علشان تحافظ على عقلك يا مصرى

[herohero]

رغم ان المداخلة واضحه جدا وهي بتتكلم عن ان الاعلام ع الجانبين بيهيج الناس وبيشحنها ضد بعض وماشوفناش حاجه اتكلمت ع حلول عملية او اشياء توحدنا وتخلينا نتوجه للانتاج ونبذ الخلاف والكلام ده قال الدكتور أحمد زويل اللي أكيد مش اخواني واكيد فكره واحتكاكه بجنسيات مختلفة واكيد شاف الاعلام الحر والالعام الموجه واهو بينتقد الاعلام المصري

ش عارف ليه الاخوة هنا مصرين ان الكلام موجه بالسلب او بالايجاب لفصيل سياسي معين

ماهو ع فكرة كل فصيل شايف الثاني مخطئ ولا يجيد التصرف

وعموما ده كلام الدكتور زويل للمرة الرابعه ف نفس المشاركة واتمنى الاخوة يسمعوه عشان يعرفوا ايه المقصود من نقدنا للاعلام اللي بقول من الجانبين

http://www.youtube.com/watch?v=xcxFnFDPA5c

[أبو محمد]

رغم ان المداخلة واضحه جدا وهي بتتكلم عن ان الاعلام ع الجانبين بيهيج الناس وبيشحنها ضد بعض وماشوفناش حاجه اتكلمت ع حلول عملية او اشياء توحدنا وتخلينا نتوجه للانتاج ونبذ الخلاف والكلام ده قال الدكتور أحمد زويل اللي أكيد مش اخواني واكيد فكره واحتكاكه بجنسيات مختلفة واكيد شاف الاعلام الحر والالعام الموجه واهو بينتقد الاعلام المصري

ش عارف ليه الاخوة هنا مصرين ان الكلام موجه بالسلب او بالايجاب لفصيل سياسي معين

ماهو ع فكرة كل فصيل شايف الثاني مخطئ ولا يجيد التصرف

وعموما ده كلام الدكتور زويل للمرة الرابعه ف نفس المشاركة واتمنى الاخوة يسمعوه عشان يعرفوا ايه المقصود من نقدنا للاعلام اللي بقول من الجانبين

http://www.youtube.com/watch?v=xcxFnFDPA5c

هو حضرتك بتتكلم عن الفيديو اللى حضرتك حطيته ولا عن فيديو تانى؟

أصل الفيديو بيتكلم عن اللى بنقوله ولا يجد أى آذان صاغية

زويل اتفق مع خيرى رمضان إن الإعلام لا يصنع أحداثا بل ينقل الموجود

وخيرى رمضان اتفق مع زويل إن الإعلام - شأنه شأن كل شئ فى مصر - لا يخلو من فساد

وزويل وصل للنتيجة اللى الآذان غير الصاغية لاتريد سماعها

وهى أن المسؤولية عن عدم العمل والانتاج واستغلال الطاقات تقع على عاتق القيادة

وعندما تعمل القيادة على تحمل مسؤوليتها أو يكون عندها رؤية للخروج من النفق المظلم

وقتها لابد للشعب بكل أطيافه أن يشارك فى المسؤولية

يا سيدى الفاضل .. فى بداية كل رئاسة جديدة يعمل الرئيس الجديد على لم الشمل

الرئيس الحالى لم يفعل شيئا سوى تقسيم الشعب .. وتضييع الثقة

الواجب تواجدها بين القيادة والشعب

راجع وعوده وعهوده مع باقى القوى السياسية وتنفيذ العكس

راجع مشاكل النظام مع كل فئات الشعب (ما عدا فئة واحدة)

يبدو أن الحل هو الخلاص من الشعب بعد إسكات الإعلام حتى لا ينقل حدث الخلاص

من ذلك الشعب .. اللى عنده نظام - أو لا نظام - حكم زى الفل

بس هو الشعب اللى مش عارف ازاى يتحكم

[herohero]

لا الفيديو الدكتور زويل علق ف بداية حديثه كما قال ان الاعلام مش برئ !!!!!

ف أول كلامه ف الكليب

وعموما ما اعنيه وماهو مطروح ف المداخلة ان الاعلام يزيد ف الفرقة ويزيد ف شحن الناس انا بلوم وعاتب ع الادارة السياسية انها لم تسعى للمصالحه بل المصارحه واظن ان الاعلام لو استمر بهذه الطريقة لن يفيد البلد وانا بقول الاعلام من الطرفين من يدعم الرئيس مرسي ومن يعارضه لان الطرفين الهدف منه الحشد

------------

تم تعديل 2 يناير 2013 بواسطة herohero

[أبو محمد]

لا ياعزيزي الفيديو كلام زويل قال اللي حصرتك قولته طبعا بس انت ماكملتش يعني للاسف كالمعتاد (ولاتقربوا الصلاة ....

ونفس الفكرة ويل للمصلين ،يعني الدكتور زويل اتكلم ع ان الاعلام طول الليل عمال يقدم حاجات ومفيش حاجه اتكلمت عن الانتاج ،حضرتك ده اللي انا اقصده وحضرتك شوفت تهتهة خيري رمضان وطبعا انت فاكر خيري رمضان لما قال انا مستقيل من سي بي سي والشو بتاع لقائه مع حمدين صباحي

عموما انا كل اللي بقوله هناك تجاوزات من الاعلام ومازلت مصر ع ذلك والاعلام ف كثير من العرض بيحاول يزيد من الانقسام وانا لم اقل ان الادارة زي الفل وتمام لكن الاعلام من الطرفين بيزود سلبيات الادارة

والدليل ان مثلا طارق عامر اللي مش عارف هحط لحضرتك الفيديو بتاعه اللي لم يتم التركيز ع ماقاله رغم ان طارق عامر مش اخواني واكيد هو يعرف اكثر من اي حد مننا ف المنتدى ف الامور الاقتصادية

http://www.youtube.com/watch?v=wqgMdUCQez8

-----------------------

والله العظيم انا مايفرق معايا اخوان من غيره لكن مازلت مصر ومقتنع انها لما هتخرب هتخرب علينا كلنا الا اذا كان الخراب هينزل ع دماغ اللي قالوا نعم او اللي انتخبوا مرسي وهيبعد عن الثانيين او العكس

اما حضرتك الفئات اللي بتتكلم عليها فلو حبيبت تتكلم وتتناقش لاسباب مشاكلها الحالية فالكلام يطول شرحه سواء انا متفق مع غضبهم او لا لكن هناك اسباب لوجود خلافات بينهم وبين النظام الحالي من الاخر تضارب مصالح واضرار لمصالح كانت لهم

--------------------

ونفس الفكرة ويل للمصلين ،يعني الدكتور زويل اتكلم ع ان الاعلام طول الليل عمال يقدم حاجات ومفيش حاجه اتكلمت عن الانتاج

مش ويل للمصلين ولا حاجة ياأستاذ herohero ..الدكتور زويل قال الكلام ده فى أول الفيديو

بس الظاهر حضرتك ما كملتش بعد كده

اما حضرتك الفئات اللي بتتكلم عليها فلو حبيبت تتكلم وتتناقش لاسباب مشاكلها الحالية فالكلام يطول شرحه سواء انا متفق مع غضبهم او لا لكن هناك اسباب لوجود خلافات بينهم وبين النظام الحالي من الاخر تضارب مصالح واضرار لمصالح كانت لهم

طيب ما نتكلم .. علشان نفهم .. ياريت حضرتك تفهمنا المشاكل اللى بين النظام و

الفضائيات ، الصحفيين ، الفنانين ، القضاة ، النيابة ، الأطباء ، رجال الأعمال ، الأزهر ، الجيش ، الشرطة ، القوى السياسية الأخرى ، إئتلافات وحركات الشباب ، ...... إختار حضرتك وخلينا نفهم ..

[herohero]

http://www.youtube.com/watch?v=Y7vy9keT4S8

[herohero]

لا والله يا استاذ أبو محمد انا سمعت الكلام واللقاء كله وانا مش بقول الاعلام بيجيب حاجه مش موجودة أنا بتكلم ع طريقة الطرح والعرض !!!! وبكرر

وللمرة المليون الاعلام من الطرفين

------------

أما عن خلافات الهييئات المختلفة ع النظام فكل يغني ع ليلاه ومصالح للاسف ليس الهدف منها الوطن

ومش موضوعنا هنا لان الاخوة هنا لما حد بيقول راي ف قضية معينة بيعتبروه تعبير عن رأي مرتبط بهوى سياسي او فكر لفصيل سياسي معين

[أبو محمد]

http://www.youtube.com/watch?v=Y7vy9keT4S8

طيب ماهو كلام زى الفل أهو

إيه رأيك انت بقى فيه ؟

[أبو محمد]

لا والله يا استاذ أبو محمد انا سمعت الكلام واللقاء كله وانا مش بقول الاعلام بيجيب حاجه مش موجودة أنا بتكلم ع طريقة الطرح والعرض !!!! وبكرر

وللمرة المليون الاعلام من الطرفين

------------

أما عن خلافات الهييئات المختلفة ع النظام فكل يغني ع ليلاه ومصالح للاسف ليس الهدف منها الوطن

ومش موضوعنا هنا لان الاخوة هنا لما حد بيقول راي ف قضية معينة بيعتبروه تعبير عن رأي مرتبط بهوى سياسي او فكر لفصيل سياسي معين

ما هوالموضوع بعنوان "علشان تحافظ على عقلك يا مصرى"

وبيتهيألى إنى علشان أحافظ على عقلى يبقى لازم أفهم

وفيه رأى بيقول إن سبب كل البلاوى اللى احنا فيها هى الإعلام

وانا باسأل إيه دخل الإعلام فى المشاكل اللى بين النظام و"تقريبا" كل فئات الشعب ؟

هو الإعلام - مثلا - هو اللى خلى الريس يطلع الاعلان الدستورى اللى قسم الشعب ؟

الإعلام نقل الإعلان الدستورى ونقل جميع الآراء عليه

ولا انت شايف إنه كان مفروض "يعتم" على بعض الآراء ؟

[herohero]

وانا حاطط الكليب ليه عشان قولت يمكن يوصل الفكرة لحضرتك يا استاذ ابو محمد

انا عاوز اعلام محترم ينتقد دون شححححححححححن الاعلام عندنا مش بيتعامل مهنيا تركيزه الا من رحم ربي ع الاثارة وكلامي واضح من الطرفين

وأكيد لو حضرتك متابع للاعلام المصري جيدا هتلاحظ ان فيه مذيعين

ملتزمين ومهنيين انما كثيرين مش كده

الخاسر هو المواطن البسيط وبالتالي البلد الناس بقت كلها مشحونة من بعض كان اللي قال نعم للدستور عدو اللي قال لا والحكاية بقت معركة والنتيجه اللي بتشوفه ف الشارع المصري

[herohero]

انا لم اقل ان الاعلام هو سبب فشل الادارة السياسية ولا ان الاعلام اللي جاب رئيس وزراء مش اقتصادي والاعلام اللي طلع الاعلان الدستوري

لكن لو حضرتك تابعت كثير من المذيعين زي ماقولت لحضرتك هتلاقي اسلوبهم مش مهني وتحس ان فيه تهييج وانا شوفت وقت مناقشة مواد الدستور مذيع تطلع منه بحاجه ومذيع عمال يسخن وخلاص والماده المطروحه هي الدستور لكن اسلوب المذيع بيأثر ف شحن الناس

واظن حضرتك تفتكر اسلوب مذيع زي فيصل القاسم ف الاتجاه المعاكس

هذا ما اقصده الاعلام يعرض ويوعي الناس لكن دون شحن بالراي السلبي او بالايجابي اما مااراه فهو شحن للناس بل اللعب ع زيادة الانقسام وبكرر الطرفين وانا غير راضي مثلا عن أداء القنوات الدينية اللي بقت محرضة هي كمان زيها زي القنوات الاخرى

[herohero]

اهداء للاستاذ ابو محمد عشان تعرف الاعلام بتاعنا

http://www.youtube.com/watch?v=J1IKb8WVpNk

http://www.youtube.com/watch?v=drltdtMFScI

شوفت بقى الشعب لايص وسط الاعلام بقى يصدق ايه ولا ايه

تم تعديل 3 يناير 2013 بواسطة herohero

[أبو محمد]

اهداء للاستاذ ابو محمد عشان تعرف الاعلام بتاعنا

http://www.youtube.com/watch?v=J1IKb8WVpNk

http://www.youtube.com/watch?v=drltdtMFScI

شوفت بقى الشعب لايص وسط الاعلام بقى يصدق ايه ولا ايه

أبويا الله يرحمه كان دايما يقول لى :

"صاحب العقل يميـِّز"

حضرتك حطيت لى امبارح مقطع من برنامج "ممكن" كان يناقش موضوع "الإعلام"

أنا اتفرجت على البرنامج ده قبل حضرتك ما تحط المقطع

وأنا متأكد إن اتنين ممكن يقروا حاجة أو يستمعوا إلى حاجة

وكل واحد فيهم يفهم حاجة مختلفة عن التانى

أنا حاقولك على اللى فهمته من البرنامج .. وانا موافق عليه تماما

ده علشان نخلص من مناقشة "شماعة" الإعلام دى لأنها - بالنسبة لى - مملة جدا

الدكتور حمدى حسن فى حديثه عمل مقارنة بسيطة بين الإعلام فى أربع مراحل

مرحلة عبد الناصر ، السادات ، مبارك ، ومرحلة مابعد 25 يناير

فيه مرحلتين أنا متأكد إنك سمعت أو قريت عنهم لكن ما عيشتهمش

وهما مرحلتى عبد الناصر والسادات

الدكتور حمدى قال إن فى عهد عبد الناصر ما كانش فيه أى شكوى من الإعلام

وده حقيقى وانا موافق عليه جدا

لأن النظام الحاكم كان مسيطر سيطرة كاملة على وسائل الإعلام المملوكة للحزب الواحد

السادات يا باشمهندس بدأ فى التحول - على استحياء - إلى الديموقراطية

عمل تلات منابر فى داخل الاتحاد الاشتراكى (يمين ووسط ويسار) تحولت فيما بعد إلى أحزاب

وكانت الصحف "القومية" مملوكة للاتحاد الاشتراكى وبعدين لمجلس الشورى (ولغاية دلوقت)

وبدأ كل حزب يكون له جريدة .. وأذكر إن كان فيه جريدتين مسببين صداع للسادات

جريدةالوفد ودى بالذات كان فيها باب مشاكس إسمه "العصفورة" .. كان بيحرره مصطفى شردى

أبو محمد شردى البورسعيدى اللى بيطلع مع عمرو أديب فى "القاهرة اليوم"

والجريدة التانية كانت جريدة "الأهالى" بتاعة حزب التجمع

وبعدين طلعت جرايد تانية

كان أشهرها - بعد الوفد والأهالى - جريدة الشعب بتاعة حزب العمل اللى اتحول بعد كده

إلى حزب إخوانى .. وفى عهد مبارك تم إغلاق الجريدة وتقريبا الحزب أصبح "مفيش"

بدأت شكاوى نظام السادات من جرائد الأحزاب تتصاعد .. أيامها ماكانش فيه فضائيات

فى عهد مبارك عمليةإصدار الصحف كانت أكثر سهولة وبدأت جرائد مستقلة عن الأحزاب تظهر

وبعدين بدأت الفضائيات فى الظهور وازدادت شكاوى النظام من الصحف والقنوات

تلاحظ بقى إن الشكاوى دايما بتكون شكاوى "النظام الحاكم"

الشعب كان سعيد لأنه كان بيعرف أخبار وتحليلات بتسكت عنها وسائل إعلام الحكومة

و"تعتم" عليها "تعتيم" تام

وكانت شكاوى النظام وإجراءاته ضد الإعلام "غير الحكومى" تتصاعد

كلما ازدادت مساحة "حرية" الإعلام

الأمر ما اختلفش يا عزيزى اليومين دول .. هو نفسه الوضع بتاع العهود السابقة

علشان كده مفيش حد بيشتكى اليومين دول من الإعلام إلا النظام الحاكم وتابعيه ومشجعيه

على فكرة النظام الحاكم اليومين دول إستلم أقوى جهاز إعلام حكومى "فى العالم" من مبارك

34 قناة تليفزيونية و55 صحيفة ومجلة مقروءة

ده طبعا غير وسائل الإعلام "الإسلامية" الخاصة والمستقلة

بقولك النظام بيمتلك "ديناصور" إعلامى

إزاى يبقى له عين هو وتابعيه ومريديه ومشجعيه يشتكوا من "البلابل" ؟

wst::

بس خلاص .. تقدر تقول رأيك .. بس أنا خلاص مليت ومش حاعلق تانى

[herohero]

يبدو ان فشلت ف توصيل وجهة نظري لحضرتك استاذ ابومحمد رغم بساطة الفكرة

انا كل اللي بقوله ان الاعلام ع الجانبين له تأثير سلبي ع الناس ف كثير من الحالات وبقول ع الجانبين يعني الاعلام اللي بنعتبره مع الرئيس والتيار السياسي الاسلامي او اللي ضده ف نظري الاثنين لهم تأثير سلبي

[أبو محمد]

يبدو ان فشلت ف توصيل وجهة نظري لحضرتك استاذ ابومحمد رغم بساطة الفكرة

انا كل اللي بقوله ان الاعلام ع الجانبين له تأثير سلبي ع الناس ف كثير من الحالات وبقول ع الجانبين يعني الاعلام اللي بنعتبره مع الرئيس والتيار السياسي الاسلامي او اللي ضده ف نظري الاثنين لهم تأثير سلبي

لاأبدا .. وجهة نظرك وصلت

علشان كده قلت لك اللى كان ابويا ديما يقولهولى

"صاحب العقل يميـِّز"

[herohero]

لو أصحاب العقول يقدروا يميزوا انا موافق طبعا انما لما يكون نسبة الامية -يعني امية القراءة والكتابة تقريبا 23% فابالك بالامية السياسية والثقافية

وبالتالي هل اصحاب العقول تقدر تميز فعلا