عصير قصب معلب و بنفس جودة الطازج

[عادل أبوزيد]

أنا من عشاق عصير القصب و أستطيع أن ألمح محل العصير عندما يبدأ في العصير و في ظروف اطلب اتنين عصير

ما سبق كان استهلالا لابد منه

و أنا لست ك أي شريب للعصير فأنا من قرية الحسايبة التي تتبع ديرمواس الشهيرة بالعسل الاسود الذي هو عصير قصب مغلي و مغلي و مغلي حتى صار عسلا و في عصارة القصب ( مصنع العسل ) يتم عصير القصب باللبشة يعني حوالي ثلاثين عود في المرة و باستمرار. و يسيل العصير في قنوات تصب في قزانات يوقد تحتها النار . . .ييه . . أيام

قرأت اليوم خبر براءة اختراع تعليب عصير القصب و فرحت به للغاية و أتصوره خبر مفرح لكل المصريين. في مصر و خارجها

الخبر اليوم في جريدة الاهرام و لكني لم اتمكن من نقل الموضوع رابط الموضوع http://www.ahram.org.eg/Medicine-Science/News/193669.aspx

[متعب]

ههههههههههههههه

القصب يتمص ياسيد عادل مش ينشرب

اعتقد كده يعنى

ليه بقى اولا افضل صحيا انه يتمص لانك انته ال بتختار تمص ايه منه وترمى ايه منه

لكن العصارة بتعصر كله فى بعضه بديدانه بحشراته بسوسه بامراضه التى تصيبه ك اى زرع بيصيب به اى امراض

فطبعا فى مكن العصير هيقلب كل ده مع بعضه للاغراض تجاريه وهنضيف على ده كمان انهم هيضيفوا عليه مواد حافظه عشان يحفظه من العفن

والمواد الحافظه دى صحيح بتتحط بنسب عليه بس خطرة جدا على الانسان والمعده واعتقد ان ده شىء مش صحى تماما

[عادل أبوزيد]

الفاضل متعب لم تخطر على بالي مسألة احتمال تلوث القصب اثناء عصره هنا في القاهرة لانه من المعلوم ان صاحب محل عصير القصب يقوم بتقشير جزئي للقصب قبل عصره و الا اصبح لون العصير داكن

ما سبق كان استهلالا لابد منه

انا شخصيا في القاهرة اتلمس اي محل عصير قصب و اشرب اما حكاية مص القصب. فيوجد في محلات زى مترو يوجد بها القصب مقشر و مقطع و مغلف في اطباق بلاستيك و لكنها مرتفعة الثمن. مثلها مثل كل الخضروات المتاحة جاهزة للطبيخ.

من التعليقات على خبر الاهرام يتضح ان انتاج عصير قصب معلب ليس خبرا جديدا عند المصريين الموجودين في الخارج او على الاقل الموجودين في المنطقة العربية.

[متعب]

مهو السوس والامراض ال بتصيب القصب مش بتكون فى القشر الخارجى . بتكون فى القصب نفسه من الداخل ال بيتم عصره

واستحاله طبعا بتاع القصب يرمى القصب المصاب او ال بيه ديدان او سوس لانه كله بيروح فى العصير

والمسئله هنا ماديه بحته مش انسانيه خالص

لان مطلوب منه ايجار للمحل واجور عمال وكهرباء وضرايب وتامينات وشله الحرميه دول

فمجبر اخاك لابطل