«الإخوان» لجأت إلى «العريفى والقرنى» تلميذَى «قطب» لتجميل وجهها «المحروق»

[herohero]

«الإخوان» لجأت إلى «العريفى والقرنى» تلميذَى «قطب» لتجميل وجهها «المحروق»

كشف الشيخ محمد سعيد رسلان، أحد رموز دعاة التيار السلفى، عن خطة «الإخوان المسلمين» لتجميل وجهها المحروق، حسب وصفه، من خلال استقدام وجوه سلفية من الخارج، تابعين للفكر «القطبى»، للتأكيد على دور مصر القيادى وفضلها على الأمتين العربية والإسلامية، ومن هؤلاء الشيخان عائض القرنى ومحمد العريفى، وهما تلميذا الشيخ محمد قطب، شقيق «سيد قطب».

وتوقع «رسلان» استقدام شيوخ قطبيين آخرين، مضيفاً: تلك الوجوه الإخوانية مدعية السلفية، بما فيها محمد حسان، تفتق ذهنهم عن حيلة أوحت لهم بها «شياطينهم»، وهى استقدام وجوه غير «محروقة»، معتبراً أن خطبة «العريفى» فى السعودية عن فضل مصر ليست عفوية، فاللجان الإلكترونية لـ«الجماعة» طارت بها فرحاً، ونشرتها فى كل مكان، وتسربت للقنوات الفضائية، وأذاعها كل مقدمى البرامج، بطريقة تثير الشك فى عفويتها، مؤكداً أنه قريباً سيأتى الباقون، أمثال «سلمان العودة وسفر الحوالى».

كان الداعية السعودى محمد العريفى، خطب الجمعة أمس بجامع عمرو بن العاص، داعياً القوى الوطنية والإسلامية فى مصر لتوحيد الصف، محذراً من التنافس على الدنيا والمناصب، وإهمال الدعوة والعلم، وعاتب المستثمرين العرب قائلاً: «أهلنا فى مصر أولى الناس بأموالنا من بنوك سويسرا وأمريكا وبريطانيا».

من جهة أخرى، وصف الشيخ ياسر برهامى، فى خطبة الجمعة بمسجد الصحابة بالإسماعيلية، معارضى التيار الإسلامى بالمخربين، فيما طرد أتباعه الصحفيين. وقال إن الدستور أصبح أمراً واقعاً. واتهم القوى المناهضة للتيار الإسلامى بأنها تهدف لتدمير الوطن وتقسيم البلاد لتحقيق مآرب شخصية.

وأدى الرئيس محمد مرسى صلاة الجمعة أمس، فى مسجد الفاروق بالتجمع الخامس، وسط إجراءات أمنية مشددة. وللمرة الأولى رفض أمن الرئاسة دخول مصورى الصحف ووسائل الإعلام المسجد لتصوير الرئيس، بينما وجدت عربات الشرطة أمام المسجد. ورفض الرئيس إلقاء كلمة بعد الصلاة، وناداه أحد المصلين قائلاً: «المعتقلين فى السعودية يا ريس» بينما طلب آخر 5 دقائق ليشكو أزمته، ولكن الحرس رفض فأعطى الرئيسَ ورقة بالشكوى.

----------------------------------------------------------------------------

نقلا عن جريدة الوطن الطبعة الالكترونية

http://www.elwatannews.com/news/details/111860

-------------------------------------------------------------------------

أحمدك يارب كنت منتظرمثل هذا النشر والحمد لله ف خلال 6ساعات كان رد جريدة الوطن جاهز ع خطبة العريفي اليوم الجعة

[melegy]

وهو العريفى ده هيجمّل حاجة!

الإخوان لايصين بيهبلوا فى اى حاجة

[الدكتور ياسر]

بدأت الحرب الاعلامية الفاسدة ضد هؤلاء الأفاضل المحبين لمصر , والله ما تكلموا الا في حب مصر

لم يدعموا تيارا أو حزبا , بل كل كلامهم عن مكانة مصر ودورها الرائد قديما وحديثا

ومكانتها التى ذكرها الله في القرءان و ذكرها نبيه صلى الله عليه وسلم في الحديث ..

كنت متأكدا من صدور تلك التصريحات ضدهم , ولو بقى العريفي أسبوعا أكثر في مصر سيصفوه

هو الآخر بالمتأسلم والمتاجر بالدين ..

حسبنا الله ونعم الوكيل ..

اللهم إنى أشهدك أنى أحب هؤلاء الأفاضل في الله ..

[herohero]

وهو العريفى ده هيجمّل حاجة!

الإخوان لايصين بيهبلوا فى اى حاجة

هو اسمه الدكتور العريفي !!!!!

والراجل مقلش حاجه غلط ولا خص الاخوان بشئ كل اللي فيها انه طلب ان الناس تتوحد ولم يتبع اسلوب الاعلام ف النواح والبكا فطبعا ده مايعجبش جريدة الوطن

[eslam elmasre]

الشيخ العريفي ليس بساذج ان يقحم نفسه في امر ليس من شأنه

الامور السياسية امر يخص المصريين وهو شأن داخلي يخصهم فقط لاغير

لذلك كان حديث الرجل عن مصر وليس عن الاخوان لذلك نثني عليه ونمدحه ونقول له شكرا ان ذكرت مصر بخير وشعب مصر لا ينسى المحترمين وانت رجل محترم بحق

[متعب]

[همسة الغامدي]

كل أناء بمافيه (ينضح)....

بدوي الصحراء قد نطق بماتربى عليه ...

وكائن التحضرقد نطق بماتشربه من مدنيته

فهنيئا لكل مؤيد (ارثه) الثقافي

تم تعديل 11 يناير 2013 بواسطة همس

[melegy]

وهو العريفى ده هيجمّل حاجة!

الإخوان لايصين بيهبلوا فى اى حاجة

هو اسمه الدكتور العريفي !!!!!

والراجل مقلش حاجه غلط ولا خص الاخوان بشئ كل اللي فيها انه طلب ان الناس تتوحد ولم يتبع اسلوب الاعلام ف النواح والبكا فطبعا ده مايعجبش جريدة الوطن

إسمه فى البطاقة الدكتور؟ :) امه خلفته وسمته الدكتور؟

لأ هو من ناحية بكا وعمل نواح فهو بكا وعمل شحاته كمان على حسها

لولا انى مبحبش الطريقة كنت جبت لك فيديوهات لفتاوى العريفى من قبيل عدم جواز البنت تقعد ئدام أبوها فى خلوة لوحدهما يعنى، وكلامه ان عن زواج القاصرات وان مفيش سن محدد لزواج البنت، ونفاقه لبشار قبل الثورة

ممكن تبحث عنها

إنت بقى عايز تقتنع بيه وتقدس سيادة الدكتور عشان كلمتين حلوين قالهم وقلبك مستحملش فبراحتك

لكن انا شايفه أفّاق منافق

[herohero]

أستاذ مليجي انا عارف اللي هتقوله ومعروف حكاية البنت وهقولك هات لي كمان الفيديو بتاع الخمر اللي كان بيهديها الرسول وعارف كل المواضيع ده انا للاسف أعرف الدكتور العريفي من قبل ما يجي مصر وحضرت له ف مسجد البواردي ف الرياض قبل كده وكل اللي بقوله انا بحب ادي لكل واحد حقه

انا مهندس يتقالي واقول لغيري بلقبه وهو حاصل ع الدكتوراة فيقال له دكتور

هل حضرتك كنت هتقول عمرو حمزاوي ده ولا البرادعي ده !!!!!

واللهي انا بتفق او بختلف ف الراي السياسي بس بقول الدكتور عمرو حمزاوي او الدكتور البرادعي

وانا لا بقدس الدكتور العريفي ولا حاجه والراجل ولا شحت علينا ولاحاجه هو احنا لما حد يقول الحقيقة ويذكر أفضال مصر نزعل !!!!ولو مكنش نقول هم نسيوا الخليجين احنا اللي علناهم واحنا اللي عملنا

عجبت للمصري فعلا

[متعب]

انا ال غايظنى بس ازاى يدخلوا الصعلوك ده جامع عمر بن العاص

ده المفروض كان خطب فى معبد يهودى مش مسجد من مساجد المسلمين

ده يعتبر تعدى على العقيده الاسلاميه

[herohero]

بدأت الحرب الاعلامية الفاسدة ضد هؤلاء الأفاضل المحبين لمصر , والله ما تكلموا الا في حب مصر

لم يدعموا تيارا أو حزبا , بل كل كلامهم عن مكانة مصر ودورها الرائد قديما وحديثا

ومكانتها التى ذكرها الله في القرءان و ذكرها نبيه صلى الله عليه وسلم في الحديث ..

كنت متأكدا من صدور تلك التصريحات ضدهم , ولو بقى العريفي أسبوعا أكثر في مصر سيصفوه

هو الآخر بالمتأسلم والمتاجر بالدين ..

حسبنا الله ونعم الوكيل ..

اللهم إنى أشهدك أنى أحب هؤلاء الأفاضل في الله ..

ولسه يادكتور هتلاقي اليومين دول فيديوهات للدكتور العريفي ويقولك ده له آراء ان البنت السعودية لاتشارك ف الالعاب الرياضية وشوية يقولك ده مع زواج البنات دون تحديد سن وهتلاقي حاجات كثيرة

طب ليه لم يقال هذا الكلام قبل كدة ؟؟؟؟مع اننا عارفينه لكن كل اللي فيها ان الراجل قال كلام مش ع المزاج

انما اللي قال ان اقتصاد مصر بيقع ومحدش يجي يستثمر فيه كان راجل كويس هو الراجل قال كلمتين حلوين بيشجع الناس ياجماعة يبقى جزائه الحملة اللي هيتعرض لها دلوقت

ف انتظار باسم يوسف

[eslam elmasre]

وهو العريفى ده هيجمّل حاجة!

الإخوان لايصين بيهبلوا فى اى حاجة

هو اسمه الدكتور العريفي !!!!!

والراجل مقلش حاجه غلط ولا خص الاخوان بشئ كل اللي فيها انه طلب ان الناس تتوحد ولم يتبع اسلوب الاعلام ف النواح والبكا فطبعا ده مايعجبش جريدة الوطن

إسمه فى البطاقة الدكتور؟ :) امه خلفته وسمته الدكتور؟

لأ هو من ناحية بكا وعمل نواح فهو بكا وعمل شحاته كمان على حسها

لولا انى مبحبش الطريقة كنت جبت لك فيديوهات لفتاوى العريفى من قبيل عدم جواز البنت تقعد ئدام أبوها فى خلوة لوحدهما يعنى، وكلامه ان عن زواج القاصرات وان مفيش سن محدد لزواج البنت، ونفاقه لبشار قبل الثورة

ممكن تبحث عنها

إنت بقى عايز تقتنع بيه وتقدس سيادة الدكتور عشان كلمتين حلوين قالهم وقلبك مستحملش فبراحتك

لكن انا شايفه أفّاق منافق

نحن الان نحكم على ما فعله الرجل وما قاله في حق مصر ولنا ان نعطيه حقه

اما عندما يتعرض الموضوع لنقاش فتاويه فهنا لن نقبلها الا اذا اتى بادلته وسنشجبها اذا كانت تخالف احكام الاسلام بكل بساطة

[melegy]

أستاذ مليجي انا عارف اللي هتقوله ومعروف حكاية البنت وهقولك هات لي كمان الفيديو بتاع الخمر اللي كان بيهديها الرسول وعارف كل المواضيع ده انا للاسف أعرف الدكتور العريفي من قبل ما يجي مصر وحضرت له ف مسجد البواردي ف الرياض قبل كده وكل اللي بقوله انا بحب ادي لكل واحد حقه

انا مهندس يتقالي واقول لغيري بلقبه وهو حاصل ع الدكتوراة فيقال له دكتور

هل حضرتك كنت هتقول عمرو حمزاوي ده ولا البرادعي ده !!!!!

واللهي انا بتفق او بختلف ف الراي السياسي بس بقول الدكتور عمرو حمزاوي او الدكتور البرادعي

وانا لا بقدس الدكتور العريفي ولا حاجه والراجل ولا شحت علينا ولاحاجه هو احنا لما حد يقول الحقيقة ويذكر أفضال مصر نزعل !!!!ولو مكنش نقول هم نسيوا الخليجين احنا اللي علناهم واحنا اللي عملنا

عجبت للمصري فعلا

غريب ولما انت عارف كلام العريفى مش قادر تقيّم عقليته إزاى؟ ولا عشان ضحك علينا بكلمتين ننسى انه المفروض يروح يتعالج بسببها

ثم ياسيدى العزيز انا لما بتكلم عن البرادعى ولا غيره بتكلم من غير ألقاب

خصوصا شخص زى العريفى زى ده

واضح انك متأثر بمسالة الخليج اللى ذكرتها فى آخر كلامك، ودى النقطة اللى بتبنى عليها رأيك فى العريفى، عشان كده بتدافع عن أهل الخليج وعايز تثبت حاجة بدفاعك عنه

بس احب أقولك ان دفاعك ده لا يثبت شيئ لأن العريفى لا يمثل الخليج

تم تعديل 11 يناير 2013 بواسطة melegy

[herohero]

خلاص يا استاذ المليجي الخليج سئ وشرير والدكتور العريفيي سئ وشرير

والناس اللي بتسود الدنيا وبتدعوا للتفرق هي الناس اللي زي الفل واللي راح قال ان لاتستثمروا ف مصر دول ناس وطنيين

وهقولك اللي هربوا فلوس بره مصر وطنيين

وفعلا الدكتور العريف او عائض القرني غلطوا انهم حبوا فكروا الجيل الجديد ف بلادهم بمصر وافضالها وفعلا زي ماقولت هم بيضحكوا علينا بكلمتين

وناس تستاهل مننا اننا نقول لهم امشوا انتوا كذابين

فعلا العريفي منافق لما ف مسجد البواردي اتكلم عن مصر وافضالها ف الرياض امام السعوديين

ياترى حضرتك لو كان جه مطرب زي وديع الصافي ولا لطيفة ولا اي مطرب غير مصري غنى أغنية لمصر كان هيكون رد فعل الاعلام ايه ؟؟؟؟؟؟

تم تعديل 11 يناير 2013 بواسطة herohero

[melegy]

نحن الان نحكم على ما فعله الرجل وما قاله في حق مصر ولنا ان نعطيه حقه

اما عندما يتعرض الموضوع لنقاش فتاويه فهنا لن نقبلها الا اذا اتى بادلته وسنشجبها اذا كانت تخالف احكام الاسلام بكل بساطة

المشكلة مش فى ان فتاويه تخالف الإسلام أم لأ

المشكلة انها لما تخرج من شخص ما فهو لا يعتبر محل ثقة

حتى لو شكر فى مصر واهلها وفضائلها!

[melegy]

خلاص يا استاذ المليجي الخليج سئ وشرير والدكتور العريفيي سئ وشرير

والناس اللي بتسود الدنيا وبتدعوا للتفرق هي الناس اللي زي الفل واللي راح قال ان لاتستثمروا ف مصر دول ناس وطنيين

وهقولك اللي هربوا فلوس بره مصر وطنيين

وفعلا الدكتور العريف او عائض القرني غلطوا انهم حبوا فكروا الجيل الجديد ف بلادهم بمصر وافضالها وفعلا زي ماقولت هم بيضحكوا علينا بكلمتين

وناس تستاهل مننا اننا نقول لهم امشوا انتوا كذابين

بتتكلم كده ليه .. انت بتقلب الطرابيزة ليه!

بلاش اسلوب الشوشرة ده لان منموش فايدة

ومش هنطلع منه بأى قناعة لأى شيئ

[herohero]

استاذ مليجي العريفي أخطأ فعلا وعائض القرني

اهو شيلت كلمة دكتور عشان ماتزعلش

تم تعديل 11 يناير 2013 بواسطة herohero

[eslam elmasre]

نحن الان نحكم على ما فعله الرجل وما قاله في حق مصر ولنا ان نعطيه حقه

اما عندما يتعرض الموضوع لنقاش فتاويه فهنا لن نقبلها الا اذا اتى بادلته وسنشجبها اذا كانت تخالف احكام الاسلام بكل بساطة

المشكلة مش فى ان فتاويه تخالف الإسلام أم لأ

المشكلة انها لما تخرج من شخص ما فهو لا يعتبر محل ثقة

حتى لو شكر فى مصر واهلها وفضائلها!

هو حضرتك بتاخد الناس باكيدج

ولا ناخد منه الحلو ونرفض منه السيء

انا مش شايف ان اللي عمله العريفي في الموضوع ده شيء وحش

لكن لما اشوف منه وحش مش هاسكت وهاقوله ده وحش منك

ياريت نفرق

[herohero]

نحن الان نحكم على ما فعله الرجل وما قاله في حق مصر ولنا ان نعطيه حقه

اما عندما يتعرض الموضوع لنقاش فتاويه فهنا لن نقبلها الا اذا اتى بادلته وسنشجبها اذا كانت تخالف احكام الاسلام بكل بساطة

المشكلة مش فى ان فتاويه تخالف الإسلام أم لأ

المشكلة انها لما تخرج من شخص ما فهو لا يعتبر محل ثقة

حتى لو شكر فى مصر واهلها وفضائلها!

هو حضرتك بتاخد الناس باكيدج

ولا ناخد منه الحلو ونرفض منه السيء

انا مش شايف ان اللي عمله العريفي في الموضوع ده شيء وحش

لكن لما اشوف منه وحش مش هاسكت وهاقوله ده وحش منك

ياريت نفرق

الدكتور العريفي بلحية وعائض القرني يبقى أكيد غلط يا استاذ اسلام وكان الاخوة الافاضل مش عارفين ان الوهابيين والسعودية عموما مش بتطيق الاخوان وباعتراف الامير تركي الفيصل ان المصريين بلونا بالاخوان وخلو شبابنا يدخل ف قصه تنظيم القاعدة ف افغانستان ايام حرب السوفييت

وحتى دراما المصرية مسلسل الجماعة من تألف وحيد حامد رفض حسن البنا الذهاب للسعودية والاستفادة من دعم السعودية وقت الملك عبد العزيز

يعني ماسمعتش ان السعوديين الوهابيين او المطوعين بالبلدي يعني بيحبوا الفكر الاخواني

انما الفكر الاخواني منتشر مثلا ف الكويت ويمثله جمعية الاصلاح

انما الخلاصة مادام واحد بلحية ولم يسود الصورة ودعا لوحدة ابناء مصر ودعا للعمل يبقى شخص سئ وشريييييييييييييييييييير

ف انتظار الدكتور باسم يوسف يلا اما ف حلقة اليوم او الاسبوع القادم ماتنساش تتريق ع الدكتور العريفي او عائض القرني

تم تعديل 11 يناير 2013 بواسطة herohero

[متعب]

انا عاوز افهم بس الاول هو العريفى ده ولا القرني دول صفتهم ايه اصلا يعنى

والضجه الكبيره دى انهم قالوا وعادوا دى ليه اصلا

ايه الصفه الرسميه ليهم يعنى . سفراء دول ولا ايه بالظبط