مقهى اسلامي ف القاهرة

[herohero]

افتتح في مصر مقهى إسلامي، يفصل فيه بين زواره من الرجال والنساء، ويمنع فيه التدخين والاستماع إلى الأغاني.

المقهى والذي يحمل اسم "دماغ كابتشينو" والذي يجذب المارة بديكوراته وألوانه، يقف على بابه حارس يتأكد من شرعية العلاقة بين الشباب والفتيات الراغبين بدخوله.

المقهى مكون من ثلاثة أقسام، أحدهما للشباب، وآخرللفتيات، والثالث للعائلات، مفصولة بأبواب زجاجية، يصعب النظر من خلالها، كما يوجد مصلى خاص للنساء وآخر للرجال في كل قسم على حدة.

وبحسب صحيفة الغد، فإن الفرع الواقع في منطقة مدينة نصر بالقاهرة، ليس سوى بداية لسلسلة كبيرة من الفروع التي ستنتشر في مختلف المحافظات، حسب ما ذكر الموقع الإلكتروني لصحيفة "الوطن".

ويسمح المقهى بإقامة أعياد ميلاد أو أي مناسبة اجتماعية أخرى، رغم تحريم الاحتفال بأعياد الميلاد من وجهة نظر عدد من مشايخ السلفيين، لكن إدارة المكان تسمح به إذا جرى تنفيذه وفقا لشروط الفصل وعدم الاختلاط التي يطبقها على زبائنه، وألا يتم تشغيل موسيقى.

يشار إلى أن إدارة المكان تمنع توظيف النساء، حتى إن كان ذلك لخدمة الفتيات في قسمهن الخاص، كما لا يسمح للفتيات بالجلوس في القسم الخارجي من المكان لأن "الرجال فقط هم من يجلسون في الشارع".

--------------------------------------------------------------

http://www.mbc.net/ar/la_efotk/articles/%D9%85%D9%82%D9%87%D9%89--%D8%A5%D8%B3%D9%84%D8%A7%D9%85%D9%8A--%D9%81%D9%8A-%D8%A7%D9%84%D9%82%D8%A7%D9%87%D8%B1%D8%A9.html#comment%7Clist

[Alshiekh]

هل نرى قريبا

الكباريه الاسلامي

موضة بقى

[herohero]

الحمد لله كنت متوقع التعليق ده والحمد لله

مع ان الكافيه مفيهوش شئ غريب يعني لما يبقى فيه فصل عن البنات والرجال شئ مش خطير يعني وكثير مننا عارفين ان ف كافيهات كثير انت كرجل لما بتقعد فيها بتلاقي كل واحد قاعد مع واحده وبيبقى انت قاعد زي القرني قاعد بتتفرج ع مهازل ومساخر وطبعا مش هنتكلم ع الاغاني العالية جدا وطبعا شوية التحابيش من حشيش وبانجو والكلام ده مش خيال ده موجود ف كافيهات كثير

وبرده بالنسبة للبنات ايه المشكلة لما يكون لهم جزء قاعدين فيه منفصل عن الصبيان ويبقوا بنات ع راحتهم من غير ما يضايقهم كلام مش ظريف ويسمعوا ويشوفوا تصرفات مش ظريفة

لكن كالمعتاد الهجوم ع أي شئ مادام فيه كلمة اسلامي وجري الهجوم والتحدث بالمتاجرة بالدين

طب ع فكرة دبي فيها فنادق للاناث فقط وبيكون فريق العمل كله بنات مثلا وسميها زي ماتسميها فنادق اسلامية او فنادق نسائية لكن اهو فيها فصل

انما اي شئ زيكده يتعمل ف مصر يبقى متاجرة بالدين ،ولبنان لما معمول فها تاكسي بينك للبنات فقط عادي انما لو اتعمل ف مصر وهو تقريبا كان هيتعمل قبل 25 يناير

لكن جزاك الله كل خير يا استاذ محمد اجبت بالاجابة اللي أنا منتظرها

[AbuZeyad]

هي مش متاجرة بالدين ولا حاجة

اظن انها تكون متاجرة بالدين لو قالوا ان اللى هايقعد في الكافية دا هايدخل الجنة وان الكافيهات التانية بتدخل النار

بالعكس انا شايف في دا نوع من الذكاء التجاري

بيوفر سلعة لأول مرة لفئة معينة من الناس مش بتحب الاختلاط ولا انهم يسمعوا أغاني ايه المشكلة في كدا؟

هما فتحوا واللى مش عاجبه مايرحش وعنده الكافيهات التانية

الفكرة دي كمان ليها بعد ايجابي ان اصحاب الكافية كانوا ايجابيين وراحوا نفذوا الفكرة من منظور اسلامي بدون مظاهرات ولا دوشة ولا مليونية لتطبيق الشريعة في الكافيهات ولا اعتصام لتطهير الكافيهات!

وفي الاخر كل واحد بيختار اللى بيناسبه

تم تعديل 7 يناير 2013 بواسطة AbuZeyad

[herohero]

ع فكرة الكافيه اسمه - دماغ كابتشينو

يعني اسم روش زي مابيقولوا وف لقاء مع رواده البنات عاديين والله بس كل اللي فيها ان كثير منهم اتخنق من قلة الادب اللي بتحصل ف كافيهات كثيرة وشايفين ان ده بيقدم شئ كانوا عاوزينه

وكذلك الشباب والعائلات أيضا

[ناصر الملك و الملكية]

حاجا أمورة خالص

[pink rose]

دي صفحة الكافية على الفيس

D.cappuccino cafe

D.cappuccino Café

Yesterday

مفيش اي مكان في الدنيا من حقه انه يطلب منك تحقيق الشخصية غير الجهات التنفيذية المسؤوله في الدولة .. ولا من حقه يسالك عن طبيعية العلاقه بين وبين شخص اخر ،،

وما ينشر عن الكافيه هو نوع من الكذب المغولي لم ولن يحدث ابداً ^^

[Alshiekh]

الحمد لله كنت متوقع التعليق ده والحمد لله

مع ان الكافيه مفيهوش شئ غريب يعني لما يبقى فيه فصل عن البنات والرجال شئ مش خطير يعني وكثير مننا عارفين ان ف كافيهات كثير انت كرجل لما بتقعد فيها بتلاقي كل واحد قاعد مع واحده وبيبقى انت قاعد زي القرني قاعد بتتفرج ع مهازل ومساخر وطبعا مش هنتكلم ع الاغاني العالية جدا وطبعا شوية التحابيش من حشيش وبانجو والكلام ده مش خيال ده موجود ف كافيهات كثير

وبرده بالنسبة للبنات ايه المشكلة لما يكون لهم جزء قاعدين فيه منفصل عن الصبيان ويبقوا بنات ع راحتهم من غير ما يضايقهم كلام مش ظريف ويسمعوا ويشوفوا تصرفات مش ظريفة

لكن كالمعتاد الهجوم ع أي شئ مادام فيه كلمة اسلامي وجري الهجوم والتحدث بالمتاجرة بالدين

طب ع فكرة دبي فيها فنادق للاناث فقط وبيكون فريق العمل كله بنات مثلا وسميها زي ماتسميها فنادق اسلامية او فنادق نسائية لكن اهو فيها فصل

انما اي شئ زيكده يتعمل ف مصر يبقى متاجرة بالدين ،ولبنان لما معمول فها تاكسي بينك للبنات فقط عادي انما لو اتعمل ف مصر وهو تقريبا كان هيتعمل قبل 25 يناير

لكن جزاك الله كل خير يا استاذ محمد اجبت بالاجابة اللي أنا منتظرها

جميل جدا انك كنت متوقع ردي

لكن للأسف أنا لم أكن أتوقع انك اعتدت الذهاب لتلك الاماكن التي اسميها انا "غرزة" وليس "كافيه" لانني لم اتوقع ان يكون هناك كافيه محترم يتم فيه تدخين البانجو والحشيش ويجلس فيه البعض ليلعب دور "القرني".

أعذرني فلم أذهب في حياتي لاماكن مثل التي قمت بوصفها في مداخلتك سواء ايام كنت صغيرا او بعد الزواج وتكوين الاسرة.

هناك أماكن عائلية ومحترمة كثيرة ولا تسمي نفسها اسلامية والطلبات تقدم فيها بأسعار زهيدة وليست غالية.

المشكلة ايها الفاضل هو التلاعب بالاسماء واضافة عنصر الدين لها لتحقيق مكاسب دنيوية، الا اذا كنت انت من اضاف كلمة "إسلامي" إلى كلمة "كافيه" فهنا يكون الامر مختلف.

وعلى فكرة احنا زمان كنا نسميها "كافيتريا" لكن جيلكم بيدلعها "كافيه".

[tarek hassan]

بعد ما كنا بنعيب على اللي بيقعدوا على القهوة وبنقول مش عارفين مصلحتهم ..... أصبح عندنا قهوة إسلامية ويمكن قهوة مسيحيية في المستقبل ....

ليه منعملش اللي إحنا عايزينه من غير ما ننسبة للدين ونقع في هذا الجدل ..

فعلى حد علمي المتواضع - طالما الأمر منسوب للدين - فهذه بدعة لأن لا الرسول ولا الصحابة قعدوا على قهوة ولا جاء أحد التابعين وفتح كافي شوب ولم يحك لنا التاريخ الإسلامي شيئا عن هذه المهنة ..

إحنا مصممين ما نسكتش ونهدا شوية وكل ما نخلص من حفرة يوقعونا في دحديرة وما يصدقوا الناس تنسى حاجة يروحوا داخلين بالتانية ..

نحن الآن أمام جدل القهوة الإسلامية ... وهل بقية القهاوي كفار وحكم الجالسين فيها لو حد قعد شرب شاي ومشى .....

وفين السيدات اللي بتقعد على القهوة علشان نفصل بيتهم وبين الرجالة ...

[herohero]

يا استاذ محمد انزل ع الكافيهات ف مدينة نصر ومساكن شيراتون ومناطق المفروض انها راقية وشوف التصرفات اللي بتصدر من الشباب هناك اذا كانت اولاد او بنات وانا للاسف كنت بقعد لدقائق معدودة لان مش من مرتادي المقاهي او الكافيهات لكن كان بيكون مكان أقابل حد مثلا اخد منه ورق لزوم الشغل او ماشابه لان للاسف كثيرين بيعتبروا ده عادي جدا وانا بصراحه مش بحب ده

والكافيه الاعلام اطلق عليه اسلامي انما هو اسمه دماغ كابتشينو تقريبا

انا حطيت الموضوع عشان الفكرة عادية لكن الاعلام كالمعتاد وجهها اتجاه اخر

اما الموضوع ف نظري عادي جدا زيه زي الشواطئ النسائية فقط وهي موجودة ف مصر من فترة --الياشمك

وفنادق ف دبي للسيدات فقط او مايعرف بالسياحه الاسلامية واللي موجود منها ف ماليزيا

لكننا ف مصر للاسف بنحب نوجه الامور ف اتجاه غير طبيعتها

تم تعديل 7 يناير 2013 بواسطة herohero

[ssmaly]

اولا مبروك الافتتاح وده يبقى اول خطوة فى مشروع النهضة العظيم

انا سعيد ان يكون هناك مقهى او كوفى شوب او كافيتريا (كل واحد حسب جيله)ان يكون هناك مقهى ذو قواعد تحترم الذوق العام من منع للمخدرات والتدخين والتحرشات ولكن لماذا نطلق عليه اسلامى؟هل المجتمعين هناك لاجل الصلاة او لاجل الدعوة الاسلامية ام لاجل قتل الفراغ مع شرب بعض المشروبات الساخنة فى الشتاء والباردة فى الصيف؟

لماذا مشروع لقتل الوقت بدلا من الاستفادة منه؟

ولا انه مجرد مشروع تجارى هدفه الربح وماشى مع موجه التيار الاسلامى ومثله مثل البنوك الاسلامية ومحلات المحجبات؟

انه ذكاء تاجر يستغل اى شىء فى تحقيق مكسب ورواج لمشروعه حتى لو استغل الدين فى ذلك

[herohero]

المقهى اسمه دماغ كاباتشينو

الاعلام هو اللي بيقول مقهى اسلامي وانا شوفت كلام وائل الابراشي عليه وتعجبت لان كل اللي عمله الكافيه انه وفر شئ قد يطلبه البعض وهو ان يكون هناك جزء للعائلات وجزء للبنات وجزء للشباب ولا يسمح فيه بالشيشة والموسيقى العالية

يعني المقهى او الكافيه لم يأتي بشئ غريب وكثيرين من الناس كانوا عاوزين كدة ايا كان قناعتنا لكن ده طلب والسوق عاوز كدة يبقى نقدم الخدمة ده وزيها زي التاكسي البناتي اللي ف لبنان والفنادق النسائية وزي مثلا مطعم ف مصر كان للصم والبكم رواده والعاملين فيه يعني ف نظري هو كافيه عادي جدا لكن اعلامنا المبجل لازم يسخن الامور ويهيج ليس الا زي لما نقول بنوك اسلامية وهي موجودة ف مصر طول عمرها لكن لان الاسلاموفوبيا وصلت مصر فبقى اي شئ ملصق به اسم الاسلام بيكون له وقع غريب

ولسه طبعا الفقرة اللي هتيجي هي ان فيه مشايخ سعوديين جم مصر منهم عائض القرني والشيخ العريفي حاليا وانا ف مصر بيتكلموا ع المد الوهابي

طب لما كان بيجي رابح صقر وعبادي الجوهر وطلال المداح وعتاب

مكنش ده مد بدوي خليجي لمصر

[herohero]

http://www.youtube.com/watch?v=P-a3_n5muu0

[أبو محمد]

http://www.youtube.com/watch?v=P-a3_n5muu0

إنت مشارك فى البتاع ده ولا إيه يا herohero

:)

ده بقى زيه زى أفلام "الجمهور عايز كده" أو الأفلام التجارية

باحترم طبعا الفكرة التسويقية للكافيتيريا

بس ياريت تقول لى على وسيلة الإعلام الفاسد اللى سمت الكافيتريا

"كافيه إسلامى"

من باب العلم بالشئ يعنى

على فكرة .. فى شارع العطارين فى اسكندرية محل عصير قصب

سورى يعنى .. الدبان بيعف عليه

بس المحل معلق يافطة مكتوب عليها

وسقاهم ربهم شرابا طهورا

وده برضه من باب : "الجمهور عايز كده"

نديله اللى هو عاوزه ، وناخد فلوسه

[herohero]

الخبر قايل مقهى اسلامي والاستاذ وائل الابراشي عامل قصه ع كلمة اسلامي وهو اصلا اسمه دماغ كاباتشينو والفيديو اللي حاطه ده دعاية لهم وهم لهم صفحة ع الفيس بوك

فاللي قالي عليه اسلامي هو الاعلام

http://www.mbc.net/a...#comment%7Clist

تم تعديل 7 يناير 2013 بواسطة herohero

[pink rose]

دي صفحة الكافية على الفيس

D.cappuccino cafe

D.cappuccino Café

Yesterday

مفيش اي مكان في الدنيا من حقه انه يطلب منك تحقيق الشخصية غير الجهات التنفيذية المسؤوله في الدولة .. ولا من حقه يسالك عن طبيعية العلاقه بين وبين شخص اخر ،،

وما ينشر عن الكافيه هو نوع من الكذب المغولي لم ولن يحدث ابداً ^^

و الله العظيم حاجه عجيبة جدا

يا جماعة الحكاية مش عارفه ازاي دخل فيها اسلامي و ما اسلامي

دول مجموعة شباب كانوا عاملين الصفحة دي

دماغ كابتشينو

واحد منهم مبدع تصوير بجد

المهم فكروا في مشروع و عملوا كافيه باسم صفحتهم على الفيس

و كنا متابعين الخطوات اول باول

كل الحكاية انهم مقسمين الكافيه اقسام

قسم للبنات بس و مسمينه قسم البناويت

قسم للمذاكرة و البيزنس و دا فيه نت سريع

قسم للاولاد بس

و قسم عائلات

فكرة حلوة و كل واحد يختار يقعد في القسم اللي على كيفه

لا هما قالوا احنا اسلاميين و الكافيه اسلامي و لا اي حاجه من الحوار دا

انا اصلا استغربت من الموضوع و افتكرتكم بتتكلموا عن كافيه تاني

و عشان كده حطيت بيدج الكافيه عشان تدخلوا و تشوفوا بنفسكم

و دلوقتي حطيت البيدج الاولى خالص ليهم

تم تعديل 8 يناير 2013 بواسطة pink rose

[أبو محمد]

الخبر قايل مقهى اسلامي والاستاذ وائل الابراشي عامل قصه ع كلمة اسلامي وهو اصلا اسمه دماغ كاباتشينو والفيديو اللي حاطه ده دعاية لهم وهم لهم صفحة ع الفيس بوك

فاللي قالي عليه اسلامي هو الاعلام

http://www.mbc.net/a...#comment%7Clist

وأخيرا انضمت ال mbc إلى قبيلة الإعلام الفاسد

[herohero]

مش أنا اللي قولت اسلامي انا نقلت الخبر من ام بي سي وحاليا حطيت فيديو وائل الابراشي اللي زعلان فيه من اطلاق كلمة اسلامي عليه مع ان المقهى اسمه دماغ كاباتشينو

http://www.youtube.com/watch?v=6YNAM3ckgb4

تم تعديل 8 يناير 2013 بواسطة herohero

[suma]

بسم الله الرحمن الرحيم

والله فكره جميلة بس من يقوم على الخدمة في قسم النساء لم لا يكون من الفتيات؟؟؟أما حكاية التدخين دي برضه

جميلة حدابس كي تنجح الفكرة عليهم ألا يتشددوا مع الزائرات حيث التحجب يتركن النساء كما هن.

سومه