تصورى ؟!

[هشام الجنيدى]

تصورى انا لما شفتك النهارده البى مدقش زى كل مره

هوه برده نفس البى الى كان لما اشوفك يبقى نفسه يشق صدرى

يبقى نفسه ينط بره

ولا عينى لما جت فى عنيكى عادى زى اى واحده تانيه

لمحتها وعدت فى ثانيه

هى برده نفس عينى الى كانت لو تغيبى تنام تقوم تحلم بنظره

لحد فتره مش بعيده كنت لما مره صدفه

اعرف انك فى المكان ده بكره واقفه

كنت ببقا فى حاله صعبه ابقى لسه فى النهارده

وفكرى سابنى وراح لبكره

هوه حبى كان سراب!

كان عمار اصبح خراب ؟!

ولا جت فتره خريف الحب قتلت كل زهره

ولا هوه زى بعض الناس مقالو

ان اصل الحب وهم وعايشه فيه كل المجره

ولا انى غصب عنى سجنت حبى جوه البى

ولما شفتك لما مات وافتكر عقلى الى فات

عرفت انى كان لا بد اسيب مشاعرى زى طير فى الجو حره

يعنى انا الى قتلته فيّه لما فضلت السكوت

كنت خايف لو صارحتك ترفضى وحبى يموت

وبرده مات......... cbyb:

بس على الاقل فيّه لسه مدفونه الرفات

هيه دى كل الحقيقه الى كان لازم اقولها

مهما كانت طعمها فوق لسانى طعمها وفى القلب مره ......... rs:

تم تعديل 20 فبراير 2005 بواسطة هشام الجنيدى

[shahd]

احساسك مرهف وكلماتك جميلة سلمت اناملك

[bentmasria]

:ninja: :angry:

كموجات البحر انت يا هشام

حالم رومنسى طائر حزين وعاشق امين

رائع انت

اعانك الله على دفات مشاعرك وطوفان احزانك

البنت المصريه

[Alshiekh]

لحد فتره مش بعيده كنت لما مره صدفه

اعرف انك فى المكان ده بكره واقفه

كنت ببقا فى حاله صعبه ابقى لسه فى النهارده

وفكرى سابنى وراح لبكره

وما أجمل بكره وانتظار بكره وما اصعبه فى نفس الوقت

لكنها لحظات سعيدة من الالم الامل والحلم الوردى

كلماتك جميلة ومعبرة

واعتقد انها نتاج تجربة

[الطيار المصرى]

كعادتنا بك....يطغى احساسك المرهف على كلماتك و تعبيراتك........

فتخرج لنا قطعة من الفن الرفيع

استمر.....بارك الله فيك :ninja: :angry:

الطيار المصرى...........15 سنة

[مى محمد]

يعنى انا الى قتلته فيّه لما فضلت السكوت

كنت خايف لو صارحتك ترفضى وحبى يموت

وبرده مات.........

بس على الاقل فيّه لسه مدفونه الرفات

عملاق انت يا هشام...رومانسى حالم و رقيق المشاعر و الكلمات

أقول ايه؟؟؟؟؟؟ فعلا استاذ :ninja:

[شاعرالرومانسية]

تسلم ايدك يا هشام باشا ...

كلمات تلقائية وطالعة من القلب ...

.وعشان كدة وصلت للقلب علطول

لك منى جزيل الشكر،،، ولقلمك كل التقدير

[هشام الجنيدى]

يااااااااااااااااااااااااااااااااا ......................................... :blush:

فى حد شاف القصيده دى :wub:

بس شكرا جدا جدا جدا للى رجعها تانى من تحت الانقاض .............

لان القصيده دى عزيزه علىّ قوى وفعلا مريت بكل اللى فيها من غير مبالغه ......

فكرتونى بالذى مضى او اللى افتكرته فى يوم من الايام مضى .............

شكرا لكم جميعاااااااااااااااااااااااااااا........... :lol: