ودائعنا فى البنوك

[egyptawy]

والله ماقاصد أي شئ لاي حد من الاخوة الافاضل اللي وارد جدا اكون انا اصغر منهم بس والله العظيم الدولار وصل ايام عاطف بيه عبيد 7.13 وانا زميلي كان شاريه ف الهوجة 6.30واتحايل عليا ووالدي قبلها بشهرين وقتها كان بدله 4.08

ياترى انتوا كنتوا معاصرين المرحلة ده ؟؟؟؟؟؟؟انا عندي 34 سنة أكيد حضراتكم حاضرين الكلام ده

طب حضر سنة 2006 الريال السعودي كان بكام ؟؟؟والله العظيم انا شاريه من الصرافه لان البنك قالي اخرك 2000ريال وايه رايكم لما سافرت وقبضت بالسعودي بقى 1.50 بالعافية بعدها

انا عارف ان كلامي مش عاجب كثير هنا بس والله العظيم انا بتكلم عن واقع حصل بل ماضي شوفناه وتاكيدا لكلام الاستاذ البصيلي الاسترليني كان مولع ساعتها 2003 لان كنت بمتحن امتحانات للاسف بالاسترليني

خلاصة القول بعيدا عن اللي مع مرسي او ضده او كان عاصر ليمونة او مش بالع الرئيس مرسي

اللي عاوز ينزل يفك وديعته انزل فكها وشوف بقى هتحط الفلوس فين ف السعودية ؟؟؟اللي ناقص تقول لنا من اين لك هذا ؟؟والكل عارف ان الدولار لازم هيزيد سعره ف كل الحالات لكن بكرر بلاش اننا نسود الدنيا ف كثير من الاحيان الواحد بيضطر يقول حالي زي حال غيري

-----------------

انا ف مصر حاليا والناس قوى شرائية فظيعه والله هايبر وان ضرب نار واشيك عربيات وسلع يعني مش مصر مفيهاش الا عشوائيات وبنشحت بطاطين من الامارات

زي ما في ناس عاوزة تخلي ده صورتنا ف الخارج وكلنا عارفين ان مرتبها ف شهر يحل أزمات لناس بسيطة

ربنا يطمنك

طيب ياجماعة مطلوب مننا نعمل ايه عشان نساعد بلدنا

يعنى لو حد عنده افكار يقولها يعنى لو السفينة بتغرق يبقى كل واحد يحاول يسد خرم عشان يمنع الغرق مش لازم ينط من المركب وينقذ نفسه وينسى اهل السفينة الا لهم افضال عليه

[ahmos1]

على اد ما انا مستمتع بمستوى التفاعل على ا\ ما انا حزين من اتهاماتنا فى بعض الاحيان لبعض و عدم تقبلنا للاخر

رأس المال جبان زى ما كلنا عارفين و طبيعى اننا نخاف على مدخراتنا اللى تعبنا فيها مع وصولنا لمرحله موش بسيطه من السن و دة لا يتنافى مع حبنا لبلدنا اللى موش محل تشكيك و مالوش علاقه بحب الاخوان او كرههم لكن فعلا حاله الشك و الخلاف دى اصبحت فى كل مكان

طبعا بعض الاخوه هنا مصممين انه مافيش خوف و بيفكرونى بأغنيه بوشناق لامونى اللى غاروا منى و قالوا لى و ايش عاجبك فيها قلت للى جهلوا فنى خدوا عينى شوفوا بيها او مثلنا المصرى مرايه الحب عمياء- الوضع فعلا سيئ و ينتظر معجزه اى واحد بيبص بهدوء شايف كدة انا لا مع الاخوان و الا ضدهم انا شايف تخبط و عدم كفاءة و تقاعس عن الاستعانه بأهل الخبرة و لايكفى الاخلاص فقط لادارة مثل هذه الازمه

[MZohairy]

اذا قدرت تسد الخرم و تنقذ السفينه من غير ما تغرق انت يبقى اهلا وسهلا طبعا

انما تنقذ السفينه و تنتحر تبقى اخواني على طول

[ahmos1]

http://t.co/ExkF1jUe

[Alshiekh]

السلام عليكم

مفيش شك إننا جميعا تعبنا وعملنا ونعم بجد كي نؤمن مستقبل لأولادنا ولمعاش يكفينا السؤال عند الكبر.

والأحوال الإقتصادية في البلد يكتنفها الغموض ولاتوجد سياسة واضحة للحكومة او الرئيس الذي لاندري إن كان هو الحاكم الفعلي للبلاد أم لا وحتى لو كان هو الحاكم الفعلي للبلاد فلم يبين لنا هو حكومته التي إختارها ماهية السياسة الاقتصادية في المرحلة القادمة .

وعلى المشهد السياسي لم يبادر الرئيس للم شمل القوى السياسية للمشاركة في اعباء المرحلة الحالية والمقبلة والتي لن يقوى عليها هو وفصيله المنعدمي الخبرات السياسية والاقتصادية وهذه حقيقة.

في ظل هذا السرد يجد كل منا انه في وضع لايحسد عليه، هل يفعل طبقا للمثل القائل " لو بيت ابوك خرب الحق لك منه قالب "،

أم نحاول ان نهدئ من روعنا وخصوصا القادرين منا ولانتهافت على البنوك لسحب ودائعنا وتجميدها في أي شكل آخر ، ذهبا كان أو عقارا او أرضا؟

في رأيي وهذا مافعلته فعلا أنني تركت الأمور تسير كالمعتاد ولكن بدون إضافة ودائع جديدة حتى تتضح الأمور حتى لا أساهم في زيادة حجم المشكلة وكذلك نصحت ابنائي بأ يحذوا حذوي وحكمتي في ذلك دائما "أننا نحن من نصنع المال وكم صنعنا وكم انفقنا في حياتنا وبالتالي فلن نكون عبيدا للمال".

دعوا الأمور تسير كما قدرها الله ولو لاقدر الله حدثت الكارثة، فليعتبر كل منا انها إعصار مر ببلدنا وأخذ معه كل شيئ، أقول هذا وفي مخيلتي ماحدث في زلزال 1992 وتسونامي شرق آسيا واعصار كاترينا وتسونامي اليابان.

وليحمد الله كل منا على ماوهبه لنا من صحة او من مال او من عيال او زوج صالح.

لاتساهموا بقلقكم في تفاقم المشكلة.

واعتقد أن مصر ليست بهذا الصغر او الضعف الذي يمكن معه ان تسقط بهذه السهولة.

وطول ماكان في مصر ابناء زيكم ربنا سيحفظها بمشيئته.

على فكرة لو حصل هذا الكلام في اي دولة فمن الممكن ان تتسبب لها في مشكلة كبيرة مهما كبرت تلك الدولة.

[herohero]

والله يا استاذ محمد ع راي الخليجيين وفيت وكفيت

ومازلت أتذكر ماحدث لبنك فيصل ف الثمانينات وكيف هوجم والناس راحت تسحب فلوسها ليس الا لمهاجمة الصيرفة الاسلامية

[herohero]

عارفين يا سادة أنا بجد نفسي ف ايه ؟؟

ليه مايتعملش حملة بجد لدعم البنك المركزي المصري ب100دولار تحت أي مسمى زي ماكان فيه مجهود حربي وع فكرة البلد لو وقفت ع رجلها او وقعت فكلنا هنستفاد او هيصيبنا او يصيب اهلنا ضرر يعني هنتأذى بطريقة مباشرة او غير مباشرة

معرفش أهي فكرة جت ف دماغي لما ٌ قرأت ان الكوريين زماااااااااان اتغربوا وكانت مرتباتهم رهن لقروض اللي اخدتها بلدهم

والله مش كلام عاطفي ولا نابع من أي انحياز سياسي بس لان بحس ان مصر زي الراجل الكبير اللي تعب وكان واقف مع الكل بس الكل سابه بل بيشمت فيه

[MZohairy]

عارفين يا سادة أنا بجد نفسي ف ايه ؟؟

ليه مايتعملش حملة بجد لدعم البنك المركزي المصري ب100دولار تحت أي مسمى زي ماكان فيه مجهود حربي وع فكرة البلد لو وقفت ع رجلها او وقعت فكلنا هنستفاد او هيصيبنا او يصيب اهلنا ضرر يعني هنتأذى بطريقة مباشرة او غير مباشرة

معرفش أهي فكرة جت ف دماغي لما ٌ قرأت ان الكوريين زماااااااااان اتغربوا وكانت مرتباتهم رهن لقروض اللي اخدتها بلدهم

والله مش كلام عاطفي ولا نابع من أي انحياز سياسي بس لان بحس ان مصر زي الراجل الكبير اللي تعب وكان واقف مع الكل بس الكل سابه بل بيشمت فيه

يا استاذي

مفيش مصري مابيحبش مصر

بس كل واحد بطريقته

واحد شايف انه يحافظ على اقتصاد البلد بخداع الناس بأن كل شيئ مستقر و سيبوا فلوسكم في البنوك ...علشان مايهزش اقتصاد البلد (وجهة نظره)

و واحد شايف ان الحفاظ على اموال المصرييين من التقزم و القلة القيمة هو الاولى (وجهة نظر)

المشكله ان لما صاحب وجهة النظر الاولى يخون صاحب وجهة النظر التانيه

يقوم التاني مهزأه و هكذا تبدأ وصلة الردح بين اتنين مصريين

اقسم لك بالله لو جالي وحي ما بيقول ان مرسي هو الرئيس الذي سيصلح مصر فعلا خلال فتره بسيطه .....سأقوم بتأييده بكل جهدي

لكني اراه (من دافع الوطنية) انسان لا حول له ولا قوة و دلدول لرئيسه و عديم الشخصية و الخبرة و بهدل الدنيا في 6 شهور

لو رأيت ما يغير وجهة نظري لرفع مستوى الانسان المصري لغيرتها فورا

[herohero]

http://www.aawsat.com/details.asp?issueno=8800&article=149535

[egyptawy]

http://www.aawsat.com/details.asp?issueno=8800&article=149535

ركز فى الخبر ده من 2003

[herohero]

http://www.aawsat.co...&article=149535

ركز فى الخبر ده من 2003

اه ما أنا أقصد ان الموقف ده وكان سئ وكان سنة 2003 وانا مريت بموقف مع الريال السعودي 2006 ف ارتفاع سعره وساعتها حتى اتكلموا ع تحديد عدد مرات الحج والعمرة

اللي أقصده البلد ده رغم كل السرقة والنهب اللي اتعرضت له من زمااااااااااااان بس ربنا ساترها معاها عشان ف ناس فيها طيبين وغلابة

[tarek hassan]

http://www.youtube.com/watch?v=r8sngiLCq10

[egyptawy]

فى اول يوم بس

الدولار بقى ب 6.40 فى الصرافة

وحسبى الله ونعم الوكيل فى الاخوان وسياستهم الفاشلة

هما مش قالوا هانشوف انهار من الرخاء بعد نعم

احنا مغتربين ومش بنتظاهر ومش بنسبب قلق لحكومة الاخوان وبالرغم من كده سياستهم وصلت جوه بيوتنا واثرت علينا كلنا

الواحد ما باش مامن على نفسه ولا على اهله ولا على ولاده فى مصر ومش بس كده ده الواحد ما بقاش مامن على الفلوس الا فى البنوك

ماذا فعلتم بمصر ايها الخونة

ماذا فعلتم بمصر ايها الخوارج

الى اين انتم ذاهبون بنا

اليس بمصر رجل رشيد

اليس فى مصر زعيم قائد

انا ما عنديش مشكلة انى اى كائن يحكمنى بس يبقى قلبه على البلد ويوصلها لبر الامان

مش يغرقها

http://www2.youm7.com/News.asp?NewsID=892414

تم تعديل 30 ديسمبر 2012 بواسطة egyptawy

[herohero]

استاذ ايجبتاوي انا ف مصر والناس كانت ف هايبر وان اللي ف مدخل العاشر من رمضان بتتجول ع انغام سانتا كلوز وكانك مش ف مصر

وعربيات والله لاتقل عن اللي ف الخليج يعني الناس مش عايشة حاليا بتاكل عيش حاف

وكررت لحضرتك شوف ودور سنة 2003 الدولار وصل كم والريال اصلا وصل كم

اللي اقصده المشكلة لا اخوان ولا غيره سياسات متبعه غلط يتبعها من يتبعها هتوصل لنفس النتائج

[التونسى]

يا عم ايجيبتاوى السبب فى ارتفاع الدولار الحالى بسبب الشائعات عن افلاس البلد وضياع الودائع فى البنوك .. لان فيه ناس فعلا سحبت فلوسها من البنك وحولتها دولارات خوفا وهلعا .. وده أدى الى زيادة الطلب على الدولار .. وبالتالى زيادة سعره .. ربنا ينتقم منهم وحسبى الله ونعم الوكيل فيهم مروجى الشائعات الخونه وعلى راسهم العقيد عمر عفيفى

[herohero]

الفاضل الاستاذ البصيلي هل ده شئ جديد علينا ف مصر

هي ظاهرة الدولرة مكنتش ف مصر قبل كده ؟؟هو بنك فيصل ف الثمانينات اتهز ف مصر ليه ؟؟شركات توظيف الاموال ؟؟

والله العظيم البورصة والاقتصاد عموما كل حرف بيتقال بيأثر عليه جداااااااااااا

اللي مجنني شئ ثاني الاعلام اياه الي مسودها قووووووووووي ،البلد خربت تمام الناس ده مش هتخرب ع دماغها برده ؟؟

[herohero]

http://www.el-balad.com/352549

[MZohairy]

احد زميلاتي حاليا في بنك CIB و سعر الدولار في هذه اللحظة 6،52

ستة جنيهات و اثنان و خمسون قرشا

[MZohairy]

للتوضيح اكتر حسب الإفادة

هو حاليا ب 6،37 و عليه عمولة صرف من 1،5 إلى 2٪ تخلي سعره الحقيقي يبقى

6،52

يعني علشان تحصل على دولار بعد مايكون عندك حساب دولاري بالطبع لازم تدفع 6،52 جنيه

عمولة الصرف مكانتش موجوده في مصر على أيامي

[herohero]

ماهو لازم يتعمل أكثر من كده عشان مواجهة مشكلة الدولرة