لقاء في العيد

[KWA]

بسم الله الرحمن الرحيم

السلام عليكم ورحمة الله وبركاته

بمناسبه عيد الأضحي المبارك و كل سنه و انتم طيبين جميعا ..هل هناك النيه او فكره في عمل لقاء في احد ايام العيد...للأخوه و الأخوات اعضاء المنتدي...

[Arabisc]

سلام عليكم

لقاء في مــصر أم في أمريكا ؟

[KWA]

سلام عليكم

لقاء في مــصر أم في أمريكا ؟

بسم الله الرحمن الرحيم

السلام عليكم ورحمة الله وبركاته

الأخ الفاضل Arabisc....لو كنت اعرف ان الدعوه للقاء سوف تجعلنا نقرأ لك مره اخري فياسيدي فادعوه مفتوحه ....اما عن موضوعنا الحالي هو سؤالي عن نيه انعقاد لقاء في القاهره

[وليد صفوت]

أنا أؤيد بشدة عقد إجتماع آخر فى عيد الاضحى المبارك ( كل سنة و انتم طيبين جميعاً ) ,.....

ننتظر رد السادة المشرفين ,...

هااااااااااا ؟؟؟ ايه رأيكم ؟

[وليد صفوت]

متخافش يا إسو ,.... محدش حيطلب منك تعزمه على إتنين كيلو لحمة ضانى ............! rs:

متخافش العزومة إنجليزى ( جر رجل بس لحد لما توافق و بعدين يحلها ربنا ! ) :) :)

هاااااااااااا ؟؟؟ قولت ايه ؟

تم تعديل 6 يناير 2005 بواسطة Violinking

[عصام]

لأ

لأ

أنا؟

لالالالالا

:)

شوفولكوا حد غيرى ..

إنما انا؟ rs:

لا لا لا إنننسووووووووووا

:)

حد غيرى يتولى المسألة دى .. أصل انا عندى ظروف .. حاجة كدا ولسة باسدد اقساطها لحد النهاردا .. :)

لكن عموما أنا أؤيد الفكرة .. واعتبرونى موجود مقدما .. rs:

بالمناسبة .. عرفت إن فيه ناس كتير هاتكون موجودة إن شاء الله فى مصر فى العيد ..

[Arabisc]

سلام عليكم

لقاء في مــصر أم في أمريكا ؟

بسم الله الرحمن الرحيم

السلام عليكم ورحمة الله وبركاته

الأخ الفاضل Arabisc....لو كنت اعرف ان الدعوه للقاء سوف تجعلنا نقرأ لك مره اخري فياسيدي فادعوه مفتوحه ....اما عن موضوعنا الحالي هو سؤالي عن نيه انعقاد لقاء في القاهره

سلام عليكم

الله يكرمك يا رب :)

من فترة و أنا اتمنى ترتيب لقاء بين الأحبة في أمريكا و لكني لم أوفق. نفسي الناس هنا تتعرف على بعض اكثر اذا سمحت الظروف

أما بالنسبة للعيد القادم, فللأسف لن أكون في القاهرة لكن ان شاء الله هننزل على شهر يوليو كدة, مر علي سنة بحالها من غير ما أنزل مصر rs:

[عصام]

طيب ..

إن كانت الفكرة ما زالت قائمة ..

أقترح يوم السبت القادم .. 22 يناير .. جنينة مول .. مدينة نصر .. كافيتيريا طبلية الساعة 6 مساءا

يا ريت اللقاء دا ينجح نظرا لوجود ناس كتير من المغتربين فى مصر خلال فترة العيد .. (والحساب عند فيولين كنج fty:: )

cr((:

[وليد صفوت]

طيب ..

إن كانت الفكرة ما زالت قائمة ..

أقترح يوم السبت القادم .. 22 يناير .. جنينة مول .. مدينة نصر .. كافيتيريا طبلية الساعة 6 مساءا

يا ريت اللقاء دا ينجح نظرا لوجود ناس كتير من المغتربين فى مصر خلال فترة العيد .. (والحساب عند فيولين كنج  :P )

rs:

هاهاهاهاهاهاههاهاااااااااااااااااااايييييييييييييييييييييييييييييييييييييىى

ضحكتنى و انا عندى برد !!!

مش ممكن انت يا إسو دايماً يحب يهرج كده , أوعوا حد يصدقه يا جماعة , دا نتوا لو شفتونى حصعب عليكوا قوى , واحتمال ألِم من كل واحد منكم خمسة جنية قيمة اللحمة بتاعت العيد و انا مروح ,...

معكش إتنين جنية سلف يا إسو أحاسب الراجل بتاع النت كافيه عشان الراجل واقف جنبيا عايز فلوسه حالاً دلوقتى ؟؟؟؟ sdm:

حبة جد بقى : يا جماعة مش عايزين نعمل زى المرة اللى فاتت ... نفضل نتفاوض على المكان و الزمان ..... و إسو حيجى بعربيته الشيروكى السودا و لا الفيرارى البيضا , و الارشيدوق لانس حيلحق ياخد طيارة من كامليوت للقاهرة و لا مش حيلحق ! ...و كليو حتجيب معاها شمعدان زى المرة اللى فاتت ولا حتعملها المرة دى و تجيب المعمول اللى عماله تقولنا عملاهولكم مخصوص ! ups:

أنا عن نفسيتى .... موافق 100 100 ,.....

هاااااا ............مين ناوى يجى تانى ؟؟

تم تعديل 19 يناير 2005 بواسطة Violinking

[وليد صفوت]

بتهيألى المعاد أتلغى................................. مش كده ؟

[Lancelot]

فين يا جماعة .... أنا جاي لو فيه ميعاد .... حد يرد يا جماعة ...

عم إسو .... قول حاجة ...

[وليد صفوت]

أعتقد ان محدش قرأ الموضوع أصلاً يا لانس !

الاحسن اننا نأجل المعاد الى بعد العيد , عشان نبقى بعدنا عن مشاغل الاعضاء ...

تحياتى ,...

[Lancelot]

ماشي يا باشا ....

إيه رأيكم الثلاثاء اللي جاي 25 يناير ... أو الثلاثاء اللي بعده ....

جنينه مول ... بلاش التوهان بتاع المره اللي فاتت ...

[عصام]

ماشي يا باشا ....

إيه رأيكم الثلاثاء اللي جاي 25 يناير ... أو الثلاثاء اللي بعده ....

جنينه مول ... بلاش التوهان بتاع المره اللي فاتت ...

لانس .. لانس

أنت لها .. أنت لها ..

عييييييش .. وابقى قوللى اتفقتوا على إيه وانا جاهز ..

تم تسليم شعلة التحضير للقاء القادم إلى المدعو لانسلوت يا اخوانا ..

للاعتذار يرجى الاتصال بـــ 122 من داخل مصر ..

[Lancelot]

إيه يا عم إسو ... إنت ما صدقت و لا إيه ...

ماشي يا سيدي .... قبلنا هذه المهمة .... (صوت أغاني في الخلفية "و ده تكليف مش تشريف")

يوم الثلاثاء 25 يناير 2005 ... جنينة مول ... الساعة السادسة مساءا ... كافيه الطبلية بالدور الأرضي (مدينة نصر)..

هأفتح موضوع تاني علشان كده و بعدين نضمهم ... بس علشان العنوان يظهر فوق ...

[METALLICA]

انا معنديش إعتراض . . . بس المهم نوصل لإتفاق بسرعة كافية