استفسار بخصوص استخراج تصريح العمل قبل السفر

[احمد عبد الجواد]

السلام عليكم ورحمة الله وبركاته ....

لو سمحتوا ياجماعة اية هى الاوراق المطلوب لعمل تصريح عمل قبل السفر و اية الاماكن اللى بيتم استخراج التصاريح منها ؟؟؟

وهل مطلوب وجود عقد العمل لاستخراج التصريح ؟؟؟

تم تعديل 28 ديسمبر 2012 بواسطة احمد عبد الجواد

[KAhamid]

السلام عليكم ورحمة الله وبركاته ....

لو سمحتوا ياجماعة اية هى الاوراق المطلوب لعمل تصريح عمل قبل السفر و اية الاماكن اللى بيتم استخراج التصاريح منها ؟؟؟

وهل مطلوب وجود عقد العمل لاستخراج التصريح ؟؟؟

المطلوب

اصل جواز السفر وصورة منه وصورة من التاشيرة وصورة شخصية و 134 ج

لا يتطلب وجود عقد العمل

وممكن تطلعة من المكتب الرئيسى اللى فى الدراسة وده عنوانة فى 5 ش المرور بجوار مرور الدراسة اللى فى صلاح سالم او من المكتب اللى انت تابع لية

والاستلام بيكون تانى يوم

وبالتوفيق ان شاء الله

[احمد عبد الجواد]

جزاك الله خيرا أخى الكريم ...أسأل الله العظيم رب العرش الكريم ان يجعل ذلك فى ميزان حسناتك ويقدر لك الخير حيث كنت ويرضيك بة .

[ENGALAA]

السلم عليكم

بالظبط زي ما قالك الاخ KAhamid

وكمان ممكن تطلعه في المطار ولو انت مسافر بلد التاشيرة بتاعتها بتتختم في المطار يبقي توثق صورة التاشيرة قبل ما تروح

[احمد عبد الجواد]

السلم عليكم

بالظبط زي ما قالك الاخ KAhamid

وكمان ممكن تطلعه في المطار ولو انت مسافر بلد التاشيرة بتاعتها بتتختم في المطار يبقي توثق صورة التاشيرة قبل ما تروح

وعليكم السلام ورحمة الله وبركاتة

شكرا جزيلا لحضرتك على الرد ...وجزاك الله خيرا

[خالد شحاته]

لوانت مش موظف حكومي مش مهم تصاريح العمل وكبر دماغك ملوش اهميه

[احمد عبد الجواد]

لوانت مش موظف حكومي مش مهم تصاريح العمل وكبر دماغك ملوش اهميه

أنا فعلا يااستاذ خالد مش موظف حكومة بس خايف اروح المطار من غير تصريح العمل ويبقى فية مشكلة او حاجة ...

أرجو االافادة من حضرتك .

[ahmedraslan]

لوانت مش موظف حكومي مش مهم تصاريح العمل وكبر دماغك ملوش اهميه

أنا فعلا يااستاذ خالد مش موظف حكومة بس خايف اروح المطار من غير تصريح العمل ويبقى فية مشكلة او حاجة ...

أرجو االافادة من حضرتك .

زي ما قال استاذ خالد شحاته ... مش مهم تعمله ... ولو اضررت تعمله ممكن تعمله من المطار ... ولو ليك مزاج تعمله و مش عاوز تبقي مضطر يبقي تعمله من اقرب قسم تابع ليك او من الدراسة

الخيارات امامك مفتوحة ... المهم في الموضوع انك ان شاء الله هتسافر :)

[احمد عبد الجواد]

لوانت مش موظف حكومي مش مهم تصاريح العمل وكبر دماغك ملوش اهميه

أنا فعلا يااستاذ خالد مش موظف حكومة بس خايف اروح المطار من غير تصريح العمل ويبقى فية مشكلة او حاجة ...

أرجو االافادة من حضرتك .

زي ما قال استاذ خالد شحاته ... مش مهم تعمله ... ولو اضررت تعمله ممكن تعمله من المطار ... ولو ليك مزاج تعمله و مش عاوز تبقي مضطر يبقي تعمله من اقرب قسم تابع ليك او من الدراسة

الخيارات امامك مفتوحة ... المهم في الموضوع انك ان شاء الله هتسافر :)

شكرا جزيلا على الرد ياأستاذ أحمد ...جزاك الله خيرا عن كل ماتقدمة من نصائح وارشادات لنا فى هذا المنتدى الرائع

أسأل الله العظيم رب العرش الكريم أن يجعلة فى ميزان حسناتك

[أبوأحمدإبراهيم]

طيب لو أنا مسافر من مطار برج العرب

وطلبوا منى تصريح السفر ولم يكن معى هل يمكن أدفع رسومه فى المطار ولا يكون

هناك مشكله ....

أرجو الإفادة!!!!!!!!!!!!!!!!!!!!!!!!!!!!!

[خالد شحاته]

تصاريح السفر لابد يتعمل احسن هترجع من المطار الا هو تابع التجنيد انما تصاريح العمل مش مهم

[أبوأحمدإبراهيم]

جزاك الله خيرا يا أستاذ/خالد

أنا أقصد تصريح العمل

يمكن التغاضى عنه؟؟؟؟؟

مشكووووووووووووووور للأهتمام000000000000000000

[خالد شحاته]

تصاريح العمل ليس مطلوب

[AYMANTARHONY]

السلام عليكم... ولو كنت موظف حكومة هل يمكن استخراجه من المطار وهل يمكن ايضا استخراجه من الدولة الخليجية المقيم حاليا بها... وشكرا

[Guest boda]

انا كانت اقامتي في السعودية تابع على والدي
وحولت كفالة على شركة
هل مطلوب تصريح العمل ؟
ولا مش ضروري ؟ ولو مطلوب ايه الاوراق المطلوبة والأجراءات اللازمة لعمله ؟؟
 

[Guest الشربيني]

لوسمحت مكتوب في جوازي كشاف بكهرباء قطاع دمياط وتاشيرتي في الجواز وانا مسافر ممكن يطلبم تصريح السفر في المطار

[Guest مصطفي خيري]

انا معايا تأشيره عمل الامارات جيت اعمل تصريح العمل طلبوا مني اوثقه من القوي العامله ف القاهرة روحت هناك عشان اختمها طلبوا مني ختم السفارة المصرية ف الامارات فياريت ياجماعه حد يفيدني أعمل ايه ولو روحت اعمله ف المطار هخلصه ولا هيرجعوني 

[Guest مجدي التهامي]

لو سمحت انا كنت باخذ اجازة من الحكومة ثم هذا العام قدمت معاش مبكر ماهي الاوراق المطلوبة لتجديد تصريح العمل حيث انني اصبحت من اصحاب المعاشات

[Guest محمد]

هل إقامتك مدة عشر سنوات ياي دولة بالخارج تكون سبب للإعفاء من تصريح العمل

[Guest يارا]

تصاريح العمل للسفر الي الخارج 

من مكتب تصاريح العمل في الدراسة لسكان القاهرة 

أو محافظة الجيزة ومدينة ٦ أكتوبر من قسم الجيزة في شارع البحر الأعظم 

كل ورقك معاك ومعاك نسخة وش وضهر عشان الأختام، لو اول مرة في السنة ٢٦٠جنيه مصري لو تجديد ١٦٠ للسنة .