ودائعنا فى البنوك

[egyptawy]

يعني لو الدولار بقى بعشره جنيه هيبقى ضميركم مستريح قدام ربنا في الناس اللي كان عندها ألف جنيه و اصبحوا 600 بسبب انخفاض قيمة العملة؟

أنتو أحرار

و الجميع حر

دي مجرد نصيحه و اللي شاكك في مصداقيتها يستحمل مخاطرة شكوكه

ما تئلش كده يازهيرى

انت نسيت اننا معنا مشروع النهضة وهيطبقه الشاطر وبديع

ده بكرة الدولار يبقى ب 20 قرش بس

اتقوا الله بقى وكفاية افترا ومؤمرات على البلد

مين دول اللي يتقوا الله ويبطلوا مؤمرات علي البلد...

...،.....،.

يعني في موضوع اخر ...بتقول الغلط مفيش اسهل منه...

وبعدين هنا ترمي غيرك بالتهم....!!!؟؟

رغم ان اللي بيخالفوا رأيك ...بيتكلموا من وجهة نظر صحيحة. لان تغيير الجنيه بالدولار. بطريقة عشوائية. تعتمد على الافتراضات هو امر يسبب كارثة. للبلد

- ياريت تقول رايك وتحذر زي ما انت عايز بس لا تتهم غيرك في ضميره او في افكاره. دون دليل ودون داعي اساسا

لان. المسارعة بالخطأ. والقاء التهم هو اسلوب ضعاف الحجة

تحياتي

انت ليه دايما بتتسرع وتفهم كلامى غلط

انا كلامى بوجهه لزهيرى باقله كفاية موامرات على البلد كنوع من انواع الاسقاط السياسى على الاخوان عشان التيار الاخر اسهل حاجة عنده القاء التهم جزافا واتهام كل معارض بانه متامر وخاين وعميل لا لشى الا لانه فكر يقف قدام قطر الاخوان

تحياتى

تم تعديل 28 ديسمبر 2012 بواسطة egyptawy

[egyptawy]

الازمة اليومين دول سببها اغلاق البنوك فى اوربا وامريكا بمناسبة اعياد الكريسماس والسنة الجديدة فمفبش تحويلات من الحارج وده بيعمل ضغط على السوق المحلى --ساعد فى الازمة هبوط البورصة المصرية وعدم الاستقرار فى الاسواق مما ادى الى خروج المستثمرين الاجانب والصناديق الاجنبية وطبعا الاموال اللى بتخرج بتتحول دولار --نهاية السنة المالية للبنوك والمؤسسات المالية وصناديق الاستثمار الاجنبية فبعضها بيضطر الى تقثيل بعض المراكز المالية او تسييل جزء من محافظها المالية لصرف الارباح لعملائها وطبعا كله بيخرج بالدولار- ---طيب والحل ايقاف استيراد السلع التى لها بديل محلى لمدة ستة اشهر مثلا -- مثل الماكولات والمشروبات والياميش وبعض السلع الكمالية التى لها بديل محلى - -العمل على عودة السياحة فى اقرب وقت-ان يقوم المصريين بمبادرة عدم الحج والعمرة هذا العام لمن سبق له تادية المناسك من قبل --طرح مشاريع واراضى للمصريين بالخارج بالسعار مناسبة ويكون الدفع بالعملة الاجنبية --تقليل البنوك المصرية للاحتياطيات بالعملات الاجنبية لضخ سيولة بالاسواق --وربنا يهدي اخواتنا حكومات الدول العربية ويؤلف بين قلوبنا

انا ناقل الراى ده واتمنى يكون صح

[egyptawy]

اللهم انك تعلم ان مصر هى امل العرب فلا تخذلهم فينا

اللهم احفظ مصر فان سقطت مصر فاى دولة عربية ستخيف التتر

[Abu Reem]

علشان الكلام يكون برده موثق....لما قلت ان مسألة شراء الدولار به مخاطرة مساوية لمخاطرة عدم شراؤه

فلنرى هذا الخبر....واظن الكثيرين يعلمون ان امريكا منذ فترة طويلة تسير بقوة في مسألة التيسير الكمي...وطباعة الدولارات بالمليارات....

ومنذ فترة وهي تعاني من ازمة ومازالت تجعل قيمة الفائدة مقاربة للصفر....

وهناك العديد من الخبراء بتوقعون انهيار اقتصادي لامريكا ولدولارها...

واترككم مع هذا الخبر..من موقع مصراوي

أخبار النهاردة

أقل من 100 ساعة تفصل أمريكا عن ''السقوط في الهاوية''.. (تقرير)

الرئيس الأمريكي باراك أوباما

12/28/2012 6:27:00 PM

القاهرة- قال تقرير صحفي نشر، الجمعة، إن الرئيس الأمريكي باراك أوباما وزعماء الكونجرس من جمهوريين وديمقراطيين، عادوا إلى طاولة المفاوضات في محاولة جديدة لتحاشي الوقوع في ''الهاوية المالية''.

وأضاف التقرير الذي نشرته ''العربية'': الوقت ضيّق بالفعل، فقانون الخفض الضريبي الذي أقرّه الرئيس السابق جورج دبليو بوش تنتهي مفاعيله في أول العام 2013 وهذا يعني العودة الى مستويات ضريبية عالية على كل طبقات الدخل عند الأمريكيين وتتراوح بين 1700 دولار سنوياً لمنخفضي الدخل وتصل الى 254 ألف دولار على أصحاب المداخيل من مليون دولار وما فوق.

لكن الهاوية أعمق من ذلك، فمع أول العام، أي بعد أقل من مائة ساعة ستضطر الدولة الأمريكية لوقف برامج حكومية كثيرة وتلغي عقوداً مع متعهدين وسيعني هذا خسارة الآلاف من العاملين مع الدولة لوظائفهم فيما مستوى البطالة مرتفع فوق 7 بالمئة.

وهناك أسوأ من هذا، تعطي الخزانة الأمريكية دعماً للقطاع الزراعي ويعمل من خلاله منتجو الحليب ومشتقاته على سعر تعود عليه الأمريكيون ويتراوح بين 3 و4 دولارات وإن لم يتم إقرار بند الزراعة سيرتفع سعر غالون الحليب بدولارين كما يرتفع سعر المحروقات ايضاً لأن أسعار الذرى المدعومة من الحكومة وتستعمل في تصنيع البنزين سيرتفع سعرها بعدما تخسر الدعم.

الصورة تبدو قاتمة لذلك يريد الرئيس الأمريكي أن يصل الى حلول وهناك صورتان مختلفتان لما يجري بين الجمهوريين والديمقراطيين والبيت الأبيض، فمن جهة يريد الرئيس الأمريكي رفع الضرائب على أصحاب الدخل ما فوق 250 ألف دولار والمحافظة على تعويض البطالة لمليونين من العاطلين وإجراء خفض في الصرف الحكومي وعدل موقفه بالقول إن الضرائب يجب أن ترفع على أصحاب الدخل ما فوق 400 ألف دولار.

تم تعديل 28 ديسمبر 2012 بواسطة Abu Reem

[أبو محمد]

إطمئنوا يا جماعة

ما قالوش كلمة ورجعوا فيها

وهاهو 2012 قارب على الانتهاء .. هانت

الله أكبر وليخسأ أعداء النجاح

[باهى الطائر الحزين]

% 65 منها بح الحكومه استولت

بآذون خزانه / باب خلفى لوضع اليد

واللى مش مصدق يجرب يسحب

ماهو احنا عصرنا الليمونه وانتخبناهم

علشان نكون غنيمه ليهم

تم تعديل 29 ديسمبر 2012 بواسطة باهى الطائر الحزين

[أسد]

يا أبو ريم

الله يكرمك ياشيخ

حتى دي فيها كده ....

دي واضحة للأعمى والضرير .. واللي مايشوفش من الغربال يبقى أعمى

مش معقول كل حاجة فيها مبالغة .. وفيها كذب .. وفيها رغبة في تدمير البلد والاخوان

وافشالهم

مش معقول كده .. حرام بجد

الغريبة بقى .. إن عمركم ماحد فيكم قال إيه اللي بتعمله الحكومة علشان تنهض باقتصاد البلد وتهرب من أسر الدولار للجنيه.. الدولار اللي أمريكا حتطبع منه بالعبيط ... وحيبقى مرطرط

ماهي رؤية الإخوان أو الرئيس الإقتصادية

فين الحكومة اللي ممكن تطبق أي خطة مهما كانت

حكومة قنديل الإمعة.. الفاشل.. الخائب ؟؟؟؟

الحقيقة أن كلامكم في الموضوعات الجادة بيظهر معدنكم الصحيح...

[MZohairy]

يعني لو الدولار بقى بعشره جنيه هيبقى ضميركم مستريح قدام ربنا في الناس اللي كان عندها ألف جنيه و اصبحوا 600 بسبب انخفاض قيمة العملة؟

أنتو أحرار

و الجميع حر

دي مجرد نصيحه و اللي شاكك في مصداقيتها يستحمل مخاطرة شكوكه

وممكن العكس يحصل يا مان .. فى كلتا الحالتين فيه مخاطره .. لكن مصلحة الدوله تيجى قبل مصلحة الافراد عشان كده المخاطره الامثل اننا نسيب الفلوس فى البنوك ومنسحبهاش او نغيرها دولارات .. ريح انت نفسك بس ومتشكرين على النصيحه يا مان

عكس ايه اللي يحصل يا محمود؟

الجنيه يبقى بعشره دولار يعني؟

هاتلي مره في حياتك شوفت الجنيه بيعلى و الدولار بيوطى ....ممكن الجنيه يثبت او يطلع كام قرش

انما يعلى علو دراماتيكي ماحصلش ابدا و مش هيحصل بكل تأكيد في الوضع الزباله اللي مصر فيه حاليا (اقتصاديا)

يا جدعان لو الموضوع الاقتصادي صعب عليكم بلاش تفتوا و اسئلوا حد تثقوا فيه بس نصيحتي مايبقاش اخوانجي عشان ميوله ماتخليهوش يكذب عليكم غصب عنه

الدولار حاليا بسته جنيه و 18 قرش تقريبا

الاحتمالات اتنين...........

يا يفضل الوضع كما هو و الجنيه ما ينزلش و يفضل ماسك نفسه...و يبقى التغيير لدولار في الحاله دي لم يضر صاحب الفلوس

او الجنيه يتهاوى امام الدولار و يبقى كده اللي معاه مبلغ ما حافظ على قيمته بالتغيير للدولار

تقدر تفهمني عكس ايه اللي هيحصل؟

ماكنتش متخيل ان موضوع بسيط شارح نفسه بنفسه زي ده محتاج جدال و تخوين

عموما انا مستني افهم موضوع العكس ده و على الله تطلع فكره ليها معنى

تم تعديل 29 ديسمبر 2012 بواسطة mzohairy

[herohero]

ياجماعة الخير

الدولار لما وصل 7جنيه ف عهد عاطف عبيد هل كنتوا موجودين ساعتها ؟يعني الكلام ده كان ف 2001 ع ما أتذكر والبلد مشيت وبتتعكز

-فاكرين اشاعه بنك فيصل وقالت البنك هيفلس والحق اسحب فلوسك طبعا ده كانت اشاعه مدروسة هل بنك فيصل فلس

اللي فاهمين ف الاقتصاد اكيد عارفين تأثير أي كلام ع الوضع الاقتصادي

محدش بيقول ان الوضع اللي ف مصر صح وطبعا هو كان غلط من فترة ومش سهل انه يتصحح وللاسف الوضع السياسي بقى همنا حاليا

لكن مازلت متأكد ان مايعرضه الاعلام ليس حسن النية ولا له هدف وطني فالاعلام اما مؤيد ع طول ومخلي الدنيا وردي او مسودها على طول ومخليها ظلمة وداخلين ف حارة سد وكله حسب تمويل القناة وسياسة ومصالح صاحب القناة

[التونسى]

أوضح الدكتور صلاح جودة، مدير مركز الأهرام للدراسات الاقتصادية، الدولة المصرية لا يمكن ان تفلس، مشيرا إلى أن مصر تستطيع أن تسدد خدمات الدين الخارجي بكل يسر، و التي و صلت إلى 34 مليار دولار عن طريق أقساط تصل إلى مليار دولار كل عام.

و أضاف خلال مداخلة هاتفية له في برنامج «صباح الخير يا مصر»، أن الوضع البنكي و المصرفي امن، إلا أنه حذر من خطورة الوضع الاقتصادي إذا استمر الحال كما هو عليه، و لم تستطع البلاد زيادة الموارد.

و أشار إلى أن حكومة الدكتور هشام قنديل تسير على نهج حكومة الجنزوري السابقة، منوها أن الحكومة تستطيع أن ترشد من إنفاقها، عن طريق إعادة النظر في دعم المحروقات الذي يصل إلى 3/4 ميزانية الدعم.

و نوه عن أن مصر تنتج 18 مليار متر مكعب غاز سنويا تصدرهم جميعا بحيث أن المتر المكعب بـ10 سنت و تستورده ب3 دولارات، فيما يعد إهدار للموارد المصرية.

[التونسى]

يعني لو الدولار بقى بعشره جنيه هيبقى ضميركم مستريح قدام ربنا في الناس اللي كان عندها ألف جنيه و اصبحوا 600 بسبب انخفاض قيمة العملة؟

أنتو أحرار

و الجميع حر

دي مجرد نصيحه و اللي شاكك في مصداقيتها يستحمل مخاطرة شكوكه

وممكن العكس يحصل يا مان .. فى كلتا الحالتين فيه مخاطره .. لكن مصلحة الدوله تيجى قبل مصلحة الافراد عشان كده المخاطره الامثل اننا نسيب الفلوس فى البنوك ومنسحبهاش او نغيرها دولارات .. ريح انت نفسك بس ومتشكرين على النصيحه يا مان

عكس ايه اللي يحصل يا محمود؟

الجنيه يبقى بعشره دولار يعني؟

هاتلي مره في حياتك شوفت الجنيه بيعلى و الدولار بيوطى ....ممكن الجنيه يثبت او يطلع كام قرش

انما يعلى علو دراماتيكي ماحصلش ابدا و مش هيحصل بكل تأكيد في الوضع الزباله اللي مصر فيه حاليا (اقتصاديا)

يا جدعان لو الموضوع الاقتصادي صعب عليكم بلاش تفتوا و اسئلوا حد تثقوا فيه بس نصيحتي مايبقاش اخوانجي عشان ميوله ماتخليهوش يكذب عليكم غصب عنه

الدولار حاليا بسته جنيه و 18 قرش تقريبا

الاحتمالات اتنين...........

يا يفضل الوضع كما هو و الجنيه ما ينزلش و يفضل ماسك نفسه...و يبقى التغيير لدولار في الحاله دي لم يضر صاحب الفلوس

او الجنيه يتهاوى امام الدولار و يبقى كده اللي معاه مبلغ ما حافظ على قيمته بالتغيير للدولار

تقدر تفهمني عكس ايه اللي هيحصل؟

ماكنتش متخيل ان موضوع بسيط شارح نفسه بنفسه زي ده محتاج جدال و تخوين

عموما انا مستني افهم موضوع العكس ده و على الله تطلع فكره ليها معنى

يا مان .. فك الودائع اولا حيكون بخساره .. ثانيا تغيير الجنيه للدولار حيكون بسعر مرتفع .. ثالثا الناس اللى بتعيش من ريع الودايع حتضطر تصرف من المبلغ الاصلى . رابعا انت حتضر الاقتصاد المصرى اساسا بسحبك الفلوس من البنوك .. لانك حتقلل حجم الفلوس اللى بتستخدم فى المشاريع الاستثماريه .. يعنى سحب الفلوس خساره من كافة النواحى .. وخساره مستمره .. وفعلا الدولار نزل من 7 جنيه وكسور فى 2003 ووصل ل5 وكسور .. والجنيه الاسترلينى وصل ايضا فى نفس الوقت ل 12 جنيه وكسور .. وايام الازمه الاقتصاديه 2008 نزل ل 8 وكسور .. انا السنه دى على فكره سنة 2008 خسرت حوالى 20 الف جنيه مصرى لانى كان معايا مبلغ ما استرلينى ولم افكه للمصرى على امل ارتفاع الجنيه الاسترلينى .. ولكن حدث العكس .. وخسرت زى ما قلت 20 الف جنيه مصرى بين يوم وليله

عامة ربنا يسترها ان شاء ومتشكرين تانى على نصيحتك انت والاخوه الافاضل ... وعن نفسى مش حسحب ولا مليم ان شاء الله .. ومستعوض ربنا مقدما .. والله جاب الله خد الله عليه العوض

[Abu Reem]

يا أبو ريم

الله يكرمك ياشيخ

حتى دي فيها كده ....

دي واضحة للأعمى والضرير .. واللي مايشوفش من الغربال يبقى أعمى

مش معقول كل حاجة فيها مبالغة .. وفيها كذب .. وفيها رغبة في تدمير البلد والاخوان

وافشالهم

مش معقول كده .. حرام بجد

الغريبة بقى .. إن عمركم ماحد فيكم قال إيه اللي بتعمله الحكومة علشان تنهض باقتصاد البلد وتهرب من أسر الدولار للجنيه.. الدولار اللي أمريكا حتطبع منه بالعبيط ... وحيبقى مرطرط

ماهي رؤية الإخوان أو الرئيس الإقتصادية

فين الحكومة اللي ممكن تطبق أي خطة مهما كانت

حكومة قنديل الإمعة.. الفاشل.. الخائب ؟؟؟؟

الحقيقة أن كلامكم في الموضوعات الجادة بيظهر معدنكم الصحيح...

يعني كلامك ده اسميه ايه ؟؟؟؟؟

انت بس داخل تطلع كرهك للاخوان ولمرسي في انا

انا باتكلم كلام موضوعي ومفهوم لاي واحد فاهم اقتصاد ومتابع الاخبار الاقتصادية جيدا

فيه ازمة في مصر .... نعم

في ضعف في الاداء وعدم وضوح للخطط وولطريق .. نعم ... لكن ده بسبب حزب الفاشلين اللي تكاتف مع فلول مبارك لعمل فوضى وتخريب كل يوم واعتصمات وخناقات وكلام فاضي. لاشعال مرسي بهذه الامور. ولو انت مش شايف من الغربال ده تبقى مشكلتك

- في ازمة في امريكا وفي توقعات عديدة يعرفها اي واحد عنده خبرة ومتابعة للاقتصاد الامريكي .....هذا موجود ومداخلتي المنقولة من موقع مصراوي هتلاقي فيها توضيح للكلام ده. وهو في النهاية ليس كلامي انا

اما كلامك عن حكومة قنديل وعدم وجود خطط... فكلنا عارفين ان حكومة قنديل باعتبارها اول حكومة شالت الحمل الثقيل وعايشت هذا القرف والصداع الذي تقوم به احزاب المعارضة لابد لها ان تعجز عن تقديم اكثر من ذلك في ظل هذه الظروف

وياريت لو كنت تقولنا يعني من الذي نجح من قبل في ظل استقرار الاوضاع علشان نقارن بينه وبين اي حكومة هتيجي وتنجح في ظل هذا الغموض الحادث الان

مرسي تسلم دولة منهارة وظل يكافح اولا مع المجلس العسكري حتى يستطيع ان بنتزع صلاحياته اولا

ثم ظل يكافح مع الفاشلين في انتخابات الرئاسة ومع كارهي الاسلاميين ومع بقايا رجال مبارك وهذا كله لكي يشكل ويكون هياكل الدولة ومؤسساتها من برلمان وشورى ودستور. وقضاء

وهو حتى الان لم ينتهي من اعادة ترتيب البيت واحلال اهل الثقة والكفاءة محل اهل المصلحة واهل الانتقام

فهل كل هذا الغربال المليء بالثقوب والحفر لا تراه انت وجاي تحاسب رجل لم يكمل حتى سنة واحدة في حكمه ولم يتسلم دستور ولا برلمان ولا حكومة جديدة..؟؟؟؟

فاي خطط واي تطور تريد ان تراه قبل ان يكون لنا دستور ويكون لنا برلمان يراقب حكومة جديدة تتشكل بعد اعتماد العمل بالدستور

اذا كنت تتكلم عن الانصاف وعن الخطط فكان يجب ان تعلم انه في الدول المحترمة يتم الحكم على اداء الرئيس بعد انتهاء مدته. وبعد ان يتسلم عمله في دولة متكاملة بها دستور وبها برلمان وبها قضاء عادل وليس مسيس

هذا في الدول المستقرة ...... اما في دولة مازالت خارجة من حكم قمعي فاسد على مدار عشرات السنين... ومازال فيها الفساد يحارب الرئيس الشرعي

ومازالت الدولة فيها لم يكتمل تشكيلها .... فبأي منطق وانصاف تريد ان تحكم فيها على اداء اي رئيس واي حكومة......

فكيف بعد ذلك تتكلم عمن لا يرى من الغربال...!!!؟؟؟. اذا كنت لم ترى كل هذه الكوارث وكل هذه الظروف التي يعمل فيها مرسي.... وتريد ان تحكم عليه فيها بعد 6 شهور او حتى سنة

فاذا كانت امريكا منذ سنوات وهي تواجه ازمة طاحنة يعرفها العالم كله منذ عام 2008 ومع ذلك يزداد الوضع فيها سوءا وهى الدولة المستقرة العظمى

هل نجحت امريكا من ازمتها التي بدأت في الظهور من 2008 ومازالت بعد اربع سنوات تترنح،،، فكيف لمصر ان تنجو من ازمة استمرت 30 سنة ان تنجو منها في 6 شهور او سنة

هذا هو سؤالي وردي على مداخلتك المليئة بالشخصنة والتي لم اقرأ فيها سوى الشكوى من اداء مرسي وحكومته

ولم ارى فيها اي تفنيد للكلام الذي نكتبه... فاذا كنت ترى تدليسا او اخطاء فيما نكتبه فلتواجهنا به بدلا من الشكوى والقاء التهم كأننا نتكلم بدون ضمير ولا منطق

.

[أبو يمنى]

مرسي تسلم دولة منهارة وظل يكافح اولا مع المجلس العسكري حتى يستطيع ان بنتزع صلاحياته اولا

ثم ظل يكافح مع الفاشلين في انتخابات الرئاسة ومع كارهي الاسلاميين ومع بقايا رجال مبارك وهذا كله لكي يشكل ويكون هياكل الدولة ومؤسساتها من برلمان وشورى ودستور. وقضاء

وهو حتى الان لم ينتهي من اعادة ترتيب البيت واحلال اهل الثقة والكفاءة محل اهل المصلحة واهل الانتقام

حقيقة أخي أبو ريم أن توصيفك هذا دقيق جداً ، والكثير من معارضي الرئيس يتغافلون عنه .

بل والأدهى من ذلك أن البعض كان يدعم وجود كل هذه العقبات في طريق الرئيس طالما أنها سوف تسهم في تقييد مسيرة البناء .

تم تعديل 29 ديسمبر 2012 بواسطة أبو يمنى

[egyptawy]

بصراحة انا تيقنت انى الاخوان ما فيش امل فيهم

حكومة فاشلة بتطبق سياسة فاشلة لقيادة بلا رؤية وطنية

هما ممكن يكون عندهم رؤية وخطة لتثبيت اقدام الجماعة ولكن ما عندهمش خطة ولا رؤية لتنمية الوطن

وبعدين هما دايما جاهزين ودايما شماعة الفشل جاهزة وهى انى مرسى استلم دولة منهارة

وانا باقول انى مرسى حتى لو استلم دولة منهارة فهى على الاقل كانت دولة

اما الان نرى الاخوان يفككون الدولة ويحولهوها لدولة ميليشيات وعصابات وبلطجة وصوت عالى وديكتاتورية فاشية لنكميم كل الافواه المعارضة بل وتشويها كمان حتى لا يبقى على الساحة غيرهم

انا مش عارف ليه الاعضاء حولوا الموضوع لسياسى الموضوع اقتصادى بحت وبناقش فيه سياسة حكومة قنديل الفاشلة الا ابتدا تاثيرها يبان على كل مواطن مصرى شاء ام ابى ومع ذلك مازال البعض يطالبنا بالا نشتكى ونصرخ والا فنحن اما فلول مبارك او خونة يتم تمويلنا تمويلا خارجيا

مع انى جماعة الاخوان هى الجماعة الوحيدة الغير معروف مصادر تمويلها

هل مازلنا مصريين ؟

اوليس من حقنا انتقاد السياسة الفاشلة

اذا كان هذا الحال معنا بعد 6 شهور طيب الاخوان هيعملوا ايه لما يتم تثبيت اقدامهم فى الحكم

احب اختم بحاجة انا لا اثق فى الاخوان وسياستهم لانهم متلونون ومنافقين وهذا عينة

الاخوان ايام مبارك على القدس رايحين شهدا بالملايين

وبعد تصريحات العريان اعتقد بعد كده لازم يقولوا على القدس رايحين نجيب اليهود وراجعين

اخيرا وليس اخرا

لقد تيقنت تمام اليقين ان مشكلتهم لم تكن ابدا مع الديكتاتورية

ولكن مشكلتهم كانت وستزال انى الديكتاتور ليس منهم

مشكلتهم لم تكن قمعية النظام

ولكن مشكلتهم انهم ليسوا القامعين

ابها الاخوان ان شاء الله سيحفظ الله مصر منكم ومن شرورككم وكما حفظها من الغزاة على مر العصور سيحفظها منكم

ان لم يكن اليوم فغدا وان لم يكن بايدينا فابايدى ابنائنا واحفادنا

تم تعديل 29 ديسمبر 2012 بواسطة egyptawy

[أسد]

الاخ أبو ريم

لن أرد عليك بما أنك اتهمتني بأني أشخصن الحوار معك مع أني كنت أتحدث بصفة الجمع ليس تفخيما لحضرتك ولكن متحدثا إلى الجماعة

ولن أزيد غير قولي بأن اﻷيام هي الكاشفة وسوف تظهر حقيقة الاخوان وحقيقة الباقين

[egyptawy]

ياجماعة ياريت حد يقولنا ايه اخبار البنوك

هل صححيح انها بترفض سحب دولار من الحساب اذا كان ليك حساب دولارى وبيدوك مكانه جنيه

[أبو يمنى]

أتفهم أن الإخوان فصيل من الفصائل له سلبياته وإيجابياته .

وأتفهم أن كل الفصائل المعارضة للإخوان لديها إيجابيات وأيضاً سلبيات قد تفوق في أحيان كثيرة سلبيات الإخوان .

ولكن لا زلت لا أفهم لهجة التخوين الصارخة للإخوان كوصفهم "بالغزاة" مثلاً !

عموماً باب التنافس لا يزال مفتوحاً ، ونأمل من التيارات المعارضة للإخوان أن تنزل إلى الشارع وتشارك في البناء وتري الشعب المصري من أنفسها خيراً ، فهذا هو الطريق الصحيح للمنافسة السياسية .

وتأكدوا أن أي فصيل سوف يتحول إلى الديكتاتورية سوف أكون في أوائل صفوف المعارضين له ، ولكن حتى الان لم أرى إلا نماذج هزلية من الديكتاتورية يطنن بها معارضي الإخوان لا تقنع طفلاً صغيراً .

وكذلك إذا رأيت من فصيل آخر غير الإخوان برنامجاً سياسياً قوياً ويفعّل تطبيق الشريعة بشكل أفضل فسوف أدعمه على الفور .

[ابراهيم عبد العزيز]

محدش بيقول ان الوضع اللي ف مصر صح وطبعا هو كان غلط من فترة ومش سهل انه يتصحح وللاسف الوضع السياسي بقى همنا حاليا

لكن مازلت متأكد ان مايعرضه الاعلام ليس حسن النية ولا له هدف وطني فالاعلام اما مؤيد ع طول ومخلي الدنيا وردي او مسودها على طول ومخليها ظلمة وداخلين ف حارة سد وكله حسب تمويل القناة وسياسة ومصالح صاحب القناة

بعض وسائل الإعلام دأبت في الفترة الأخيرة على تهويل الأمور , الغالبية منها تقوم بذلك بهدف الضغط على النظام المنتخب وإظهاره في صورة العاجز أمام الشعب

بعد إصدار الرئيس للإعلان الدستوري وجدنا وسائل الإعلام هذه تلوح بحدوث حرب أهلية !

وبعد إنتفاء ورقة الحرب الأهلية للغرض منها بدأت التلويح بورقة الإقتصاد المريض

صحيح أن هناك مشاكل متراكمة في الإقتصاد المصري عمقتها الأزمات السياسية المتلاحقة ولا شك

لكن أسلوب طرح بعض وسائل الإعلام هذه لمشكلة الإقتصاد المصري تثير الشكوك حول الهدف من هذا الطرح

فهي تقوم بالتهويل بترويجها لكلام مثل ( أن مصر على وشك الإفلاس , الودائع في البنوك وووو إلخ ) , ما الهدف من هذا التهويل ؟

الهدف هو أن يشيع الشعور بالقلق والخوف عند المواطنين على مدخراتهم , وفي هذه الحالة ينجرف الكثيرون منهم إلى التفكير الفردي في كيفية الحفاظ على قيمة مداخراتهم , مما قد يؤدي إلى أمور مثل :

- حدوث توجه جماعي لتحويل المدخرات من العملة المحلية إلى الدولار, فيزداد الطلب كثيرا مع ثبات المعروض فينقص الدولار في السوق ويحدث إنخفاض قياسي في سعر العملة المحلية أمام الدولار .

- حدوث توجه جماعي لسحب المدخرات من البنوك لشراء عقارات لأنها تمثل بالنسبة لكثير المواطنين مخزن قيمة أمن , فتنقص السيولة من البنوك و ترتفع أسعار العقارات إرتفاعات كبيرة نتيجة لزيادة الطلب , وبعد تجميد الاموال في العقارات سيصعب تسييلها مرة أخرى , وإن تم تسييلها فستكون بقيمة منخفضة كثيرا عن قيمة الشراء

وغير ذلك

وعند ذلك ستكون بداية مشكلة إقتصادية حقيقية وضخمة لا قدر الله

الحل يكمن في عدم الإنجرار وراء الشائعات التي تبثها بعض وسائل الإعلام عن الوضع الإقتصادي , والإعتماد على المؤسسات المختصة في مصر سواء الحكومية أو الخاصة من جهة أو الدولية المشهود لها بالنزاهة من جهة أخرى في الحصول على المعلومات التي تخص الوضع الإقتصادي في مصر .

تحياتي

تم تعديل 29 ديسمبر 2012 بواسطة ابراهيم عبد العزيز

[التونسى]

اللهم إحمنى من أبناء جلدتى.. أما أعدائى .. فأنا كفيل بهم

حتى الأن مفيش أمل فى المعارضه .. بقولها وكلى حزن .. مقدميش حاليا غير الاستمرار فى دعم الإخوان .. الجبهة السياسيه الوحيده التى تعمل على ارض الواقع .. بينما ينشغل الاخرون ببث الشائعات والقيل والقال واثارة الفتن والقلاقل .. وأسلوب فرد الملايه

تم تعديل 29 ديسمبر 2012 بواسطة محمود البصيلى

[egyptawy]

انا مش عارف ليه مصممين تحولوا الموضوع لسياسى قلتها الموضوع اقتصادى بحت وبنبحث تداعياته على الاسر المصرية

هى فوبيا المعارضة تضخمت قوى كده ليه وبقى اى حد ينتقد السياسة الاخوانية الفاشلة يبقى خاين وعميل

ارجو عدم تغيير سياق الموضوع فنحن لسنا هنا لا ثبات فشل السياسة الاخوانية

فسياستهم اصبحت على مرء وسمع كل العالم حتى دول العالم الثالث زى باكستان الا الحكام بتوعهم بيطنوهم وبيقوللهم اطمنوا مش هيبقى عندنا ديمقراطيىة زى ديمقراطية مصر

انا خايف بكرة رئيس وزراء الصومال يطمن الصوماليين ويقولهم اطمنوا مش هيبقى عندنا مجاعة زى مجاعة مصر

وختاما اللهم احمى مصر من الاخوان وديكتاتوريتهم ونفاقهم

تم تعديل 29 ديسمبر 2012 بواسطة egyptawy