الي دولة رئيس الوزراء هشام قنديل

[Scorpion]

ابنى يا حبيبى ممكن تفهمنى الشخصيات اللى بتهل علينا فى التليفزيون والمؤتمرات الصحفية دول مين؟؟..

مناصبهم إيه فى الدولة اللى إنت رئيس وزرائها دى؟؟..

ينفع يعنى اللى بيقوله السيد الشاطر فى مؤتمر صحفى مذاع ده؟؟.. ينفع يقول إنه التقى بكل المستثمرين عشان مش عارف مشاريع إيه؟؟.. بيلتقى بصفته إيه؟؟.. يابنى إنت مش عندك وزير استثمار؟؟.. طب ينفع يقول إن أجهزتهم كإخوان وكإسلاميين رصدت، من مصادر مختلفة، لقاءات بين أطراف دولية وإقليمية وداخلية كانت بتحط مخططات، وقعد يوصف المخططات ويبنى استنتاجات لحد ما حسينا إننا وقعنا فى حجر جميع الأجهزة الاستخبارية الشرسة وداخلين على الحرب العالمية التالتة؟؟.. جاب منين كل الرصد ده؟؟.. أدواته إيه؟؟.. وإحنا ماعندناش الأدوات دى ليه؟؟.. أنا عايزة أرصد أنا رووخرة.. عايزة أعرف منافسينى بيخططولى إيه مع منظمات المافيا والياكوزة اللى فى نفس كارى.. ثم يستطرد أن بعض المكالمات التليفونية التى كانت تدور فى كواليس البرامج الإعلامية مسجل لدينا... إلخ إلخ!!.. يا حبيبى مش عندك وزارة داخلية وأجهزة أمن دولة ولّا وطنى.. سموها زى ما تسموها.. هى فى الآخر طربوش بزر.. تجيبه قدام.. تجيبه ورا هو زر طربوش.. يرصد ويسجل بصفته إيه؟؟.. ناهيك عن إن دى جريمة فى حد ذاتها.. طب لما إنت سايب الناس دى ترصد وتسجل وتتعدى على خصوصيات الناس وتعلن ده فى مؤتمر صحفى قدام العالم كده.. مفترض نثق فى أى إجراء رقابى بعد كده، من حيث نزاهته وحياديته وقانونيته إزاى؟؟.. ورغم إنه استهل حديثه بأنه هنا بصفته عضواً فى الجماعة وائتلاف مش عارف إيه إلا أنه مع السخونة انطلق فى التهديد والوعيد كأنه هو كل الحكومة وكل الوزراء وكل الشعب.. وده يثبت إنك يابنى.. ضحية

اسعاد يونس

[أسد]

حكومة قنديل حكومة مسخ

مناظر وفقط

حكومة لم تقم بعملها.. الأزمات كل يوم .. لم تعالج أي أزمة

لم تبادر حتى بخطة لأي شئ

ولا حتى الأمن عاد زي مابيقولوا ..

وكل الدنيا فوضى في فوضى

مفيش شرطة في البلد تقدر تحمي حد

رئيس الوزراء الذي إختفى في أوج أحداث الأسبوعين الماضيين .. وظهر علينا البلتاجي والعريان وصفوت والشاطر وبديع (مع ححفظالألقاب)

هذا القنديل الذي إنطفأ وقت أن كنا في إنتظار أن يتحدث إلينا

كان من الأجدر أن يظل منطفئاً ومختفياً ولا يظهر علينا إلى الأبد

للأسف ..

هذا رئيس وزراء طرطور

للأسف قد أخرجني عن وقاري في الحديث عنه

[أبو محمد]

من يومين اجتمع الشاطر مع وزير الداخلية لمناقشة "تطهير وزارة الداخلية"

مش عارف ما اخدش رئيس الوزراء أو رئيس الجمهورية فى إيده ليه وهو رايح الاجتماع ؟

[Scorpion]

من يومين اجتمع الشاطر مع وزير الداخلية لمناقشة "تطهير وزارة الداخلية"

مش عارف ما اخدش رئيس الوزراء أو رئيس الجمهورية فى إيده ليه وهو رايح الاجتماع ؟

لأن لما الأبطال يتكلموا الكومبارس تقعد في البيت يا ابو محمد

[Alshiekh]

منذ بداية فتح الباب لانتخابات الرئاسة والزج أو الدفع بالإستبن وسيناريو وصول الإخوان وليس محمد مرسي للحكم والوضع الذي نعيشه الآن كان حاضرا بقوة لكل من عرف الإخوان المسلمين.

الإستبن ليس له أي خبرات ولم يكن له أي طموح رئاسي وبالتالي لم يكن لديه تصور معين لكيفية إدارة دولة ولم يمارس في حياته سوى مهنة أن يكون مدرس ( جامعي ) أو خطيب في بعض المساجد أو الزوايا.

عندما سمى محمد مرسي هشام قنديل رئيسا للوزارة، تسائلت كثيرا، هشام قنديل المسئول عن مشاكل مياه الشرب والري في الوزارة السابقة يسمى رئيسا لوزراء النظام الجديد؟ إذن فلنستعد لمزيد من الكوارث، وفعلا على بداية عهده بالوزارة كانت ازمة الكهرباء ومياه الشرب قد طلت بوجهها القبيح بتخطيط الطرف الثالث الذي رأي إرضاء الشعب على طريقة الحاخام واليهودي الفقير، فقاموا بافتعال كارثة الكهرباء ومياه الشرب لمدة شهر ثم اعادوها لسابق وضعها ليقولوا للناس ، " لقد تغلبنا على مشكلة الماء والكهرباء وهو بالطبع مالم يحدث.

لماذا توقعتم أن يكون لدى هشام قنديل خطة او خطط للمستقبل وهو لايملك سلطة قرار لاهو ولا رئيسه؟

السلطة ياسادة في يد الطرف الثالث، في يد من يلتقون السفيرة الامريكية ومن يقابلون المسئولين الامريكيين والاجانب.

السلطة في يد من يذهب الضيوف لزيارتهم حين وصولهم ارض مصر.

السلطة في يد من يعقدون المؤتمرات الصحفية والتليفزيونية ويتحدثون حديث الجالسين على الكرسي.

كرسي الخلافة

[وطني حر]

ماذا لو يكون رئيس الوزراء الجديد من الحزب الحاكم .

والوزراء ومن تحت قبه البرلمان كلوهم من الاخوان وانصارهم وحنا نتفرج اربع سنوات وبعدها نقررر ......

[Scorpion]

تلك القبلة هي التي باركت طريق حصوله علي وظيفته الجديدة .. و عليه دوره ليس اكثر من خولي عزبة الأخوان التي تدعي مصر .. و الخولي دوره دور خيال مآتة في عزبة مماثلة ..

[أبو محمد]

تلك القبلة هي التي باركت طريق حصوله علي وظيفته الجديدة .. و عليه دوره ليس اكثر من خولي عزبة الأخوان التي تدعي مصر .. و الخولي دوره دور خيال مآتة في عزبة مماثلة ..

فوتوشب

أوشاعااااااااااات

يا رااااااااااااجل

بقى هشام إخوانى ؟

حقا .. ده إلا هشااااام