مريت بيوم نحس قبل كدا؟ .. شوف الأول وبعدين رد

[عصام]

[عصام]

[عصام]

لسه مصر إن كان يومك نحس ..؟ h):

[lالمطحون]

اوالله انا فاكر يوم كان انيل من كده كنا لسه طلبه صغيرين فى اول كلية الطب واتفقنا انا ومجموعه من اعز اصحابنا للسفر للاسكندريهوكان من حسن الحظ ان معانا اتنين من صحابنا بركه تماما المهم اتجمعنا الفجر فى حدايق القبه واستنينا بعضنا المهم شويه جم وشويه اتاخروا المهم اتجمعنا بالعافيه وقولنا ناخد بيجو ورحنا وركبنا وبعدين السواق وهو طالع جه سواق تانى وقاله الطريق كله شبوره وحوادث الراجل زرجن ونزلنا قولنا نروح نركب القطار وفعلا روحنا وركبنا قطر اسكندريه وقاعديين بنغنى وفرحانيين جه مامور القطار وقال يالله يافنديه القطر مش طالع -------ليه مش عارفيين المهم طلعنا قطر تانى وقعدنا شويه والقينا القطر الاولانى بيمشى وجه مامور تانى وقال خلاص ده مش طالع والاولانى هو اللى هيطلع وخدنا الشنط وجرينا على القر وهو ماشى ولحسن الحظ لحقناه ..................على فكره دى البدايه والتقل قوى جاى بعد كده

[lالمطحون]

المهم وصلنا وبعدين خدنا اتوبيس لسيدى بشر ورحنا لشقة واحد صاحبنا ومعانا المفتاح وايه اللى حصل ------------ حطينا المفتاح فى الباب مبيفتحش فى ايه ياجماعه ---- وقعدنا نخبط زى المجانين وبعدين طلع لنا جار من الشقه وقال لنا اييييييييييييييييييييييه ان الشقه منتلت ايام حصل فيها حريقه واتكسر الباب واتغير الكالون الظريف ان زميلنا صاحب الشقه من الناس اللى مجوش معانا وجه فى عربية واحد صاحبنا وقعدنا نستنى وهنموت من التعب بقالنا يومين سهرانيين بلا نوم ومعناش فلوس طرزانى يعنى ------- ومن الطرائف ندخل ننام فين فى الجامع نلاقى شحط يقومن قوم يافندى منك له ده بيت الله مش لوكانده ------- نروح فى حديقه جنب البيت نريح نلاقى بغل جاى يرش ميه علينا ويمشينا ------ واستنينا صاحبنا صاحب الشقه وعرفنا انه راح المعموره مع زميلنا التانى وطبعا رمى اهلنا مش معانا مفتاح

[c'est la vie]

والله كان يوم حسيت ان انا اللي نحس فيها, كنت باتدرب في جريدة الاهرام وكان النشاط الوحيد اللي بعمله هو انى استمع لمحاضرات الساده الصحفيين هناك, كانت مفيده فعلاً , لكنى اقنعت نفسي بأن عبقريتى ستشرق في هذا المكان rs: , وان حد هيكتشف مواهبي المكنونه , نهايته حصل في الامور امور وشاءت الظروف ان تضعنى القرعه للذهاب لمجلة الشباب اللي كان فيها الاستاذ عبد الوهاب مطاوع ...انا قلت خلاص الدنيا ضحكتتتلى وعملت بحث صحفي وقولت لازم اثبت نفسي وروحت قريت كتب في الاعلام والمقالات والصحافه وعشت في الدوور , ويم المقابله نزلت من النجمه وروحت الاهرام في شارع الجلاء ..لا حظت ان الستات لابسين اسود , بس مافكرتش..واذا بالمفاجأه الذي ألجمت لسانى الاستاذ عبد الوهاب مطاوع توفي , يانهار , وحسيت ان أنا السبب , أنا نحس :(

وبعدها اتخانقت مع بتاع الأمن وانهارت جداً وصعبت عليا نفسي وقولت لروحى بلاها الصحافه وبلاها الاهرام وبلاها كتابه rs: وبطلت اشترى الاهرام لفتره لأنى شيلت من نفسي أوى ساعتها rs: