اعمل ايه اول ما اخد الباسبور والتأشيرة من مكتب السفريات

[moustafa wagdy]

دلوقتى لما اخد الجواز من مكتب السفريات واحجز تذكرة الطيران اعمل ايه اول ما انزل جده يعنى الاتصال يكون مع مين واروح فين او اتحرك ازاى وازاى ادور على سكن يعنى هل فى

مكاتب مختصة او سماسرة زى عندنا والنظام عندهم بيكون ازاى

ياريت الخطوات اللى المفروض الواحد يعملها من اول ما اخد الباسبور والتأشيرة من مكتب السفريات لحد ما استلم الشغل

[herohero]

دلوقتى لما اخد الجواز من مكتب السفريات واحجز تذكرة الطيران اعمل ايه اول ما انزل جده يعنى الاتصال يكون مع مين واروح فين او اتحرك ازاى وازاى ادور على سكن يعنى هل فى

مكاتب مختصة او سماسرة زى عندنا والنظام عندهم بيكون ازاى

ياريت الخطوات اللى المفروض الواحد يعملها من اول ما اخد الباسبور والتأشيرة من مكتب السفريات لحد ما استلم الشغل

هو لو انت رايح ع شغل مش فيزا حرة ف كثير من الشركات فيه حد بيقابلك ف المطار من طرف الشركة وبيوديك سكن الشركة او بتنزل ف فندق قريب من الشغل غلابا الشغل بيدفع ثمنه وثاني يوم ف شغلك هيبعتوك تعمل التحاليل وياخذ صور شخصية وجواز سفرك والبدأ ف عمل اجراءات الاقامة

-----------

اما لو فيزا حرة فيفضل ان يكون فيه حد معرفك هتروح فين او هتنزل ف أي فندق لو مكنش ممكن تسأل هنا ف المنتدى المنطقة اللي هتنزل فيها الاماكن اللي فيها فنادق سعرها حنين وتتصل بالكفيل اللي انت شاري منه التاشيرة وتبدا ف الاجراءات اللي هتكون متحمل تكلفتها المادية كلها ومن ثم تستخرج الاقامة وبعد ماتستخرج الاقامة تقدر تبدا ف الرخصة

[moustafa wagdy]

طيب لو افترضنا ان مفيش حد من الشركة استقبلنى فى المطار هيكون الحل ايه وانا مش اعرف اى حاجة هناك دى اول مرة انزل السعوديه

[حسام الغرباوي]

طيب لو افترضنا ان مفيش حد من الشركة استقبلنى فى المطار هيكون الحل ايه وانا مش اعرف اى حاجة هناك دى اول مرة انزل السعوديه

مفيش حاجة اسمها افرض ههه

لو رايح علي عقد لازم حد بيقابلك هناك امال هتعرف الشركة والسكن وهتوصلهم ازاي

لازم تكلمهم قبل ما تسافر وتظبط معاهم كل حاجة

[AbuZeyad]

طبعا قبل ما تسافر لازم يكون معاك عنوان الشركة + اكتر من تليفون للاتصال (موبايلات وارضي)

غير كدا كلمهم اكتر من مرة علشان تاكد عليهم ينتظروك

لو فرضنا اسوا الاحوال ولقيتش حد في المطار خلي اي تاكسي ياخدك يوديك شقق فندقية

بس بلاش تاخد التاكسي اللي واقف قدام صالة الوصول على طول حاول تشوف اي واحد بيوصل الناس من المطار بيكون ارخص