هل فى خطورة لو سافرت السعوديه من غير عقد عمل

[moustafa wagdy]

دلوقتى شركة التوظيف اللى فى مصر اتصلت بيا وقالتلى ان التأشيرة جاهزة واروح اخدها وادفع 3000 جنيه عمولة المكتب طبعا التأشيرة جايه محاسب عام

المهم قلتله طيب انا مش مضيت عقد عمل قالى اتصل بالكفيل اللى عمل معانا المقابله شوفه هيبعتلك العقد هنا ولا هتمضيه هناك

اتصلت بيه قالى العقد هتمضيه فى السعودية ومتخفش بنفس الحاجات اللى اتفقنا عليها

وانا خايف ومقلق بصراحة دا طبيعى انى امضى العقد هناك ولا اعمل ايه قبل ما ادفع عمولة المكتب ارجو الرد ضرورى لانى رايح اخد الباسبور السبت

ولما اروح هيكون الوضع ازاى

[AbkaReno]

متدفعش اي مصاديف وتقول للمكتب انه ملزم يجيبلك العقد موثق علشان مش هتديله فلوس غير لما تستلم العقد

ونصيحه لو عملت كده يبقا بتضمن حقوقك وتصون كرامة المصريين

[moustafa wagdy]

شكرا جدا على ردك طيب لو المكتب رفض او الكفيل رفض ان يبعت العقد ..... اعمل ايه مع المكتب وليه الشركة مش عاوزة امضى العقد هنا

[AbkaReno]

علشان لما تروح هناك هيقلك يا تاخد راتب مثلا 2000 ريال يا اما تدفعلنا مصاريف التآشيره ونزلك نهائي وده وارد جدا وبيحصل

[moustafa wagdy]

علشان لما تروح هناك هيقلك يا تاخد راتب مثلا 2000 ريال يا اما تدفعلنا مصاريف التآشيره ونزلك نهائي وده وارد جدا وبيحصل

صح حضرتك كلامك صح جدا انا خلاص هكلم الشركة لاما تبعت العقد ونمضية ونوثقه هنا لاما يخدوا الباسبور ويشبعوا بيه وانا اطلع بدل فايد والعوض عليا فى مصاريف النت

صح كده