الاختلاف بيننا

[Genius Of Gangs]

السلام عليكم ورحمة الله وبركاته

انا في عدة اسئلة شغلاني وبحاول اشارك اكبر عدد من الناس فيها كنوع من الخروج من ظلمات تيه النفوس الحالية لاني اعتقد ان سوء الخلاف الحالي والفرقة ال دخلت بينا ووسعت الفجوات بين الناس مبتضرش حد قد الناس العادية نفسها ومبتدمرش حاجة الا راحة نفوسهم ومن وراهم بلدهم ومعيشتهم

عشان كده حبيت اشارككم ما يدور في نفسي ومنها :

1- سؤال مهم جدا مبنسالوش لنفسنا قبل ما نتناقش او نختلف هو احنا فعلا بنتناقش عشان نتطور ونخرج بحلول افضل ونقاط تفاهم ولا عشان نحرج ال قدامنا ونهينه ونشتمه ونظهره باسوا وجه قدام الجميع ويخسر شعبية؟

2- طب و ليه المختلف معايا في الراي يبقى عدوي وبيكرهني وانا كمان بكرهه ؟

3- ليه الاختلافات في الراي السياسي والفكري اصبحت اختلافات عقائدية او اختلاف في الهوية كان رايك ده هو اصح حاجة في الكون ومبدأك في الحياة والقدح فيه يعتبر كانه هدم لحياتك وكيانك كله ؟ ألم يبقى معنى لجملة الشافعي " رايي يصواب يحتمل الخطأ وراي غيري خطأ يحتمل الصواب " ؟

4- ليه المختلف معاي في الرأي يصبح عندي من المهمشين تماما ويجب علي اسقاطه عند الناس لان له وجه نظر مختلفة وهل يحق لي تخوينه او اتهامه بالعمالة او النفاق ؟ وهل يحق لي تانيبة او العيب فيه او منعة من خدمة البلد باي صورة لانه تبنى وجهة نظر مختلفة ؟

5- هل من اخطأ باي صورة تسقط خبراته وعلمه وشرعيته في ابداء رايه او محاولة الاصلاح في البلد؟

6- هل فعلا صحيح تطبيق مبدأ الحسنة تخص والسيئة تعم فعند خطأ شخص يتهم كل من على شاكلته او رايه بنفس الخطأ ويتهم بنفس الشيء ؟ هل كل من تبنوا رايا واحد هم على وفاق تام في كل نواحي الحياة وكل الافكار والمبادئ الحياتيه والعكس ك من اختلفوا على راي هم مختلفين تماما ؟

أذا لماذا الكره والانقسام لمذا التصنيف والتفنيد للناس وانواعهم ومذاهبهم ؟

7- وهل كل هذا الجدل والانشقاق يرتقي بالعقل ويساعد على ايجاد حلول بديلة ام هوتعصب اعمى جاهلي يؤدي لتشتت وانقسام وبعد وتخلف عقلي وعلمي وحضاري ؟ وان كانت تلك السلبية اثره فمن المستفيد ؟

الاسئلة دي واجابتها بسيطة جدا وبيها يحصل معرفه حقيقة للوضع وكيفية الخروج منه

الموضوع مش حرب وانت في جانب مين وانا صح ولا انت ال صح ومين بكره يشمت في التاني وبيدعي عليه وبيتهمه بكل سوء دي مركب واحدة ومن غير تربسة دماغ ومن غير خناق مش هتغرق اما العند والانشقاق فبعده غرق لا محالة وان لم يكن للبد - حفظها الله - فهو غرق للنفوس والعقول

احنا كناس عادية لو بنحسبها كده قبل ما نتكلم وقبل ما نتفرج على توك شو ونحكم على الطرفين حسب اي طرف تكون انت هتعرف تحكم عقلك بشكل احسن واوضح

التعصب والغضب من اسوأ قيود العقل بل على العكس هي سلاسل تجر صاحبها لاسوأ هاوية