أيوه كده .. هِلـُّوا .. هِلـُّوا

[أبو محمد]

وبدأت بشاير الخير الذى يحملونه لمصر

بشاير تنفيذ خطة "حكماء التيار" التى عـُرضت فى "دار الندوة"

واللى عمل لها Presentation كبيرهم الذى علمهم السِحْر

http://www.youtube.com/watch?v=5_oEOIDv53Q

http://www.youtube.com/watch?v=phJ9GJHdAfI

[عادل أبوزيد]

بمنتهى البساطة نقول له اذهب الى باكستان او افغانستان لتنعم بما تبغيه من تطبيق الشريعة كما تراها

اما عندنا في مصر فال "نسوان" كفيلين بان يرجعوك الى صوابك. و لو لم تكن سمعت. فقد كانت هناك محاولات لنصح مرتادى الكوافيرات و كانت النتيجة "علقة ساخنة بالشباشب و اكرر بالشباشب" و في محاولات اخرى بالطريق العام كانت النتيجة علقة ساخنة تنسيهم اسمائهم.

مصر لحمها مر و لمن لا يعرف. خذها نصيحة. ارجع كما كنت قبل الثورة و توارى في اى مكان. و اكتفي. باجترار نصائحك و رغباتك لمن هم على شاكلتك.

و بالمناسبة اعلنت وزارة الداخلية انها لم تتلقى اى طلب بهذا المعنى

[أبو محمد]

التمهيد لهذا الهراء بدأ فى الجمعية التأسيسية كما شرح وبيَّن الشيخ ياسر برهامى

وأذكر أننى نبهت إلى هذا أيام "هوجة" المسودات التى أمطرونا بها

قبل أن يخرجوا بالمسودة الأخيرة من "كـُم الحاوى" والتى صارت دستورا

فبناء على المادة 51 يستطيع هشام العشرى تكوين جمعية أو مؤسسة أهلية

بمجرد الإخطار لتصبح من ضمن مكونات "المجتمع" المدنى واسمها

"الأمر بالمعروف والنهى عن المنكر"

المادة (51

للمواطنين حق تكوين الجمعيات والمؤسسات الأهلية، والأحزاب بمجرد الإخطار، وتمارس نشاطها بحرية، وتكون لها الشخصية الاعتبارية.

ولا يجوز للسلطات حلها أو حل هيئاتها الإدارية إلا بحكم قضائى؛ وذلك على النحو المبين بالقانون.

وستعمل هذه "المؤسسة" أو "الهيئة" أو "الجمعية" ...... أو "الجماعة"

فى ظل المادة العاشرة من الدستور

المادة (10)

الأسرة أساس المجتمع، قوامها الدين والأخلاق والوطنية.

وتحرص الدولة والمجتمع على الالتزام بالطابع الأصيل للأسرة المصرية، وعلى تماسكها واستقرارها، وترسيخ قيمها الأخلاقية وحمايتها؛ وذلك على النحو الذى ينظمه القانون.

وتكفل الدولة خدمات الأمومة والطفولة بالمجان، والتوفيق بين واجبات المرأة نحو أسرتها وعملها العام.

وتولى الدولة عناية وحماية خاصة للمرأة المُعيلة والمطلقة والأرملة.

وأيضا فى ظل المادة الثانية بتفسيرها الوارد فى المادة 219

المادة (219)

مبادئ الشريعة الإسلامية تشمل أدلتها الكلية وقواعدها الأصولية والفقهية ومصادرها المعتبرة فى مذاهب أهل السنة والجماعة.

معنى هذا أن الأخ العشرى سيطبق فقه مشايخ المذاهب واجتهادهم ، وقياسهم واستحسانهم واستصحابهم (وعمل أهل المدينةبالنسبة للمالكية) و .. و .. و وحتبقى "هيصة"

ييجى بقى أى قانون يحاول منع الشيخ العشرى .. على طول حيبقى القانون "غير دستورى"

ووقتها لن يتبقى سوى اللجوء إلى "الشباشب" وأشياء أخرى

من - إذن - الذى يريد أن يضرب الشعب بعضه .. وأن يتقاتل أبناؤه ؟

من ؟

ولمصلحة من ؟

[أسد]

أنسب أسلوب للتعامل مت تلك اﻷشياء

هو التجاهل

لأن كثرة ذكرهم سيجعل منهم حقيقة لنتعامل معها في حين أن مثل هؤﻻء هم نكره وﻻ يجب أصﻻ الإلتفات لهم

[أبو محمد]

أنسب أسلوب للتعامل مت تلك اﻷشياء

هو التجاهل

لأن كثرة ذكرهم سيجعل منهم حقيقة لنتعامل معها في حين أن مثل هؤﻻء هم نكره وﻻ يجب أصﻻ الإلتفات لهم

طيب يابو أدهم .. شوف الزبالة ده بيقول إيه

http://www.youtube.com/watch?v=MqFoON1toZg

إنت عايزنا نسمِّن الكلاب لغاية لما تاكلنا ؟

على فكرة ده كلام "الشيخ" صاحب الفضل والفضيلة

هو نفس الكلام اللى بيردده من تقع عقولهم فى آذانهم

اسمع الشعب دُيُونُ كيف يوحون إليه

مـلأ الـجـو هـتـافـا بـحـيـاتـىّ قـاتِـلـَيـْه

أثر البهتان فـيه وانطلى الـزور عـليه

يـالـه مـن بـبـغــاء عـقـلـه فـى أذنـيـه

[herohero]

هي طلعت الهيئة ده ؟؟؟ورد الازهر ايه ع الكلام ده ؟؟

موضوع لم يذكر الا ف جريدة الوطن =مجدي الجلاد= سي بي سي

وبالتالي هي فرقعه اعلامية ليس الا والهدف منها اهو الدستور اللي وافقتوا عليه

تم تعديل 2 يناير 2013 بواسطة herohero

[أبو محمد]

هي طلعت الهيئة ده ؟؟؟ورد الازهر ايه ع الكلام ده ؟؟

موضوع لم يذكر الا ف جريدة الوطن =مجدي الجلاد= سي بي سي

وبالتالي هي فرقعه اعلامية ليس الا والهدف منها اهو الدستور اللي وافقتوا عليه

اكتب "رأى الأزهر فى هيئة الأمر بالمعروف" على جوجل

[herohero]

أنا عارف ان المفتي ضحك ع الكلام ده واللي اقصده ان ده لقاء هدفه اثارة بلابل وخلاص يا استاذ أبو محمد نفس فكرة ان الدستور هيجوزا فيه البنت من 9 سنوات ،المهم ان الجريدة تبيع وتكسب ووداعا للمهنية والحرفية المهم الاثارة والتشويق

[أبو محمد]

إحنا لسه فى أولها وحلقة القرموطى مع هشام العشرى فشلت

أومال لما ندخل فى الجد .. والناس تنضرب بالخرزانة عشان تقفل محلاتها وتروح تصلى

حنعمل إيه ؟

http://www.youtube.com/watch?v=wB6Z8n7p054

[أبو محمد]

إحنا لسه فى أولها وحلقة القرموطى مع هشام العشرى فشلت

أومال لما ندخل فى الجد .. والناس تنضرب بالخرزانة عشان تقفل محلاتها وتروح تصلى

حنعمل إيه ؟

http://www.youtube.com/watch?v=wB6Z8n7p054

أصل المشكلة هى إن الواد يوسف الحسينى قال رأيه فى هيئة العشرى

بصورة دراماتيكية

:)

http://www.youtube.com/watch?v=Upf61wICtNE

[herohero]

لما تبقى تتعمل الهيئة يا استاذ أبو محمد ،زي ما البنات كانت هتتجوز من سن 9سنوات ؟؟انا كنت ساع كده ف الاعلام ان الدستور البنت هتتجوز فيه من 9 سنوات

[herohero]

استاذ أبو محمد

على النحو الذى ينظمه القانون

تم تعديل 3 يناير 2013 بواسطة herohero

[أبو محمد]

يا إبنى .. يا حبيبى .. ما نا جايب المادة بحالها

وما شلتش الجملة اللى انت ملونها بالأحمر

عايز إيه أكتر من كده

مش ذنبى بقى إنك ما بتقراش المداخلات للآخر

لو قريت للآخر حتلاقينى كاتب الجملة دى

ييجى بقى أى قانون يحاول منع الشيخ العشرى .. على طول حيبقى القانون "غير دستورى"

وبعدين يا باشمهندس حكاية جواز القاصرات ده يفهمه اللى عاوز يفهم

ويغطرش عليه اللى عاوز يغطرش

شوف يا باشمهندس

دستور 71 كان بيجرم الزواج دون السن القانونى (18 سنة)

اتشالت مادة التجريم فى الدستور الجديد بإصرار المشايخ .. ليييييييييييييييه

جاوب انت بقى

[أبو محمد]

طيب سؤال تانى يا باشمهندس herohero

هم ليه مشايخ الأمر بالمعروف ، ومشايخ الفضائيات

شاغلين وقت القنوات دى بزواج القاصرات ؟

ليه مش بيتكلموا عن زواج "القاصرين" ويجيبوا أحاديث وفتاوى عليهم

إشمعنى "القاصرات" ومش "القاصرين" ؟

[herohero]

يا استاذي الفاضل انا ماقولتش ان حضرتك مش كاتبها بس بقول ان حضرتك لونت كلمات معينة بالأحمر ويمكن كانت واخده فونت أكبر وجملة بما يوافق القانون مكتوبة عادي مع ان انا شايف انها لا تقل أهمية عن اللي حضرتك لونته بالاحمر وبفونت أكبر

---------

وموضوع مناقشه أي شئ ف الدستور طبعا مش وقته دلوقت لانه شئ انتهى الناس منه خلاص وانا ليا رأي متواضع ان دول كثير ماشية صح ومعندهاش دستور بالشكل التقليدي وماشية بقوانين وان شكلة مصر مش الدساتير ابدا لان دستور 71 كان كويس الى درجه كبيرة لكن مشكلتنا ف مصر التطبيق وآليته

وبالتالي اي راي لنا ف الدستور هيعتبر بكاء ع اللبن او الماء المسكوب فهو شئ انتهى خلاص لكن عشان أقول لحضرتك بكل بساطة لو حضرتك بتقرأ مواد الدستور مباشرة بحسن نية عادي انما لو نظام اننا هنقرأه بتأويل واشمعنا وفكرك هو ناوي ع ايه ونشغل بقى النوايا اياها يبقى الدستور كله مالوش لازمة ونعيش من غيره لان احنا دلوقت محدش بقى واثق ف نية حد وبقينا بنخون بعض

[أبو محمد]

زعلتنى يا باشمهندس بالكلام ده

لو حضرتك بتقرأ مواد الدستور مباشرة بحسن نية عادي انما لو نظام اننا هنقرأه بتأويل واشمعنا وفكرك هو ناوي ع ايه ونشغل بقى النوايا اياها يبقى الدستور كله مالوش لازمة

أومال ازاى كنت عاوز تدخل حقوق وباباك مستشار

طب إسأل بابا كده ؟

[herohero]

النصوص لا تأول

حضرتك فكرتني بمادة اللي فيها ان من حق كل مولود اسم مناسب

ناس قالت لك يعني الدولة هتتحكم ف تسمية ابني

تم تعديل 3 يناير 2013 بواسطة herohero

[أبو محمد]

النصوص لا تأول

وهو فين التأويل ؟

فيه فرق بين التأويل والتفسير والاستنباط والكشف والإنشاء

خلينا فى الخيبة بتاعة العشرى اللى نظام الحكم مهد البيئة المناسبة لظهور أمثاله

[herohero]

عموما عشان ما الاعضاء لا يصيبهم الملل من ردودي ،

موضوع الهيئة ده موضوع لاوجود له ولا سند له ف الدستور والكلام المذكور ف المادة لا يعني ذلك والناس وافقت ع الدستور خلاص واتمنى ان نبحث عن ما يجمعنا لا ما يفرقنا

[أبو محمد]

عموما عشان ما الاعضاء لا يصيبهم الملل من ردودي ،

موضوع الهيئة ده موضوع لاوجود له ولا سند له ف الدستور والكلام المذكور ف المادة لا يعني ذلك والناس وافقت ع الدستور خلاص واتمنى ان نبحث عن ما يجمعنا لا ما يفرقنا

مالهوش سند من الدستور .. ممكن نختلف عليها

إنما لا وجود له ... مش عارف

جايز فعلا الإعلام جايب واحد وقال له قول إن اسمك هشام العشرى واعمل "بلابل"