هل يفكر مبارك فى التنحى ؟؟؟ ولا ايه الحكاية

[محمد شلبى]

ما فيش فايدة h): تم تعديل 14 يناير 2005 بواسطة محمد شلبى

[Cleo]

هل يفكر مبارك فى التنحى ؟؟؟

أعتقد أنه قد آن الأوان للشعب أن يتنحى هو... فالحكام هنا ملك الموت فقط هو الذى ينحيهم..

[ابو يوسف]

دعونا نهتف من القلب ....

...

...

لا تتنحى !!

يقول الزعيم عن المواطنين ( اللى هما احنا ) :

"وأوضح الرئيس أن لدينا تواصلا جيدا مع المواطنين‏,‏ ولسنا منعزلين عن الشعب‏,‏ ولا يمكننا أن نعمل من أجل رفاهة الشعب ومصلحته‏,‏ دون أن نلتقي مع الناس ونتحدث معهم‏"

و يتحدث عن صديقه شارون فيقول :

"وأكد مبارك في حديثه أن شارون قادر علي صنع السلام مع الفلسطينيين ‏,‏ وأنه بعد أن أجري معه محادثات ولقاءات عديدة‏,‏ يعتقد أنه مستعد للسلام‏"

أما عن علاقتنا بالحبيبة الغالية اسرائيل فيبدع و يقول :

"وقال الرئيس‏:‏ إننا نبذل قصاري جهدنا لتأمين الحدود المصرية ـ الإسرائيلية‏,‏ ونرحب باستمرار العلاقات الجيدة مع الإسرائيليين‏,‏ مؤكدا ضرورة أن يكون هناك تعاون بين الجانبين‏,‏ وألا نلقي بالمسئولية علي طرف ونترك الآخر‏.‏ وأكد أننا ليست لنا مصلحة في أن تتسرب أي أسلحة إلي غزة‏"

وعن الكويز ..

"وأشار إلي أن بروتوكول الكويز مع الولايات المتحدة وإسرائيل بداية جيدة للغاية‏,‏ كما أن الأمر يشكل تواصلا جيدا بين مصر وإسرائيل بمساعدة الولايات المتحدة‏"

مش قادر أكمل ...

ح أهتف أحسن ...

...

...

لا تتنحى !! h):

[se_ Elsyed]

و يتحدث عن صديقه شارون فيقول :

"وأكد مبارك في حديثه أن شارون قادر علي صنع السلام مع الفلسطينيين ‏,‏ وأنه بعد أن أجري معه محادثات ولقاءات عديدة‏,‏ يعتقد أنه مستعد للسلام‏"

أما عن علاقتنا بالحبيبة الغالية اسرائيل فيبدع و يقول :

"وقال الرئيس‏:‏ إننا نبذل قصاري جهدنا لتأمين الحدود المصرية ـ الإسرائيلية‏,‏ ونرحب باستمرار العلاقات الجيدة مع الإسرائيليين‏,‏ مؤكدا ضرورة أن يكون هناك تعاون بين الجانبين‏,‏ وألا نلقي بالمسئولية علي طرف ونترك الآخر‏.‏ وأكد أننا ليست لنا مصلحة في أن تتسرب أي أسلحة إلي غزة‏"

وعن الكويز ..

"وأشار إلي أن بروتوكول الكويز مع الولايات المتحدة وإسرائيل بداية جيدة للغاية‏,‏ كما أن الأمر يشكل تواصلا جيدا بين مصر وإسرائيل بمساعدة الولايات المتحدة‏"

بعد التصريحات دي نقدر نقول بالفُم المليان إن الراجل كِبر وما بقاش عارف هو بيقول إيه

معقول ؟!!!!!

بقى شارون اللي طوب الأرض بيشهد له إنه خنزير بدرجة سفاح .. ومش بس كده لأ ده المعارضة الإسرائيلية نفسها بتلعن سلسفيل أجداده في كل مناسبة وتتهمه وإبنه بالسرقة وبإنه يقود إسرائيل لحتفها ، يقوم ييجي رئيس دولة عربية إسلامية في حالة حرب دائمه مع إسرائيل ويغازله ويكيل له المديح ...

وتلاقي شارون خد البؤين الحمضانين دول وبروزهم في اوضة المسافرين اللي عنده دليل على إعتزازه بتصريحات حبيبه مبارك ...

وأنا نفسي أسأل الريس .. هو بيتمحلس لمين ؟

لإسرائيل اللي لسه دابحه 8 فلسطينيين النهاردة طازة وبنار الفرن وآلاف مثلهم في الشهور الماضية وكل ذنبهم إنهم بيدافعوا عن أرضهم ومقدساتهم المحتلة ؟

ولا بتتمحلس لأمريكا عشان تضمن الكرسي وناسي إن ربنا يؤتي المُلك من يشاء وينزِع المُلك ممن يشاء ويعز من يشاء ويُذل من يشاء ؟

ومش بس كده ده راح حط على روسنا طين في تصريحاته الأخيرة اول أمس ويقولك إذا القوات الأمريكية أنسحبت من العراق هاتقوم حرب أهلية ...!!!!!!!!!! rs: :) طب نروح لمين ونقول يا مين وحسبنا الله ونعم الوكيل .

وهل لم تتوقع يا سيادة الرئيس القائد بإن التاريخ سوف يُسطر تلك الكلمات بمدادٍ أسود في حقك ؟

------

للأسف هذا ما نتحدث عنه دائماً .. تفريط مستمر في كرامة الشعب المصري .. وياريت بمقابل !!!!

دي لا مؤخذه العاهرة اللي بتشتغل بائعة هوى على النواصي وبيتبيع كرامتها وشرفها بتاخد مقابل ... إنما إحنا باللي بيعملوا الريس ده يومياً .. من كويز ... ومن مغازلة لإسرائيل .. ومن إفرج عن جواسيس صهاينة .. وعبادة لأمريكا من دون الله ..... ومن إستعباد الشعب المصري ... كله يعتبر فريييييي وبدون أي مقابل ..... سوى مقابل واحد فقط وهو الجلوس على العرش ودلدلة الرجلين في وشنا لاطول فترة ممكنة ..

ويقولك أنا قرفان أرشح نفسي لكن إذا الشعب يوماً أراد الحياه فسأنحني لإرادة الشعب ...

يا عم كفاية إنحناء بقى جيبتلنا آتب في ظهورنا وبقى منظرنا - لا مؤخذه - مش كويس وإحنا مطاطيين كده على طول ...

بلا قرف

[ابو يوسف]

سى السيد ...

عندك حاجة للغثيان ...؟؟؟؟

:)

[se_ Elsyed]

سى السيد ...

عندك حاجة للغثيان ...؟؟؟؟

:)

طلبك عندي يابو يوسف .. إنت تؤمر يا حبيبي

إقرأ البؤين الجايين دول بتوع عمك سمورة قبل الاكل وفي وسط الأكل .. وإنت هاتلاقي نفسك عال العال ...

المساء 16/1

في اجتماع النادي السياسي للحزب الوطني بحضور الشريف والشاذلي و9 وزراء

كميات كبيرة من الأرز والدقيق والسكر والمسلي في المجمعات ..

اللحوم السودانية تصل اليوم.. والخراف تباع في 5 آلاف منفذ

تخفيف مناهج الثانوية العامة..ابتداء من العام القادم

الحوار بين "الوطني" والأحزاب.. بعد أجازة العيد

عمرك شوفت فيلم خيال علمي عن دولة إسبرطة القديمة أو قارة أطلانتيكس المفقودة من 6 آلاف سنة .. ولقيتهم بيتكلموا عن المخلوقات الخرافية اللي فوق دي ؟

بأحسب الحزب الحاكم بيناقش تكوين هيئة من خيرة العلماء لدراسة خريطة الجينات الوراثية الجديدة اللي هاتعمل ثورة في علاج تشخيص الأمراض ... أو طرق جديدة لإستصلاح الأرض الزراعية .. او وسائل مبتكرة لتنمية الثروة السمكية اللي بنسمع عنها فقط وما بنشوفهاش ...

إنما أحنا في سنة 2005 بعد الميلاد ودول لسه بيتكلموا عن إستيراد الخرفان من دول العالم المتقدم زي السودان وأثيوبيا و عن السكر والزيت وإزاي يدوا للشعب صابونه ....

... تقدر تستأذن يا أبا يوسف وتروح الحمام عشان الغثيان اللي عندك .. لحد ما نصرف لك نص لمونه على بطاقة التموين الذكية ...

[ابو يوسف]

يا دوبك خرجت من الحمام ..

اتفرجت على لقاء العربية ...

جريت على الحمام تانى !!

معندكش حاجة للحمل !!! :)

[se_ Elsyed]

معندكش حاجة للحمل !!! :)

لأ عندي وصفات لمنع الحمل نوهائي rs:

وهي إن الواحد يواظب على سماع خُطب للرئيس مبارك ( ماشاء الله اليومين دول .. ماسورة خُطب وأحاديث ضربت في مختلف تليفزيونات العالم ... ده غلب عبيط القرية الجذافي يا جدع ) وأنا متأكد إن في خلال عدة أسابيع سيُصاب الشخص بحالة مرضية غريبة تُمسمى في العُرف الطبي بإنقطاع الخلف الفُجائي ..

وبكده تبقى الدولة ضربت عصفورين بحجر :

1- العصفور الاول : إنها تحاصر الناس بصورة الرئيس اللي بقت على السجاجيد وفي محاطات المترو وفي براويز الصور وفي جميع محطات التليفزيون وقريباً على مجلات أغلفة مجلات الأطفال ( ميكي وسمير وتان تان ) .

2- العصفور الثاني : تحد من التناسل المتزايد في الشعب المصري اللي ما وراهوش حاجة فالناس بتسلي نفسها في الخلفة عشان تجيب عيال تطلع همها عليهم وتفش غليلها فيهم .

مع تحيات حسانين ومحمدين تو ساوزند فايف .

[achnaton]

وبعدين معاكم .. ما كانش سؤال ده ..!! أيام ما كنت بألبس شورت .. وطربوش احمر " بزر اسود " - علم الحزن الوطنى ايام الملك فاروق - كان طلبة الجامعة بتقتحم علينا الفصول فى المدارس الأبتدائى وهم يصرخون من قلوبهم " اليوم اضراب .. وغدا اضراب .. وبعد غد اضراب .. الى ان يرحل الغراب الغراب - وكنا نسأل بعضنا .. وكبارنا .. يرحل فين وهو كما تقول حاشية الفساد " ساكن فى القلب " .. ؟؟ قالوا فى هتاف آخر ردا على تساؤل الصغار .. " الى انقرة .. يا ابن .............. " وعرفنا ايامها اين تقع انقره .. وخرجت الينا كوكب الشرق بأغنيتها الفريده .. " وما نيل المطالب بالتمنى .. ولكن تؤخذ الدنيا غلابا " .. ورددناها وراها .. وحصل اللى حصل ... وبالأمس القريب غنينا بضرورة رحيل " غراب الخراب " .. تاجر المنجة السودانى .. وطيروه .. وجاء ت حداية بداله .. بدل المنجنة السودانى " جابت اللحمة السودانى " .. ولما تصر الغربان والحيتان والسلعوات على الحاجات السودانى .. يبقى مفيش قدامنا غير " الفول السودانى " اللى بيرموه للقرود فى جنينية المحروسة للحيوانات .. ومن هنا تخرج بنتيجة ثابته .. احنا اصبحنا قرود .. واللى مش عاجبه يثبت لنا أنه من آكلى اللحوم .. بس مش لحوم حى الخليفة اللى أخذت شهادة الصوت العالى أنكر الأصوات .. وحسبى الله ونعم الوكيل .. <span style='font-family:arial'></span>

ups: taz:: taz:: taz:: taz:: taz::

تم تعديل 19 يناير 2005 بواسطة achnaton

[مصر عشقى]

فى رحلة من رحلات المنحنى بالطيارة ومعة زوجتة وخليفتة اكتشف 200 جنية من العملة المحلية فى جيبة فقال لزوجتة اية رأيك ارميهم من الطيارة ودول هيسعدوا اسرتين , فردت طيب متفكهم خمسينات ويسعدو اربع اسر فرد الخليفة , طيب منفكهم عشرينات ويسعدوا عشر اسر واختلفوا واحتكموا للطيار فقال لو رميتو الراجل دة هتسعدوا الشعب كلة

وكل سنة وانتم طيبين وياريت بعد عشرين سنة منتكلمش فى الموضوع دة تانى

تم تعديل 19 يناير 2005 بواسطة مصر عشقى