محامي معتقلي الإمارات: «مليارات عمر سليمان» وراء اعتقال المصريين ...

[aimen]

http://fj-p.com/arti...797#.UOf-eXwayS

محامي معتقلي الإمارات: «مليارات عمر سليمان» وراء اعتقال المصريين

2013-01-03 22:22:34 كتبه : جبر المصري

كشف محامي أحد المصريين المعتقلين في الإمارات أن السبب الرئيسي في اعتقالهم يرجع إلى أن تلك المجموعة التي قامت السلطات الإماراتية باعتقالهم قد رفعت مذكرة إلي الشيخ محمد بن راشد آل مكتوم نائب رئيس الدولة رئيس مجلس الوزراء حاكم دبي، للتحقيق فيما نشرته مجلة «انتلجنس أون لاين» الفرنسية عن قيام «بنك دبي» بالاستيلاء على مبلغ «7 مليارات دولار» من أرصدة اللواء عمر سليمان مدير المخابرات المصرية السابق بعد وفاته.

حيث قام المصريون بعرض تحقيق قامت بنشره مجلة «انتلجنس أون لاين» الفرنسية المتخصصة في شئون الاستخبارات، أشارت فيه إلى أن أسرة سليمان قد رفعت دعوى قضائية ضد بنك دبي التجاري بتهمة إخفاء مبالغ ضخمة من أرصدة عمر سليمان بعد وفاته.

وقالت المجلة: "إن أسرة سليمان استخدمت مكتب «برايت كايز» للمحاماة في لندن لتولي القضية بعد محاولات ودية مع بنك دبي التجاري استمرت أكثر من ثلاثة أشهر دون نتيجة تذكر".

وقدرت المبالغ المختفية من أرصدة عمر سليمان - حسب المجلة الفرنسية، بمليارات الدولارات، فيما أفادت بعض التقارير إلى أنها تزيد على سبعة مليارات دولار.

ويبلغ عدد المعتقلين 13 مصريا يعملون في تخصصات ووظائف مرموقة مختلفة بدولة الإمارات، وبينهم 3 أطباء وصحفي، فضلاً عن صيدلي، وبعض هؤلاء تم التمديد له في وظائفه بعد السن (60 سنة) لأكثر من مرة اعترافًا بكفاءاتهم العملية، الأمر الذي يطرح علامات استفهام حول أسباب القبض عليهم

المقال منشور فى جريدة الحزب الحاكم .....

ياترى ما علاقة اللى بيحصل بوجود شفيق فى الامارات وكمان وجود عدو الاخوان ضاحى خلفان والتصريحات الخايبة بتاعه العريان - وان كانت حقيقية - ان البعض فى الخليج يخاف من تاثير ما يحدث فى دول الربيع العربى -

وكمان زيارة مدير المخابرات شحاته وعصام الحداد ودى الزيارة اللى جريدة الخليج بتقول انها فشلت بل واحرجت الرئاسة المصرية بانها سألت عن - المقبوض عليهم - من الاخوان وفقط وتناست اكثر من 250 مصرى مسجون هناك

كل ما اتمناه ان لا تتحول الى الامور الى ما يضر المغتربين فى الامارات ويارب يهدى الرئاسة والعريان وما يولعش الأمور اكثر بتصريحات خايبة

[herohero]

هتلاقي حضرتك ردود ان الاخبار ده غير موثوق فيها وان اصلا عمر سليمان لم يقم بالاقامة ف ابوظبي قبل وفاته وان احمد شفيق أصلا مش ف الامارات وده لان الخبر قد يكون ضد هوى الكثيرين

-----------------

معلومة بقى ع جنب وذكرها ناس كثيرين هو ان العلاقات الاسرائيلية بالامارات ع قدم وساق وان الموساد هناك بيلعب ع راحته وان الامارات من فترة وهي تقوم بالتضييق ع اي توجه لاي جماعه او تيار اسلام سياسي

والكلام ده مذكور

http://www.youtube.com/watch?v=r4sdmdI9bRI

ع فكرة الاعتقالات ف الامارات من قبل موضوع المصريين

http://www.youtube.com/watch?v=aUunCzpcBxs

[التونسى]

7 مليار دولار يعنى حوالى 45 مليار جنيه .. لييييييييييييييييييييه ههههههههههههههههههههههه .. هو عمر سليمان كان عنده مكنة طباعة الدولارات الخاصه بالبنك المركزى الاميركى .. وكان سايب شغله فى المخابرات ومقضيها طباعة دولارات ههههههههههههههه

يا جماعه .. عمر سليمان سواء اتفقنا او اختلفنا عليه .. الا إننا لا يمكن ان ننسى او نتغاضى عن انه كان رئيس اخطر واهم جهاز فى الدوله .. وهو جهاز المخابرات .. اللى مفروض يكون اكثر اجهزة الدولة وطنيه او كفاءه .. او على الاقل نزاهة ونظافة يد .. و45 مليون مليار جنيه رقم يعنى اسطورى .. ولا يصدق تماما

[إمحوتب]

مصر مؤدبة زيادة عن اللزوم مع الإمارات دول مينفعش معاهم لن نتدخل في الشون الداخلية ولن نصدر ثورتنا واي مصري دولقت ممكن يعتقلوه في الامارات باي تهمة ويعملوا حكايات وروايات اصحاب الهوى والايدي الخفية والاطراف المستخبية

ولو حد اتكلم يتقال اهوه يامصريين شايفين مش سالين فى حد غيره يبقى اخواني ضلالي دول نجهزلهم شوية رداحين شبه لميس و عكشة ويتسلوا فيهم و نخلي كلامهم على حق بقى لكن البؤ الي بيقولوا سي مرسي دا معدش ينفع نختلف او نتفق مع الاخوان دي حاجة بينا انما يعتقلوا المصريين ويفتكرونا هنقول يهود ؟لما يقولوا اخوان ؟ وهم مالهم ومال تصريحات الرئيس والعريان حد كان جه عندهم ؟ ما هم واسرائيل حبايب حد كان جاب سيرتهم مننا ؟

[aimen]

شكرا لمروركم الكريم ...الموضوع به عدة نقاط ...

المقال منشور على جريدة الحزب الحاكم ؟؟ ودى مشكلة اذا كان توجه الحزب الحاكم والرئاسة هى معاداة دولة كاملة لمجرد وجود شفيق والمنافس السابق للرئيس وكمان تواجد عمر سليمان لفترة بقى ...

.انا بصراحة مستغرب جدا ازاى الكلام دا يتكتب على جريدة الحرية والعدالة مع انه ممكن يعمل ازمة وطبعا فى ظل علاقتنا العربية الى دايما وابدا تعتمد على الاشخاص ...قد يحدث ما لا يحمد عقباه للمغتربين هناك ...واعتقد كان فيه كلام كثير حول النقطة دى خلال الثورة ...دا غير الحب والود بين ضاحى خلفان وبين الاخوان وكمان على ما اتذكر الكويت كمان دخلت على الخط وقالنت ان اخوان مصر بيدعموا اخوان الكويت بصورة ما

كل اهتمامى هو المغترب ...اللى حيتبهدل فى النص ومحدش حيسأل عليه ...كالعادة لان السفارة لها ناسها وحبايبها

موضوع ان الامارات دولة معفنة ودولة حديثة ليس لها حضارة والكلام الكبير ده ....نقول شوف ابوظبى ودبى وتطورهم وبعدين نتكلم ...كما ان ذكر علاقاتها بالموساد ...مش عارف ايه محل الحكاية دى ...هل الهدف اننا نثبت انها سيئة ولا ايه ؟؟؟ هناك علاقات استخباراتية بين معظم الدول والموساد واعتقد حبايبنا فى مصر عارفين كده ...مش عارف بس انا اتوقع الامور تكون اقل مع الامارات ( حد فاكر حادثة اغتيال المبحوح ) من عدة اعوام

[شيدوان]

المقال منشور فى جريدة الحزب الحاكم .....

_اذا كان المنشور صحيحا فالسؤال ..ما هى صفة هذه الجماعة التى هى مجرد موظفين مصريين فى الامارات

كى ترفع مذكرة إلي الشيخ محمد بن راشد آل مكتوم نائب رئيس الدولة رئيس مجلس الوزراء حاكم دبي، للتحقيق فيما نشرته مجلة «انتلجنس أون لاين» الفرنسية عن قيام «بنك دبي» بالاستيلاء على مبلغ «7 مليارات دولار» من أرصدة اللواء عمر سليمان ؟

_ اذا كان المنشور غير صحيح وذلك اكيد ..فان الحزب الحاكم اللى هم الاخوان يحاول كالعاده الضحك على دقون المصريين ... فلم يذكر فى المقال ان المقبوض عليهم اخوان حتى لا يقول المصريون الغشم الرذله اشمعنى !؟ ..يذهب وفد رفيع المستوى برئاسة رئيس المخابرات بجلالة ادره الى الامارات من اجل 11 اخوانى ، وهم 11 اخوانى افضل والا اكرم والا اهم من مئات المصريين المقبوض عليهم فى كل البلاد ومنهم فى الامارات 250 ..والا عايزين تقولوا ان المصريين المقبوض عليهم كهلم مجرمين وحرام نسال عنهم لكن الاخوان بس هم اللى ابرياء وقضيتهم محترمه وتستاهل الدفاع عنها!!!!!!!!!!

ومن جهة اخرى المقال يريد ان ينظف سيرة الاخوان من كل ما نعرفه الآن عنها فيبعد عن موضوع القضية الحقيقية لهم والتى تملأ وسائل الاعلام ويقول انهم مجرد مصريين شرفاء يسألون عن اموال مصر والمصريين ..وعجبى

[herohero]

ع فكرة الامارات عملت اعتقالات قبل كدة واي حد يجي ناحية تيار الاسلام السياسي بيظبط ف الامارات والكلام ده معروف ولائحة الاتهام الموجه للمصريين تشمل انهم بينظموا هناك وبيدعوا المصريين للانضمام للحزب ومحاولة الوصول لمعلومات سرية عن نظم الدفاع الاماراتية وعمل شركات كواجهة عمل لتحويل الأعمال

---------

طبعا كل بلد لها حق ف التصرف القانوني والتهم طبعا مش سهلة ويمكن ده اللي خلى ف توجه من الدولة لمناقشتها وطبعا حصل ف العيد الكبير ان اترحل ناس من الكويت افتكر كانوا تبع التيار الشعبي او حزب الدستور ودول كانوا لابسين تيشيرتات عليها الشعارات بتاعت التيار الشعبي

أيا كان لكن كلنا عارفين ان الامارات ع لسان ضاح خلفان واخده سياسة متشددة أكثر تجاه المصريين هذه الفترة من بعد 25 يناير وايا كان مبرراتها يعني ع الاقل لم نسمع عن اي مبادرة من قبلها زي قطر والسعودية والكويت

وبالتالي اقامة شخصيات زي سمير رجب وعمر سليمان قبل وفاته واقامة أحمد شفيق وماننساش لما كان بيصلي العيد كان بيصلي مع الشيوخ لم يكن يعامل كشخص عادي

ايا كان ده بيخلي الناس او الصحافة تثير تساؤلات ف عقلية المواطن البسيط