحمل

بس الغربة هنا في السويد واوربا الشمالية الاسكندتافية صعبة قووووووي مفيش فرحة في الاعياد ورمضان والمناسبات ..الناس هنا قليلة جدااااااااااااااااا ....مفيش اجتماعيات ....... مصيبة ان الاطفال يكبرو هنا بتخوفنا لاننا بنربي اطفالنا علي الدين والتقاليد بس لو طفل او طفلة كبرو وعاوزين يعملو اللي عاوزينة مش هنعرف نسيطر عليهم والدولة هتحميهم مننا ؟؟؟ علشان كدة انا والمدام قررنا البنت تكبر 13 سنة علي طول المدام والاطفال يرجعو مصر وانا اكمل كم سنة وارجع

صراحتنا الفرق كبييرررررر قوي ولايقارن بين اوربا دول الشمال الاسكندنافي والخليج ..في الحياة والعيشة والحقوق والفلوس

بس المهم توصل بلد اوربي كويس وتظبط نفسك ...

محدش يقولي المصريين والعرب والافارقة في الشوارع باوربا انا بتكلم علي شمال اوربا مش اوربا القديمة ايطاليا وفرنسا واسبانيا واليونان الخ

تم تعديل 20 يناير 2013 بواسطة كيموكيمو

[كيموكيمو]

حبيت اعلق علي موضوع المصري وجبروتة يعني انا قعدت اضحك ههههههههههههههههههههههههههههههههههههه فعلا اسطورة المصري وجبروتة ..علي فكرة يعني في اوربا مفيش اي اهمية للمصري او غير المصري الاهمية هنا للشخص لو عنده حاجة تميزة ..بالكتير قووووي لو حد علق علي انك مصري بيذكر الاهرمات وابوالهول ...

والمصيبة الكبري انا اغلب السويدين اللي راحو مصر للسياحة كانو بيتكلمو عن تجربة سلبية زي الزفت عن زيارة القاهرة ووبيشكرو في شرم والاقصر وماشابهم ..وكانو بيتكلمو عن تلات حاجات ..الوساخة والزبالة وعدم النضافة ...الغش واسلوب المضايقات ...الفوضي والبيئة الملوثة ومحدش فيهم كانو بيقولو كلمة خير عن القاهرة ..

بس كانو معجبين ..شرم والجونة والغردقة الخ

فبلاش موضوع المصري وجبروتة دا بجد .....زانا في الغربة في الخليج واوربا ..كنت بلاحظ اهمية الموضوع دا عند العرب كله مش المصريين بس دا العرب كلهم طلعو بيعانو من نفس المرض

تكلم العراقي معتبر نفسة العراقي اسد بابل الجبار ...والسوري معتبر نفسة الدمشقي الشامي الجبار ...والفلسطيني والخليج اللي معتبر نفسة شيخ مشايخ مجلس شيوخ امريكا ...الخ الخ يعني في تقريبا مركب نقص عند العرب ....السويدين علي فكرة محدش فيهم مهتم اهتمام خاص بتارخية نهائيا

بعضهم بيكرة تاريخة لان تاريخهم حضارة الفايكنج ..... وكانت حضارة قوية بس اشتهر عنها في فترة استخدام سياسية القرصنة والدموية ..فبعض السويدين بينتقد حضارته ...وعلي فكرة ان مش معجب بالانسان السويدي ان بحترم عقلة ونظامة ... بس للاسف هم عندهم انهيار ديني واخلاقي كامل

تم تعديل 20 يناير 2013 بواسطة كيموكيمو

[egyptawy]

السلام عليكم ورحمة الله

انا لي تجربتين واحدة في الخليج دبي والسعودية لمدة تلات سنين اشتغلت فيهم ليل ونهار ....تعبت جدا ..عملت فلوس كويسة ..بس مينفعش اضيع عمري في ظروف عمل وحياة زي اللي شفتها في دبي والسعودية.....حتي لو مصر ام البهدلة اللي يعمل قرشين بالخليج يرجع يكمل بهدلة بمصر احسن بيهم .

التجربة التانية انا دلوقتي فيها من اوربا ومن السويد تحديدا

الغربة قوية جدا جدا ولاتقارن بالغربة في الخليج ..

هنا مفيش بهدلة خالص

الحياة هنا مترفها جدا وراقية جدا احترام .....و رقي .... نظام اجواء رائعة...و رفاهية .... خدمات رائعة

الفلوس في اوربا انا من تجربتي طبعا افضل بكتير يعني العامل هنا في السويد او النرويخ او حتي المانيا وهولندا لو اشتغل في مطعم بيتزا بيعمل 1500 يورو شهريا يعيش ب 500 يورو عيشة ملتزمة متوسطة ويحوش 1000 يورو..بس مهم يكون عنده اوراق اقامة رسمية

اما اصحاب المهن المهارة والشهادات بخبرة كويسة معقولة بيوصل مرتبهم من 2500 يورو الي 7000 الف يورو

وعلي فكر الحد الادني للرواتب في السويد 23 الف كرونة يعني حوالي 3500 دولار ممنوع اي حد يشتغل اقل من كدة

اقدر اعيش 1500 دولار الي 2000 دولار كعائلة زوجين وطفلين.. بس طبعا انا في مدينة عادية مش العاصمة وبعيش عيشة كويسة ملتزمة بالسكن والمعيشة والسكن رخيص شوية لاني مش في العاصمة ولا في مركز مدينة كبري انا عايش بضواحي مدينة كبيرة.. و اقدر اشتري عربية كويسة جدا العربيات المستعملة رخيصة جدا ومع وشوية رفاهية وادخر الباقي.... وكمان المدام بتشتغل فبنقدر نعمل فلوس كويسة جدا كل شهر

.....

ملحوظة اي طفل بالسويد مقيم او متجنس او لاجيء لة راتب من يوم والدته الي ان يتم 18 عام ....وعلشان كدة اطفالي عندهم رواتب من الحكومة السويدية ؟؟؟

معلومات سريعة عن الفرق بين السويد والخليج

مدارس اطفالي خمس نجوم مجانا

العلاج والصحة كلها مجانا سواء اشتغلت او لا لان الضمان الصحي للكل

اجازة 40 سوم بالسنة مدفوعة الاجر مع مكافاة نص شهر

بالسويد هنا لو اطردت من العمل وانا مقيم يعني اجنبي وافد بس معايا اقامة دائمية

نظام السوسيال ومكتب العمل السويدي بيوفرو ليا فور ايجار السكن وبيدفعوا مرتب شهري لكل فرد بالاسرة يخلينا اعيش حياة كويسة وادخر شوية مش زي لو اشتغلت بس طبعا انا كدة باشاا وانا عاطل

وتامين صحي مجانا الخ

حاجات كتير قوي فرق كبير

كفاية الجنسية السويدية بعد خمس سنيين اقامة دائمة

هنا بالسويد انا بعمل فلوس اربع اضعاف اللي كنت بعملة في الخليج وعايش مترفة حياة كريمة

بعمل سياحة زي خلق الله الاوربيين بس بمزانية محدود في كل اوربا وبنزل مصر سنويا

انا عايش الحمدالله حياة غاية في الروعة اوقات عمل محددة 8 ساعات بيئة عمل ممتازة انا وزوجتي واولادي تعليم راقي مجانا مستحيل يتوفر في مصر في المدارس الاجنبية

زوجتي ولدت طفلنا التاني هنا لو تشوفو الرعايا 9 شهور ومجانيا زي الفل وولدت فيصري فاتورة المستشفي 47 الف كرونة 7 الف دولار التامين الصحي بيدفعها ..علي فكرة التامين الصحي مجانا يعني الشغل بيدفعة لك ولو عاطل الدولة هيا اللي تتحمل

بس الغربة هنا في السويد واوربا الشمالية الاسكندتافية صعبة قووووووي مفيش فرحة في الاعياد ورمضان والمناسبات ..الناس هنا قليلة جدااااااااااااااااا ....مفيش اجتماعيات ....... مصيبة ان الاطفال يكبرو هنا بتخوفنا لاننا بنربي اطفالنا علي الدين والتقاليد بس لو طفل او طفلة كبرو وعاوزين يعملو اللي عاوزينة مش هنعرف نسيطر عليهم والدولة هتحميهم مننا ؟؟؟ علشان كدة انا والمدام قررنا البنت تكبر 13 سنة علي طول المدام والاطفال يرجعو مصر وانا اكمل كم سنة وارجع

صراحتنا الفرق كبييرررررر قوي ولايقارن بين اوربا دول الشمال الاسكندنافي والخليج ..في الحياة والعيشة والحقوق والفلوس

بس المهم توصل بلد اوربي كويس وتظبط نفسك ...

محدش يقولي المصريين والعرب والافارقة في الشوارع باوربا انا بتكلم علي شمال اوربا مش اوربا القديمة ايطاليا وفرنسا واسبانيا واليونان الخ

ربنا يوفقك

طيب ممكن تقولنا كيفية الهجرة للسويد لانى الا انا عرفه ما فيش هجرة وصعب حد يجيلوا شغل

ولا حضرتك كان معاك الجنسية

[كيموكيمو]

ربنا يوفقك

طيب ممكن تقولنا كيفية الهجرة للسويد لانى الا انا عرفه ما فيش هجرة وصعب حد يجيلوا شغل

ولا حضرتك كان معاك الجنسية

صحيح مفيش هجرة لاي دولة اوربية بشكل عام زي كندة مثلا.....بس دايما اي حد بيسافر حتي لو بالمراكب اللي بتغرق يقولو علية هاجر لاوربا ؟؟

بس اللي بيحصل ان الشخص بيوصل بأي طريقة ويبدء يظبط نفسة بشغل واوراق ومع الوقت يستقر ...بس اذا سافرت من نفسك لازم يكون معاك بعد التوكل علي الله..((معاك حد يساعدك او معاك فلوس )) والا هتكون مغامرة صعبة وهتستخدم الحلول الكلاسيكية ....زي الزواج او العمل الاسود ..او اللجوء...او او؟

بالنسبة لي الموضوع كان بشكل هأدي ..لاني سافرت بفيزا شنجن بشكل عادي جدا وكان معايا فلوس حوالي 15 الف دولار .. وقررت اني اسافر.... نزلت أجرت سكن في مناطق العرب علشان اعمل علاقات تساعدني..وبداءت ابحث عن عمل في كل مكان .... الفيزا الشنجن مكنتش تسمح اني اشتغل كتصريح عمل ...ومفيش اي عمل متوفر فعلا بسهولة لازم اوراق وعلاقات ومساعدات ..ووقت طويل ... والعمل المتوفر بالتنظيف بالمطاعم و بالاسود يعني غير قانوني ...

بعد اربع شهور من البحث بلا جدوي قالو لي اما تقدم لجوء انساني او سياسي بالسويد او تحاول تنزل المدن النائية ...بالشمال .او تشتغل شغل الاسود..؟؟

المهم ان بعد 9 شهور من الضغط ربنا وفقني ووجدت عمل تحت التدريب في مزرعة لشخص سويدي عندة فيها معامل البان و ومعمل معالجة الاخشاب ..ومعصرة الخ مزرعة ضخمة ..اشتغلت فيها في شغل اسمة تكويد يعني نظام ترقيم للخشب وللحيوانات ولكل شجرة مع بياناتها وتاريخ حياتها ..طبعا مكنش عندي لغة الا الانجليزية فكنت بشتغل كمساعد في العمل بس الانجليزية كانت مساعد لي جدا ..وطبعا كنت شغال مع اتنين عرب وهم اللي جابو لي الشغل جزاهم الله الف خير

...وبعد التدريب ومكنتش باستلم فلوس نظام بركتيك وفقا للقانون بس مصاريف النقل والغداء ....بعدها قال لي الرجل اني برغم اني مش علي المستوي المطلوب بس ان ادراكي في فهم الشغل معقول جدا

وعمل لي عقد وعملت اوراق لمدة سنتين واخدت اقامة مؤقتة لمدة سنتين ..واجرت سكن بالمنطقة لعائلتي ودفعت ضرايبي واشتركات نقابات الخ لمدة سنتين ومكنتش اقدر ادخر جنية ..علشان اقدر احول الاقامة لدائمية ... وانفصل عن العمل في اي وقت اريد واكون تحت رعاية الضمان الاجتماعي وابحث عن عمل اخر ...بس انا استمريت بالعمل وانتقلت مستوي اخر في العمل في مدينة اخري بها عملية الشحن للبضائع...والحمد الله علي كل شي ..وبعد حصولي علي الاقامة الدائمية ... المدام قدرت تشتغل عن طريق مساعدة ودعم مكتب العمل السويدي لانه بيكون المسئول عن تدبير عمل للمقيم او المتجنس ....والحمدالله

طبعا ان النهاردة اجازة فبدردش قووووي في الكتابة :)

تم تعديل 20 يناير 2013 بواسطة كيموكيمو

[egyptawy]

ربنا يوفقك ويكرمك