أستاذ دكتور طب شرعي .. حرامي

[Handicraft]

وصلنى هذا على البريد

لم اشاهد الحلقة فهل احد منكم شاهدها؟؟

----------------------

بسم الله الرحمن الرحيم

أستاذ دكتور طب شرعي .. حرامي

ده عنوان حقيقي مش للدعاية و لا للفت الانتباه ... القصة ملخصها في السطور التالية :

مخلوف محمود إبراهيم ... مواطن مصري .. مدرس في معهد أزهري متواضع الامكانيات للفتيات ، وهو من قرية قرب بلدة أبو حمص شمال مدينة دمنهور ببضعة كيلو مترات بمحافظة البحيرة ...

بسبب ظروف إصابة مرض السرطان لأحد أفراد عائلته أصبح شغله الشاغل أن يبحث عن علاج لهذا الشبح القبيح الذي أدخل الحزن إلى قلبه كثيرا ً .. خصوصا ً إن مخلوف تخصصه كيمياء !!! ولأنه خريج من كلية العلوم ، الكلية الـ دايما ً بتوجد لنا العلماء الأفاضل ..بدأ يفكر و بالدارسة و الإمكانيات المتواضعة حوله في ريف أبو حمص وضع فكرة لعلاج مرض السرطان و هذه الفكرة علمية تماما ً تعتمد على إدخال مواد معينة إلى داخل الخلية المصابة بالسرطان لكي تتحول هذه المادة بتفاعلها مع أخرى إلى مادة مختلفة تتسبب بتلف و ضمور الخلية ثم موتها ...

طبعا ً .. كده كلام تمام و اكتشاف جميل هـ تشيله له البشرية كلها ..

و لأن الإمكانيات ضعيفة في الريف حول مخلوف فقد قام بعرض ملخص الفكرة على موجة ( الأحياء أو العلوم .. تقريبا ُ ، معرفناش موجه ايه بالضبط ) من موجهين المعهد الذي يقوم بالتدريس فيه .. فقال له عليك بأساتذة الجامعة لأنهم أكثر تخصصا ً و دراية بالنواحي البحثية و العلمية .. فقرر أن يتوجه إلى مدينة الإسكندرية التي تقرب منه شمالاً في حدود 50 كيلومتر فقط تقريبا ً ..

وهناك التقى بشخصيات كثيرة و تستحق التقدير ، ومنهم السيد اللواء عبد السلام المحجوب محافظ الإسكندرية الذي قام بدورة بدعم مخلوف أدبيا و معنويا ً وحتى عرض المساعدات المادية بعد ذلك ..

وكرما ً منه كمحافظ الإسكندرية فقد قام بتوجيه مخلوف إلى السيد الأستاذ الدكتور محمد النجار أستاذ الطب الشرعي بكلية طب الإسكندرية بجامعة الإسكندرية و الذي قام بدورة بالترحيب بالفكرة و تشجيع مخلوف و اتفق أن يقوم هو بالجانب البحثي و التجارب على المواد التي تقدم بها مخلوف ووفقا ًُ للفكرة التي قدمها مخلوف .. و خلال بحثهم الذي علمت به شركة مصرية تعمل في مجال الأدوية قامت بعرض مبلغ مليون جنيه مصري .. على مخلوف !!

طبعا ً الرقم ده وهمي بالنسبة لمدرس في معهد أزهري للفتيات في الريف المصري يتقاضى متوسط 190 جنيه كراتب شهري .. !!! وهو كان في بداية الموضوع بيدوّر على ألفين جنيه بس عشان يعمل شوية تحارب بسيطة على فكرته وملقاش فتوجه الى محافظ و جامعة الإسكندرية للمساعدة .. !!

عرض مخلوف العرض على أستاذه الدكتور محمد النجار الـ رد عليه و قاله... لا .. لا .. لا يمخلوف .. بلاش !!

طبعا ً إخوانّا البعده بتوع شركة الأدوية ( حيتان الدوه في مصر ) رجعوا لمخلوف و خدوه يقابل ناس أكبر في شركتهم و عرضوا على المرة دي خمسة مليون خنيه و ينسى الفكرة ليهم .. يعني يسيب الفكرة و ينسبوها ليهم هم .. و طبعا ً مخلوف رفض و الدكتور بتاعه كمان رفض وقاله ان الخمسة مليون دووول مـ يكفونيش أنا لوحدي !! ..

شوية بدأ مخلوف يسأل الدكتور بتاعه على مجرى الأبحاث و ماشية ازاي .. و يطّمنه الدكتور بإستمرار بإن الموضوع تمام و ماشيين على خطوات ثابتة للأمام .. و تنشر جريدة آخر ساعة مقالا ً يتناول الموضوع و تفاصيله و دعم الدكتور محمد النجار للموضوع و على لسانه أن مخلوف اكتشف شيئا ً رائعا ً سيصبح شيئا ُ عظيما ً وأنا معاه و هـ أساعده للآخر..

بس بعد فترة ... .. طويلة نسبيا ً ... شهور يعني ... !! .. بدأ مخلوف الـ مكنش يعرف حاجة عن الأبحاث الـ الدكتور بيعملها يقلق على إكتشافه ,, وبدأ يسأل الدكتور .. فطمأنه بأنه أصبح الآن يجرى التحارب على عينات دم محفوظة في شرائح ,,, ولما طلب مخلوف أن يحضر هذه التجارب .. رفض الدكتور و منعه .. بس بشكل يثير الشك و الريبة !

إتجه على الفور الى محافظ الإسكندرية والذي إتصل بدوره بأستاذ الطب الشرعي الدكتور محمد النجار ليسأله عن سير الأمور .. فطمأنه بأن الموضوع تمام و أنه في اتجاهه لإجراء التجارب على الحيوانات قريبا ً ... و عرض السيد المحافظ على مخلوف بأن يبلغ الدكتور بإستعداد المحافظ للدعم المالي و المادي للموضوع .. فعرض مخلوف هذه الأمر على الدكتور .. فقال له .. سيبني شوية يـ مخلوف ..

كلام جميل جدا ... . . جدا ً .. .. بس وأنا بأتفرج على برنامج على قناة دريم 2 المصرية ,," حياة "للمذيعة نجوى إبراهيم . أرى مهزلة !!

أستاذ دكتور في طب الإسكندرية ..و رئيس نوادي علوم الأهرام .., ودكتور آخر من الناس الأفاضل .. و مخلوف ! وطبعا ُ نجوى إبراهيم .. .. وملخص الـ حصل بسرعة ...

الدكتور بيهاجم مخلوف على الهوا ... بأنه إنسان موهوم و إنه بيحلم و مصحاش من النوم .. ! .. طيب يـ دكتور .. ايه المشكلة ؟ .. يرد يقول مخلوف عاوز يسرق فكرتي و ينشرها .. .( خلي بالكووو ) الدكتور ده هو الدكتور محمد النجار الـ كا متبني مخلوف قبل كده وفجأ ة قلب عليه الأيام الأخيرة .. و بدأ لما واجهه مخلوف بكلامه السابق و المستندات و تسجيل مخلوف لبراءة الاختراع منذ سنة 2000 .. بدأ يتكلم كلام ناس غير متعلمة وكلام لا يصدر منه كأستاذ دكتور بكلية الطب و التي أدعو عميد الكلية و رئيس الجامعة بتحويل هذا الأستاذ الدكتور الى التحقيق بسببها وهي :

وحياة الميّة الطاهرة دي ( قدامه كوباية مية عـ الترابيزه )

وحياة المصحف الشريف ...

أنا جبت تعبان و دفيته في عبّي .. ولما كبر هـ يموتني

كل ده مفاده ان مخلوف ده حرامي .. !! بصورة بشعة و تبريق للعينين .. و رفع لنبرة الصوت و الجعجعة الفاضية . .. يعني يخدوهم بالصوت لا يغلبوكم .... و الدكتور يشوّح و يشاور بإيديه و دراعاته و يزعق بأعلى صوت .. بس بكلام غير منطقي و غير محدد .. كلام غوغائي للتشويش على المشاهدين و الضيوف و المتحدثين منهم . ..

.. .. أتاري الدكتور الشريف .. سرق الفكرة .. وعمل أبحاثة و أضاف مواد جديدة لمواد مخلوف .. , ظّبط نفسه أحلى تظبيط .. و باع الموضوع لشركة أدوية أمريكية نغنغته هو و أهله .. بملايين الدولارات .. وبدأ معركته للقضاء على مخلوف ..

وفي الحوار لما سألته المذيعة نجوى إبراهيم و التي كان ملاحظا ً عليها عدم تصديق الدكتور و تصديقها لكلام مخلوف ، قالت له طيب يـ دكتور .. انت كده أخدت فكرة مخلوف و إشتغلت عليها ..و اكتشفت مادة تانية ؟.. قالها لا دي فكرتي .. وبعدين المادة مش هـ اقول عليها .. و مخلوف بصفتة كيميائي المفروض يعرفها لوحده ، المادي دي لما بتتسخن بيطع منها Opject بيفتح الخلية ..و يموتها .. . .. . بالذمه ده كلام علمي ؟؟؟؟؟

وتسأله مرة أخرى المذيعة : هل عرضت عليك جهات شراء الفكرة يـ دكتور ؟؟؟؟

يسكت .. شوية ..

و يفكرة .. . .. ( البرنامج عـ الهوا .. )

.. و يتردد .و يقول لا .. محدش عرض حاجة ....

تسأله لمذيعه يعني مفيش شركت أمريكية عرضضت عليك حاجة .. ؟؟

يرد في نفس الوقت .. بل ذات اللحظة اتعرض علي من ألمانيا عرض من شركة بت 5 مليون جنيه !

. . . . .. . ..بالنسبة لي أنا كانت أكبر إمتعاضه على وجهيي !

يقوم مخلوف بالرد بأنه لا يوجد مخترع لشيء حقيقي يرضى و يقبل بأن يبيع حق إختراعه لو بملايين الأموال ..

ويتم توجيه الكلام لمخلوف ...ليقول بأن إختراعه قومي .. ولن يبيعه لشركة أمريكية أو أجنبيه .. بل ليستفيد به أهل مصر و وليساعد الفقراء الذين لا يملكون مال علاجهم ويموتون يوميا ً لذلك .. والذين كان منهم من مات من أقاربه بسبب السرطان ..

. . . .منظر الدكتور محمد النجار مش عاوز أقولكم انه كان مش ولا بد خالص .. طالع عـ الهوا بيقول أنا حرامي و مش حرامي و بس .. و أهبل ..لأنها سجل براءة إختراع في أكاديمية البحث العلمي .. بس بعد تاريخ تسجيل براءة إختراع مخلوف .. على نفس الفكرة .. و بيتكلم قا ل ؟ ؟ ؟ .. !!

هـ تسأل ينفع أسجل حاجتني كده ؟؟ .. طبعا ً أقولك لا .. والمفروض حتى لو مختلفين عن بعض بس فيهم تشابه .. مـ ينفعش برضه و الأكاديمية ترفض .. بس تقول ايه .. الفلوس تعمي النفوس ..و إحنا في مصر مفيش أسرع من الرشوة لتخليص الـ مـ بيخلصش ....

ينتهي الحوار .. بأن يتجه السادة الضيوف مع المذيعة بنداء للسادة المسئولين لتبني إكتشاف الأستاذ الكيميائي مخلوف ( أصبح أخصائي كيميائي بجامعة الإسكندرية - منتدب من الأزهر ) .. ومساعدته و إيجاد و توفير المناخ العلمي لمثل هذه المواهب ..,... .

و أيضا ينتهى الحوار بأن الدكتور محمد النجار مش عارف يقول حاجة و شكله وحش قوي .. ..

طب إنت حرامي و سرقت حق إختراع تلميذك ... خليك متـّداري ( مستخبي يعني ) وبلاش تتطلع و تشوح بإيدك في التلفزيون على الهوا كده و تبجح و إنت مش على حق .. و إعرف إن الحق لازم يرجع لأصحابه مهما طال الأمد ..

ونحن هنا نوجه ندائنا للسادة المسئولين ( الشرفاء منهم الـ مبيشتغلوش لحساب أمريكا في البلد ) بالتحقيق في الموضوع و عدم ترك مثل هذا الدكتور المرتشي ينعم بالملايين بينما يعيش مثل هذا المخترع الشريف ، والذي أعتبره عالما ً ، بمرتب لا بتعدى الـ 190 جنيه والذي يتحمل منه مصاريف سفره و إيابه من الإسكندرية و إليها ...

كفاية نوم في الطين بقه يـ مصر ... شكلنا بقى وحش جدا ً قدام نفسنا و قدام عيالنا

ارجو تمرير هذه الرسالة إلى كل من تستطيع

تم إذاعة البرناج على قناة دريم 2 و أناشد السادة المسؤلين في القناة إعادتها مرة أخرى في موعد مناسب ليتسنى فضح المؤامرة

-------------------------

السؤال هو هل هذه الواقعة حقيقية؟

وما هى قانونية وضع الطرفين؟ وخصوصا لو قام احدهم بتحوير الفكرة لأخرى ذات فائدة؟ وهل الأفكار المسترسله يعتد بها قانونيا وخاصة إذا كانت افكار نظرية من غير المتخصصين؟

[se_ Elsyed]

شاهدت هذه الحلقة وبصراحة قرفت وما كملتهاش لما تحولت إلى سوق سمك وردح ..

فأطرافها كانوا كالآتي :

- الاخ مخلوف صاحب الإختراع الخزعبلي اللي مش عارف يتكلم كلمتين علميتيين على بعض .

- الاخت نجوى سرحان .. قصدي نجوى إبراهيم التي تسير على خُطا هالة سرحان مهيجة الجماهير .

- الدكتور اللي بيقولوا عليه حرامي .. ومن خلال كلامه كبيره قوي ينفع نجار مُسلح .

- إتنين بيقولوا عليهم دكاترة واحد دكتور في علم الوراثة والتاني مش فاكر تخصصه إيه بالظبط وعمالين يتكلموا كلام عايم لا يسمن ولا يُغني من جوع ..

والحلقة كلها ما هي إلا مسلسل تهييجي عبيط زي حلقات الشعوذة والجن كده .. كله عبط X عبط

[yasser6666]

اللي عاجبني في الموضوع ده كله هو موقف المحجوب محافظ الاسكندرية بصراحة

علي الاقل فيه لسه ناس عندها ضمير وعايزة تخدم البلد من قلبها ومش بتبص لمصلحتها الشخصية وبس

(ربنا يجعل كلامنا خفيف عليهم احسن يتشال بكرة)

[أمـــــل]

السلام عليكم

انا اعرف بعض التفاصيل الحديثة عن الاستاذ مخلوف

لو عندكم رغبة في معرفتها انا على استعداد

امل

[Alshiekh]

السلام عليكم

انا اعرف بعض التفاصيل الحديثة عن الاستاذ مخلوف

لو عندكم رغبة في معرفتها انا على استعداد

امل

أولا : أهلا وسهلا ... نورن المنتدى ونتمنى لك اقامة طيبة

ثانيا : من غير استئذان ، المنتدى مفتوح لكل الآراء

[أمـــــل]

السلام عليكم

انا كتبت مرتين لحد دلوقتي ومسحت الكلام

لاني بكتب باطالة جدا ومش عارفة اختصر

انا والله ما كتبتش الكلام دا الا للفائدة فانا بصراحة وصل لزوجي على ايميله رسالة بتقول انه في علاج اسمه علاج الرحمة وهو اختراع جديد يقضي تماما على مرض السرطان بدون اي تدخل جراحي ولا كيماوي ولكن فقط مجرد عقاقير ورخيصة اكتشفها دكتور كبير اسمه محمد النجار وكانو كاتبين رقم موبايله .. فاتصلنا بالرقم لكن الرقم كان ملغي ولا يعمل ..

فبحثت في الانترنت في جوجل عن اسم محمد النجار واثناء بحثي قريت هذا الموضوع اللي انا بكتب فيه دلوقتي . واستغربت جدا ان دكتور كبير زيه يعمل كده وان اطماع الدنيا تخليه يحرم ملايين على فراش المرض من الشفاء وهو بيكونو بينتظرو بريق امل للشفاء .. استكملت البحث وقريت على النت في مجلة اخر ساعة تأكيد لموضوعكم ده وقريت اسم الاستاذ مخلوف الكيميائي وقررت اني اختصر الطريق لان حالة صديقتي كانت متأخرة جدااااااا

اخدت اسم الاستاذ مخلوف ووظيفته وبلده الصغيرة في الارياف وقررت انا وزوجي اننا نسافرله وسافرنا واحنا مش عارفين هنقابله والا لأ وهل هيكون صادق والا لأ ولكن اعتمدنا على انهم في الارياف كلهم بيعروفوا بعض وفعلا لقيناه وقابلناه

مش هطول في الحديث عن مشكلته مع الدكتور النجار ولكن هدخل في الجزء الاهم اللي انا بكتب الموضوع دا عشانه وهو الدواء وفاعليته ...

الاستاذ مخلوف مقدرش يقول لي عن الدواء لانه لسه هيتم النطق بالحكطم النهائي فيه في شهر سبتمبر القادم ولكن وصف لي وصفة سأذكرها في نهاية الحديث ..

قالي بالنص وبالحرف

السرطان عدوه الاول هو الاكسجين لذلك عندما يبدأ في مهاجمة جسم الانسان بيبدأ بضرب خلايا الاوكسجين في الجسم .. والانسان طبيعته هوائي يعني الاكسجين اساسي لحياته .. لذلك فان محاربة السرطان لابد وان تكون بعدوه وهو الاكسجين .

المادة الفعالة مكونها الاساسي هي الاكسجين وموجود في دواء في الصيدليات اسمه اكواجين Aquagen

بالاضافة الي مادة الليمون الموجودة في محلول معالجة الجفاف ومتوفر باسم ريهيدران Rydran - n

العلاج دا بفضل الله جاب نتيجة مع ناس كتير منهم دكتورة اسمها زهراء عفت وهي سفيرة للنوايا الحسنة

كانت اصيبت بالمرض واخدت الجرعات بالاكواجين ومحلول معالجة الجفاف بنسب معينة وتم شفاءها

الدكتورة دي استضافوها في التليفزيون وقالت عن الدواء اللي وصفهولها الاستاذ مخلوف يعني الموضوع مش تخاريف ابدا وان شاء الله ياخد الحكم ويتم الشفاء لكل المرضى

الجرعة عبارة 25 نقطة من الاكواجين على نص كوب ماء معدني بشرط عدم التقليب باي ملعقة معدنية

لان الاكسجين ممكن يتفاعل الاكواجين بيؤخذ مرتين يوميا على الريق يعني صباحا قبل الاكل والافطار يكون مش قبل ساعة بعد تناول الدواء

اما محلول معالجة الجفاف فيؤخذ منه نص كيس على نص كوب ماء مرتين في الاسبوع

الادوية على فكرة احنا سألنا الطبيب عليها وياريت الكل للاطمئنان يسأل طبيب بيثق فيه لانه ليس له اي اعراض جانبيه بالعكس هو وصف لنا جرعات وقائية وانا وابني وزوجي بناخد منها

الاكسجين من فوائده انه بيرفع مناعة الجسم جدا وبيقضي على الارهاق ونتيجة الدوا بتظهر في خلال اسبوعين او اقل ...

انا مش هقول لكم ان صديقتي استجابت لانها مالحقتش للاسف وتوفت الي رحمة الله لان الدوا لما وصل لها كانت الامعاء انسدت تماما وتوفت قبل ما تاخده للاسف

انا حبيت اطرح الموضوع دا عشان ننشره ونعرف الناس بيه مؤقتا لحد ما يظهر الدواء الاصلي في الاسواق

عاوزة اقول ان الدواء ده ملهوش اي ضرر نهائي ف ليه ما نجربش ان الدوا ما اذاش مش هيضر خالص

ياريت تكون فكرتي وصلت للجميع واسألكم الدعاء لصديقة عمري اماني

انا كتبت الموضوع دا مليش اي مصالح وربنا شاهد غير اني اساعد واسأل الله الثواب

شكرا للجميع

امل

[أمـــــل]

نسيت اقول ان الاستاذ مخلوف لما لقى كل الكبار وشركات الادوية بتحاربه منهم اللي عايز يدي له قرشين وياخد حق تصنيع الدوا وبراء اختراعه ومنهم اللي عاوز ينسبه لنفسه ولقى نفسه ضايع بينهم .. قام بمراسلة

رئيس الجمهورية والرئيس بصراحة استجاب على الفور وارسل الي وزارة الصحة برقية بيطلب فيها ان تشكل

لجنة عاجلة للبت في امر الدواء وبالفعل شكلت لجنة واجمعت كلها على فاعلية العقار الجديد ..

لم يبقى الا ان القانون ياخد مجراه وفي شهر 9 نسمع اخبار سارة في هذا الامر ، ليس من اجل اشخاص ولا مخترعين ولكن من اجل ملايين المرضى الذين يصارعون السرطان ويتغلب عليهم في النهاية دائما.

[mizo]

المادة الفعالة مكونها الاساسي هي الاكسجين وموجود في دواء في الصيدليات اسمه اكواجين Aquagen

بالاضافة الي مادة الليمون الموجودة في محلول معالجة الجفاف ومتوفر باسم ريهيدران Rydran - n

الجرعة عبارة 25 نقطة من الاكواجين على نص كوب ماء معدني بشرط عدم التقليب باي ملعقة معدنية

لان الاكسجين ممكن يتفاعل الاكواجين بيؤخذ مرتين يوميا على الريق يعني صباحا قبل الاكل والافطار يكون مش قبل ساعة بعد تناول الدواء

اما محلول معالجة الجفاف فيؤخذ منه نص كيس على نص كوب ماء مرتين في الاسبوع

i do not understand any thing ,i need some one to explain PLEASE

انا مش فاهم اي حاجه برجاء اي حد يفهمنى يعني ده علاج للسرطان مهما كانت مضاعفاته ماهى النظريه التي بدا بها البحث اان الانسان هوائ هل تمت تجربته على حىوانات تجارب وماهى النتىجه غير كده غير مقبول ان تضيع وقتك

[Scorpion]

يا جماعة الخير .... اذا كان المتحدث مجنون فالمستمع عاقل .....

السرطاااااااان .... عافانا الله ...

السرطاااان ....

سنين و سنين من الأبحاث .. و علماء أفذاذ من جميع أنحاء العالم .. تحت ايديهم معامل فضائية ... و ميزانيات خيالية ..... و لغاية دلوقتي لسه ماحدش لقي علاج حاسم لهذا المرض اللعين ...

نقوم بمنتهي البساطة نسلم عقلنا لشوية كلام خزعبلي ... شوية اكسوجين في دوا بيتباع في الصيدليات .. علي شوية محلول معالجة الجفاف.. و اضرب في الخلاط و زيييح و بالشفا ان شاء الله !!!!!!!!!!!!!!!!!!!!!

انتوا بتتكلموا جد ....

والله حرام اللعب بمصايب الناس .. و بيع أمل وهمي للمصابين بالمرض اللعين ده .. و لأحبابهم اللي بيتعذبوا معاهم ليل و نهار ....

حرام ....

محلول معالجة الجفاف ؟؟؟؟؟

ده علي كده كريمة مختار واخدة دكتوراة من السوربون و احنا مش عارفين .....

[أمـــــل]

الاستاذ سكوربيون

اعتقد في اسلوب مهذب اكتر من كده تتكلم بيه مع ضيفة عليكم في المنتدى

اولا انا عمري 45 عام وابني في الجامعة على وشك التخرج

ولم ادخل هنا للرد الا بعد الاستئذان ولوجه الله تعالى ضيعت وقتي وكتبت الكلام دا

ليس لوجهك وليس لاضحك عليك ولا على غيرك

وانا ما قلتش ان محلول معالجة الجفاف هو العلاج ولا قلت ان الاكسجيين هو العلاج

ولكن بيفيد بدرجة كبيرة لان المادة الفعالة والدوا الحقيقي لم يتم التصريح قضائيا بتداوله بعد ليس لانه دوا غلط ابدا.. ولكن بالفعل تم تشكيل لجنة من كبار الباحثين على عقار الاستاذ مخلوف وثبت فاعليته ...

والله الذي لا اله الا هو اني لا اكدب ولم اكتب هذا الموضوع الا لاني شعرت بمرارة فقدان انسان عزيز

ولم اطلب منكم اي مقابل لكلامي وكمان طلبت منكم انكم تسألو اي طبيب في كلامي اللي انا

عرفته من الاستاذ مخلوف واللي انا مقتنعة بيه مليون في المية وعلى فكرة انا وابنائي وزوجي

بناخد جرعات من هذا الدواء كوقاية لان الدواء ليس له اي اعراض جانبيه

اما محلول معالجة الجفاف يا اخ عقرب فالمادة المطلوبة منه هي المادة المستخرجة من الليمون

واللي موجودة فيه بنسبة مناسبة .

وانا قلت اللي يحب يجربه مش هيضر شيء ولا هيتعبه في شيء واللي مش عايز انا لم اكره حد عليه

ولكن كنت اتمنى قليل من الاحترام لان من المفترض ان المتحدث عاقل ويخاطب عقلاء

امل

تم تعديل 7 أغسطس 2008 بواسطة أمـــــل

[Dr.mmfriend]

السلام عليكم ورحمه الله

اسمحولى ادلو بدلوى فى هذا الموضوع بصفتى طبيب

اولا انا مش مصدق اساسا انه واحد كيميائي يتوصل بمجرد تفكيرة كده لعلاج للسرطان

الا بقي لو ربنا فتح عليه اوى ودى اشك فيها

ثانيا كلام الاخت الفاضله امل فيه اشياء مش مفهومه

حيث انها بتقول انه قالها ان السرطان بيهاجم خلايا الاكسجين فى الجسم!!!

هيا فين خلايا الاكسجين دى اصلا؟؟

انا الى اعرفه انه الاكسجين بيحمل على هيموجلوبين الدم ولا يوجد ما يسمي خلايا الاكسجين

اذا كان السرطان بيهاجم الاكسجين فده معناه انه يهاجم الدم البشرى وده معناه موت الانسان

وهذا لا يحدث مع السرطانات

السرطان يا ساده نوعين الحميد والخبيث

والكلام بطبيعة الحال على الخبيث لانه هو الى قد يؤدى الى الوفاه

والسرطان ماهو الا نمو غير مرغوب فيه لخلايا سرطانيه غير مرغوب فيها

بتعمل مشاكل فى المكان الى بتنمو فيه

يعنى لو فى الامعاء ممكن يؤدى لانسددادها او يؤدى لنزيف حاد من وعاء دموى فيها او مضاعفات اخرى والعياذ بالله

فكيف يستطيع الاكسجين انه يصلح كل ده؟؟؟

اقصي امال الاطباء بالنسبه لسرطان انه يكون قابل للعلاج جراحيا اى يمكن استئصاله

انما الى بسمعه دى انا مش مقتنع بيه خالص

ويارب يخيب ظنونى ويطلعوا على حق ويفيدوا الناس كلها

[Dr Ayman Kamel]

السلام عليكم ورحمة الله وبركاته

اولا ان وجدت هذا الشرط وشدنى كثيرا وقراته وعلمنى عملى فى البحث العلمى ا ن انقض واقبل واشك لكى احصل على النتيجة

اولا كل الاختراعات عبارة عن فكرة تتم تحقيقها بالعمل المنظم حتى الوصول الى النتيجة وهكذا

انا قرات كلام الاخت امل وكلام الدكتور والذى لم يعجبنى فى كلام الدكتور هو ان العالم لم يتوصل الى فكرة ردع تكوين الخلايا السرطانية اود ان اضيف لسعادته ان العالم توصل الى مركب التاكسول من النباتات الطبية لعلاج السرطان او على الاصح تقليل عملية التضاعف للخلايا وهناك نباتات طبية يتم عمل ابحاث عليها لعلاج السرطان وهناك معمل فى السويد من اكبر المعامل التى تجرى التجارب على علاج السرطان

ثانيا:لابد الا نتهاون فى فكرة اى شخص لانه من الممكن ان تكون منطقية واليك التفسير التالى

من خلال قرائتى المتواضعة علمت ان السرطان عموما يكون له مسبب وانا هنا ساتكلم من ناحية الكيمياء عبارة عن تاثير ما يؤ دى الى ان الخلايا لاتستطيع التحكم فى التضاعف لديها وبالتالى التضاعف يكون اعلى من المعدل الطبيعى الى ان بصل الى تضاعف بدون تحكم ويسبب ورم هذا التضاعف قد يكون فى البنكرياس او المعدة او غيرها المهم هو التضاعف

ثالثاك مسبباته : الشوارد الكيميائية او مايسمى بالفرى راديكال ومن ناحية الكيمياء هذه الشوارد تزداد بالاكسجين وفعلا ترتبط بالاكسجين والاخت امل لم تستطيع ايضاح ذلك نظرا لعدم تخصصها لكن حضرتك متخصص وانا هاكلمك من منطلق علمك

وحيث ان الاوكسجين موجود فعلا مرتبط على الهيموجلوبين كما تفضلت مشكورا بايضاحها وبالتالى لو اضفنا اوكسجين فى مكونات الدم بالاضافى الى بافر سوليوشن وهو ملح الطعام فسوف تتجه الشوارد الكيميائية من الهيموجلوبين الى الاوكسجين الاضافى الذى من اثره ان بعمل سويتش اوف فى عملية التضاعف الخلوى

اذن الفكرة من المحتمل تطبيقها الا اذا غيرت هذه الشوارد مسارها لاى سبب من الاسباب

الحل هو عمل التجارب على فئران التجارب ثم خنازير غينيا والاقردة ثم بعد ذلك المرحلهالاخيرة تطبيقها على المتطوعين اذا نجحت تسجل

اذن انا من راييى المتواضع الفكرة نظريا صحيحة لكن امكانبة نجاحها تعتمد على التجارب

هذا هو نقدى هذا لهذا الموضوع من خلال علمى المتواضع وارحو ان اكون استطعت ان اضيف شىء ةاتمنى ان يقبل نقدى هذا بصدر رحب والسلام عبيكم ورحمة الله وبركاته

[أمـــــل]

الدكتور الفاضل Dr.mmfriend

قبل رردي هذا احب اقول اني هنا لست لتحقيق اي مصلحة شخصة ولا اعرف الاستاذ مخلوف نهائي

اللهم الا لما سافرت له واتعرفت عليه وتوسمت فيه البساطة والصدق بالاضافة الي المراسلات والمكاتبات

والاحكام اللي قرأتها عنده واللي بتثبت لي صحة اقواله ..

اسمحو لي اشك معاكم وارد علي هذه الشكوك لو فعلا الاختراع دا مش حقيقي ليه الدكتور محمد النجار استاذ الطب الشرعي طمع فيه؟ وليه حب ينسبه لنفسه؟

ثانيا دكتور Dr.mmfriend

انا ولله الحمد اجيد اللغة الانجليزية وبحثت في ابحاث كثيرة عن العلاج للسرطان بالاكسجين

ووصلت لبعضها منها هذه الصفحة اللي اتمنى ان حضرتك تطلع عليها

http://www.healingcancernaturally.com/ozon...-treatment.html

وعلى هذا ايضا

http://healthcare-research.suite101.com/ar...ancer_treatment

لانها كلها ابحاث حديثة جدا عن العلاج بالاكسجين والكل يقدر يترجمها من موقع جوجل للترجمة

هنا http://translate.google.com/translate_t?sl=en&tl=ar

بصفة حضرتك موجود في المنتدى انا بطلب من حضرتك طلب واحد بس هو انك تقول للاخوة اللي

بيقرو الموضوع دا هل الادوية اللي قلت انا عليها ممكن تسبب اي ضرر على الصحة ام لا؟؟

انا مستعدة اعطي اي اخت من اسكندرية تليفوني وعنواني وكل بياناتي لتتأكد من هويتي ومن هوية زوجي

واننا ناس عاديين وليست لنا اي مصالح ولو في حد عايش في الاسماعيلية انا مستعدة اقول له عن اسم الاسرة اللي فقدت صديقة عمري اماني لتتأكدوا اني مش بلعب بعواطف حد ولا عاوزة اي شيء من حد

وكل هدفي هو اني احاول بالمعلومات البسيطة اللي عرفتها اني اجنب ناس مرارة فقدان حبيب او غالي

بسبب هذا المرض اللعين .

وعموما النطق بالحكم سيكون يوم 20 /9 تقريبا .. وانا بدعي ربنا من اعماقي ان فعلا الدواء ينزل الاسواق ويستجيب لدعوات كثيرة بشفاء ملايين من المرضى . و ان شاء الله هتصل بالاستاذ مخلوف وهاعرف بالتحديد الموعد ومكان القضية لمن يرغب في المتابعة بنفسه

اختكم امل

[Dr Ayman Kamel]

الدكتور الفاضل Dr.mmfriend

قبل رردي هذا احب اقول اني هنا لست لتحقيق اي مصلحة شخصة ولا اعرف الاستاذ مخلوف نهائي

اللهم الا لما سافرت له واتعرفت عليه وتوسمت فيه البساطة والصدق بالاضافة الي المراسلات والمكاتبات

والاحكام اللي قرأتها عنده واللي بتثبت لي صحة اقواله ..

اسمحو لي اشك معاكم وارد علي هذه الشكوك لو فعلا الاختراع دا مش حقيقي ليه الدكتور محمد النجار استاذ الطب الشرعي طمع فيه؟ وليه حب ينسبه لنفسه؟

ثانيا دكتور Dr.mmfriend

انا ولله الحمد اجيد اللغة الانجليزية وبحثت في ابحاث كثيرة عن العلاج للسرطان بالاكسجين

ووصلت لبعضها منها هذه الصفحة اللي اتمنى ان حضرتك تطلع عليها

http://www.healingcancernaturally.com/ozon...-treatment.html

وعلى هذا ايضا

http://healthcare-research.suite101.com/ar...ancer_treatment

لانها كلها ابحاث حديثة جدا عن العلاج بالاكسجين والكل يقدر يترجمها من موقع جوجل للترجمة

هنا http://translate.google.com/translate_t?sl=en&tl=ar

بصفة حضرتك موجود في المنتدى انا بطلب من حضرتك طلب واحد بس هو انك تقول للاخوة اللي

بيقرو الموضوع دا هل الادوية اللي قلت انا عليها ممكن تسبب اي ضرر على الصحة ام لا؟؟

انا مستعدة اعطي اي اخت من اسكندرية تليفوني وعنواني وكل بياناتي لتتأكد من هويتي ومن هوية زوجي

واننا ناس عاديين وليست لنا اي مصالح ولو في حد عايش في الاسماعيلية انا مستعدة اقول له عن اسم الاسرة اللي فقدت صديقة عمري اماني لتتأكدوا اني مش بلعب بعواطف حد ولا عاوزة اي شيء من حد

وكل هدفي هو اني احاول بالمعلومات البسيطة اللي عرفتها اني اجنب ناس مرارة فقدان حبيب او غالي

بسبب هذا المرض اللعين .

وعموما النطق بالحكم سيكون يوم 20 /9 تقريبا .. وانا بدعي ربنا من اعماقي ان فعلا الدواء ينزل الاسواق ويستجيب لدعوات كثيرة بشفاء ملايين من المرضى . و ان شاء الله هتصل بالاستاذ مخلوف وهاعرف بالتحديد الموعد ومكان القضية لمن يرغب في المتابعة بنفسه

اختكم امل

اختى العزيزة امل

اننا نعلم انكى ليس لكى اى مصلحة فى هذا وان قراتى تعليقى لوجدتى انه فى صالحك وانا اعلم ان هناك ابحاث كثيرة للعلاج بالوكسجين واتمنى من اخوانى ان بكون النقد بناء وليس هدام وهو ده الفرق بين المصريينن والخارج

[Scorpion]

الفاضلة مدام أمل

اسمحي لي أولآ أن أقدم لحضرتك شديد إعتذاري لما وصل اليك من مداخلتي السابقة انه علي محمل شخصي ضد حضرتك .. و هذا كان آخر ما أرمي اليه من كلامي ...

في جملتي تلك :

والله حرام اللعب بمصايب الناس .. و بيع أمل وهمي للمصابين بالمرض اللعين ده .. و لأحبابهم اللي بيتعذبوا معاهم ليل و نهار ....

حرام ....

ما هو تحته خط استطيع أن اضمك اليه بضمير مستريح .. اما باقي مداخلتي فهي موجهة لهؤلاء الدكاترة او الكيميائيين او النصابين الذين يستغلون لهفة المرضي و اهاليهم ....

هل تتذكرين د. النجار و الفرقعة الأعلامية حول اكتشافه لعلاج "الرحمة" نفس القصة بحذافيرها حول ما يدور عليه الجدل الآن حول علاج الدكتور مخلوف ...

دكتور مثالي .. يكتشف العلاج .. و تتسابق الأمم بل و يتسابق الملوك علي تمويله او شراء حق الأكتشاف و لكنه لوطنيته و حبه لفعل الخير يرفض .. فيأتي دكتورآ آخر و يسرق اكتشافه ...

( وصلة الموضوع الذي ناقشناه سابقآ هنا في المحاورات : إكتشاف نركيبة لعلاج السرطان ... إنجاز أم عبث - )

أو الدكتور اللبناني ميشيل ... او الدكتور الأيطالي فابيو ... و أستطيع أن أضيف لحضرتك اسماء لا تحصي اعلنوا اكتشافهم لعلاج مرض السرطان وسط فرقعات اعلامية تبحث فقط عن التوزيع او رفع نسبة المشاهدة بدون التحقق من جدية الخبر.. فهذا لا يوجد في قاموسهم .. و تأتي النتيجة وقوع الباحثين عن الأمل في تلك المصيدة و تصديقهم التام لها .... دي الجرايد بتكتب عنه .. ده التليفزيزن استضافه ....

الا نتعلم أبدآ من تجارب الماضي .....

سيدتي الفاضلة ليست بالأقوال و الفرقعات الأعلامية و المقابلات التليفزيزنية يتوصل البشر الي علاج هام جدآ مماثل ... بل هناك خطوات شديدة الصرامة و تجارب لا نهاية لها .. و أخيرآ أدلة ملموسة علي نجاح مصل ما قبل أن يري النور و يعطي أملآ حقيقيآ للمرضي و أهاليهم بالشفاء منه ...أما غير ذلك فهو تلاعب بمشاعر الناس و استغلال مصائبهم مهما كان أدب الدكتور و حلو كلامه ... و أستطيع تفهم مشاعرك تمامآ لمروري شخصيآ بنفس التجربة مع عزيزآ لدي .. و التعلق بأي قشة يبدو فيها طريقآ لعلاجه ...

مرة اخري أعتذر عما وصلك من مداخلتي و الذي ما كنت أقصده اطلاقآ .. فليس من عادتي التحدث بطريقة بعيدة عن التهذيب و اللياقة مع الآخرين ...

[أمـــــل]

السلام عليكم

الدكتور ايمن الفاضل

انا اشكرك على مداخلتك المنصفة والموضوعية وانا فعلا مش عارفة

اشرح الكلام صح لاني انا خريجة كلية الاداب وطول عمر دارستي ادبية

ومش بفهم في هذه النواحي العلمية .

واحب اقول ان العقار الجديد اخد براءة اختراع بالفعل

والاستاذ مخلوف كان قد اكتشفه من عشرة اعوام

ولم تفلح محاولاته في ان تتبناه شركة من شركات الادوية

لان المشكلة كانت بينه وبين الدكتور النجار في ان الدوكتور

النجار بدل ما يتبنى الاستاذ مخلوف نسبه لنفسه هو بسبب اطماع شخصية

وبغض النظر عن لهفة المرضى يعني الصراع هو صراع بيزنيس والضحايا هم المرضى!!

الاستاذ مخلوف لم يلجأ للاعلام للفرقة ولكن لانه ضاع وسط الكبار فعلا

فلم يجد اي وسيلة غير انه يتصل بالاعلام لفضح المحاولات الرخيصة في المتاجرة بصحة المرضى

انا رحت بيت الاستاذ مخلوف وشفته وقابلته وشفت اسرته .. هم ناس بسيطة جدا وكل ركن

في بيته بيخبر عن انسان لا حول له ولا قوة كادح مثل الاف الكادحين من الشعب المصري

الراجل ليست له اي مطالب الا ان العقار ينسب له ويتم تداوله باسرع وقت لانقاذ الملايين من المرضى

الموضوع مش وهمي وانا قريت مستندات كتيرة عنده اكدت صدق كلامه

المادة الفعالة بتاعته مجربة على حيوانات ونتائجها كانت شفاء 100%

والباحثين في معهد الابحاث بالاسكندرية واللي كانو في غاية الحيادية

والنزاهة اكدوا على فاعلية العقار

الاستاذ سكوربيون اشكرك على الرد والتوضيح

والسلام عليكم ورحمة الله

امل

[Dr.mmfriend]

السلام عليكم

الاخت امل انا لم اقصد اطلاقا التشكيك فى نوايا حضرتك

انا فقط بقول انى غير مقتنع بهذا الكلام او انه فيه معلومات ناقصه في النص انا معرفهاش او مقريتش عنها لسه

عموما الادويه الى حضرتك قلتى عليها انا لا اعلم انها تسبب اضرار نتيجه استخدامها بجرعاتها المفروضه

وانا افضل اننا نترك الكلام فى هذا الموضوع للمختصين من وزارة الصحه للبت فيه

لانه لا يصح اننا نحكم على مثل هذه الاشياء فنحن لا نتملك صفه علميه ولا تنفيذيه للحكم بصحه كلام الاستاذ مخلوف او عدمه

خلونا ننتظر الحكم

والسلام عليكم

[Dr Ayman Kamel]

السلام عليكم

الاخت امل انا لم اقصد اطلاقا التشكيك فى نوايا حضرتك

انا فقط بقول انى غير مقتنع بهذا الكلام او انه فيه معلومات ناقصه في النص انا معرفهاش او مقريتش عنها لسه

عموما الادويه الى حضرتك قلتى عليها انا لا اعلم انها تسبب اضرار نتيجه استخدامها بجرعاتها المفروضه

وانا افضل اننا نترك الكلام فى هذا الموضوع للمختصين من وزارة الصحه للبت فيه

لانه لا يصح اننا نحكم على مثل هذه الاشياء فنحن لا نتملك صفه علميه ولا تنفيذيه للحكم بصحه كلام الاستاذ مخلوف او عدمه

خلونا ننتظر الحكم

والسلام عليكم

الاخ العزيز الدكتور م فريند والاخت العزيزه الاستاذة امل

اولا شكرا جزيلا للاستاذة امل

اما الدكتور فانا اشكرة جزبلا على مداخلته وارجو ان يتقبل نقدى بصدر رحب واخيرا وليس باخر المصرى هو المصرى والله ان المصرى افضل شخص بدليل انا عندما كنت بالخارج كنت الاحظ ان الاوائل من المصريين ويارب دائما

[hodhud]

الأخوة الكرام والأخت أمل

هل هناك جديد فى هذا الموضوع برجاء الإفادة ولكم منى خالص الشكر