ايد واحدة

[فنان محتار]

اولا انا بحب أقول ان المحاورات وحشتنى جدا جدا بكل الناس الكباررررر والعباقرة والادباء والفنانين اللى فيها

ثانياً موضوعى ايد واحدة

انا حزين جدا جدا على حال بلادى نفسى اصرخ اقول للكل كفاية بس مش عارف ليه

حاسس انى متكتف مربوط ومتكمم

حاسس اننا فى كابوس وليل طويل مالوش نهاية

ابتسامتنا حزينة

عيون تايهة حيرانة خايفة من بكره من المجهول

عايز اصرخ اقول كفاية ليه منتوحدش ليه كلنا عميان من غير عقل

النور قدامنا الحياة بس تايهين

واخيرا انا بديت بنفسى ميهمنيش لونك ولا دينك ولا اسمك ولا عنوانك

انا مسيحى انت مسلم كلنا فى المحنة سوا يا هنبنى بيتنا مع بعض يا البيت هيقع على دماغنا سوا

ارجوكم كل اللى لسه حاسس انه ممكن يمد ايديه من غير ليه وازاى وانت مين يبدا يحاول واكيد هنقدر سوا

نبنى نفسنا ونبنى بيتنا من جديد

[عطر الجنة]

اهلا بيك مرة تانية

يسعدنا ان تعود الى اسرة المحاورات

و دعوة جميلة علها تلم الشمل و ترتق الصدع

اللهم اجمع المصريين على الخير و اكفهم شر كل من اراد السوء و عمل على التفريق لغاية فى نفسه

تحياتى و اهلا بك مرة تانية

[herohero]

ياريت الناس تتلم بقى معقولة ش عارفين نتلم ثاني ايه الفرقة الغريبة ده عندنا كثير يجمعنا ليه بندور ع اللي يفرقنا

[متعب]

احنا قدامنا تيار كافر وقدامنا مصر اللى بيحاربها التيار الكافر ده بمفرده

يبقى ايد واحده مع مين ؟ مع الكفرة !!!!!!!!!!

[عادل أبوزيد]

مرحبا بعودتك إلى محاورات المصريين. و أرحب بدعوتك إلى " إيد واحدة"

ما سبق كان إستهلالا لابد منه

نحن في حاجة إلى أن نتكاتف معا في دفع بلدنا للأمام نريد أن نشمر كلنا عن سواعدنا و ندفع بلادنا لطريق التنوير و التقدم ... الطريق طويل وصعب ولكن طريق الألف ميل يبدإ بخطوة